神戶屋日韓放題

营业中

休息中

一家人去旺角行下街到差唔多時間諗住搵d 野食下。行到去間鋪樓下有個staff 比左一堆leaflet 我地，又話唔洗訂座，開一開openrice 見都多like 就上黎試下。上到黎環境有d 暗，座位之間好窄，咁香港地方，鋪租貴呢d 就算啦。一開始上左輪刺身，老實講，第一輪嘅刺身d 蝦係唔差嘅，但係八爪魚刺身衰過擦紙膠。第二輪全部刺身都係垃圾，真係停曬手天婦羅個炸粉做得差，又厚，入面舊野係完全冇味，不論係蝦，南瓜，定冬菇都係完全冇味！個邊爐湯底同水冇分別，邊爐d 野食不論寫幾多，寫左咩野，出到黎都係三片牛一堆唔新鮮嘅菜。見有茶碗蒸就試一試，點知好似發現新世界咁，原來蛋係可以有咁高嘅密度，超硬！個羊架落d 唔知咩垃圾汁，勁難食。燒蝦係梅嘅。整體黎講，佢比番錢我都唔黎食。

呢日心癮又起，好想食放題，於是又約齊班朋友去狂食先! 食放題就緊係要食刺身啦! 先嚟一個海膽刺身，海膽都幾鮮味，放入口中溶化晒，刺身類別都有很多種，有三文魚、甜蝦、松葉蟹鉗、泰式生蝦、松葉蟹棒、厚燒玉子、珍寶帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身。刺身類別都算新鮮好味，而上桌時間也很快，我同朋友食咗幾轉!清酒煮蜆味道都唔錯，清清地之餘帶有少量酒香。炒蜆夠晒入味，豉汁好惹味，亦帶出蜆肉嘅鮮味。牛肉鍋嘅牛肉肥美， 牛味香濃，一啲都不肥膩燒蝦食落有蝦味，質素都唔錯天婦羅唔會好油，薄薄一層粉漿剛好食完咁多肉，就食返啲沙律中和吓。一次愉快既用餐體驗。

今日黎開呢附近番工，所以個lunch自然都會係番呢邊，就諗住求求其其搵一間,填飽個肚就算數啦,所以經過見到呢間，就直接入坐環境都唔錯，寬闊，服務都幾好，多耶選，刺身類別都有很多種，有三文魚、甜蝦、松葉蟹鉗、生蝦、蟹棒、厚燒玉子、帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身等等。我選左壽司卷：蟹柳，和牛，牛油果軟殻蟹同炸蝦。整體味道都唔錯，而當中和牛就特別出色，因為佢味道相對比較重，唔會比白飯遮蓋。一間都算係水平上，而且上菜速度快，職員態度都幾有善，如果甜品種類再多啲就好啦

見做緊優惠，而且見咁 多 好 評，所以約埋班friends來這裡食（8/F）。首先環境非常擠迫，椅背與椅背之間都大慨有一隻手掌既空間。香港人善於利用空間、加上租金高昂，也不奢求有舒適的空間，7人坐6人枱 (沒有主席位) 也都勉強接受，心想只要食物好就得了。一來叫了刺身、壽司等，見很多人都讚佢地既刺身新鮮，所以都選了不同款式的，誰知甜蝦不甜，是腥的，象拔蚌、帶子、蝦也不鮮甜。另外忘了叫了那款蝦壽司，也是腥的，超級腥，忍不住吐了出來。熟食方面所有熱炒都只有一種味，就是咸，唔知廚師有沒有試過味調過味，重味到難以接受，幸好多款飲品都是任飲，緩解一下。天婦羅...第一轉正常，是正常，沒有特別想讚的地方，唔....如要說的話，唯一要讚佢唔咸囉，同埋佢地都好識趣，唔上天婦羅汁，驚我地又覺得咸掛。第2轉天婦羅，南瓜好油，其他都正常。朋友點了生果，食了西瓜，咬了一口臉色突變，立刻吐了出來，嗯...可以不用再點了。甜品方面，我們坐得好入，我地以為只有一個雪櫃有甜品，見有獨立包裝單粒雪米糍，豆腐花，同幾款自家製的啫喱杯仔，只食了雪米糍之後走了，去到門口才知道有雪條櫃，店員好好咁俾我地每人拎一條，雪條櫃大多都

上星期個朋友係外國翻黎，一路話要食放題，仲話記得兆萬果邊有好多間，我地係下面見倒神戶屋個職員派咗張宣傳單張，就上咗去試下。刺身新鮮味美，而且份量好足好準確。最重要既係個串燒同火鍋，我地都食到停唔倒口。我地嗌咗個鐵板一口和牛粒，嚟到既時候鐵板仲係「嗞嗞」聲，和牛粒散發既香氣不斷地係空中綻放。一咬落去，和牛粒既肉汁係口入面爆發，衝擊住每一個味蕾。師傅烹調既功駕亦表露無遺，和牛粒預先調味，而且恰到好處，唔會太咸，跟住師傅解凍既時間同鐵板的熱度都配合得天衣無縫，火熱既鐵板將肉汁盡量鎖住，室温令牛粒迅速降温，趁熱食就唔會好韌，所以個牛粒一放係枱度，我地就即刻放入口。呢種幸福既感覺，相信大家都會感受到。呢個時候，神戶屋既侍應都好體貼，主動咁行過黎為我地送上熱水，等我地可以清一清味覺。跟住，再黎多個日式即燒牛舌，厚厚嘅牛舌以鹽燒嘅方法炮製，值得一提既係師傅每次都唔會有落好多油，我地叫咗五輪，水準都一直高企，食落去絕對無果種成口油既感覺。相反，牛舌啱啱好熟透，配上香料同鹽等黃金比例調味，食咗一舊之後再食另外一舊，都唔會覺得好膩同麻木，味覺仲好清醒，等待住下一舊嘅來臨。所以，我自己本身都鍾意食牛舌，亦強

旺角放題選擇好多今次試吓呢間神戶屋 結果有驚喜呢度嘅刺身種類比一般嘅放題餐廳多有三文魚 甜蝦 松葉蟹鉗 珍寶帶子 象拔蚌巨型甜蝦 天使蝦等等等等一坐低我哋就點左刺身拼盤刺身都幾新鮮 個人推薦三文魚同甜蝦帶子亦都不錯 放題餐廳來講質素算高韓式芝士部隊鍋好足料佢真係會比個Gas爐 然後入面有齊晒平時食部隊鍋嘅材料然後自己落辛辣麵加埋濃濃香香嘅芝士 好正總括嚟講 呢間餐廳真心唔錯送餐速度快 漏單情況亦都好少基本上放題講得出嘅嘢食呢度都有下次要留定肚再嚟食過😆😆😆😆😆

本人好少寫食評，最主要係⋯⋯⋯懶，但今次實在太伏，幾懶都要激起我條根😡😡見到咁多好平，諗住有打手都唔會有咁多，同朋友試下呢間。苑先，刺身入面除左特大果隻蝦、帶子同仍鮑片係食得下，其他全部都唔掂😓😓象拔蚌唔好話鮮味，眼直一啲味都冇。啲葉盤一啲都唔熱，個心仲係暖。個侍應解釋，因為樓面唔夠人，廚房整咗啲嘢唔可以即時出，所以唔夠熱。同佢講完之後就俾返一啲好似定叮番熱既比你。熱食入面除咗番薯仔同燒菠蘿真係諗唔到有咩好食，呢哋實數嘅放題，真係唔會有第二次👎👎唔明點解會有咁多like

今日6點半去到，早一星期已經book左位，去到見到間店真係好細，佢比左張四人枱我地，但係已經有對情侶食緊，職員話book左都係要搭枱，3唔識7 黐到咁埋，仲係食放題，d嘢食放響邊？我地立刻走人唔食……伏

早幾日已經訂左位同朋友食放題、去到個reception 話有檯埋緊單、等多陣好快有、過左大概20分鐘眼見已經入左好多大檯、連遲過我地wall in既客都入座了、再問佢還要等幾耐！今次個reception 就同我地講九樓是分店，上去即時有位，食物仲一樣！我地再三確認都話食物一樣！甘就上九樓，門口已經超多人、九樓員工話我地要等！甘我地訂檯黎做乜阿？？個刻覺得比人呃左！到入到去點菜，菜單上既野食同八樓既野食係吾同架！仲要黎到既刺身生蠔完全吾新鮮！難食到震！除左飲品之外、伏到一個點！比錢買難受😣呢個價錢有好多更好的選擇！

預早左兩日訂位，去到佢就俾咗幾張點餐紙我哋，叫我地揀住嘢食先好快就會有。等大半個鐘，仲未有位，見到佢不停放嗰啲多人枱入去，但係我哋兩個人就一路都入唔到。我哋期間隔15分鐘就問好聲好氣走去問個reception仲要等幾耐，佢就話仲要等落去。結果問咗兩三次，我同我朋友影等到好唔耐煩問佢幾時先有枱，佢就同我地講話不如上9樓啦， 9樓都係我哋嘅分店，上去即刻有位唔駛等，而且食嘅嘢都係一樣。我同我個friend諗住如果佢話上去都一樣咁，食邊間都無所謂啦。之後已經越來越多人，我哋再三確認問佢係咪想到去就立即有位，食嘅嘢係唔係一模一樣。佢仲好大聲咁答我哋係馬上有位，食嘅嘢一模一樣。上到去啲人又係亂咁企，又係話冇位入唔到去。要再等枱。我哋兩個人完全係呆左。入到去之後睇到佢哋嗰啲餐牌完全食嘅嘢同8樓係唔一樣嘅，啲嘢食嚟到之後完全係唔想食，因為極度唔吸引。伏到阿媽都唔認得。首先我想講係如果訂餐券嘅人或者訂枱嘅人去到都係冇得入去嘅咁點解要設立訂位呢？8樓間食肆不停咁將自己唔想要嘅客人推上9樓，又不負責任，一味就淨係識得賣餐券收錢。將啲客推來推去，推落嗰啲垃圾食肆裏面分流，簡直係冇商業道德可言。如果你冇本事做

今日旺角行街，大家都未食lunch ，我地行去附近既兆萬中心睇下有咩岩食，老婆話不如食下放題，因為真係懶得諗，放題真係一個好好既選擇我地去了8樓既神戶屋日韓放題，放題離不開刺身、壽司、新鮮沙律、日本和式、日式串燒、韓國料理、手卷，火鍋同麵類都有點了一大盤刺身，全部都好新鮮，由其甜蝦好鮮甜、八爪魚刺身爽口彈牙，海膽味道亦唔錯。韓國人蔘雞湯-超好足料，人蔘味超級重，唔會好重味精 芝麻雞翼一口炸芝士-以款又係超正，有拉絲效果芝士燒黃金沙律開邊蝦-芝士味超濃，勁香芝士味，蝦肉亦好新鮮，前後點了8個黎食蟹籽壽司、螺肉壽司、火炙三文魚腩壽司，特別推介火炙三文魚腩壽司，三文魚上加了小許鹽，帶出了三文魚的鮮味飲品任飲雪糕有兩個櫃，一個櫃是任食的，另一個櫃是每人拎一支，有好多韓國雪條，好多都未見過，隻隻味都想試。

朋友話有一段時間冇食放題了，所以我地睇完戲去對面兆萬中心神戶屋日韓食放題。12:00左右到達，不算太多人，可能時間尚早。先來一大盤刺身，每次一定必點刺身，而海膽刺身係之前我地一早訂座送，刺身有甜蝦，八爪魚、北寄貝、激巨赤蝦、天使蝦、厚燒玉子、刺身好新鮮。手握壽司，點了至愛的蟹籽壽司，火炙三文魚腩壽司，飯同醋比例剛剛好，飯唔會話好酸食唔落，紫菜脆卜卜。雞肉串燒心太軟好濃朱古力味，細細個，一啖一個飲品任飲竟然有榴連雪條，過下榴連引先😂

同朋友食新年飯，一同3人上網搵到喱間放題，見有優惠卷晚市2.5小時任食任飲，$179/位+$79服務費，比wall in食抵少少，地點都方便在兆萬中心，所以就試下啦。一到達時都有大約8人等枱中，我地訂咗枱大概等10分鐘左右，等的時候已比點菜紙你剔定先。然後我地坐底後就馬上比點菜紙，上菜時間好快，5分鐘左右就上咗刺身，刺身幾新鮮夠凍，口感都好好唔錯，刺身是好味的之後熟食都好快上菜，熟食質素就麻麻地啦，比較失望。首先芝士焗蝦/芝士焗帶子的芝士較乾身，蝦肉較霉；燒牛舌都唔錯，中規中矩；清酒煮硯和中式炒硯都麻麻地，硯肉霉身唔知煮咗幾多次，特別係清酒煮硯根本無味道，未食過咁難食既清酒煮硯，失望；蟹粥味道幾好幾有蟹味；但碗粥是唔熱又唔暖，偏凍身點食呀粥黎架Ok既食物有：燒雞肉串，甜甜地唔乾身；雞亦不過不失，肉質算滑但味道無咩特別；一口芝士/芝士年糕/炸鮮奶都唔錯，不過每樣食一粒都夠膩；茶碗蒸的蛋好滑口有蛋香，不過較淡味；鼓椒魷魚鬚都幾好味夠入味，咬口都幾好唔會太韌好味有水準的食物：刺身夠鮮甜同凍，特別是甜蝦同三文魚，讚👍；鹽燒大蝦肉質爽口唔乾身；韓國雪條，試咗款藍梅乳酪雪條，唔太甜好有乳酪味，好味

我以為呢間放題幾好，但不論空間或上菜速度都唔及其他放題好！首先，一入到去感覺比較暗，本來要求坐近門口既位置，但唔比，最後去咗比較入既坐位，而且冷氣好凍，要關細d，結果愈嚟愈大！食物方面，刺身都ok, 但點咗三次都冇珍寶帶子，而帶子壽司就有，我唔知係咪特登唔比，嚟既刺身分量都比較多，呢點唔錯！個迷你火鍋都ok,但d壽司就唔得，壽司飯偏硬，又冇酸味，而三文魚壽司既三文魚塊係好一般，完全唔似刺身既三文魚。上菜速度極慢，就算好少人食野，上菜都好慢！炸物方面都ok,應該啱啱炸完熱辣辣！野飲都係普通放題果d，而熱野飲就裝係膠壺，自己攞杯倒，好似大牌檔d膠壺總體嚟講，呢間野非常一般，唔會有下一次！

今睌本身諗住去食打邊爐，點知天氣回暖，難得黎到旺角當然五會食譚仔la。睇左一陣見到 兆萬有幾間放題，我就同朋友上左去e間神戶屋放題以前都黎過食，今次再食發現佢 裝修格局完全唔同咗一去到服務員態度好好即刻畀我哋入咗去坐低嘅時候送每人送一隻生蠔或者海膽任你揀，我地簡左海膽侍應本身都好貼心，問我地洗五洗幫我地上左刺身拼盤先，海膽份量好多味道都算五錯三文魚十分新鮮，加上蝦全部都鮮甜，刺身未到前我地自己洛左單叫左焗生蠔，焗生蠔係原隻生蠔，加上辣味炒蜆 熱辣辣食到口乾出去拎飲品竟然有 Hoegaarden真係食左金多間放題都從來未見過hoegaarden既酒會出現，成意推介跟住我認為 茶碗蒸亦都值得推介因為佢個蒸蛋十分之滑 再加上本身佢嘅魚生種類都比較多有北寄貝啦蟹鉗三文魚十分值得推介佢嘅炸鮮奶啦，十分好食，或炸芝士都十分之香濃 喺我哋食嘅途中服務員嘅都非常之貼心為我哋換諜同埋問我哋有冇嘢未黎上菜時間一般比較偏快嘅都，最後我哋仲食咗一個朱古力心太軟我想像中嘅心太軟的確係有啲分別但係味道濃郁相信嚟緊大時大節呢，我都會帶埋屋企人同埋朋友呢度，經過今次去到旺角竟然遇到一間咁出色嘅放題，簡直喜出望外，兩個