神戶屋日韓放題

营业中

休息中

上Openrice 見到呢間日式放題可以一個價錢打埋邊爐，雙重享受～決定二人前行。首先網上食評話記得一定要上去之前BOOK 檯有著數，咁當然打上去BOOK 啦，一打就通，輕易就BOOK 到想要既時間放工去到仲有些少時間先夠鐘入去，待應同我講訂左檯可以拎支雪條食住等，幾好服務喎，等埋同行朋友就一齊入座了入到去，待應好耐心講解放題紙內容，同入座有D 咩額外送比我地……其實由於太詳細… 我只係記得我有興趣果D …. 入座送每檯一個特別邊爐 (2揀1) , 訂檯送人頭生蠔/ 海膽 (畫紙) … 刺身邊張, 熟食邊張 …. 野飲可以出面拎….WIFI 密碼就寫左響檯面度….ETC卡位牆上仲有插頭，我諗應該係比人打街行左成日叉電話用(?) 幾貼心佢走左之後我地就開始睇紙，2 揀1 邊爐我地選擇要壽喜燒，另外仲有一張邊爐配料紙可以任畫任叫 …… 個邊爐細細唔佔位, 內裡都幾好料 … 姑都有幾種響裡面… 菜都有幾種… 肥牛都用菜墊高 … 唔會話太熟比我地, 呢點十分好。我本人主力都係想打邊爐, 朋友就食刺身多…. 兩個人唔洗你就我我就你呢點真係幾好 … 尤其係人多既時候 … 總會有一兩個人唔鍾意食魚生

今晚去旺角食放題～朋友話兆萬中心神戶屋CP 高 ～ 所以行完街就決定試呢間。開openrice serach 個餐廳電話訂座，仲會有野食送，今晚係海膽刺身或者生蠔我地因為唔食生蠔，所以只係叫左海膽x2 ～ 都幾大隻喎@@講返餐廳環境先～放題黎講都幾闊落，仲有大量卡位@@ 可能我地放工早去，所以兩個人都坐到卡位～坐到埋去，會放上一碟前菜，八爪魚果D … 由於無乜特別，我就無影了～食物紙選擇以呢個價錢黎講算多，尤其係刺身居然仲有珍寶帶子同埋象拔蚌ｐ北寄貝呢D 貴價野！！！後兩者放題黎講真係好少好少見啊，必點！待應同我地講每座都會送一個邊爐仔，可以揀壽喜燒或者部隊鍋@@ 我地揀左要壽喜燒@@ 個湯底少甜OK！有好多菜襯底，如果想打邊爐仲有一張配料紙任劃@@ 即係腸仔牛丸果D ~~幾好喎XD刺身上了～第一眼真係覺得擺盤超靚，打卡呃like XD帶子真係幾大粒, 又無腥味～勁正甜蝦三文魚果d 基本野不過不失～想特別一講係個泰式生蝦真係好thai 有驚喜，酸酸地好JUICY ~壽司就少食了，都係朋友食，所以不作評論～ 食放題點少得芝麻雞翼XD 佢炸得十分香脆～唔會擺到凍哂先比我～讚甜品同飲品自助～

難得放假又好耐無食放題，行行下旺角就同左朋友上黎試下一入到黎，環境都算闊絡，全部都係卡位黎。飲品除左罐裝都有紙包飲品！食物種類都幾多下，有18張紙比你揀！一開波梗係食刺身啦，咁佢刺身都有十幾款揀，三文魚、甜蝦就我至愛。佢刺身都算新鮮，正常質素。之後試下壽司，佢火灸壽司出奇地好食，飯唔多，大家可以試下！花之戀同其他卷物都唔錯。天婦羅就一般，叫左一次就算。佢啲炸物幾好食，芝麻雞翼good! 雞軟骨就太咸！牛舌不錯，饅魚麻麻。食左兩round都飽飽地。結論，呢個價錢黎講，你叫岩既野都幾抵食既！

呢間野真係熱到爆我哋七點去到已經要等位超多後生仔睇完戲就去呢度食嘢人頭湧湧好彩有Booking 等左大約30分鐘就入得幾欣賞呢度嘅人性化佢第一輪嘅刺身可以用呢張優先點心紙落單揀好咗超快就送到嘢食嘅選擇都幾多下刺身、壽司、韓食 等等應有盡有首推一定係呢個大蝦刺身超juicy！大大啖一野咬落口d汁出哂黎！茶碗蒸超好味足料茶碗蒸！咪睇佢細細個入邊有元貝櫻花蝦等等大家都知茶碗蒸係會吸收晒入邊材料嘅味道加咗櫻花蝦同元貝之後海鮮味爆棚 加上個口感無限encore

非常差的一頓。首先是食物質量很差，刺身的話，三文魚還行，其他都一般，八爪魚的味道很奇怪，蝦一吃起來就很不新鮮。熱菜也很難吃，什麼韓式牛百葉，清酒煮蜆等等，上來都是冷的？？？這些是涼菜嗎？？？其他的泰式鳳爪，吉列貝和吉列蠔的味道也很難吃。還有一個很大的問題是漏單，點的燒物等半天才上了一樣，去催反而反過來問我什麼沒上，拜託，這不是店家的責任嗎？到後期點單第一輪都不指望他能上了。點一個小火鍋端上來火也有問題，那火跟鞭炮一樣一響一響的，感覺分分鐘就要爆炸，換了大概5個火爐吧，才有一個能用的，我也是服了。真的是難得的質量差成這樣的放題啊，600多的好評找水軍刷的吧。

平時好少食放題，但一直都知道兆萬有好多放題同邊爐選擇，所以就同朋友一齊去左神戶屋度食！因為見佢係日韓都有，可以一次過試晒兩種口味嘅放題，正呀！就嚟聖誕節，一入去已經見到啲聖誕裝飾啦，鋪頭都算多座位。我同朋友一坐底就即刻叫左魚生，冇諗過會咁大盤刺身上嚟，而且魚生選擇都算多，普通嘅三文魚去到竟然連虎蝦同蟹都有，完全係意料之外。之後仲叫左個清酒煮蜆，啲蜆夠入味，又唔會咬到有沙。估唔到會有蒸蛋，佢喺最面頭加左麻油，好重麻油味，中意麻油味嘅朋友都可以試下。另外我地又叫左泡菜同兩款韓式炸雞，有普通炸雞翼同埋雞中翼加雞翼尖，個人認為個韓式炸雞醬先係炸雞嘅精髓，酸酸甜甜咁，食起來唔會好膩。後尾再加叫左啲菇同粟米，兩樣都加重牛油落去好好食。

点的刺身不是很新鲜，甜虾不是新鲜，三文鱼也没有很鲜，感觉像是冰冻了很久的；生蚝也相当食而无味上菜速度到还可以~送的寿喜锅味道还不错，牛肉蛮嫩的。冰淇淋味道还可以。只是生鱼片的食材味道实在一般啊

今日放假，我就約左朋友去神戶屋食個放題。呢間餐廳鄰近旺角地鐵站，非常方便又易搵，因我地去果陣係午餐時間，所以餐廳都好旺場位，好彩我地有book位。我地一開始就點左刺身黎食，我地叫左三文魚、松蟹棒、北寄貝、象拔蚌、甜蝦等刺身。鍾意食刺身既人就一定要黎神戶屋試下，因為呢間餐廳有超多款既刺身任君選擇，全部都非常新鮮，而我就推薦大家食呢度既三文魚和北寄貝刺身。啲三文魚刺身唔單止好肥美，仲係魚油脂香，而北寄貝刺身就食落口感爽彈，好正！正因為啲刺身太好食，所以我地都食左兩round刺身。係手握壽司方面，我地就點左火灼三文魚壽司同埋火灼沙律三文魚壽司，用火灼過既三文魚聞起上黎既味道真特別香，同埋啲三文魚仲要入口即溶，壽司飯都調得剛剛好，食落真係超好味。我地仲點左鰻魚手卷黎食，一大塊鰻魚斜放在醋飯上，鰻魚肉質結實，味道鮮甜，而且紫菜能保持脆身，值得一讚！ 不得不說呢間餐廳既上菜速度真係好快，而且店員既服務態度都非常好，冇漏單既情況完全冇出現過，係放題餐廳黎講真係好難得。我同朋友都好欣賞呢間餐廳既食物，仲話新年果陣都要再黎食多次。

聚會小天地🤩今日同好姊妹黎兆萬食日式放題+打邊爐，一路食一路傾😋😋😋呢間放題，野食種類繁多，刺身壽司之餘，仲有火鍋、炸物、韓式料理等。仲設有卡位同細房，聽住歌仔，食住傾計，超自在☺😊刺身鮮美，老友最中意有頭既甜蝦刺身🦐，瘋狂追加。而我就覺得巨赤蝦刺身最正，大大隻，啖啖蝦肉！燒蠔、燒扇貝，簡直對芝士控既恩賜！濃濃芝士厚厚一層，食落超滿足😋😋青魚，燒到岩岩好，完全唔焦，配檸檬汁食落香口。冇過諗呢度竟然有百福豆腐花，入口即溶，超滑。勝在份量精緻👍，食完唔飽肚，可以食其他野是日甜品，朱古力味雪糕令我surprise，脆皮筒內有一層朱古力，有咬口之餘，濃濃既朱古力充斥口腔！雪糕質感很滑，濃度高，朱古力控必食！

⭐刺身篇海膽好好食 做到入口即溶 仲要有濃郁嘅海膽味但係都唔會太腥；第一次食蟹鉗刺身 十分新穎；鮑魚和象拔蚌都鮮味十足 好有咬口 比好多嘅放題店都做得更好；呢間放題仲提供生蠔 不過就冇提供到香草或者檸檬汁以提供左一個類似泰式辣醬嘅醬料 如果唔識得辣嘅朋友就唔知點算好；蝦有大中細隻任君選擇⭐小食類小弟點左一個馬拉盞通菜 老實講其實幾好食上面仲鋪左好多嘅櫻花蝦 可以盡情享受淡淡菜有淡淡蝦 但係我點左一份佢就俾咗一大碟我分量好似多咗少少；至於清酒煮蜆 本人就覺得酒味太淡所以冇乜特別 ⭐鍋物類呢間放題店仲提供左壽喜鍋同埋部隊鍋 都算係少有嘅放題店會做到嘅 不過就Hea左少少囉 都係得啲平時食開嘅五餐肉火腿加塊芝士咁姐不過鋪頭仲有提供韓式嘅雪條 可以話呢間放題店嘅食物種類真係花多眼亂

話說純粹去到旺角兆萬附近，懶得諗食咩嘅時候先決定不如食放題，即刻上一上OpenRice睇吓，八至10樓都唔錯咁喎！然後就揀咗呢間。晚上大約八點時間每位$279+1。呢日係年初三，唔知道有冇比平時貴左。有時候價錢都唔係問題，最緊要係啲嘢好唔好食。通常首先就係會叫刺身先。（圖片如下.....）外觀幾唔錯啊！所以影左一張相咁大把！不過啲刺身唔係咁新鮮！象拔蚌感謝梅梅地.........然後d 甜蝦都一樣不新鮮的刺身就已經咁樣好失望......然後開始點壽司熟食等等.....火焰壽司都唔錯幾好食！似番啲樣跟住又來超粉既天富羅......omg......仲有好多未開晒既炒蜆.....花枝卷我估計係冇，但係冇員工講比我知，因為點完兩次都冇嘅時候仲要埋左張單都冇黎到，自己估嘅啫.....仲有超級正嘅人蔘雞湯，冇人蔘味又冇雞味嘅湯.....我究竟飲緊啲咩其實八點係咪好晏呢？啤酒飲咗一罐已經冇存貨唔係呀嘛.....心太軟又係極品！一啲都唔心太軟蛋糕都唔似囉⋯⋯我食緊乜嘢最後甜品揀咗好耐先揀到一個甜筒，因為想食嘅雪糕糯米糍都冇。。。終於終於有樣嘢覺得好食啦可惜呢啲唔係飽肚既野！仲有員工態度方面都叫做唔差

個600幾個😋係咪買返黎？非常難食，啲熟食係完全唔熱，打邊爐既菜係爛既，換完都係唔熱/爛菜，環境又唔好，簡直係食過最難食既放題，得個個半鐘又趕，又無熱茶，簡直無一可取之處！

其實都唔係第一次食神戶屋，皆因地點方便，環境同食物都好岩心水，食完要再黎食。最近因為假期關係都好多人食，所以記得要提早訂位，而且訂位有加推食物送架～平日晚上來到唔算多人，加上訂左位等左一陣就可以入坐，餐廳播放KPOP背景音樂而且天花掛有聖誕裝飾，都幾有氣氛。我同朋友一坐底店員就即刻拎左 醬汁同前菜黎，酸酸甜甜都幾開胃，邊食邊開始點菜。食放題當然要即刻點返個刺身拼盤啦！我地每樣都點左小小，當刺⾝⼀出場我同朋友都搶住影相，因為好有份量之餘佈置仲好精緻，刺身下面係滿滿既冰底，所以刺身好夠凍好新鮮。三文魚，甜蝦，泰式生蝦，帶子， 玉子，刺身任你點，而且仲有生蠔同海膽食，好豐富。三文魚刺身色澤好靚～大大塊好肥厚，食落好新鮮好軟嫩帶子好大件～蝦好甜好軟海膽入口即溶，⽣蠔⼝感唔錯，而且都大件，鹹鮮得黎又略帶甜甘，食落好爽滑！要稱讚既係餐廳上菜速度都幾快，我地開始食刺⾝無耐，炸物就開始陸續有來，擺到成台都係。我地叫左網紙蝦卷， 避風塘豆腐， 蜂蜜芥末炸雞 ， 各式天婦羅等等，作為芝士控我最中意食呢個呢個芝士燒黃金沙律開邊蝦同埋韓國炸一口芝士 ，食完想再叫多轉。食完以上食物其實都飽左８成，我地考慮到出面

真係好耐好耐無食過放題，過年前約朋友住食飯，朋友話想食放題，諗住搵間地點就腳既黎食，之前Facebook見到有介紹，咁就揀左依間，因為我同佢都係早放工，所以就約左六點半早D 黎食。 可能因為我地早到既關係，所以都仲有位，walk in就搞掂，但當我地走個陣門口已經勁多人等位。 食放題首先梗係要食刺身，佢地刺身都有好多款。一定唔少得香港人最鍾意既三文魚啦，必點，而我最鍾意就係佢地有好多款既蝦，佢地有天使蝦、甜蝦、有頭甜蝦、同埋泰式生蝦。我最鍾意就係佢地既天使蝦同埋泰式生蝦，夠彈牙又有咬口。當然魚生梗係止食一輪啦。另外，每一枱 都有一個鍋送，但因為我早幾日已經打完邊爐，所以就無叫了。 食完兩輪魚生之後，就叫左d 壽司試下，黑松露壽司幾特別。跟住當然就要食熱食啦，芝麻雞翼好味，叫左幾次，跟住仲有天婦羅，同埋焗蠔。不過因為食得太多刺身關係，都無咩點叫其他熟食已經好飽。 飲品方面都有驚喜，有得飲啤酒，Hoegarden飲多幾罐都回本。最後食埋雪榚，夠哂滿足。

刺身寫兩三張先來一盤，淨係得熟食來齊哂，啲壽司又留單，冇叫既熟食又亂上，啲單勁亂。壽司豉油就會個好深既細膠碗，又唔環保又難點。熟食既質素不高，唯一比較食得落既得火炙壽司。