神戶屋日韓放題

营业中

休息中

星期日約朋友去神戶屋食放題，諗住少少去可以做第一個客人，豈料已經兩三枱客人坐定定食野，真係好旺場。餐廳環境都唔錯，店員有禮貌，上菜速度都幾快。食物款式多樣化，驚喜位有首輪刺身點餐紙優先，經網上book位仲可以order生蠔/海膽一份，計番真係好抵食。呢度刺身多款又新鮮，件件厚身，又夠鮮味，尤其三文魚同北寄貝，三文魚食正魚腩位，魚油脂香，北寄貝又夠爽口，象蛂蚌亦都好爽口彈牙。 訂座而叫左海膽，出奇地新鮮又唔腥。另外仲叫左芥辣八爪魚軍艦&拖羅蓉軍艦，芥辣好攻鼻，好鬼正斗。食完凍食，就食番點熱食暖暖肚，叫左份焗雜菇仲有韓式炒粉絲，帶有少少辣味都唔錯。再食埋個和牛壽喜燒，雖然係一人鍋，但內有好多肥牛及野菜，熱辣辣夠暖胃。

今晚突然想食放題，見朋友之前有介紹過神戶屋，就上咗去兆萬嗰度食，上到去都要等一等位唔係即刻有，都坐到幾爆，不過唔係等左好耐，大約10分鐘左右就有得坐低，呢度啲枱唔算太密，都有足夠嘅空間坐同埋行出行入去攞嘢飲。坐低左之後，侍應姐姐好好咁同我地介紹我哋有啲咩選擇，原來我哋每人可以揀，總之有海膽又有生蠔又有個壽喜鍋，刺身嗰度佢仲問我地究竟我哋自己揀好定係比一盤刺身我哋，總之啲服務我都覺得幾滿意。食物方面，嘢食都唔錯嘅，見到佢個魚生拼盤就知道，我個人來講都幾鍾意食壽司，呢度嘅壽司同魚生款式好多，淨係個刺身拼盤都差唔多有10樣嘢揀，壽司除咗款式多之外質素都唔差。如果係都要講一個缺點，就係佢個雪糕糯米糍冇荔枝味囉，剩係得芝麻味

同朋友捐完血，佢就話要補一補返，於是就去捐血中心後面嘅兆萬中心食放題不過咁多間，點揀呢？我就同朋友講，就揀最熱心派傳單嘅姐姐個間，於是就上左去神戶屋啦~上到去見到好多人排隊，好彩，我去嘅時候未算太繁忙，等左10分鐘左右就有位~等位期間店員俾左Menu我揀住先，所以感覺都好快入到座！話明日韓放題，一坐低就好低韓國餐廳咁有前菜，不過係日式前菜我最鍾意佢有「首輪刺身紙」，的確比第二輪嘅刺身上得快好多，啱曬心急嘅香港人，可以一面食一面點其他野！款式都算多，最特別嘅係有火鍋選擇，如果成班人一齊食，就可以滿足曬「邊爐族」同「哈日族」嘅要求啦~食親放題都唔會有太高嘅期望，不過呢間嘅刺身又OK wor，唔似一般放題質素厚切三文魚好滿足！珍寶帶子真心讚！激巨赤蝦刺身必食！有頭甜蝦夠彈牙！炸物精選榴槤炸彈~榴槤控恩物！外皮脆口，裡面軟淋淋，一咬開成陣榴槤飄出黎~~~日本香芋丸超濃沃香芋味，好似芋頭奶咁濃~日本芝士年糕外層黏韌，加埋流心芝士~正~迷你炸雪糕其實應該叫炸雪米糍，如果熱d嘅話，我相信係好食嘅，不過上到枱即刻食都已經凍左....我知炸物係多左d，不過我真係鍾意食麻~講返火鍋先，一入座可以揀一個限量

呢日同朋友兩個人來左呢間神戶屋食放題，位置幾方便，兆萬。門面就係呢個，有d OnePiece既畫正la入到去之後，因為我地預先book左，所以唔洗點樣等就入座lu。裡面唔係好大，裝修都唔係好華麗，不過都唔會話好逼唔舒服咁樣。裡面有d裝飾，不過我覺得可以更新一下XD 依家三月睇落都有d聖誕feel不過呢個唔係重點啦，重點係食物！咁就開始講下d食物食物種類都好豐富，有A-J。飲品就起飲品區自己揀。店員好熱心幫我地落單，仲問我地要唔要刺身拼盤，即係會幫我地揀好一大盤，唔洗我地自己慢慢落單。店舖推介比我好似又幾好，就要左個拼盤。有幾種蝦、蟹、三文魚、螺肉、帆立貝之類既，幾豐富，點餐紙上面仲有其他，例如希靈魚。因為我地預先book左位，所以有額外送生蠔食個蠔好正，而且唔會有怪味，最驚d蠔有怪味～另外有張點餐紙係鍋物，我就叫左個和牛壽喜燒。裡面有幾多菇同牛肉，唔錯話明日韓放題，所以我地都有叫左d日韓風既熟食，辣牛柏葉，燒帶子好香不過係幾辣XD 仲有天婦羅雪糕，天婦羅炸蝦之類。放題緊係有壽司啦！ 有火炙壽司，唔係講笑，呢間放題d飯幾好食，一個壽司好唔好，飯係好重要既～另外仲叫左d瑞士雞翼，各種炸物，

第一次帶屋企人出來食放題 見到 食評好多 先booking 點知！8:00入座 叫10樣黎5樣 頭盤係黎得好快但唔係黎足 之後半個鐘啲野都冇黎過 之後再吹佢地 都係冇反應 之後得番半個小時就同我地講Last order 之後X佢地先比番啲野食 仲要都係黎唔齊 。食物質素一般 刺身比較無味 刺身下面太多冰又易溶化 令到刺身個口感有所減分 刺身食材分數中等 如愛食刺身的朋友可以多點 但要快吃 感覺易變壞。炸物算可以 熱但分量小黎唔足 雞翼為例 叫10只會比6-8份量。火鍋也還可以 食材黎唔足 但湯有味的 不要太高要求。其他熟食都一般拉 不會太差 但是如果想食物快啲黎要多啲催促先會黎食物種類還可以 但不好食👎 價錢算中等 但不會再去食 希望會有改善🤔

係兆萬食放題會中伏已經唔係新奇事，但見哩間有幾多好評就去試下，點知......先講刺身，黎嘅同我叫嘅數量根本唔同，三文魚好似唔要嘅餸頭餸尾，碎濕濕，八爪魚片淡而無味，唯一鮮味啲係帶子，其餘甜蝦虎等等都毫無鮮味，一個字，淡到手握壽司同卷物，初頭見到咁多選擇都有啲期待，點知先係散收收嘅壽司飯，輕輕夾起都會跌番半舊落黎。卷物上面嘅裝飾，例如蟹子，都係好隨意咁散，賣相都好馬虎，以當時根本未爆場嘅情況黎講真係心諗：洗唔洗咁hea😓熟食方面，上菜速度幾快，落單唔洗好耐就有野食。熟物比刺身壽司好，要讚係天婦羅同炸物，皮薄入面熱辣辣，一口芝士同天婦羅多春魚係推介，其餘就正常不過不失。一品料理嘅牛舌同和牛粒就好伏，和牛粒超多筋，咬落好un，牛舌好霉，咬左啖就唔敢再食喇！最後諗住有啲甜品慰值下，但選擇好少，得啲一杯杯自製甜品同幾款雪糕，只好選擇一定唔會伏嘅牛奶樂。就連飲品都cheap到咁，點搞？除左上菜快同服務員態度幾好之外，真係諗唔到咩原因要黎食了......🤢

朋友食生日飯都唔知去邊間餐廳食好，佢又鬼死咁大食，所以揀咗間放題就最啱佢！上網睇到呢間餐廳啲評價唔錯，見到個價錢又唔係10分貴，所以就book左上去食！好彩都冇令我地失望。食放題我最着重嘅就係刺身嘅質素，我哋一入咗座，侍應即刻幫我地落單，服務好好。冇幾耐就俾咗一盤刺身拼盤我哋！呢度好就好在你叫幾多佢真係比足你㗎。淨係呢一盤刺身已經值回票價。入面有生蠔，海膽，帶子，三文魚刺身甜蝦刺身等等不能盡錄。食物質素冇因為數量而下降，反而可能因為去貨去得快，所有刺身既質素都好好。至於壽司方面，我鍾意佢嘅份量細細舊，可以試吓其他唔同種類呀嘛。個芒果同埋牛油果軟殼蟹壽司做得好出色，我連續叫咗幾round ！至於熟食方面佢哋都做得好出色，種類選擇多不在話下，我影咗哩二個係滷水雞翼同埋炒飯係我覺得值得推介嘅熟食！雞翼整得好入味，另外個炒飯炒得啲飯好軟熟同埋因為佢用珍珠米！正呢一款避風塘炒魷魚都好出色，嗰張執識落唔會太難有啲似我哋喺大排檔食到嘅炒鮮魷咁樣。呢個我都叫咗兩round啊！最後值得一提嘅係呢度嘅燒物都好出色，我哋叫咗呢一個鹽燒大蝦好新鮮，其實燒物最緊要係材料新鮮，我認為呢一間餐廳嘅用料幾好好，所以可

閑日夜晚同太太出旺角shopping，吾知食乜好，午餐又剩係食咗個雲吞麵，就提議不如去食放題，老婆冇反對，Yeah. 就點只兵兵揀咗神戶屋。一個半小時放題，足夠我哋食啦，睇下有啲乜嘢揀，見到有成疊點單，真係好多好多嘢食。店員首先俾咗一張火鍋同埋刺身紙俾我地，就先叫咗個肥牛煱，好鍾意佢嗰個甜豉油湯底，同埋裏面有好多唔同嘅菜，啲牛肉都唔差。因為第一次嚟，刺身每樣都叫咗少少試下，都好新鮮同好多選擇。其實已經開始飽，但係都要試吓其他嘢食，蜜糖雞翼有啲辣，我老婆鍾意，炒芽菜都好好食，仲有燒帶子同埋蠔，真係好飽。不過點都要食啲甜品，豆腐花同燒菠蘿，都返叫咗燒菠蘿因為好好食。我幾鍾意佢個前菜，同埋佢嗰啲醬汁。唔使$200一位，真係幾抵食，下次嚟旺角再試。

去到旺角周街都係嘢食，花多眼亂，最近聽朋友介紹呢間神戶屋日韓放題，所以今日同個朋友行我都專登去試一試。喺兆萬中心搭電梯上到8樓，入到去已經見人好多，都相信唔會中伏。店內環境唔錯，光線又充足，座位枱面都整潔！我同個朋友一坐低，當然係睇餐牌，話明係放題，食物種類當然係好多，有刺身、壽司、手卷、天婦羅、一品料理等等。我認為食放題最緊要係個刺身，刺身唔好食就會影響成餐，呢間放題都無令我失望首先種類唔少，第二就係個新鮮度都好足夠，佢嘅帶子同埋海膽刺身一啲腥味都冇，雖然個蟹棒比較失色，但係佢嗰幾款蝦我係最鍾意嘅，有泰式生蝦、甜蝦、天使蝦、有頭甜蝦、好大隻嘅赤蝦！呢啲蝦我嗌左幾round！除咗刺身之外，你其他嘢食都係唔錯嘅，我比較鍾意嘅係燒羊架、牛舌，蟹棒、蝦天婦羅，同埋啲迷你手卷！另外，有一樣想特別介紹嘅係「鐵板炒銀芽」，佢用左蝦醬黎炒，雖然呢個菜式有啲辣，但嚮其他地方就未試過，好特別！最後，呢度食物種類真係好多介紹唔晒，而且飲品亦都係任飲好多選擇，亦都有免費嘅雪條雪糕，價錢亦唔係貴嗰隻，另外一提佢有一間房有啲大枱可以容納一大班人，就算一大班人亦都可以一齊去食！

周六工作半日後，好想食放題，於是約朋相食先嚟刺身：其種類多，但我都是如往咁咁左我所愛的🤭🤭有三文魚、松葉蟹鉗、泰式生蝦、珍寶帶子、象拔蚌、有頭甜蝦、希靈魚、鮑片、激巨赤蝦、迷你北寄貝。刺身類別都算新鮮好味，而上桌時間也很快。叫左個鐵板一口和牛粒，少咸，牛粒肉有少筋，但不影響其味道。日式即燒牛舌，厚厚嘅牛舌以鹽燒嘅方法炮製，值得一提既係師傅每次都唔會有落好多牛油，但不會好油，正。燒蝦食落有蝦味，質素都唔錯。羊架--燒得幾靚，啱啱好，竟然系搭配蜜糖芥末醬，都ok夾，哩個搭配幾新鮮雞軟骨：即叫即炸 夠哂脆口，邊食邊飲野邊吹水，正芝麻炸雞好好味，皮炸得啱啱好，唔會太乾，肉質嫩之後一定係炸物, 難得有韓式炸芝士、炸鮮奶,、炸芝士年糕, 炸一口芝士、炸餾蓮.... 即叫即炸，脆皮流心超正呢！絕對係encore之選

返工返到躁躁地，想大吃大喝一番，食放題放縱一下就最適合不過！兆萬多放題店，今次試下神戶屋日韓放題，有日式同韓式野食，選擇夠哂多，而且加埋一之後每位不過係二百蚊左右，訂座的話每枱按人頭計仲會送生蠔或海膽一客，海膽大大塊，甜！性價比真心高。食放題焦點梗係刺身，我地就點左三文魚、北寄貝、珍寶帶子、松葉蟹棒、象拔蚌、泰式生蝦，仲有放題店少見嘅松葉蟹鉗刺身，呢個價錢食到咁多款，連蝦刺身都分左泰式生蝦、天使蝦、有頭甜蝦同巨赤蝦，而且唔係一陣雪味，仲想點～壽司細細件，好的骰，一啖一件，可以試多幾款！我個人偏好火炙壽司，刺身用火微微炙燒釋放出嘅油份非常甘香，我地點左火炙岩鹽燒三文魚腩、火炙沙律三文魚腩、火炙玻璃蝦同黑松露珍寶帶子壽司。卷物選擇都唔少，牛油果軟殼蟹、蜜桃炸蝦卷、芝士鰻魚卷等等都唔錯！刺身壽司唔錯，點知熟食更好食！炸物方面，個人推介沖繩網紙蝦卷同榴連炸彈，蝦卷炸得香脆香口，榴連蓉味濃又香，愛榴連人士必食。豉椒魷魚鬚爽口，韓國牛肋骨入味，天婦羅都好得！呢個價錢咁多選擇，包保食到飽，係旺角先搵到。

喺旺角行街行到夜晚，又喺到食嘢嘅時候，喇到信和附近行到某一間大樓下，就畀好多哥哥夾硬塞咗好多張傳單喺手😅 我同閨蜜慨嘆搵食艱難😖去咗8樓這間食日本放題呢度除咗放題，仲可以打埋邊爐頭盤，唔想食，好似放咗好耐咁。天使蝦、帶子 清甜、 好鮮甜蝦 、象拔蚌、北寄貝👌蟹鉗、其它蝦類、 蟹柳 ，就一般啦 除咗希靈魚 、三文魚外，就沒有其他魚生刺身， 失望其他嘢食如炸物， 有油益味 同埋炸得唔好味， 炒菜太油， 中晒伏淨係灼菜食👩‍⚖ 除咗魚生可以食之外，其他就

啱啱出糧諗住去食餐好🤤😏今次嚟到兆萬嘅神户屋食嗰日式放題啦!話明日式同埋放題 一嚟到梗係要整嗰大大大刺身先喇🤤🤤🤤依度嘅刺身無乜雪味 而且仲多厚肉🤤🤤我就最鍾意食天使蝦同有頭甜蝦刺身 隻隻都又厚又甜好正呀😍😍😍食完刺身就要食下啲壽司嗱👏🏻👏🏻依度嘅火炙三文魚🍣真係入口就慢慢溶 仲有少少沙津醬真係要encore再encore😍😍😍其餘嘅帶子花之戀都好值得試！除咗啲主食之外 依度嘅小食都好吸引架 好似炒蜆 炒通菜 芝麻雞翼 全部都好正呀🤤🤤🤤仲有一個壽喜鍋可以揀呀 唔鍾意日式嘅朋友都可以叫個部隊鍋嘅 任君選擇🤤下次嚟開旺角油麻地 記住嚟試一試依嗰抵食放題呀!😍😍

同朋友去旺角行下街，夜晚揀咗去兆萬中心神戶屋日式放題到食飯，7點幾去到人流都幾滿坐，好在唔洗點等位，呢度放題嘅環境有別於其他大型嘅日式放題，氣氛比較似日本嘅居酒屋，呢度嘅Staff都好有禮貌，服務都唔錯。Staff安排左我哋入四人位，所以位置都算幾寬闊，入座嘅時候即刻俾咗兩張頭一輪嘅點菜紙，提醒我哋盡快落單。呢度嘅款式十分之多，有好多唔同特色嘅炸物，而，最特別嘅係呢度會有炸雪糕、炸鮮奶、炸榴連一啲比較冷門嘅炸物小食。呢間鋪嘅上菜速度好有效率，落單唔夠5分鐘已經即刻上咗頭輪嘅刺身同埋一個牛肉火鍋。火鍋嘅份量十分之足夠，而且可以任添火鍋配料，的確唔錯。火鍋會配埋一隻生蛋同牛肉一齊食。三文魚刺身幾新鮮，而且夠晒凍，食落幾有口感。牛柳粒亦都炒得好夠，入味，一啲都唔老。雪糕櫃有好多唔同嘅韓國牌子嘅雪糕，而且口味都差唔多有十幾款，好多味道都想一試！呢度嘅放題價錢合理，地點方便，岩哂一大班朋友聚會，係旺角食飯一個唔錯嘅選擇！

同屋企人四個去慶祝生日，呢一間放題熟食種類好多1. 魚生有蟹鉗，三文魚雖然唔係最好，但唔會有腥味2. 炸物有炸鮮奶，炸香蕉，榴槤炸彈，炸吉列蠔，芥末韓式炸雞等。雖然未去到好油膩嗰種，但會好飽肚。其中，炸鮮奶最好味3. 壽司嘅種類都好多，有拖羅吞拿魚茸軍艦🤤火卓三文魚壽司，燒到啱啱好。高質4. 芝士焗帆立貝同海蝦都好正。海蝦少見啲，但好鮮甜，同啲芝士沙律醬好夾。5. 喺度仲會有火鍋打😂可以試吓將啲魚生嘅大蝦拎去打邊爐，熟咗咁食，會幾爽口6. 不過呢一間嘅甜品唔多，特色嘅雪條每人只可以要一條或者係一夠刪號特色嘅雪條每人只可以要一條或者係一夠生蠔。7. 而且order嘅食物成日都唔啱數/0\8. 晏晝可以坐到四點，但係食兩個鐘就會cut單