祖凡尼意大利餐廳 (已結業)

其實除了pizza要食之外,鮮蝦荷葉飯也可以一試呀.我細細個時已幫襯啦,一直保持手準,只是環境有d暗.但也好好食~~~~~~~~

同男朋友落左元朗食晚飯叫左1個燒春雞餐同埋唔知咩pizza燒春雞餐包埋羅宋湯同餐飲,我地再加20蚊轉左海鮮湯先黎2個餐飽,係豬仔包,熱辣辣,外脆內軟,好正海鮮湯滿滿的一大碗,2個人都夠飲,配料有好多海鮮,有魚,蜆,青口,墨魚仔等等...但個湯咸左小小,不過配埋餐飽黎食都ok既燒春雞1隻分開4邊,一咬落口皮脆脆的，雖然冇0麥雞味，不過雞肉都尚算嫩滑,side dish既炸薯角新鮮熱辣炸起,多多都食得落個pizza一開6件,配料好簡單,有吞拿魚,cheese等等,雖然係厚批,但味道都不錯,幾多cheese,餅底都ok脆由於太飽,試唔到desert lu總括黎講,係元朗都算值得一試既意大利餐廳,儘管唔係太過正宗,下次會試下d pasta同扒先~因為出左糧,所以今餐我請客~hehe

今日打算同男朋友仔去元朗試0下唔同0既0野, 聽聞有間好有水準0既意大利餐廳, 不過, 有d山卡啦,既然有咁0既興緻, 就做足功課, 查定地圖路線圖出發. 講真, 都幾長途跋涉-轉幾程車先到. 去到門口, 真係有d卻步,因為個門面實在太似黑店了, 對大門又唔係好穩固咁. 最後都博一博. 店內光線比較暗淡, 坐落後就仔細點了幾個菜.0係starter未0黎之前上咗兩個熱騰騰的麵包.嘩~!真係好新鮮好熱好香脆(當時都唔係好肚餓),所以好快就清咗.第一道係干牛肉片, 有五片.味道唔錯,略咸.但夾埋生洋蔥就啊0岩0岩好.第二道好快跟住-大蘑菇伴蝦, d蝦有d似蝦米, 但又有中蝦咁大隻, 都幾特別.蘑菇就好鮮好有口感.第三道本來係香草大蝦, 但個waiter落單時攬錯為芒果大蝦沙津.結果食咗三個starter.呢個一般好食, 但因為唔係太好沙津醬, 所以沒有清到.主菜要了煎鵝肝牛仔柳.份量最少0既一碟.先試個鵝肝-好香好肥美, 只是有d根. 牛仔柳係rare.起初都有d擔心僧唔會太熟, 皆因落單時沒有提過. 一切落去就放心晒, 仲好開心, 真係好juicy好fresh.伴菜0既炸薯角一點都唔馬夫

我看到不少評語,發覺很參差,可能是因為有些人看過別人的食評之後就抱著一個食家的心態去品嚐,之後把自己在同類吃過的比一比.如果有分級數的話,總不能將2級的跟1級的比,加上,幾十元的意大利菜,是很不錯的,是超值的.好不好吃有時除了色香味之外...有一點是很重要的,就是在一間餐廳吃出情來,你有一間會讓你惦掛的餐廳嗎?

晚上, 點左帶子墨汁意粉, 意粉應該係欖橄油炒香,加上蒜粒, 好香, 意粉條軟硬岩岩好, 好味道加左二十元就係湯同麵包, 麵包會即場焗的, 上檯仲熱辣辣的, 我叫左牛尾湯, 真係無得頂, 又香又濃, 飲完一碗仲好想飲多湯添真係好味道!

其實食過GIOVANNI 好幾次架喇, 不過一直都唔記得寫REVIEW早排又同朋友去食晚飯, 趁得閒講返先~我地叫左一個SOLE FILLET同試左一個叫STUFFED PIZZA既朋友SOLE FILLET係幾好味, 但係論特別就一定唔夠STUFFED PIZZA呢個PIZZA完全唔似PIZZA, 而係一個塞滿左芝士同蕃茄同其他餡既巨型牛角飽, 所以佢中文名就叫牛角型薄餅喇呢個牛角PIZZA, 老細話我地未必慣咁食, 因為D芝士唔係擺0係餅外焗既, 而係收埋0係隻牛角度. 我反而鍾意咁喎, 因為咁樣稔稔地唔燶真係幾好味完場我地食左兩個甜品, 最期待果個叫沙巴翁. 佢黎到果一刻, 我地見到一杯半固體既MUSTARD色東西, 完全唔知點食佢好... 朋友食左一啖, 怪樣, 但係唔知佢係咪呃我. 我擺一啖入口, 咦... 苦既... 愈食愈苦既... 苦到喊咁滯... D酒味太勁喇... 吞果時反而就有甜味同好香既蛋味, 但係已經太遲... 第一次食沙巴翁, 真係俾佢嚇親... 唔知係咪所有沙巴翁都係咁既呢...不過, 我依然仲係好鍾意間餐廳既^^ (雖然唔會0係度再叫沙巴翁)

Total 4 people have dinner tonight.Order 4 dishes but unluckily total 4 dishes taste BELOW average.Also, bad services.Totally disappointed.Conclusion: Will not introduce to others.

前兩日第一次去食set lunch, 我叫左個吉列龍脷柳跟薯菜,果片龍脷柳好薄, 食落好似淨食吉列咁! 但係d薯角都好好味! 跟餐個包好似豬扒包個包咁, 外脆內軟, 好味!但係個羅宋湯就麻麻, 我叫左杯凍檸茶, 都不過不失, 但係就比其他餐廳細杯~我個friend叫左個羊扒, 佢話好so, 又有d "un", 佢叫左杯凍咖啡, 佢話好鬼死甜~Overall 黎講我都覺得呢間野唔係好得, 扒王之王都好過佢少少, 我相信我係唔會再去!

昨日終於去了一試! 地點很偏僻, 但因本身想元朗, 所以很快找到了!一入到去, 黑暗暗的, 但又不是平常高級西餐那種黑, 有點怪, 燈上都舖滿灰塵, 很懷舊的說.點了一款排骨, 帶子墨汁意粉, 同海鮮pizza. 餐前麵包很脆, 不俗! 先來意粉, 賣相十分home made feel, 材料也不多, 但味道不錯, 而且軟硬適中, 很快清碟! 跟住來排骨, 雖然熱辣辣好好味, 但都頗為油同漏, 拌碟的薯角也很好食! 最後來的pizza, 雖然也很脆, 但就好像沒有下調味料一樣, pizza 上的海鮮全無味道, 加芝士粉也不行, 頗為失敗! 侍應雖黑口黑面的, 但服務又不是差!

星期六個日放工特登搭車入去試，搵左一大餐4:30pm先去到。一入到去鬼影都無隻，無客又無侍應，再裝下原來有個阿伯坐係個櫃台。無耐有個cool cool地的女侍出來，原本想叫set lunch，但2:30已無，再睇牌最後叫了個祖凡尼排骨，無跟餐，因為多個湯同drink要加$20.....先來個包，幾唔錯，好脆。之後呆坐等個餐，個感覺幾特別，可能全間餐廳得我一個，環境又夠懷舊，仲播住柔揚音樂，坐坐下有d想訓。終於個餐來了，大約10舊排骨，肥瘦夾雜，頭頭食ok，但稍為放涼後有d騷騷地，感覺都幾油利，可能我不嬲唔like食肥，所以麻麻，總結最好食係跟餐d薯角同個餐包，下次會選第二d試下。

When we were little, Mom used to take us to this favorite restaurant of hers; I had nothing but fond memory of this cozy little place. The old and rusty door, the dark lighting, the kegs, the grapes hanging from the ceiling, the crispy dinner buns with warm and chewy center, the exotic menu.. Many years had gone by before my mother and my siblings had a chance to revisit this charming little place, this past Feb, our family who had spent the past 16 years in Canada traveled back to Hong Kong d

這間餐廳有很多年了，我有個朋友更是由細食到大，我想起碼有二十幾年歷史，今天終於同男朋友仔去試下~^^我們大概也知道餐廳的所在位置。餐廳門口也頗為有趣，在這間餐廳是有兩道門的，一道是較舊式及特別的門﹔而門口又貼上拉字的，另一道側是似機舖的舊式玻璃門，理所當然地我男朋友選了貼有拉字的門口入去，在一拉及一推之下，大門仍然開不到，沒想到原來另一道門才是正門(哈~幾得意)。不知是否侍應安排還是這麼巧合，我們已坐在已鎖上的那扇門後面用餐。餐廳內環境卻另一格局，頗有氣氛﹔另我回憶多年前哥哥第一次出糧，請我吃牛扒餐的情境~我們叫了個黑椒牛扒餐及祖凡尼XX(忘了個名是肉排還是排骨之類)，所有餐廳的朳餐也會先來兩個餐包，這裏當然也不例外吧!朋友沒介紹錯，個豬仔包真是好脆，裏面又軟，加埋牛油更好味，同一般扒廳的餐包比真是好味得多了。再來了祖凡尼XX(忘了個名是肉排還是排骨之類)好似少許南乳味(不太肯定)，另到個排骨更香之餘又沒有蓋過肉味，肥瘦又適中，不愧為招牌菜名。最後來了個黑椒牛扒，d黑椒汁食得出有少許香草味，味道中上。其實我都好想叫埋個甜品吃才走，但吃埋薯條已飽了食唔到，唯有下次再食過啦~^^

去下白泥影相前係度食lunch, 門面好舊, 完全唔覺係間餐廳, 入到去坐低, 四圍都掛左彷古油畫同迷你洒桶, 頗有氣氛, 但燈光略為過暗.叫左個set lunch, 包括羅宋湯, 牛油餐飽, 芝士焗龍利柳蛋麵同餐飲; 羅宋湯好濃, 配料新鮮, 可惜味精太多, 飲多兩淡就口乾; 餐飽外層鬆脆, 可惜內裡唔夠軟熟; 芝士焗龍利柳蛋麵, 蛋麵幾香口, 唔淋有口感, 唔錯, 龍利柳剛煮熟都幾滑, 面既芝士就好一般, 而個sauce太creamy, 個人覺得同個蛋麵唔多夾, 可能同意大利粉或天使麵等長條幼麵會夾D, 所以整體而言個芝士焗龍利柳蛋麵只算一般.服務尚可, 食物水準有待改進, 可能試既唔係呢度代表作, 感覺上只係一間意大利包裝既港式茶餐廳.

我見到d 食評咁好，所以咪去試o下，我叫了帶子墨魚汁麵，唔係set，所以唔包o野飲，另外叫o左個set lunch，係羊扒意粉，有湯有餐飲。我因為見到間舖都幾殘，咁耐都唔執，本以為d 食物應該唔錯，但係真係令我好失望，開頭見到個忌廉湯，已經覺得好唔得lor，好淡，同好粉，心情刻時down 晒，之後個墨魚汁麵，好似好新鮮咁，因為係即炒的，但好少料lor，得好少帶子，味道ok，無其他海鮮，個麵係用芥蘭油炒，無汁的，味道ok，但係我試過自己炒墨魚汁麵，個味道都差唔多，無驚喜，以咁o既錢($55)，真係唔抵食lor，另外個羊扒好酥，可能o岩o岩塊羊有唔少肥膏，所以更酥，我倆個人share食，一半都食唔到，好難食，所以我以後唔會再幫襯，真係怕怕^.^~~~

響yuen long食到d咁正既italian food~好難得!個pizza同墨魚汁面~正~間餐廳好有懷舊feel~唔錯ga~不過始終yuen long都太遠la