祖凡尼意大利餐廳 (已結業)

與男友手拖手去呢嘆浪漫晚餐,一入到去,就聞到一好香既牛扒味,真係暈得一陣陣,令本身已經好肚餓既我食慾更勁!!等左一陣,終於有位,一舖classic既裝修同阿叔一輩既waiter已經令我對呢度既食物非常有信心!點左一個燒春雞餐,公司pizza,同廚師意粉.我地特登點d唔知係咩既野食,等自己有驚喜~先黎餐飽,嘩!熱辣辣,皮好脆,裏面好軟,好好食呀!食得出應該係自家製的~餐湯係羅宋湯,濃淡適中,幾好.之後係燒春雞,其實都估到雪雞應該冇咩味,不過純粹因為細個成日食,今次係懷舊一下咁解,講番隻雞,我估佢只係大過乳鴿少少,點知隻雞比我想像既大喎,食落皮非常脆,肉雖冇乜味,但尚算滑,加埋薯菜,份量真係唔細,好彩有男友share者!順帶一提,d薯角係即炸架!好脆好香呀!之後黎既係公司pizza,有pepperoni,火腿,black olive,mushroom等,佢唔似pizza hut咁有汁底同咁油膩,佢只有濃濃既芝士舖面,雖冇汁底既濃味道,但就可以食到好pure既芝士味,唯一係批底好厚,唔夠薄,佐敦既Tivoli比佢正宗,但都好食.最後係廚師意粉,原來係蕃茄海鮮意粉,好多料,有大蝦,魚,墨魚仔,

我同ar 爸ar 媽叫左香芒大蝦沙律(唔好食)，帶子墨汁意(幾好)，牛尾湯X 2(唔錯)，燒羊扒(媽咪之選)，BUT 千祈唔好食Cherry ice cream...我自己覺得好鬼難食！

搬入元朗區的初期, 朋友約我去這裡食lunch, 見到好舊的門面, 懶洋洋的侍應生, 33元的午餐, 應是沒有驚喜.但自始一嘗之後, 竟然成為我們夫婦的元朗飯堂and朋友聚會之地方.我的推介1. 帶子墨汁意粉-- 好香oliver oil & 墨汁的味道, 只是帶子少了一些. 這裡的意粉做得很好, 比較硬&有彈性, 就算跟餐的都紀不馬虎. 2. 燒羊鞍-- 我好少食羊, 但這裡的燒羊鞍真的不錯, 很鮮嫩而且皮是脆脆的. 而且這裡的薄荷醬及芥末都用很好的貨色, 可以相輔相成.3. 鵝肝-- 有平有貴, 我鐘意平的那種, 但不是常有貨, 那紅酒磨菇汁妙極.4. 最後又最極力推介--餐湯&包, 湯極香濃, 4款也極好, 不過最正是牛尾湯, 餐包永遠的新鮮熱辣, 外脆內軟, 極正.肥妹爸爸搭單推介:燒排骨--這是他的至愛, 每次都order的. 但我覺得一般, 不是不好, 只是覺得很中式, 太多的玫瑰露酒味.以80多元的消費, 絕對超值, 也看到老闆的誠意.只是那些侍應生的態度能夠好d d 就好了.

今晚第n 次去祖凡尼意大利餐廳食飯~ 聽說餐廳的Chef 以前曾在一間五星級酒店擔任主廚，所以祖凡尼的出品水準甚高~ 　說回今晚的飯局。五個人，要了香芒大蝦沙律、墨魚汁帶子意粉、公司pizza、德國豬手拼椰菜、美國烤春雞。我又為自己點了牛尾湯，味道濃而細膩，配搭脆脆的餐包很不錯。主菜方面，除了pizza只一般，其他的菜式都非常好吃，尤其德國豬手味道相當細緻，竟有點似中菜的水晶熏蹄，令人驚喜~ 飯後一杯香濃的熱咖啡，很滿足~ 如此滿餐，埋單才不過四百多~ 個人覺得，環境也懷舊得來甚有特色，也適合傾計~ 所以，想到元朗區覓食的話，這裡是個不錯的選擇!! 　** 不過這裡的甜品只一般，服務也有待改善...

我們幾個同事每逢lunch差不多都在這裏幫襯,這裏每星期轉一次餐牌,每次五款,每款$33, 例如今個星期有a.白汁雞皇飯..ok la b.串燒牛柳..都ok c.洋蔥豬扒..豬扒唔韌又夠入味d.吉列龍利柳幾好e.意式羊仔扒羊扒一d 唔so..每款可跟飯,意粉和薯菜,餐前一個餐包,餐湯有羅宋湯,忌廉蜆湯和牛尾湯,但我地最鐘意都係飲羅宋湯,好飲過其他地方,順帶一題,這裏的牛尾飯也很好食,有時午餐都有出,不妨試下@.@

一入到裡面,這裏的氣氛很懷舊,我和女友就叫0左煙三文魚和風乾牛肉兩款頭盤,然後order 0左公司炒飯和帶子墨魚汁意粉,d飯同意粉都很好吃, 廚師的手勢恰到好處,0係元朗可以吃倒這麼好的食物真是難得@.@

一開波黎個麵包, d 皮勁脆, 但裡面好鬆軟. 焗鮮蝦荷葉飯, d 飯唔油膩, 鮮蝦亦真的感覺新鮮. 祖凡尼炒意粉, 又係唔油膩既. 最後叫左個牛角仔薄餅, 外形真係成個牛角咁, 切開裡面係芝士, 洋葱 同火腿. 又係皮超脆, 但內裡d 餡就真係淡左d. 但以上三樣野既份量都幾少下, 真係貴精不貴多.

昨日得知女友升職加薪，決定夜晚棄西貢而試元朗的意大利餐廳，門口那門殘到不堪，安頓後開始點菜，焗田田螺，大蝦鳥砵飯，公司pizza及美酒煮車厘子雪糕。環境頗西式，但音樂是過年那種- 歡樂連年! 完全沒有氣氛。頭盤沒有特別，那大蝦鳥砵飯是甚麼呢？真叫人期待....oh，原來是白汁磨菇煮大蝦，跟白飯一碟！廚師忘記落鹽，只落了白酒。pizza很厚，比pizza hut 還差!! 得幾片pepperoni.唯一可取是那甜品，但$50太貴，只得一舊雪糕加8粒煮過的車厘子。反而去拿車時經過了兩間cafe頗有情調。

師兄7時來到，跟他牽手走到祖凡尼意大利餐廳慶祝他的生日。在頗具歷史感的環境中昏黃的燈光下享用了口味獨特的牛肉套餐及海鮮套餐，還有叫我慕名而來的壓軸甜品－－美酒煮車厘雪糕－－果真名不虛傳！溫熱的飽含紅酒香氣的深紫紅色車厘子，簇擁在乳白清香的香草雪糕旁，一口品嚐溫熱與冰凍、濃郁與清香、熟稔與軟滑，味覺與口感提昇到極至。真慶幸在這重大的日子嘗到如斯滋味！

同family去食野, 四個人叫左一個匈牙利牛肉餐, 蒜茸帶子意粉、俄國式燒雞沙律、葡式雞皇飯。跟餐o既粉紅牛肉湯唔錯，但個main course 麻麻地。意粉都幾好食，不過比起上次食水準下降左喎...雞皇飯係我細妹o既favorite，ok啦。最後，沙律o既response反而最好，夠清幾好食。環境唔夠靚，影唔落相tim，hehe...

六個人黎食晚餐,叫左燒羊胺,公司pizza,芒果大蝦沙律,肉醬意粉,美式什扒,全部都加廿蚊跟餐. 全部水準都唔錯,唔多講喇.係佢個車厘子雪糕,真係好野!其實上次都試過,上次食完都唔係好夠,就問個侍應有乜甜品啦(成日則起條頸果個),佢話只係得車厘子雪糕咋,我地口淡淡,咪叫啦.睇佢個menu,嘩,成四十蚊一個車厘子雪糕,唔會係兩個雪糕球,加兩粒車厘子咁簡單掛...個車厘子雪糕黎果陣,真係好驚喜,外表好靚,車厘子有十粒左右,一個雪糕球,不過佢車厘子先至係重點,原來佢用車厘酒同糖煮過,好香,又有o的熱,伴埋個雪糕度真係好正,雪糕半溶,入口有酒香,冷熱溶和. 個朋友平時唔鍾意食雲呢拿雪糕,都話佢個雲呢拿同個車厘子味一齊好正!值得一試!其實我都係問佢個老闆娘先知佢點整,等我都試下自己整先,哈哈.

地點很近西鐵站，比想像中容易找到。當晚點的食物：1)燒排骨($50):味道不錯，但我覺得唔夠，如果d就香口d。2)帶子意粉($55)：意粉有口，帶子很鮮味，但帶子份量太少，很像吃淨意粉，味道幾清淡，如果少d油就更好。3)燒春雞($65連餐)：皮很脆，但味道很淡，雞味不突出，配菜係炸薯角，但又腍又冷，一定炸了很久才上桌。4)牛排($80連餐)：牛排一般，不太特別。5)意大利芝士餅($25)：十分十分好味，苦中帶甜味，咖啡味很香濃，是我吃過最好味的意大利芝士餅。

聽過好多人讚呢間食店﹐今日終於有機會一試﹐入到去感覺氣氛不錯﹐裝修係舊d 但係有feel﹐睇埋個餐牌仲係12字頭﹐嘩﹐真係好舊!食既係套餐﹐牛扒與豬扒﹐再加個芝士焗蠔﹐前兩者真係無乜特別驚喜﹐可能扒王之王都有得同佢比﹐個焗蠔味道適中﹐但對嗜芝士的我來說就略覺淡口﹐本來想叫餐酒﹐不過個drinklist簡單過乜﹐無任何餐酒價錢﹐費事問﹐服務..認真一般﹐唔會再試!

去過呢間野已經3次, 無論係咪食套餐, 每次必定叫海鮮湯, 果陣由龍蝦頭淆煮出唻既海鮮湯, 叫您一飲上癮, 配料多, size足兩, 滿足晒口慾...不過全店至hi的龍蝦餐可能焗得太耐, overcooked, 肉質稍硬, 但賣相不錯, 配料唔馬虎, 價錢ok, 值得一試...假期記得打電話訂位, 以免在門口久候, 不過奉勸都係在平日去食會好d, 因d食客level都高d, 白領或情侶佔多數, 即使peak hour人多間野都唔會太嘈, 陰暗環境意式裝修絕對有氣氛, 相反假期去果次經歷一d都唔好, 人又多台又迫, 野食又耐, 仲記得叫左龍蝦餐, 菜一到, 竟然有個無品肥仔食客見到仲大叫''哇,龍蝦餐呀!''即時周圍d人都望住您碟龍蝦餐, 至憎. 從此去親都在周日幫襯好喇. 周末no way!

實在抵食今日又去過又係叫羊仔扒今日可能多人,無上次咁好味既!?不過個湯一樣係very good原來佢呢到檸水茶係唔加糖奶茶就太多奶喇,完全無茶味整體都係抵食