碼頭故事 (已搬遷) 新店位置

麻辣火鍋愈開愈多，又一間過江龍新店，愛辣既我當然要試下😍去到見裝修都幾中式，而且坐位算幾闊落，不過見人就唔太多，算清靜。我地叫左牛油鴛鴦鍋，一邊清湯、一邊麻辣小辣。清湯個邊都ok，但麻辣做得幾好，辣得黎食到味道，而且夠香，又幾好鴨血很推介，覺得拍得住台灣鼎王個d，本身已有d味，實淨爽滑，配上麻辣超讚🤤羊肉片份量唔少，肉質嫩，厚身。木耳爽脆大大片，份量多。毛肚淥兩淥好快食得，吸湯爽脆，新鮮。安格斯肥牛，雪花分佈平均，又淋又juicy🥰呢個我超愛，牛黃喉，脆卜卜咁，淥耐左都唔怕，脆得很有質感。牛柏葉就一樣比較吸味，欣賞佢切得細細，容易食。鴨腸較少見到，比鵝腸爽脆，無肥膏，10秒食得。鵝腸就較一般，都爽脆但略嫌厚左少少，但有肥膏痴住就香d。呢個萵筍片食到最後先發現無影到，好在仲有少少可影返😂切得非常薄身，淥一陣就食得，勁清甜但又保留到脆嫩，係咁薄身先做到🙆🏻‍♀️另外仲試左佢個*墨魚滑*，呢個我都係5星既..墨魚好香又有綿綿既感覺，口感好正試埋甜點，第一次食紅糖冰粉，好似寒天咁，唔算甜，但因為有花生，我就麻麻地喇😅

辛苦了一整個星期，除了要睡得飽飽，也要吃好東西來慰勞自己！走進「碼頭故事」，有著屏風、木櫈等等的中國風物品，猶如致身中國城市之中。「碼頭故事」來自成都，至今在香港也有分店，讓人留在香港也能吃到成都的美味和麻辣火鍋的精粹！湯底方面點了牛油鴛鴦鍋和百味湯鍋，切合不同朋友的口味。雖然一向吃得溫和一點，但難得可以品嚐四川成都麻辣火鍋，怎可以不嚐一點辣？醬料配製方面加上香蔥、蒜蓉後，可以加一點芝麻香油，使味道加以提升。待火鍋滾起前可以先吃個薯仔包，撐一撐肚子，口感相當的軟熟，待火鍋滾起後更可以沾上一些湯底來吃吃。放到滿桌都是食物，應該是我們的特色吧。但這個豐富的陣容，叫人期待萬分！拍過照後我們要開動了！先把沒有太多味道的食物，如茴香小油條放到湯底中，嚐嚐小油條的香脆，又可以嚐到麻辣火鍋的原味！手工韭菜餃子 - 小小一份，皮餡下裝著滿滿的配料，吃得滿滿的滋味！以下的是羊層肚，簡單點說是羊栢葉，一向都不喜歡羊的羶味，但這個羊層肚毫無羶味之感，口感很爽脆，相當有驚喜！火鍋不吃牛的絕對是浪費！來碟一米肥牛吧！雪花紋路清淅，可見品質不太差得到哪兒去。把肥牛放到湯底灼到肉熟透即可吃用，加上麻辣火鍋的配搭，配

同朋友兩個講開好耐無食麻辣，唔知點解好鐘意麻辣的刺激但同時身體有點排斥，每每食完都會痾，唔知大家有無咁嘅程況。題外話講入正題，今次選擇尖沙咀的碼頭故事，入口處大大個店名入內見到用心嘅裝修，中個式平封用上紅色雕繪圖樣， 枱櫈都係特別設計嘅。服務員超窩心，帶位後介紹 order紙，還每送上一食物都會簡單講需時幾耐，非常貼心，如果無講我就會可能過火令食物變韌。上菜快靚正，賣相討好，食物質素高。我個人喜愛現炸穌肉，香脆可口。鴛鴦牛油鍋 白湯可自由選擇，紅湯就指定得一種辣度，當然如果唔夠辣可加。不過調得辣度剛好！麻辣火鍋嘅拍擋，當然係鮮毛肚，爽脆可口掛上麻麻辣辣。黃喉食得多呢間竟然用牛黃喉，質素超正，夠厚身又彈牙又脆口，好特別呀。五花腩肉肥瘦參半，灼後估佢唔到的原全無肥膩感!炸魚片即炸還熱辣辣，即食或過湯也好好味鮮海帶芽又幾好味喎 只需幾秒時間就好食用。醬油炒飯 好好味 感覺係炒糯米飯變白飯咁樣，粒粒飯都被醬油包著！

聽聞成都十強火鍋碼頭故事已駕到來香港，減肥中的我很久沒吃辣了心癮發作，不理三七二十一決定約埋好友去打一場經典老川味的火鍋！ 位處尖沙咀的碼頭故事地點超方便，相約來至各方好友亦很合適！ 內裡大細燈籠高高掛，長木檯加木板凳充滿中國風情，間隔較多這點我最喜歡，即使是夜爆場也不覺得嘈吵！ 甫坐下侍應端來生蒜、香蔥、芫荽及獨立包裝的芝麻香油，想吃辣又受不了的朋友必要點用這香油，它原來是解辣能手來喔！ 我們共選上兩個牛油鴛鴦鍋底＄138/各，一個麻辣配大骨百味湯、一個麻辣配番茄湯，不用問阿貴都知我最愛吃麻辣煱底，辣度不算太強香氣不俗而且不算太油膩。 而番茄湯也挺不俗香香的不寡口，吃不得辣的朋友和吃蔬菜時最合適不過。 人多便任性大家各點上心水火鍋配料，便一起不忠起來的去滾啊！！ 去滾前先吃自己薯仔包＄58，賣相跟薯仔十分像樣，包身軟熟可口，內有點燕麥餡料少少甜挺可口。 另一小吃茴香小油條＄38，口感像油炸鬼淨吃有點香草味不油膩，也可沾上湯底吃是索湯的好東西。 紅酒腰片＄88 附上小瓶紅酒灼前傾下，可惜我豕愛吃腰片不作評論喇！ 而金牌牛黃喉＄88就

今晚同老公去尖沙咀食麻辣火鍋，今次這間已經想食好耐，但要安排老公回港先可以，這間火鍋店店員非常有禮貌又細心，了解我地是否第一次黎幫襯， 逐一為我們講解湯底，配料配搭添，跟手派圍裙比我地。他們為客人準備定香蔥粒，蒜蓉同芫荽碎還有一細細罐的麻油，最特別他們係用蠔油代替豉油，話更能提出食物鮮味喎！ 一上去門口就見到好大個店名，容易揾到！裝修中國風坐位都寬躺舒服，還提供藤籃放手袋以免沾有火鍋味道！d生蒜食落都幾辛辣自家麻油店員介紹落左可減少熱氣同增加香味添牛油鍋-百味湯鍋雖然見到紅卜卜，辣椒乾同花椒滾起好似好辣，其實食落辣度適中又夠麻，食物還可保留該有味道。另一白湯自選豬骨湯底。食材新鮮選擇多，本人推介幾樣必叫項目比大家安格斯肥牛 $138,價錢合理，雪花肥瘦紋理都靚又滑。養生黑豆花 $58 明明唔係黑色但個名同實物有點不似預期不過真好好味吸收晒 d 豬骨湯汁，如果放紅湯較油感。極喜愛兼好爽脆鮮鴨腸，平時食鵝腸多些，今次就能食到鮮鴨腸。一點也不肥，爽口彈牙真係好正！手工餃子-揀左西洋菜，其他還有白菜。。。又係我鐘意嘅，西洋菜餃子菜肉比例恰到好處。整體各得比其他麻辣店水準高一點，食材新鮮，店員服

碼頭故事為我帶來了特別的麻辣火鍋禮驗，十分難忘！碼頭故事主打麻辣火鍋，火鍋料皆為自家出品。其中最特別的是他們的「香油碟」，其實是一瓶油，供食客在品嚐美食前沾點，以減低麻辣鍋帶來的炎症和不適感。碼頭故事的麻辣湯底並非浪得虛名！湯底充滿大量香料和辣椒，令人吃起來既麻且辣，麻的感覺從喉頭湧出來，不消一會已令人吃得滿頭大汗，大呼過癮！美食當中推薦牛黃喉、豬小腸、牛柏葉、一米鴨腸和鵪鶉蛋。個人最愛一米鴨腸和鵪鶉蛋。鴨腸果真長一米，一口吃下，令人非常滿足；鵪鶉蛋在燙淥過後，蛋黃仍能保持「起沙」的口感，令人驚喜！可惜沒有香口的響鈴，著實有點美中不足，卻無損興致。店內的酸梅湯為樽裝外購酸梅湯，有點失望，要是可以提供自家製酸梅湯則更好！最值得一讚的必定是碼頭故事的侍應們，態度親切誠懇，須知道我們一行八人要求也不算少，但侍應們都一一照辦，更在我們結帳後主動歡送我們離去，貫徹「服務至上」的宗旨，真正令我們感到賓自如歸！

辣魔要留意：尖沙咀寶勒巷的萬事昌廣場，悄悄進駐了來自成都、主打正宗四川火鍋的 碼頭故事，離港前甜魔兩口子，也與友人前往一吃，果然風味滿滿！  上來前找了找資料：「成都市码头故事餐饮管理有限公司成立于2010年，秉承发扬正宗四川火锅，做良心企业，得到消费者与同行的高度好评。 2013年国庆开始接受加盟，短短一年时间，“码头故事”在全国的七家直营连锁店有员工1000多人，加盟店已达到60多家，而且正在快速地增长中。」進到店內，不難理解此店在國內爆紅的原因：富中國風情的大紅燈籠、復刻而古典的四合院裝修，還有關於店名「碼頭故事」的歷史還原，都是引人入勝的元素。不過對我來說，更重要絕對是味道，而這裡也做得不錯～由於主打是川味火鍋，這裡湯底選擇不算很好，只有牛油鴛鴦鍋、大骨百味湯鍋、番茄鍋、菌湯鍋、牛油紅鍋五款 ($118-148)，我們要了牛油紅鍋拼番茄鍋，裡面已有少量食材。不似廣式火鍋五味雜陳的調味料選擇，川式火鍋最關鍵的佐料其實只有麻油，而碼頭故事正正擁有自家出品。一罐打開，剛好倒成滿一碗，然後隨意添加上蔥花、蒜粒、味精等，就是最標準地道的火鍋佐料～再來一罐以防萬一的王老吉（吃川味火鍋就是要

一班人share可以嗌多幾個餸，兩條友食飯只可以嗌幾款。乜都未食就先食甜品，呢碟好似叫做紅糖糍粑，味道好似糯米糍層皮。火鍋湯底係菌湯鍋，材料不是特別多，開宗明義以 "菌" 做主打的，確實又唔係咁多。印晒自己logo的芝麻香油碟，外觀好似細罐裝飲品咁樣，聞落幾香幾特別架。安格斯牛肉大大碟的，肥脂廋肉平均分佈著，有肉味，令人食指大動，是my favour。平時食開嘅鴨舌都係細細條的，相比之下，呢到大條好多。

熱辣辣都去打邊爐，係因為無限時，坐幾耐都得，可以慢慢傾到夠。早兩日嚮尖咀幫襯呢間火鍋店，個印象都幾深--真心覺得待應好有禮貌、裝修古色古香、cashier叫 "賬房" 都幾攪鬼。食左N次火鍋，第一次見呢罐野。一問之下，原來是食四川火鍋醬油，職員話地道的會用芝麻香油碟加蒜蔥調味，而不會像一般人用鼓油。羊肉卷睇落好新鮮，吃落又唔會太過騷。通常食開鴨舌，唔係炸就係鹵水，打邊爐食鴨舌都係第一次咁食法，一樣咁 "爽"皇帝菜我就一般喜歡，係個fd鐘意食才叫。我就另外叫左碟脆皮腸。

今日我哋一行四人去咗呢間火鍋店試一試佢，喺香港周圍都係火鍋店，如果想食啲特別啲嘅火鍋就要俾啲心機去搵搵，今次比我搵到呢一間都算係幾特別，先講佢嘅裝修完全有老店嘅感覺，古舊得來又很簡潔，俾人一種去咗老北京嘅感覺，店內每一位服務人員超級親切細心對每一位客人都超級有禮貌，服務態度可算是一流，言歸正傳講返惜才先，食物用料確係新鮮，大致上火鍋店有嘅佢哋都有，所有肉類的確肥瘦適中，蔬菜完全是新鮮的，湯底味道確係有水準，食到最後買單嘅時候，仲送甜品俾我哋，啲碗糖水真係要介紹下，睇圖都知滋陰好補嘅糖水，仲要超級好味，大家快啲去試吓啦！

今晚約左班鐘意食四川麻辣火鍋嘅朋友食野！大家都話想試試呢間新野～因為新開張，所以唔算多人。環境好中式，幾好坐，仲有房俾一大班朋友。服務幾好，一坐低已經有介紹餐牌，介紹佢地嘅招牌菜，主要係食內臟同四川野。佢地係四川野，所以唔用豉油嘅，係用佢地獨家嘅植物油：再自己隨意加芫荽、蔥、蒜蓉，再加醋或鹽！加醋好正！好開胃同d 野食好夾！我地點左焉鴦鍋： 講明無添加，食落真係唔覺得好終味精，唔頸渴！絕對唔係得個辣字。先食安格斯肥牛：好大碟好足料！呢個價錢簡直係驚喜！之後就係內臟系列：首先係鴨血 - 口感同味道都好過豬紅！正！招牌菜- 一米鴨腸！ 洗得乾淨又爽～以下三款都係必食呀！ 金牌脆毛肚～正，爽口！肥腸節子，即係打左結嘅腸！好特別又好食！豬肚， 聽講係養顏！即刻食左好多！最後呢個甜品係必食推介！！煙煙un un 好正，點d 黑糖超好食呀！😍😍好正嘅一餐！ 服務好，d 野好食，環境舒適！一定會再黎！

和朋友打賭在一星期內不停吃辣， 看看誰會先受不了。 比賽進入第三天，進入白熱化階段， 今次我們選擇了位於尖沙咀的四川麻辣火鍋。這間火鍋店是中國大型連鎖集團式經營， 亦因為這裏是旅遊區 ，因此在店內你亦會聽到不少操普通話的客人。店舖內籠基本上是走傳統中國色彩， 空間環境寬敞，感覺上算舒適。今次點了鴛鴦鍋 ，一邊麻辣紅油火鍋， 另一邊則是豬骨湯底。麻辣鍋沒有辣度選擇， 個人認為 辣勁欠逢， 味道亦偏淡 ，和正宗四川麻辣火鍋相距甚遠。豬骨湯算是清甜， 用來煮蔬菜感覺清新健康。點了幾款火鍋配料， 羊肉牛肉算是新鮮， 另外點了必食紅薯粉， 唯一可惜就是 麻辣湯底味道不夠， 紅薯粉吃起來就比較遜色。

知道尖沙嘴呢度開咗間火鍋店，約咗朋友一齊黎試下，放咗工即刻去止下打邊爐嘅心癮。餐廳嘅裝修設計幾好，坐位有好多窗口卡位，正，我地被編排坐窗口位；另外見到有好多間大房，同好多一格格嘅大枱。牛魔王嘅我地，叫咗兩碟安格斯肥牛，大大碟，好新味，食到勁濃嘅牛味，質素好，花紋分佈平均，可以用肥美形容，輕輕一灼已好食到不得了！！職員介紹咗個「宜賓小香腸」，打邊爐未見過呢個，類似超幼的臘腸。另外，蓮藕，蔬菜，土豆片都新鮮爽口。炒飯好香。環境好坐又無時間壓力，食物高質素，職員服務好好。

今日試咗間新野！對我來講我火鍋真係要好高要求，因為我經常去食不同嘅火鍋，今次試呢間，先講裝修環境舒適清潔乾淨，第二服務員態度一流，細心還很有熱誠，講返重點食物質素可算是上剩材料，湯底夠晒味道，食材新鮮，如果要打邊爐呢間算係值得一試，我哋一行四人去食賣單嘅時候，不但不貴，還覺得很化算每人都係$300唔使食到超級飽，最後還有一個好好味嘅糖水附送，所以以呢個價錢可以食到咁好嘅嘢，香港冇幾多間可以選擇，可以算係物超所值，大家快啲去試吓啦

昨天朋友相約於尖沙咀吃火鍋， 同好朋友早已訂位，如果沒有訂位相信需要等候多時。餐廳裝潢方面，以中國為背景，加上濃厚嘅中國音樂底下，好像回到了祖國的懷抱一樣。餐單方面，清楚易明，由幾張簡簡單單的紙組成。 我們點了鴛鴦鍋，牛油紅窩及大骨百味湯鍋， 就是一辣一唔辣的組合， 最緊要不要把兩個鍋底混合起來， 咁味道就唔會撈埋一齊。配料有蒜蓉，香菜，香蔥 配合店家的精製香油。 一般的火鍋店也是使用醬油，但這裏卻使用蠔油，這就是當地人的味道。這就是店家的品牌，一人一瓶乾淨衛生。食物方面，選了嫰滑牛肉，茴香小油條，鮮鴨舌，羊肉卷還有新鮮紅薯粉。 用料新鮮，份量十足，價錢於尖沙咀來說，算是中等水平，良心店舖。這裏還提供不同的付款方法，絕對是與時並進。