碼頭故事 (已搬遷) 新店位置

一班舊朋友聚會，因太耐無聚，我地又嘈，所以想搵間可以有房提供的火鍋店恰下恰下，嘻嘻哈哈下，無意中上網搵到呢間火鍋，打去問原來我地8人都可以有房提供，仲有我至愛既麻辣，雖然OpenRice 無咩食評，膽粗粗book 來試下.上到去覺得裝修幾特別，仲有好多房，聚會一流！我地叫左一個麻辣同蕃茄湯底，辣度適中，蕃茄味濃，相當不錯，食物亦非常新鮮，亦很特別，一米鴨腸，紅酒腰片，很不錯，十分鮮，金牌脆毛肚，很爽.....查實都試左好多款食物，全部都真心不錯，由於我地都食野行先😂😂所以只影左少少相，呢間火鍋今次同朋友食完，絕對有得返轉頭.價錢又不貴，乾淨，又有私人空間.

大概會成為我的新寵兒。所有材料好新鮮☘️ 酥肉好大碟炸得好香脆😍鴨血好新鮮👍🏻 平時唔係好食内臟的我，都有試到一米鴨腸，望到洗得好乾淨，食落好爽口😋冬瓜切到好薄好靚，好快就淥得熟👍🏻鴛鴦鍋最好就係咁，可以食下菜，因為冇理由用牛油鍋淥菜🙈用菇湯淥就perfect。不過下次未必會叫午餐肉，因為唔係炸的🙊牛同羊都好新鮮，唔錯，但所謂一米肥牛應該都係for我地d港女打卡😂糍粑就比不上心目中另一位，但都可以止下癮。下次再試下其他餸先，希望keep到水準啦，因為真係好難得搵到好食。For reference，兩個人買單食左$8xx💸好飽好飽。

香濃麻辣火鍋，引人食慾，又可出一身汗去濕😂 食物款式夠晒特別已經約左另一班朋友放工再去多次。好味又特別👍🏻👍🏻唔太食得辣都覺得好味😋咁多人去平均都係$250成枱都係，要飲咗啤酒汽水一米鴨腸真係夠晒長同埋爽口，聽老闆講返原來四川成都有200間分店。

一班舊朋友聚會，想去打邊爐邊食邊傾，任食火鍋唔岩我地，一來無人係大胃王，食野貴精不貴多，二來任食火鍋又限時限刻，朋友介紹呢間成都火鍋，佢話係成都有名品牌，來港開店，一般廣東火鍋食材食到厭，講到咁出名即管黎試試，打開餐牌真係見倒好多特別食材，服務員話都係成都直運既，鴨腸、天梯、羊肚、臘腸、餃子、腰片（有D食材唔記得咩名，大約形容下），個個朋友都邊食邊話好得，有部份我地食完都有再加單，大家都食得滿足，傾得夠皮，只不過愛地坐房，房內無叫服務員既設備，要自已行出房搵服務員，呢方面要改善下，但已經約左另一班朋友下個月聚會再去