碗屋 (已搬遷) 新店位置

友人話要食呢間既放題, 大大話話講左成半年. 適逢有個人少少既生日飯局, 主角又唔反對, 一於試呢間.坐低先order刺身, 鱆紅、劍魚、吞拿魚他他、希靈魚、赤貝等幾款都唔錯, 水準比想像中好; 魷魚、吞拿同池魚就一般; 甜蝦唔掂, 三文無食. 不過叫左兩round之後, 開始走樣, 記得刺身要早去早叫.跟住叫左手卷同壽司, 海膽唔得, 玉子裂開晒, 可以話係不合格.放題每人有一客鮑魚或燒釀響螺, 前者雖然細隻, 但的確幾有鮑魚味; 後者熱辣辣, 不過味道唔太特別.再來進攻鐵板燒, 整體黎講太油膩, 帶子、蝦、大蔥同牛舌都食得過, 後兩者叫到後來話賣晒喎. 自己鍾意爐端燒多d, 雞頸肉、青椒仔及醬燒茄子都幾好味. 仲有火鍋供應, 不過我地太飽, 所以放棄左.服務方面, order過既食物半碟都無漏過, 上檯速度亦算幾快, 以放題黎講, 做得好好. 侍應們態度亦唔錯, 係個別唔多醒. 環境都幾好, 檯同檯之間頗多空間.總括而言, 我認為呢度既放題水準可以接受(價錢$288+10%). 當然, 呢d野, 永遠都係要食得多先覺得抵, 呢個係all-you-can-eat既不變定律.

夜晚黎左呢度食buffet~~呢間野好旺!夜d去都無位剩~我地分別叫左串燒刺身menu 同鐵板燒menu,d 刺身好fresh呀!!esp.海膽, 吞拿魚, 三文魚!必試!每人$288,另加一收費~咁既價錢可以任食新鮮刺身,都唔算貴呀!

6月3日星期五同朋友來吃放題. 之前試過價錢相若的花水木, 希望水準亦相若, 可惜有點失望. 先看環境, 只屬一般, 我們兩星期前預訂, 竟然都安排樓梯底的位置. 其次, 付出二百多元的價錢, 我沒有預料所用的碗碟與100元放題所用的一樣. 算吧, 再看餐牌, 款式不多. 不打緊, 我們可主攻刺身! 刺身確實不俗, 最欣賞是甜蝦, 肉質鮮甜, 蝦頭鮮味濃郁, 必試之作! 帶子、赤貝肉厚而鮮甜, 亦是上佳之作. 壽司的飯則較為遜色, 硬而無味.煎炸食品較為油膩, 與別家"鬆化、酥香而不膩"有一段距離. 天婦羅吸了很多油, 而且不夠鬆化. 鐵板鵝肝、鐵板帶子都予人很"濟"的感覺.值得讚的除了刺身一流外, 就是整晚沒有漏單.

一位相識近二十多年的舊同學, 突然的打電話來相約午餐, 屈指一算上回見面亦已接近十年之前; 到達餐廳時遲已到了十分鐘, 餐廳開始多人而且餐桌之間距離十分接近, 有點壓迫的感覺; 幸好大家的樣子和十多年前沒有太大分別, 一眼已認出了對方.朋友早已點了兩個優惠套餐, 先來的日本湯麵味道一般, 麵質軟滑可口但湯料偏咸, 內裡的海鮮料好像煮得老一點; 蒸蛋味道輕清質感滑溜; 刺生拼盤用料,肉質和味道亦只屬不過不失有點失望. 原來同學安排了在十二時四十五分前結帳可有半價套餐優惠. 半價套餐價錢仍可以接受, 但食物水準一般.

前星期五同3個朋友去，dinner放題。每人$258+10%.有魚生、部份炭燒、湯、串燒、麵、但冇sushi。每人仲有一份燒帶子或焗螺。服務好，order 快，魚生幾新鮮，份量適中。總括黎廣，正！不過都幾full，記住預先reserve。我用DBS D 信用咭仲有九折！

啱啱星期五係呢度食放題！之前已經聴過ｄ同事講過話呢間食日本嘢好掂！果然名不虛傳! d魚生很新鮮!尤其係toro!一入口就溶化!正! 海膽手捲都很正！另外，熱盆方面，因星期五無火煱，但有鐵板鵝肝！都唔錯！我個人最喜歡燒牛柳粒！好好味！必定要試！燒銀雪魚亦好掂！同埋記住埋單時試埋雪糕！芝麻及豆腐雪糕係極力推介！重有，ｄstaff很有禮貌，值得一讚！！！

星期六去，由於太遲book位，淨番d bar位坐。d位唔係幾舒服囉。果晚真係full 晒。先講裝修，比預期差。舊，光線又暗，應該要番新。淸潔程度都ok。食物，真係好新鮮，尤其d刺身，赤貝帶子簡直超正。平時去壽司店食都係薄薄一片，冇乜味，什至好難先咬得開，但係佢赤貝就唔同，肥大肉厚，好爽脆新鮮。真係一試難忘。帶子好有質感，並唔係平時d一般貨色，淋bat bat。送鮑魚都唔錯，但唔好揀大蝦囉，完全冇鮮味。天婦羅又係好好味，d蝦好彈牙，不過唔夠鮮味。鐵板大蝦都係一様。鵝肝唔夠香，沒冇入口即溶效果，不過由於係任食，仲想點！海、銀雪魚、串燒好好味。軟殼蟹不過不失。我諗星期一至四去會更多選擇。一定會再去！

昨天(Thur)四個人去吃夜晚任食自助餐@ $268 + 10% (有刺身串燒任食、鐵板任食、火任食),你一腔定吃得飽，也有很多款，昨晚全場不是太多人，沒有一半滿，服務也不俗，但食物水準卻一般。頭盤:燒鮑仔最好(可惜額外加每隻50元) 、剌身類：拖羅不新鮮，大蝦霉的，海苦的，串燒很油膩，厚牛肉淡然無味，菇類不新鮮，有一陣味，雪糕很甜，女廁塞了沒得用，要上一層去商場....可能是我們對此餐廳期望太高吧- 又說是全城最好的五間任食自助日本自助餐！當然，有些食物也可取，像墨、赤貝、帶子刺身，手卷的紫菜皮，火的豬骨湯底，薄燒西冷牛肉卷。我們覺得到半島的今佐吃$370+10%的自助餐較值，各種食物(特別是刺身、壽司)會較精緻，又或到那些日本廚師開的小店，一千元已吃得不錯，有很多特別的食品。

星期二放題高質素! 選擇多! 唔會走單! 野食黎得好快! 魚生好新鮮, 任食任叫!好好味! esp.魷魚、三文魚!不過最好唔好大時大節前去, 好似今日個場就full哂,0的位好迫~要讓開俾人去toilet, 野食又成日送錯~唔係太好!不過平日應該唔係咁0既!一行人4個真係食足3小時~咩都食過哂~好滿足!最後仲"sabu sabu" tim!哈~! 仲有兩球ice_cream架~豆腐味麻麻, 芝麻味好正!* 記得不要試:年糕! 硬到爆!* waitress好好禮貌~!值得一讚呢個價錢真係唔錯~物有所值!

偶早聞碗屋午市有半價午餐，在上環上班時曾兩次到訪，可是都找不著。三月初，友人做了激光去近視的手術，隔天早上要到這裡覆診，偶於是付起接送的責任，順道試試這裡的定食。偶這笨笨腦袋只懂記下食物的味道，加上容量有限，那些裝潢、服務什麼什麼的，偶是沒有多餘的記憶體去記了，總之是傳統和式格局就是了。定食是150-180左右，平日1pm星期六12:45pm前埋單半價。定食選擇很多，都是刺身併炸物、燒、煮物等，有些餐更配有日式炖蛋，給人很豐富的感覺。偶們點了牛肉定食及刺身定食（大概是這名稱吧），偶點的刺身定食有帶子、三文、吞拿魚、北寄貝、（甘魚）魚，最特別的是有兩片鮑魚片，以往愛吃紅肉魚，貪其味濃及肥美的口感，但近來轉而愛上白肉魚，脆中帶軟，清淡又帶點點甘甜的魚味，可惜這類魚不新鮮不好吃，而新鮮的白肉魚又難吃到，所以已很小吃了，說回這裡的魚，三文魚是夠肥美，不錯，吞拿魚偶不吃，不吃，死也不吃！Kanbachi不是很新鮮，想是隔過夜吧，吃不到魚味，魚身很較淋口感不好，帶子呀、北寄貝、鮑魚片也是隨便吃了便算，味道沒有什麼特，但亦算新鮮，質數遠勝和民、百人必誅等。刺身附炖蛋及喬麥麵，炖蛋很滑很甜，可惜蛋中的

本人曾先後兩次到碗屋食all u can eat 既晚膳,第一次係星期四晚,比我既感覺真係好好..魚生帶子等都十分新鮮,好有水準..不過第二次係星期六晚去,魚生等味道顯然同星期四所吃既不同,相信可能係來貨日子既關係啦~加上碗屋五至日既all u can eat menu 係同一至四唔同,一至四既係多選擇同岩食d,所以如果要試真係要選擇平日黎喇~

Comparing with most of the All You Can Eat Japanese Restaurant, I think this is one of the best Jap. Food in HongKong. Fresh Food, More than what you expected choice.Recommanding you go there during Monday to Thursday. (Especially on Tuesday)

老闆突然話請我地食飯, 原來係黎呢度食early bird lunch, 12:45pm前埋單有半價...老闆不嬲都係精打細算o既人, 估唔到連請我地食飯都咁識運用呢方面o既専長!我地12:00就黎到. 因為老闆推介呢度o既刺身, 我同佢都叫左刺身定食, 同事有d叫天婦羅定食, 有d叫金菇牛肉卷定食...定食有飯,面豉湯, 烏冬, 漬物, 蒸蛋, 同埋生果, 都幾大份! d刺身係幾新鮮, 同事對d天婦羅同牛肉卷都幾滿意!真係好抵o既一餐!

逢星期日休息

第一次幫襯係試佢地價值$268既一至四任食餐,一入座每人可以0係三個menu中揀一個menu 黎食,分別係串燒刺身menu(個人認為必叫),鐵板燒menu(次選)同火窩menu,由於一行三人,所以試齊三種menu..先講火窩menu..:火窩選左味噌湯底,黎到時個窩超大,湯底鋪左大量金菇同黃牙白,試一試湯底,比較啖口,尚有六種湯底,各式其式..叫左三客一級美國西冷,牛肉切得幾薄,食唔出同普通肥牛既分別..扣分..大蝦,松茸,烏貝:大蝦絕對係大,我相信去sogo 買,一隻都要十蚊以上,不過由於火窩關係,好食極都係白汋,唔吸引..松茸,烏貝等實難登大雅之堂,事關冇黎味道..火窩食到呢度己經冇再叫喇..串燒刺身menu:最可以回本同最多心水食物既menu,刺身有吞拿三文(吞拿非吾所好,三文又屬低價魚,所以冇試)劍魚脯(好肥,好味道),赤貝(勁正,食得出一浸海水味,鮮味得不得了),帶子(食過先知真正帶子既味道,同迴轉壽司之流明顯win數條街),甜蝦(由於狂order帶子赤貝,所以甜蝦完全忽略)..重有兩三款,不過印像唔深..手卷壽司有四款選擇,雖然款少,但係有至愛海膽坐陣,海膽量多,唔係一味飯