碗屋 (已結業)

已經好耐冇嚟食，搬了後地方大咗，但食物質素和味道已經不及從前，款式亦少了，唯獨價錢冇點加，沒有火煱，魚生一般，熱食方面銀雪魚好味，日式蒸蛋亦唔錯，甜品款式比以前多了少許!

今次再黎食碗屋，食物質素都無變，佢既銀雪魚真係好好味，所以都食完再食，而魚生方面都係一樣咁鮮味，最特別係今次係甜品方面佢有一個list既選擇，比上一次只有一球雪糕好得多、有海鹽心太軟，揚榴槤大福，粟の甘芋燒，櫻花大福等等，當中粟の甘芋燒最啱我口味

慶祝同事生日 又落大雨 就walk in 公司隔離L Place嘅碗屋 中午差唔多1點 好好彩有7人位入到去其實個menu真係有好多選擇 為左可以試多d野食 7個人揀左4人餐加3個人 佢係以人頭計 4個人可以揀3款主菜 5個人可以揀4款主菜 我地就7個人揀左6款 但佢就set好多幾多款都係4人份量 12 款主菜我地試左一半 食左我地最想食 幾滿足呀 除左主菜 每人有沙津 主食(可以揀熱湯烏冬/凍中華冷面/炒飯）熱飲同雪糕 另外餐可以揀刺身或者壽司 同樣係四人份量 我地壽星就揀左壽司 壽司包每人一個手卷(可以揀海膽/拖羅/帶子) 講真一開始以為唔唔夠 點知原來份量好大份的 每個人都食到好飽坦白講壽司手卷就一般啦 普普通通 正常 算新鮮 但未到好好好吸引反而熟食有驚喜 特別推介 銀雪魚 鰻魚 羊架 相對來講魚係做得係好唔錯 銀雪魚係冇骨而且係加燒汁去煎 好滑 一d都唔鞋同乾 仲係無骨 整得好好 而鰻魚我就不嬲好鍾意食 e個就好淋好入味好滿曬醬汁但又唔係好鹹 肉質都可以 無咩骨仔 整體好滿意 羊架有4個會切埋上枱 整得好岩時間 唔會咬唔開而且唔會好羶 日本餐廳算整得幾好 主菜其實都唔錯 值

以前碗屋係舊址個陣，相信好多中環OL都食過，搬咗去新址，要行到去中環邊，夏天大熱天時咁行過去真係有d辛苦。首先講吓環境，碗屋無論新舖定舊舖，裝修肯定唔係佢哋嘅重點，睇到裝修真係麻麻，不過比起舊舖算係坐得舒服好多，以前舊舖可能租貴，一時要逼到凳貼凳，一時要坐樓梯低，不過今次我同朋友兩個人，佢哋安排張4人枱比我哋。嘢食方面，餐牌真係10幾年都無變，真係由讀書食到而家，不過好在質量穩定，睇到用料新鮮，食日本嘢，好似魚生咁，一定要新鮮，如果唔係食壞人點算？所以我覺得佢哋係有浪心嘅餐廳我叫咗個薄燒牛肉套餐，首先有個魚生拼盤做前菜，食得出幾新鮮，另外到主菜個牛肉真係唔錯，雖然$210（未加一）一個餐，不過份量同質素絕對無馬虎。我朋友叫咗壽司拼盤，d魚生望落亦新鮮。所以綜合嚟講，我都講過幾間中環嘅日本餐廳，大概都係呢個價錢范圍，雖然其他餐廳佢哋嘅裝修或者環境會好少少，碗屋嘅裝修真係停留係10幾年前個種old style ，不過計食物，佢絕對嘅性價比高，值得推薦！

生日揀左朋友大讚既碗屋食飯，食前亦上網睇下有咩必食推介。年紀大，日頭去完迪士尼暴曬半日之後攰到隻野咁，好期待可以大吃大喝。舊鋪未去過，入到去環境都乾淨闊落，當日人唔多首先，叫左刺身，火鍋，熱食，正當想點野飲時發覺係..散..叫..的..呢個價錢放題唔包野飲，同埋選擇少，第一個感覺確係有點失望，不過呢間服務同上菜速度加番唔少分，有幾樣野真係不得不讚。上菜速度：基本上一遞完單，d野食分半鐘內到齊，張櫈唔係好夠位店員都好主動過黎加枱比我地食得舒服d刺身都新鮮但冇期望中咁鮮，甜蝦好似未解凍咁完全冇味（同店員反映完，轉頭唔知係咪經理即刻過黎道歉，換過比我地。到埋單時經理都好緊張咁問我地甜蝦意見，換過碟後係正常的，抵讚）因為唔知友人安排左個生日刺身盤，結果有d刺身double左食唔切，當食到咁上下其實唔係擺左好耐，店員埋黎話幫我地收左個刺身，原因係擺咁耐唔新鮮好surprise（通常係食唔晒比人話逐兩計收錢，當然唔好浪費食物，食幾多叫幾多好了）熟食+shabushabu當日電話冇電真係影唔得多相，第2round先有影（題外話：店內有充電器借用，非常感激）點左個肉眼，因為本人鍾意食啖啖肉5成熟，而佢

食物質素普通，買單要差不多＄600一位選擇極少，旺角普通放題都有差不多10張食物紙俾你揀食物，佢只係得兩版紙。食物質素普通到x氣都好食過佢。舊舖嘅食物質素係真係唔錯，雖然已經係多年前，但好食嘅程度到而家都仲記得。所以特登幫我再去食多次，個地址就搬咗去而家嘅新店。我都正常放題應該有嘅食物都冇！價錢有貴一大截！冇牛脷、冇鰻魚、冇shabubu...... 軟殻蟹炸得唔錯，但本身蟹質素唔靚，所以好乾！食評最多人讚嘅鱈魚，都係煎得好乾身。個魚湯飲落去係唔錯但返到屋企勁口喝，即係d食物好多味精。員工如果唔需要招呼嘅時候就企埋一邊傾閑偈大大聲咁，要經理提點先識得收口。非常失望的一餐, 一定唔會再去，亦唔會推薦俾親戚朋友。唔單止價錢唔值，食完簡直覺得浪費咗自己個胃同埋寶貴嘅時間！🙅🏼🙅🏼‍♂️

星期五lunch hour 係中環又臨時起意去食日本野，打左幾間電話都無位，朋友就醒可以去碗屋試下喎。想當年碗屋仲係新世界大廈，而家就已經搬左去The L Place, 地方比往年大左好多亦都幾好坐，walk in 都有位。我想食魚生就點左魚生飯套餐，有前菜salad牛油燒元貝（味道幾好好creamy, 不過唔算好熱辣辣）主菜魚生飯好足料，有海膽夠新鮮，多款魚生既份量都夠晒足料朋友點左個燒牛肉晚都份量十足lunch set 仲包埋餐菜around $218 加一， 以中環價錢黎講係TGIF 好選擇！

由舊址開始認識碗屋日本料理，已光顧多年，其味噌湯曾經是小人認為數一數二的，搬遷後還是首次到訪，望能尋回昔日的好感。我們各自叫了一客定食。先說銀鱈西京燒，銀雪魚味道溫和含蓄，魚肉甜美油潤，魚皮無需炸粉，燒完也是脆的。茶碗蒸無需太多花巧，就只有一片鳴門卷、一塊雞肉、一粒蟹柳及一粒白果，已能盡顯蛋的香與滑。炒雜菌亦很香；味噌湯更是不用多提的好喝，整個定食可說是零瑕疵的組合。另一道定食乃薄燒牛，牛味勁香，肉質滑嫩，外面又燒到微焦，加上伴著的炒野菜，再蘸些酸汁，完全平衡到牛肉的肥膩。洋風沙律十分鮮爽；刺身更絕非次貨，好吃得無話可說。對於小人而言，這裡的質數遠高過現時坊間大部份的日式餐廳，仍然正宗，沒有失色。

望望銀包，月底仍有盈餘，決定獎勵一下自己⋯碗屋我來了送的頭盆～醬汁鮑魚夠腍，烹調入味先狂order一番刺身新鮮是當然的，而且每次份量也很足，款式比一般放題多很多鹽燒大蝦這個有點失望，很大隻，但味道一般，失準醬燒銀雪魚每次都order,很嫩滑，醬汁搭配，叫了兩次吃完一輪剌身，要暖暖胃海鮮粥看似平平無奇，但粥綿，配料多鹽燒雞軟骨讚！表面燒得夠乾身夠脆，鹽份量掌握得很好，惹味甜品是雪糕，有芝麻柚子朱古力綠茶芒果⋯太多選擇了我揀了綠茶～不像街外的綠茶雪糕只有顔色，綠茶味濃厚碗屋的侍應們也非常貼心，每次拿起餐牌，還未遞手，他們已經主動地前來詢問有何需要，這些服務令客人們很感到被重視，100 like

碗屋身為全港至貴放题依然晚晚滿座當然有他的道理，食材新鮮，上菜快，服務好，不停打轉加水收碟，新店比以前細，價錢亦向上調整左，連加一成六舊水，抵食與否見仁見智，我地三位老友貪佢不限時，食飽仍可坐多陣吹水，依舊揀週一去仍然滿座，一坐下先來一客二選一鲍魚or 生蠔，(以前三選一的)三位小姐依舊全選鮑魚，味道口感都正，刺身有拖羅，色澤吾錯夠肥美，另一款鯛魚試不出好不好吃，魚种的問題吧，薄切牛柳同一口和牛粒雖未至入口即溶，但都很有口感,sabu sabu 成個鍋上，一点都不失礼，美中不足甜品只有每人一個雪糕球。

碗屋的高質放題在中環甚有名氣，數年前聽聞碗屋是香港質量最好的放題。作為普通打工仔，600多元的放題太豪華，反而碗屋的午市定食，也吃過幾次。午市如果沒訂檯，很大機會會被安排坐吧檯。午市定食有十多數款擇，而且有買十送一優惠。特上壽司盛合，配烏冬，芝士帆立貝壽司整體的感覺很滿足，魚生片切得很厚，而且完全沒有雪藏食物的感覺。唯獨帶子比平常的實淨。海膽的份量也多，入口鮮味。烏冬的份量不算太多，正好配合壽司盛。烏冬採用稻庭，牛肉也軟身。芝士配上黑松露醬，內有柱貝、蟹柳，味道不俗。牛肉壽喜燒，配煙肉蠔、蒸蛋壽喜燒中規中舉，沒太大驚喜。個人覺得蠔和煙肉不太夾。這個定食200元偏貴。人均大概要230元。環境、服務、食物質素都是中級。當然不是物超所值，但間中吃一餐也無妨。如果訂價低少少會更吸引。

※最華麗既放題~中環碗屋※全香港最貴既放題~到底有咩食❓❓❓❗❗❗係誇張到ShabuShabu 爐端燒，鐵板燒各有一個大大張既menu😍😍😍😍指定主菜: 日本蠔，細細仔但好鮮味，推介😘刺身方面: 好新鮮真係好新鮮，同一般粗製濫造既放題的確係有分別，推介:赤貝，三文魚同甜蝦，赤貝超新鮮彈牙，三文魚夠肥美🐟。銀雪魚: 回本之選!!汁燒好match 滑滑好味超加分❗❗海膽手卷: 飯唔多，海膽鮮甜食到咁上下千其要留返個胃食shabu shabu!! 因為佢d和牛真係好靚，係好好味架!!! 🔥🔥🔥🔥碗屋地址: 中環皇后大道中139號 The L. Place 1樓

壽司唔係新鮮手握既，成舊雪到又凍又硬，一上枱就已經聞到陣壽司醋味，同超市買番黎既質素差唔多。魚生唔新鮮又無光澤。雞肉烏冬都唔好得去邊，雞肉無味，烏冬又薄又扁身，好淋無咩口感。成個set最好食係呢個焗海鮮，個汁幾creamy，有啲小帶子同蟹柳。

一個人去食下日本野，可以算係便當吧。。。。算係，但又不是刺身真係幾時都LIKE，因為無人工油，又不是煮燶刺身尚算新鮮，但當然仲可以再鮮D既，不是係咪因為LUNCH人多所以好似不是即整白飯偏軟，蔬菜絲炒得不會太油，有芝麻香。而牛肉粒有肉汁呢方便，真係做得不錯。不會硬又乾都同時，又可以做到熟對午餐來講，算係咀了

自從碗屋搬左都沒有再去。今次朋友生日，大家順道睇睇新環境。驟眼感覺地方好像比以前細，裝潢也沒有以前的日本風味濃厚。價目同之前一樣貴鮑魚每人一隻，食落都好爽口，賣相都OK，還有小小金鉑。刺身種類繁多，食落都算厚身及新鮮，沙律味道不過不失，燉蛋略為少少鹹，燒帶子算正常，鵝肝和銀雪魚又係必食。飲品沒有包，要自己另付費。可惜甜品只限每人一球雪糕。想食多款都沒有服務員一般般，整體應該不會再來，因為現在市面都有很多同價的選擇