知魚知樂 (已結業)

今日行開啲出面招牌寫午市送台式飲品 咪見幾好入去試下，一入到去食客都冇個 ，正正午市時間，跟著我就手機落單 落完野去揀飲品，點知得啲汽水同冬瓜茶同鴨屎奶茶，原來所謂送既台式飲品其實得果個奶茶 好啦冇其他飲品揀 迫住叫鴨屎奶茶 （就算轉其他飲品原來變單點 32蚊） 等左好耐出餐 個豬肚雞肉麵極難食 湯底又重味精 豬肚同雞肉熟到好難咬！重點堂食既筷子仲係不誘鋼造 食粉麵真係燙到個口熱哂！同埋杯奶茶 不值一提 飲左兩啖 冇奶冇茶味 超淡 仲難飲過平時茶餐廳啲奶茶！唔會再光顧！終於明白午市點知冇食客😅😅又貴又難食 68蚊

屋企附近最近開咗間烤魚店，地鐵站一出行一兩分鐘就到，遠望店舖顏色非常搶眼，入面嘅裝飾亦加咗唔少潮語，非常貼近時下年輕人😎入座嘅時候仲送埋炸麻花條，食吓食吓都幾上癮🤣蒜香酸菜味烤魚 江團魚 小麻小辣 $358+萵筍片 $28嚟到烤魚店梗係要試吓最出名嘅烤魚！屋企人唔太食得辣，所以就嗌咗蒜味。特登揀咗呢一款餐廳特別推薦嘅魚，魚質非常嫩滑，超入味！😛入邊嘅配料亦好豐富，有芽菜、黃芽白等，我哋仲另外加咗萵筍片，份量算多，兩個人食都幾飽肚🙈但係亦都係因為配料太豐富，放耐咗有啲鹹同太濃味，好彩有叫飲品調和吓🥲胡椒豬肚雞米線米線 $68+招牌牛舌 $15屋企人比較鍾意，相對上清淡，湯底亦好濃郁，面質好煙靭。仲另外加咗個牛舌，不過同想像中有啲唔同，薄薄嘅一片，同平時出面食嘅牛舌感覺有啲唔同🤔烤雞腎（2串）小辣 $25味道好夠，落咗好多孜然粉，但係略嫌有啲乾身烤豆皮（2串） $15唔太推薦，可能平時食嘢比較清淡，呢款烤豆皮比較甜，外裏面包住蒜味，個人唔係幾食得慣🥲百香果益力多 少甜 少冰 $36椰果+$6好足料！食烤魚必備嘅飲品👍🏻加埋椰果更有口感！

以開心為主題嘅川菜館知魚知樂，店舖乃三合一佈局，同時供應川菜、米線、仲有茶飲！烤魚份量頗大，知魚知樂同時設有一人份量嘅水煮系列、雞煲系列等菜品，一個人嚟食都唔怕！鮮青花椒味烤魚 - 江團魚 $358以大量新鮮花椒增香增鮮嘅招牌口味烤魚，可自選麻辣度！江團魚極厚肉，魚肉挺身富彈性，同鮮青花椒口味都幾夾！烤魚內含蓮藕、薯仔、金菇、芽菜、娃娃菜等配料，亦可加購肉品、海鮮、蔬菜等，食完烤魚打埋邊爐！蒜蓉烤茄子 $36原條茄子鋪滿惹味嘅蒜蓉醬，茄子肉水潤，滋味十足！小酥肉 $52香麻酥脆嘅炸豬肉，係唔錯嘅餐前小食！藍妹 $22｜津路 $25呢度飲啤酒係抵過其他飲品，可以暢飲！

呢間係我食過最難食嘅烤魚，魚本身唔新鮮，啲魚又烤濃咗，濃到啲湯都苦埋，服務態度又超差，食咗成肚氣。第一次寫食評，如果唔係太差都費事寫咁多個字😔啲好評邊度來嘅？?

鮮青花椒味烤魚呢個鮮青花椒味烤魚真係令人驚喜，新鮮嘅魚肉配上香氣四溢嘅青花椒，口感鮮美，烤至金黃色嘅外皮，令人垂涎三尺。用上青花椒，麻味比較重，聞起來有淡淡的清香味，但是吃起來麻味很濃郁。😋串燒海蝦串燒海蝦鮮甜多汁，蝦肉彈牙，鮮味十足。外皮烤得恰到好處，帶有微微的焦香，又充滿了海鮮的鮮美！😊蜜汁雞中翼蜜汁雞中翼外皮微脆，內裡肉質鮮嫩多汁，配上香甜的蜜汁，口感絕佳，雞中翼經過烤製，保留了雞肉本身的鮮美，同時又帶來了烤焗的香氣，美味十足！😌烤羊肉串烤羊肉串烤至金黃色，香氣撲鼻，肉質鮮嫩多汁，配上獨特的香料調味，味道豐富，帶有微微的辣味，令人胃口大開。烤魷魚鬚烤魷魚鬚保留了魷魚本身的嫩滑口感，非常美味可口。配上適量的香料調味，更加增添了其風味。😍滿杯西柚滿杯西柚清涼解渴，酸甜適中，果肉爽脆多汁，非常開胃。每一口都充滿了西柚的清香，帶來了一股清新的口感，清爽又健康。🍹芝芝芒芒芝芝芒芒口感獨特，結合了芝士的濃郁和芒果的香甜，帶來了極致的美味享受，酸甜交融。

紅磡一間新開無耐主打烤魚串燒飲啤酒🍻裏面霓虹燈 色彩繽紛金句香辣豆花烤魚 黑花魚香辣惹味 豆腐大大嚿 呢度簡單介紹 如果揀黑花魚就唔係成條呈上 會起晒肉幫你處理好晒 所以食嘅時候全部係冇骨啖啖肉 其餘另外兩款魚就成條擺上食得夠爽 夠頂癮 相關配套設施夠細心有食串燒時用嘅手套 有乾濕厚紙巾 有圍裙保護靚靚衣服 亦有空氣清新機繽紛水果茶 泰綠檸檬茶 解渴健康茶飲食烤魚香港食都唔錯 下下返去內地時間成本都係錢知魚知樂紅磡黃埔新邨民泰街53-73號地下E號舖

點緊餐嘅時候，侍應俾咗啲脆條，香香甜甜，非常脆口，開胃小食。第一次食烤魚，叫咗江團魚，而湯底就係招牌朝麻先向，表面鋪咗好多好多嘅青紅椒，同埋麻辣籽，味道越煮越濃味，香香麻麻，越食越開胃。江團魚肉質鮮嫩，完全冇腥味，廚師烤過魚嘅表皮，所以鎖住魚肉汁，非常嫩滑，鮮味十足。除此之外，湯底本身配有唔同嘅蔬菜，例如洋蔥、金菇等等。烤雞軟骨，表面鋪咗好多好多嘅孜然粉，非常濃烈。黃喉片，非常爽脆，煙煙韌韌，夠彈牙。最後落埋薯粉，吸晒啲湯汁嘅香味。飲品叫左薄荷青檸，好非常清新，味道好夾。另一杯叫左水果茶，入邊有好多唔同嘅水果，例如蘋果、士多啤梨、藍莓等等，唔會太甜，味道一樣清新。

今日去黃埔買嘢順便食埋lunch，見到有間食辣嘢嘅「知魚知樂」，主打烤魚、串燒、水煮川菜同米線，午市一人套餐仲去到4pm，二話不說即刻入去食返個late lunch😋一人份毛血旺上枱時會繼續加熱，一路食會一路滾住就唔怕食食下會凍咗👍🏻毛血旺食材包括心形午餐肉、鴨血、毛肚、黃喉、豆芽同娃娃菜，我揀咗少辣，辣度啱啱好亦唔會嗆喉，套餐會配上一碗米飯同飲品，我試咗茉香奶綠，甜度適中，淡淡嘅茉莉香入口順滑又解辣珍寶酸辣米線店家嘅米線一樣做得非常出色👍🏻大大碗材料豐富，包括魚皮餃、貢丸、墨魚丸、蟹柳、響鈴同西生菜，湯底加入肉碎、香蔥同芫茜，味道香辣鮮味，響鈴索滿湯汁超級好食，米線軟滑彈牙份量多，夠晒飽肚😆皮蛋卷一碟有成十多片，用蛋皮包裹皮蛋制成嘅冷盤小食，爽口帶點Q彈，多重口感，點上黑醋汁完美配搭小酥肉即叫即炸，熱辣辣又香口，炸粉夠薄又脆，入口啖啖肉，我將小酥肉加入毛血旺，吸滿辣汁，別有一番風味脆皮奶卷食完辣野點少得嗌返個甜品解解辣呢😆外皮酥脆香口內裡幼滑香濃充滿奶香，一條接一條食唔停口😋📍知魚知樂 (紅磡)紅磡黃埔新邨民泰街53-73號地下E號舖人均消費：$100-150食物：⭐️⭐️⭐️⭐️⭐️環境：⭐️

呢一排大陸嘅食店喺香港開得越來越多，終於搵返間似樣嘅🎉🎉🎉🎉無骨涼拌鴨掌：精緻的涼拌菜，這家餐廳的無骨涼拌鴨掌令人驚艷。鴨掌去骨後切得整齊，肉質鮮嫩，配以香氣四溢的調味料和醬汁，味道鮮美。這道菜的口感清爽，搭配的配菜增添了層次感。烤茄子：茄子做得很出色。茄子烤得剛剛好，外皮炭燒香脆，內部軟嫩。串燒烤鰻魚：烤得恰到好處，外皮酥脆，內部肉質鮮嫩多汁。蘸上特製的燒烤醬汁，增添了豐富的口味。這道菜的鰻魚肉質鮮美，結合了烤制的香氣，味道令人回味。鮮青花椒味烤魚：魚烤得酥脆，肉質鮮嫩，搭配豐富的青花椒和香料，味道麻辣香郁。這道菜的風味獨特，辣味與花椒的麻感平衡得很好，令人食指大動。竹笙：有爽脆的口感和淡淡的竹香味道。竹笙的加入能夠豐富火鍋的樣式鮮腐竹：吸收湯底的風味。正

就是这家鱼餐厅！这家餐厅就开在称之为食街的民泰街上，自从上次被朋友带着吃过一次后，就成了我的念念不忘，上次主要吃的烧烤，今次过来一心要吃烤鱼店里环境就很棒，满满的活力感，而且座位距離較遠，以雅座為主，最棒的是各种餐品味道真心不错大酸菜魚：强烈推荐！酸酸的味道开胃的很，渗到了鱼肉里，吃的特别过瘾，鱼肉滑嫩，切的特别漂亮，也没啥鱼刺!! 黑糖糍粑：，糯糯叽叽的口感，还能享受到黑糖爆汁的快乐，满足极了，炸得鬆鬆軟軟的，而且不會太甜店里上菜也蛮快的，服务员服务很不错哦。外卖盒超大一个会帮你包好，还送一个加热器方便回家加热，碗也不用洗10分貼心

今天下午，我和姊姊到位於紅磡黃埔新邨民泰街，一間名叫知魚知樂的餐廳午餐。這家餐廳裝潢溫馨而有格調，吸引了不少食客光顧。我們兩人坐下後，迫不及待地點了一系列美味的菜品。先來的是皮蛋卷，皮蛋的鹹香與蛋皮的軟嫩完美結合，讓人回味無窮。接著是脆皮奶卷，外皮酥脆內裡滑嫩，帶來了濃濃的奶香，讓人忍不住一口接一口。然後上桌的是黑椒鳗魚串，鳗魚的鮮嫩與黑椒的香辣搭配得天衣無縫，每一口都讓人食指大動。我們還特地點了兩串，因為實在是太好吃了！接著是酸菜魚手工面，面條Q彈有嚼勁，搭配酸菜魚湯頭，清爽開胃，美妙的滋味讓人欲罷不能。再來是花生醬拌麵，醬汁濃郁香濃，混合著花生的香氣，讓麵條入口即化，讓人驚為天人。最後是兩瓶清涼的椰青水，讓整餐變得更加清爽怡人。一頓豐盛的午餐過後，我們心滿意足地離開了知魚知樂。這次的用餐經驗讓我們深深感受到知魚知樂的用心和用料，每一道菜品都展現了廚師們的精湛手藝和對食材的堅持。下次再來，我們還要嘗試其他的招牌菜，因為這裡的味道實在太美好了！

我和太太幾日前来过这间新店吃东西，今天又经过红磡，又再来吃其他东西，度过黄昏时段。我们今次吃了手工面，脆皮奶卷，黑椒鳗鱼串兩串和两支椰青水其中最好吃的是脆皮奶卷，金黄色的外层松软很好味道

聽闻红磡开了新店，我和太太到紅磡的知鱼知樂吃些少東西，我们点了皮蛋卷和花生酱拌面。谁知皮蛋卷大大份，有十幾件咁多，而且花生酱拌面都好大碗，所以我们不敢再叫其他食物来吃，两样已经吃到很饱满很开心

兩日前我去咗呢間位於紅磡嘅知魚知樂食飯，每次食烤魚都覺得好滿足。嗰日我哋叫咗一條好肥美好有魚味嘅烤魚，口味揀咗青花椒小辣，一吸見到咁多椒喺上面已經好震撼！辣度好啱我呢啲唔算食到好辣嘅人，小辣簡直啱啱好，好爽！條魚超級肥美，魚味好香，再加埋好多配料，例如薯仔、菜等等，加埋啲汁料，好好食好濃郁。啲湯汁我哋當然唔會浪費佢，仲叫咗響鈴同手工麵，手工麵彈牙好似拉麵咁，響鈴仲更加吸晒啲湯汁勁正。我哋仲叫咗花生醬，好清爽好好食。佢地嘅飲品都好出色，同外面嘅茶飲舖嘅飲品差唔多。特別推介呢個芝滋莓莓，超推薦，甜甜酸酸，而且個芝士奶蓋又可以解辣，入面仲食到士多啤梨粒。整體佢地嘅空間都好大，位同位中間幾闊，食到舒服又開心。

今日同家姐經過紅磡，咁啱又想食碗米線，就諗住試試呢間知魚知樂！首先身為羊肉串愛好者，點可以唔叫返兩串羊肉串呢？串燒送上嚟嘅時候，仲熱辣辣，羊肉串嘅口感鮮嫩多汁，搭配孜然粉簡直係絕配！我同家姐都叫咗兩碗唔同配料嘅酸菜魚麵，一碗係手工面，另一碗係米線。我哋叫咗小辣，但係都算幾辣🥵但整體嚟講幾滿意，因為佢嘅料好足，酸菜魚亦唔會話好腥，口感偏爽口，手工面亦好有嚼勁。然後飲品方面，我哋叫咗兩杯飲品，分別係珍珠鮮奶茶同埋茉莉奶綠。珍珠鮮奶茶，口感細膩，珍珠Q彈，可能因為叫咗少甜，我認為甜度啱啱好，配上辣辣地嘅米線食落去真係好似佢店入邊周圍裝飾所講，食完之後好開心！茉莉奶綠嘅茉莉味亦好香濃😋我哋亦都叫咗烤娃娃菜同烤土豆片，同樣地係加咗孜然粉。雖然整體我都好滿意，但如果要挑剔的話，我認為烤娃娃菜有少少偏鹹～最後講埋店員嘅服務態度好有禮貌，下次經過會再嚟！