真‧章魚無雙 (已搬遷) 新店位置

新年過後無得掃街，唔緊要‼️我仲有葵廣😛 而家葵涌廣場開左唔少新野，黎到呢間真‧章魚無雙試試。真 蟹膏章魚燒 🍡$39/8粒九月進駐葵廣呢間，口味幾獨特既章魚燒🍡‼️本身無抱太大期待，等左大概10分鐘⏳左右，都唔算太耐😃外形粒粒都好靚仔圓碌碌既，而佢即整既關係都做到外面少少脆口，而入面係熱辣辣而且隻章魚都唔細唔會碎濕濕得少少。驚喜係竟然有真蟹膏味，唔hea味道濃郁，加埋蟹籽係口入面爆開，幸福。😋

幾個月前食過一次 已經覺得好好味🤣今次同家姐黎葵芳掃街 所以就帶佢黎試一試💁🏻夜晚黎食 梗係相對比較多人😂 加埋佢係即叫即燒 所以我地都要等咗10分鐘先有得食✋🏻款式算係幾多元化🤔 今次嗌咗蜜糖芥末章魚燒✌🏻 簡咗6粒 $27 因為1人食3粒大大粒既小丸子會飽 要留下個肚陣間繼續掃街💕不得不讚下佢個紙盒幾硬身👍🏻 拎住食好方便 配料算多 賣相都幾靚😍 影出黎粒粒都夠圓夠大✌🏻 蜜糖芥末唔辣但幾濃味 紫菜粉落得幾多 因為即整既原因 所以食落熱辣辣🔥入面有好大粒既章魚🤤 係抵讚既 出面好少食到有咁足料既🤔 不過都反映咗係價錢度 但計落算係高CP值既 不得不提 入面有些少紅薑 對我同家姐黎講就麻麻地 因為成粒薑味都幾重🙈🙈 但可以撈埋佢d醬汁就比較好😆

去葵芳行街買衫緊係要掃街喇!!!第1樣野必須要食既就係章魚小丸子！之前已經俾好多online social media介紹過嘅有腳章魚小丸子~其實上一次黎葵芳已經存在，但上次要等45分鐘..所有冇買到而今次只係需要等7分鐘就有喇!!!!仲唔試?!!!!其實佢有好多味明太子，芝士，芥末蜜糖，黑松露等等今次第一次就試左黑松露味醬汁: 估唔到味道都幾MATCH! 黑松露味都幾濃! 八爪魚: 唔韌，熟的程度剛剛好，而且每一粒小丸子入面都有好大粒八爪魚，而且八爪魚是有腳的那一種!!!總結: $38/8粒，性價比高，等10分鐘都OK! 下次去會試埋其他味！

又陪女朋友行葵芳買衫掃街今次黎到又見到有新小食店 明明上次黎同一個舖位係另一間, 隔一排黎又換左經過見到佢D章魚燒幾吸引, 又有好多唔同味揀, 又見到門口有幾個人等緊, 估計唔會好伏女朋友係明太子控, 一定揀明太子味, 29蚊一盒粒收銀話要等幾分鐘先有, 無所謂, 行轉街返黎已經有得拎佢個包裝又係用紙盒, 有D似屯門好出名果間章魚燒既包裝 (PS. 我未試過)賣相唔錯, 面頭有一層厚厚既明太子醬, 成盒野好香明太子醬足料, 夠味, 同其他配料醬汁都夾味 , 一定會再有下次, 試埋其他口味

依個真係好高質嘅章魚燒👍🏻，依間有嘅章魚燒有好多口味，蜜糖介末，黑蟲露等等最重要係。。。竟然有明太子嘅口味我真係雙眼發光❤️❤️，仲要岩岩扲出泥個下啲柴魚片郁郁下😍明太子嘅味道好出，每一啖都有濃濃嘅明太子味道，好幸福唔會比其他調味遮左，而且醬料落得夠多唔會小，沙津醬都好夠，仲要入面舊章魚係大大粒🐙，每粒章魚都係有腳，係有腳，有腳 正啊😊，每隻腳都齊哂咖😍真係每一啖都有滿滿明太子加章魚味又唔會好多粉，只係食到章魚

星期日放假去左葵芳行街買衫，行到二樓見到好多人一路行一路吃章魚燒，搞到我都心思思好想吃，終於比我揾到呢間店...附近仲有台式飲品店，可以一路飲住野一路吃章魚燒，章魚燒價錢又唔貴，有六粒同八粒價錢，而且款式多，又夠新穎，仲有大型章魚燒添...叫左個真‧芝士章魚燒，大約等左10分鐘左右，哇！見到實物差D尖叫，因為真係好多好多芝士，仲有好多好多木魚絲，又多醬汁...店舖仲提供紙巾，而且裝章魚燒個紙盒夠厚，拎住唔會太熱，可以一路行一路吃，章魚丸粒粒都大大粒，而且即叫即製，吃落口熱辣辣，入面有大大隻既八爪魚，唔會偷工減料，仲吃到陣薑味...鐘意吃芝士既朋友一定要叫呢個，因為芝士夠多又夠濃郁，仲有拉絲效果

為食豬對一般章魚燒興趣不大，但知道葵涌廣場呢間有黑松露章魚燒食，就啱晒鍾意黑松露嘅為食豬。價錢都尚可，黑松露章魚燒39蚊有8粒。一拎上手已經聞到好香黑松露味。章魚燒即叫即製熱辣辣，入口外皮係脆嘅，每粒入面有原隻八爪魚仔。八爪魚煮得好嫰，一啲都唔韌，但為食豬都係鍾意傳統嘅章魚腳，一來比較鮮味，二來比較爽口。醬汁方面，黑松露味好濃郁，好creamy，加上脆脆嘅魚籽同帶啲煙燻味嘅木魚粹，好有層次感。為食豬唯一唔滿意嘅係章魚燒內餡粉漿比較少，以至雖然外皮做得脆但做唔到內軟。內餡除咗章魚好似已經冇其他配料例如椰菜同紅薑，比較單調。總括嚟講都好值得一試，為食豬會考慮encore。

不同凡響的章魚燒乃掃街最佳美食：星期六晚上媽媽外出約了朋友吃飯，作為父親的我唯有父兼母職開車帶小朋友去了葵涌廣場。二樓這間小店提供了不同味道的章魚燒，剛剛出爐的章魚燒非常新鮮可口，三個人一囗氣吃了24個只需港幣105元，非常經濟實惠。其實整個商場還有很多特式小吃美食店可供選擇。

每粒都有一隻小章魚，真材實料新鮮即製，雖然要等15-20分鐘，但值得付出這時間黑松露有一定份量總括而言，都值得一試章魚燒用紙盒包裝，賣相好有特色不過人多的話，可能會無耐性等咁長時間

我一向好鐘意食章魚燒，睇完某報導就黎試，事前上黎睇食評都有d心知不妙，不過就死唔眼閉要來試下！等30分鐘真係令我R晒頭，明明門口一個人都無都要30分鐘？30分鐘應該夠做好好多輪啦！照等啦只好！攞到即食啦，一食，嘩，只係微溫，只係暖過室溫少少，等30分鐘無理由唔係即做掛？點解都可以唔熱？老公反問我係咪攤凍左，頂佢！一了開粒丸子，d芝士條跌出黎，係芝士條，係跌出黎！無乜常識嘅都知芝士遇到少少熱都會溶，無溶到，即係煮嘅過程根本唔熱！甘就解開點解要等甘耐嘅迷思，因為佢個爐唔夠火力，所以唔夠熱，甘咪要整甘耐囉，同時唔夠熱咪d芝士唔溶囉！有圖有真相，真係唔係我攤凍左，已經即食，d芝士係無曾經溶過嘅蹟象！好耐無寫食評，今次真係不吐不快！証明某d報導係嚴重唔可信！

開頭想買大粒試下，之後店員話要等40分鐘，結果我揀咗細粒嘅芝士章魚丸都要等20-25分鐘，咁唯有周圍兜下圈再返嚟攞，我準時20分鐘到，原來章魚丸一早已經整好，攤到凍晒，章魚丸入面有好大舊章魚但冇咩味，芝士味唔算好濃，成粒章魚丸除咗舊章魚有咬感之外，我覺得好似食緊舊粉團，哩一間章魚店試過一次就算，唔敢再有下次！

哈哈....巨型章魚丸我黎啦, 不嬲鍾意食章魚丸既我點可以唔試呢個呀. 記得以前係日本食過之後, 香港都未食過咁大粒既章魚丸, 佢呢到真係即叫即整, 所以都等左大約45mins 先有得食.哈哈...一黎到緊係相機食先啦, 嘩...真係好大粒, 章魚丸上仲放左芝士, 之後再用火槍燒過, 仲有d木魚絲, 一般小丸子有既野, 好啦, 睇下入面有咩料先, 首先見到既係蝦, 都算大隻, 不是蝦毛, 之後就見到八爪魚, 比想像中細, 因為網上見到的比較大, 之後有帝皇蟹柳, 跟住仲有d蜆肉, 紫薑呀, 蔥粒呀, 椰菜絲等........佢既醬汁都ok, 都係一般小丸子既醬汁, 整體黎過都算合格, 不過皮就比軟淋身, 同埋其實無咩驚喜, 因為要等咁耐好似唔值得咁.

從來未食過如此難食既食物！！！四個字 「不知所謂」！成日都覺得如果d人係有心開舖做食物，唔該請自己食先，覺得好味先推出市面。如果唔係浪費金錢仲浪費左d食物！呢堆麵粉（原材料）可以養活一班飽受飢荒既兒童...

真黑松露章魚燒 ($33/6粒)熱辣辣..香噴噴..面層佈滿黑松露醬汁~入口黑松露味濃 , 丸內饀料由原隻章魚製作,入口有口感!推介!不過真係好多人排隊, 落單後要等20分鐘回頭羅~

試左黑松露6粒$33，眼見不是很多人，門口寫了等30分鐘，無所謂啦食住其他野等！半個後返去，仲未有，甘繼續等啦.....忙住食雞蛋仔，都無睇確實等左幾耐了....一拎上手......好好好細粒......（屯門開左間章魚燒後就經常食，可能對比下就覺得佢好細粒☹️☹️☹️）細粒都吾緊要了....點解等甘耐系凍既？？即整不是熱的嗎😰 唉....已經好失望！黑松露味道ok既，但系粒章魚無味同佢d粉又一舊舊😓 $33食6粒真系好呃錢....食完好似無食過野甘.....做過飲食，知道有比錢宣傳拍片/打手尼d野...食完真系忍吾住登入寫返篇真心食評之後會再繼續寫其實食評