真‧章魚無雙 (已搬遷) 新店位置

今次已經係我唔知第幾次幫襯呢間章魚燒小店，可以話係食過番尋味再尋味。而咁多款章魚燒之中，蟹子章魚燒就係我嘅最愛首先要讚嘅係—蟹子嘅份量特多！保證你可以每一啖嘅章魚燒都食到滿滿嘅蟹子而且綠色嘅蟹子喺細味之下，的確係食到微微芥末味。一份蟹子章魚燒食到兩種味，抵啦一盒有6粒，唔知係我好彩，定係每一粒都真係有原隻小章魚（我所講嘅原隻係無左章魚頭部），我食嘅4粒，每粒都係原隻，而且小章魚好彈牙，可以話係真材實料

我係一個超中意食章魚燒既人，邊到有章魚燒，我都會去試，係大阪8日有5日都有食章魚燒章魚燒夠唔夠靚？我個人就中意外脆內軟，醬汁唔會太甜，木魚皮夠香同入面粒章魚夠大粒夠咬口，而章魚無雙就滿足到我呢d願望。呢到既選擇好多，但第一次食，我都係簡番原味啦真係太驚喜啦！！！！！！原本我覺得$2x/6粒既章魚燒有d貴，但食完之後係覺得值得的。首先佢唔單止滿足到我上述對章魚燒既要求，佢粒章魚仲要係差唔多原隻咁，非常之彈牙每粒都脹卜卜熱laat laat! 朋友食左明太子味，都大讚好味，明太子味夠濃，又唔會好咸。會再光顧

葵涌廣場小食店愈開愈多就係人都知，記得小學中學時期會成日考完古箏過黎掃街買衫。印象中變得最小既係三樓，以前食開既都仲係到，但二樓係變化得最勁既一層😂😂。雖然每次行呢到都會瘋狂迷路，但呢間小食店係二樓最多野食附近，好易搵😎去到勁多人，派哂隊等小丸子，買完之後店員勁有禮貌提醒我地要15分鐘後先有，甘個個時間就去左買野飲，慢功出細貨ma😎食左之後真係嘩然！每一粒都熱辣辣，唔會太粉，配料多！重點係每一粒都有完隻章魚！唔同出面個d得條腳😂😂蜜糖芥末小丸子 $29/6粒醬汁蜜糖味重d，芥末未勁到流鼻水，整體黎講係夾既。d木魚配料同醬汁都俾得好足，唔係交行貨，完完全全明白點解甘多人派隊等😂

太耐無食章魚燒啦～見到啲人排我都即刻買個大阪風章魚燒 即係原味醫肚。可以簡6粒或者8粒，我要左6粒，27蚊。等陣，嘩，勁多木魚片同醬，總有滿滿既紫菜粉。我太肚餓，所以成舊放左落口熱到我……大家唔好以身試法呀，割開一半先好食。一打開裡面，成舊，係成舊章魚！唔似得之前係屯門某間食得一隻章魚腳… 真係好好食，下次要試埋其他味！

有驚喜既章魚燒細個成日同表弟一齊食章魚燒由十蚊食到宜家二三十蚊😣😣但一直揾唔到一間好食既章魚燒有一次偶然既掃葵廣街 竟然有意外驚喜呢道即叫即整 所以要等5-10分鐘 但係食過之後就會覺得值得等章魚燒非常足料 有好大舊章魚係入面 而且個醬汁好好食 木魚絲都好多 加埋一齊食真係好夾上碟既醬汁都好有心落得好靚我地今次叫左大板燒味之前食過明太子章魚燒個人認為明太子比較好食😍😍因為大板燒就等於普通原味 無咩特別總括來說 呢道既章魚燒雖然貴過出面小小但係物有所值 唔會好似出面個d章魚燒甘加菜入去整大粒章魚燒 而且有好多款簡 下次會再試其他☺☺

行過葵廣lee度開多左好多小食店搵左間小丸子來試由叫完後到有得食都等左差吾多10分中個場人又多又迫真係冇咩心機食而家好愈黎愈難買到好食0既小丸子好似我叫這個說是有芥末的理應是辣的但卻什麼辣味都沒有。。。而八爪魚也沒有味，而且十分細粒下次應該吾會再食了

又和朋友來到葵涌廣場，以下兩款小食都是第一次食！兩間食店都是位於葵涌廣場的二樓，星期日的人流很多，怕逼的盡可以選擇平日的放學時間前前來～真。黑松露章魚燒($39/8) 章魚燒有好多款口味，芝士呀、蜜糖芥末呀，最後選擇了黑松露味! 除番開每粒章魚燒$5粒，價位可接受。 等候時間不太長，聽說之前要聽20分鐘(真誇張!) 新鮮熱辣辣整好，放入口會有燙口的感覺 每粒章魚燒都會淋上燒汁、沙律醬、黑松露， 醬料是章魚燒的精髓啊!!!! 味道好creamy 同吸引!蛋味重，可以再encore!!餐牌

呢間章魚燒，由我發現佢開左，試左第一次之後，就成為左我每逢去葵涌廣場，必食嘅佳品之一。基本上呢間嘅章魚燒嘅味道，我都試勻哂，但我最鍾意嘅係蟹子章魚燒，佢啲蟹子勁勁勁多！完全唔吝嗇！！仲有佢每粒既章魚燒入面，都有數條大大條嘅章魚粒！價格又唔貴！絕對係價廉物美！（真係好多章魚粒架）但係沙律蛋章魚燒呢個新口味就爭少少，佢啲沙律蛋可能岩岩雪櫃拎出黎，加左上小丸子上面之後就有一種一冷（沙律蛋）一暖（章節燒）有小小矛盾，如果可能整到常溫咁加上去咁就好喇。呢款口味，仲有好多青瓜絲，話哂都係燒嘅野，可以食埋啲青瓜絲，感覺上唔會咁熱氣，就可以食掃多啲葵廣小食喇！

平常食嗰啲傳統式章魚燒已經食到厭。上open rice 睇葵涌廣場有咩野掃街。見到呢間連新假期都有介紹，所以好有決意要食。我買左6粒裝黑松露章魚燒。黑松露味非常香！最有驚喜係佢呢陣黑松露香我好想食芝士味，但呢個冇得雙拼，一個人食唔到咁多粒，即使同朋友一齊食都好。不過如果你趕時間，真係唔好買，因為佢係即時整，唔係整定喺度。Order完師父會即刻去整，時間最少都要十分鐘。呢間係冇介紹錯！我覺得係好新穎嘅味道。大家可以試下。

今日山長水遠黎到葵廣，目的只有一個——掃街。第一站，一定要食我每次都要食嘅黑松露章魚小丸子。呢間小丸子好足料，而且個醬汁係我最鍾意嘅黑松露，醬汁夠濃，一啖一個，好滿足，不過價錢都成正比嘅，都要成＄6一粒架，仲要次次黎都好多人排隊，要10幾分鐘先可以食到，食咁多次都冇失手

葵涌廣場除左行街外, 掃街食野都一流...食物種類多, 新穎, 次次黎都心大心細唔知揀邊樣好...呢間章魚無雙, 其實都好多人/報道介紹過, 今次專登搵黎試...我就冇叫到巨型果款, 但就揀左我最感興趣既味道 - 芥末蜜糖味因為係即叫即整既關係, 大概等左10分鐘左右, 但係好值得既, 等既時候又可以過隔離行一轉, 返黎就可以食到熱辣辣既小丸子, 抵丫!!醬汁配料十分之多, 雖然芥末味唔夠突出, 但有蜜糖味配夠, 兩者配搭得又好OK喎入面仲有成粒章魚仔, 係足料既!! 下次要再黎試下其他味

呢間新開時己經想幫襯，但當時實在太多人要等太耐喇，話要等25分鐘，所以遲遲未食，難得今次經過無咩人，即刻買黎試一試！章魚丸有幾款口味選擇，我擇左真。蜜糖芥末章魚燒(6粒)... 等左幾分鐘左右就有得食.. 熱辣辣.. 章魚丸大大粒軟林林，不是平時街邊個d又乾又硬，芥末一d都唔辣，有沙律醬紫菜碎食落口甜甜地又幾好味，裡面粒章魚都大大粒價錢相比傳統章魚丸貴dd..不過係有特色有質素，大大粒又飽肚，間中食下無妨丫

冇黎到葵芳一排，又已經開咗好多小食店，鍾意食章魚燒嘅我，梗係唔會放過依間咁多人介紹嘅章魚燒啦。一去到見到有好多隻味，都唔知點解，好彩佢有雙併，咁我同朋友就揀咗蟹子同黑松露，＄42 ,等咗大概7分鐘就有得食啦。一咬落去雖然佢冇做到外脆內軟呢個效果，但佢嘅醬汁同配料的確好加分，而且佢入邊都好足了，有成半隻嘅章魚，而蟹子咬落去真係脆卜卜架，黑松露都好食，食落有啲似意粉。依間真係推介。

呢間章魚燒我次次黎葵廣都會食，初初開舖嗰陣好多人排隊，要等好耐，不過依家黎到等幾分鐘就有喇，唔通真係熱潮已過？今次叫咗個雙拼章魚燒，黑松露加蟹子，41蚊。原來蟹子有青色同橙色兩種，有啲驚喜，橙色就係平時食開嘅蟹子，青色原來係有wasabi味嫁，我本身唔食wasabi,不過佢呢個唔算好重wasabi味，所以接受到。至於黑松露就濃味啲，可能因為佢有多啲果醬，所以相對都膩啲，不過我就覺得黑松露好食過蟹子喇。

突然發癲，太想食一檔好好好味既小丸子於是即刻諗到葵芳呢間，好想再食但之後要再去DINNER，所以叫左6粒咋!上一次食左黑松露味，今次一於試其他就試左芥末蜜糖! 叫左6粒! 等左around7分鐘:3食左第一粒先醒覺點解冇蟹籽-___-而且芥末蜜糖味麻麻地，D章魚比起上一次都冇咁足料................唉，我會俾多次機會你架!!!