真‧章魚無雙 (已搬遷) 新店位置

大粒章魚燒(明太子) ($28)一粒一個杯蓋大除了明太子外, 內含2隻蝦和一隻章魚老實說, 外皮覺得有點硬, 畢竟大粒要燒久一點感覺在吃大阪燒, 但味道不錯下次可試返細粒裝

以前都有好多舖頭賣章魚燒，而家少左好多，但係又走左啲係食唔同配料嘅章魚燒店出黎。今次就去左葵廣試下呢間。一去到都好多人排隊，買左都要等陣。企係舖前面又阻住，行陣返黎又驚章魚燒整好左好耐，所以都係做左門神。食過幾次，粒章魚燒其實細左少少了。不過，加左料嘅章魚燒都幾好食，蟹籽都新鮮架，卜卜聲，食落好夾好惹味，其實有啲似花之戀。外皮唔脆，就算冇醬嘅地方都係淋嘅，有少少失色，因為我鍾意食皮脆脆嘅，香口好多～整體黎講都可以一試，始終配料都算做得唔錯，又夠新鮮～

尼間野D章魚燒不嬲都幾多人食下。有時都幾多人等，不過小編去果日冇人等所以都決定一試。章魚燒+蟹膏既組合小編都係第一次聽。佢既蟹膏味真係好重都頗有驚喜下。而且𥚃面仲有原隻章魚係到真係超級正。不過個麵糊既分量就偏向比較少，個人比較鐘意食有滿滿既麵糊多D。但都無阻小編對佢既愛戴丫！

七月十五日今日同朋友又黎到葵廣，今次唔係自己去，所以可以食多啲嘢由於我大力推薦呢到既章魚燒，所以燒到朋友都想黎試下XD星期六既葵廣十分多人又擠逼，店前面已經有幾個排隊預備俾錢，店舖細細人手又不足，要等得比較耐都無辦法。我地今次叫左八粒雙拼，四粒明太子四粒大阪風，大阪風即係最普通平時食開個款章魚燒，明太子當然係我至愛啦～都等左8-10分鐘左右，終於輪到我地啦，熱辣辣的章魚燒永遠都係咁吸引既！啲醬多到好似唔洗錢咁，就黎浸住啲小丸子，大量既木魚絲其實絕對令盒章魚燒加分，普通既大阪風就真係無咩特別，醬汁足夠，口感軟糯，章魚都大粒，質素係有，但因為呢間店始終價錢比較貴，如果係既話我會試其他比較特別既口味，上次話想試芝士味，但朋友唔食芝士所以最後都試唔到。唯有希望下次試到，同埋希望店家會增加多啲唔同既口味啦

已經食過好多次，第一次食係因為28cm粒章魚丸，嗰時一啖就食左入面粒章魚，之後要就咁食d椰菜同面粉，勁sad！之後每次黎親都叫6/8粒嘅明太子章魚丸，好好食，個汁好正，粒章魚大粒，d面粉亦唔會太厚！比起日船，我更中意食呢間！缺點係要等10min,企喺側邊又阻人做生意，想行去買野飲又有d遠，怕過左10min先返黎拎，d丸會凍左

今日返半日工，放工去游水咁梗係要食飽飽先有力氣架嘛而葵廣出名多好西又唔貴所以就去咗葵廣搵好西喇試過葵廣3樓另一間章魚燒，都係要食返哩間原隻墨魚上，口感豐富有6同9粒選擇，少少哋6粒已經夠飽😋😋😋

行開呢頭搵下有咩好食，都系參考openrice搵其中一間最高ranking既小店搵到呢間。選擇好多，所以事但order個應該唔會中伏既「芝士」章魚燒。唔算多人，等左一陣就有啦。賣相都幾好，比大阪既硬，比香港食開既軟，所以口感都幾好。芝士量可以接受，系好食既芝士。一入口好熱，咬開味道唔錯，但好遺憾我6粒章魚燒既章魚都好好好好好細粒，無呢度啲人講咁大粒或者系原隻，所以覺得有啲唔抵，因為$31蚊有6粒，所以唔系好抵食。 咁既價位起葵廣有好多選擇。

8cm $26/粒真係未試過！應該係即叫即做嘅，因為由落單計到拎都要大約25分鐘，肚餓喇咪去附近買小小嘢食頂住先又或者邊行街邊等，時間過得都好快。同朋友一人試一隻味 分別係原味同蜜糖芥末。有掌心咁大，超足料！有蟹柳、蝦粒....最有驚喜係一大粒八爪魚仔😱成舊都實心架！係掃街嘅其中一個必然選擇🤤 又一餐。

我真係好中意食章魚燒，連個名都要有'tako', 姐係章魚呢個字。見到呢間章魚燒好得意，好多口味簡。就膽粗粗簡左個黑松露味，一開始覺得可能呢個配搭會好奇怪，但我錯了。超濃烈既黑松露味！上面既醬令到成粒章魚燒都好creamy, 叫8 粒，一啖一粒真係一d都唔過份！因為黑松露同章魚燒真係太夾啦，完全會上癮 上面仲有d黑色唔知係魚子定蟹子既野，令到成粒既章魚燒口感上再昇華係d醬到會咬到d脆卜卜既野，真係十級正雖然我知道章魚燒既卡路里好高，但對住呢碟章魚燒，我真係想聽日再黎食呀

10.7.2017今日誤打誤撞，難得黎到葵廣，平時住新界東的我好難搭八九字車黎，所以每次黎到都會係咁食今次都唔例外，有一大堆一大堆美食等緊黎我！由於早上都食左少少嘢，所以都未係好肚餓，一到埗就上左三樓買芒椰奶西，然後就黎到呢到買有名的章魚燒～ 價錢唔算太平，平均30蚊起跳，有6粒同8粒揀，我今次黎得一個人，所以就揀左6粒明太子章魚燒，30元～店員哥哥都好有禮同我講要等幾分鐘先有得食。等左一陣就有得食喇，雖然未算熱辣辣，但都係暖笠笠，章魚燒的size好似一粒乒乓球咁大，表面係滿滿的醬汁，還有一層粉紅色的明太子醬，當然唔少得大量的木魚絲啦！咬下去非常軟熟，加上木魚絲，令口感十分豐富，而章魚十分大粒！明太子醬微微辣的味道，令整份章魚燒更加惹味~(不好意思..我吃了一半才記起要拍章魚的艷照)和一般坊間的章魚粒不一樣，這裡的是小章魚一隻，而且鮮味十足，這才是真正的章魚燒啊！唯一有小小挑剔是醬汁太多..有點鹹和膩，而且都唔夠熱。不過這是我第一次幫襯，下次要嗌少醬。總括來說，30元的章魚燒有這樣的質素，很不錯呢！難怪中午時間有咁多人有飯唔食食章魚燒大家可以叫8粒同朋友開心share，有雙拼選擇(+$

好耐無尼過葵涌廣場d小食店掃野食，經過依間比佢d章魚小丸子吸引左，望個價格都唔算平，約30蚊左右，不過就有好多款味道的章魚小丸子選擇，都係醬汁上的分別，我就揀左6粒既芝士章魚小丸子，等左15分鐘左右先有得拎章魚小丸子唔算大粒，不過就足料，入面有粒原隻既八爪魚係入面！出邊章魚燒好少可放咁大隻通常一粒仔。而放係小丸子上面既木魚都好多！我揀既芝士醬夾埋d小丸了係好味既，但芝士醬就少左d，如果多d就好！

路經葵廣，被章魚燒深深吸引住。好彩個時正值平日中午，唔算好多人，我地買左大板風章魚燒（原味）八粒，33蚊，其實比起其他店章魚小丸子，相對上較貴。等左大約5分鐘就有得食，新鮮熱辣辣。拎住硬紙盒食好方便，配料木魚碎多，醬汁落得足，粒粒章魚丸都又圓又大，賣相都算鋪排得幾令。食落口，每一粒粒入面都有原粒彈牙大章魚，足料貨真價實。粉團雖然唔算厚，但略嫌淡口無味。不過整體因為有原粒大章魚以及有唔同味道，值得一試。

又試新味😍今日因為唔係好肚餓所以又去咗掃街 而其中一間就係章魚無雙因為仲想食其他野 所以叫左六粒過下癮🙈本身想叫一個蟹膏章魚燒但係竟然賣晒😱😱😱所以今次就試咗個櫻花蝦章魚燒 $31 有好多櫻花蝦係上面👍🏼👍🏼 又夠大粒入面仍然都係好充料 好大隻八爪魚係入面個醬汁辣辣地幾好食 亦都有啲木魚絲係因側邊overall計埋之前食過嘅大阪燒味，黑松露味，櫻花蝦味，明太子味 我就覺得明太子同櫻花蝦比較好食☺係fans哦 逐隻味試😉😉

呢度有好幾間都係買章魚燒嘅 但係我覺得最好食嘅都係呢間！今次叫咗個真黑松露章魚燒 雖然佢啲章魚燒唔係話好大粒 但係細而精！！！好欣賞嘅係佢哋真係每一粒章魚燒入邊有一個章魚 切開每一粒都會見到！無花無假 夠晒正宗值得一提嘅係佢哋比醬好大方 好似唔駛錢咁係咁淋個沙律醬入邊本身已經有黑松露 已經好重黑松露味 但係佢上邊仲要再整一堆黑松露子 真係好似唔駛錢咁！食落去好香黑松露味好好食！6粒根本唔夠食所以一定會再去食 再試吓其他味！佢有超多味俾你揀

/小兔葵芳覓食記👫<真•章魚無雙>🖤真•黑松露&蜜糖芥末章魚燒($33)+雙拼($2)▪️真❓唔通有假😂店名比我無限ff空間🙈🌸都幾多人買，買完等左15min左右先拎得。佢係新鮮即燒，熱辣辣，但我略厭個外皮無微脆，食落口感有d一團粉漿😭無乜章魚嘅🙁👉🏾之前係三樓有間食章魚燒，個皮會脆🤤入面仲不會太粉，食完仲會想食多幾粒🙈諗住依間會出名d咩試下，但一般la🤔-👉🏾揀左雙拼，滿足2個味道。🍯蜜糖芥末係聽後面位小姐話幾好食買左，Um..味道不出 醬少之餘，食落似原味🤦🏽‍♀️而且原本嘅燒汁偏咸！蓋左陣味。👉🏾🤤黑松露就出好多，表面仲有少少黑色蟹籽，增加口感，口感依家嘢都幾重要，脆卜卜😛配埋木魚陣獨有風味，正好多。