真牛 (已結業)

呢間新開小店價錢優惠，牛🐮味十足，我見屋企人叫左幾次外賣，趁今日早收工就去下堂食先！呢度一定要食崩沙牛！ 超入味超諗！而且肥瘦相間！好高水平！我嗌左崩沙牛撈麵，麵質揀左粗麵。朋友揀左湯麵🍜我地就一致認為撈麵好食啲！因為個湯底清淡，我地呢啲重口味之人就偏向撈麵既口味。個個人唔同，你地按個人喜好吧。另外，沙崩牛真係好正！！！ 一定一定要食！ 兩杯野飲，一碟青菜🥬，加埋都係165， 超級無敵好抵！ 作為日常外賣餐簡直一流！唔使下下都食車仔麵🤭

土瓜灣新開小店，主打廣東的牛腩麵，有粉麵、撈麵、飯三大類別。崩沙牛腩撈麵 - $66牛腩之中最美的崩沙腩，數目極少十分矜貴，每日限量供應，售完即止。透明的並不是肥膏，而是牛的橫膈膜，充滿膠質，有少少爽滑感，連著少少肥瘦適中的肉，非常軟嫩軟腍，底部還墊了幾塊崩沙腩肉；撈麵的份量非常之多，就像加了底一樣，本身下面有少少腩汁，再附上湯一碗，一乾三濕，別是一番滋味；更有蠔油生菜數條。郊外油菜 - $18油菜會配上鮮香的蠔油，可選生菜或菜心，份量都頗多，有一棵。奶茶(凍) - $18個人喜歡較重的奶香，要求了多奶，特別絲滑，又不失醇厚的茶香。

同女朋友一人叫左個咖喱牛腩飯同崩沙腩撈面, 個咖喱,撈面, 同個湯都咸到爆, 食咗幾啖就已經頂唔順, 要飲晒成杯飲品, 唯一優點係好大碟好足料🫠 大廚可以起碼落少3份2鹽, 又可以慳返d 成本

今日嚟到土瓜灣覓食，見到一間啱啱新開咗冇耐嘅餐廳。見到餐廳都主打牛腩，所以就試吓佢嘅咖喱牛腩飯。咖喱牛腩飯係其中一個推介嘅飯類，嘢食黎都發現佢㗎嘅份量都好多，一個女仔可能真係食唔晒🫣🫣牛腩有好多舊，係真材實料！我鍾意佢咖喱嘅調味，啱我口味，我唔鍾意食太辣嘅咖喱。牛腩細嫩，有少少肥肉嘅牛腩就最正，呢一度做到肥而不膩。食牛腩梗係唔少得食白蘿蔔啦，店員推介佢哋嘅鮮味蘿蔔，同樣份量都係勁多，果然好鮮甜！！另外店員話崩沙牛腩都好出色，有機會我都想試吓！！😊😊我見佢都有好多嘢飲，居然有杏仁霜，有意外嘅驚喜。

真牛 位於土瓜灣，係最近新開業嘅小店，招牌崩沙牛腩係每日限量供應，售完即止！崩沙牛腩 除咗可以淨食，仲可配湯麵 或 撈麵，麵亦可轉米粉、米線、粗麵、河粉！崩沙牛腩撈麵 $66崩沙牛腩湯麵 $56崩沙牛腩 份量夠多，價錢平宜，質素優良！崩沙牛腩 白色嘅部份唔係肥膏，而係牛嘅薄軟膠質，入口軟淋帶少許爽口，牛味濃郁，好味道！撈麵爽口彈牙，配合埋上湯，好滋味！湯麵 湯底較清淡，更能夠品嘗出崩沙牛腩嘅味道！生菜 $18凍檸檬茶 $18凍西洋菜蜜 $18

今日去土瓜灣探朋友，見有啲肚餓，所以就入嚟呢度食碗麵。呢間餐廳個名叫真牛，冇理由唔試吓啲牛！我叫左崩沙牛腩撈麵估唔到份量都幾多喎！碟麵夠1.5個我食，麵質爽彈有勁。佢個崩沙牛腩好美味，含有豐富膠質，爽軟不硬。牛腩牛味濃郁，嫩滑而多汁，帶有少少肥膏，啱啱好，唔會膩。非常推薦👍🏻佢配左碗例湯，可以撈麵亦都可以送湯食☺️我仲加咗碟菜心，啲菜好嫩綠，洗得好乾淨，食落好放心。佢唔會煮得好腍，夠曬清甜。佢加咗啲蠔油，欣賞唔會成碟菜都好油！夠晒健康餐飲叫左凍奶茶，透心涼。呢度係新鋪嚟，乾淨企理，坐得又舒服，食物質素都唔錯！

香港第一牛腩麵專門店真牛 WOWCOW牛腩麵專家,由大師傅出山主理,每日限量崩沙牛腩麵當你排隊食一碗名店既時候,其實有好多粉麵店其實做得更出色更好食#真牛 位於土瓜灣既小店,坐位唔多,小店用心製作,賣完即止可湯麵或撈麵食法 崩沙腩,三分肥七分身,肥瘦平衡,滷煮得岩岩好,多一分柴,少一分唔夠味,帶點軟膠質感,牛味濃郁又有肉香,食完真係搵唔到第2間有呢個水準#屯馬線美食 #土瓜灣美食 水準出色,價位合理,靚牛本來就成本極高,加上大師傅管控品質,真心好食作為潮洲仔,自細食就腩,魚蛋,牛丸,呢間真係應該會成為口袋推介名單炆得入口腍滑，肉質有嚼頭，帶爽 麵身彈牙,份量非常足料牛腩係呢間店既靈魂 主角,都係靠一位老師傅睇場,傾談之下得知原來已經做了很多年,有獨有既煮牛腩心得材料靚,功夫夠,缺一不可,啖啖鮮味,食完滿足感十足土瓜灣高山道72-88號富怡閣地下5號舖Shop 5, G/F, Faerie Court, 72-88 Ko Shan Road, To Kwa Wan