真妮 (已結業)

被色彩吸引到的快餐店～🌈真妮之前行街經過已經mark 底下次去食，今次有朋友來將軍澳，－於去試吓！主食我哋要咗：🍔單層漢堡、超級菇菌派對漠堡。漢堡🍔肉和菇都好juicy，超級菇菌漠堡有黑松露醬汁，俾我想像的美味，啱曬我呢啲愛菇之人。另外叫了小食：#明太子雞翼和 #日式小丸子。推介必試日式小丸子🍡，外皮香脆，內層香口豐富，食完一粒就覺得好驚喜！🥂飲品方面：Latte(熱）拉花好靚✨百香果益力多 正常水準平日Lunch time 時間都要等位，幸好我哋比較早嚟，食物質素不錯坐得又舒服，而且見到色彩繽紛人都開心啲，見到餐牌有兒童餐 ，下次會帶小朋友嚟!🥰

新都城千色店大減價， 和朋友放工後約定 去血拼， 當然食飽飽先有氣力戰鬥。朋友介紹裝修色彩繽紛的漢堡店，就在千色店旁邊扶手電梯下層， 由於時間尚早，不用等位就可以直接入座。打到手軟牛肉漢堡(慢煮牛肉漢堡扒🍔＋ 秘製醬汁 ＋蕃茄🍅 ＋芝士🧀＋生菜🥬＋洋蔥🧅)牛肉漢堡扒比想像中鬆軟濕潤， 由於是慢煮的關係，顏色會比較粉嫩， 麵包質地鬆軟 ，加埋秘製醬汁 新鮮蔬菜， 真的很滋味。咖哩炸雞蛋包飯螺旋形的雞蛋， 完美地覆蓋著 在底層的飯， 重點是白飯煙煙靭靭 很好吃， 日式咖哩汁 甜甜辣辣的， 炸雞金黃色嫩滑多汁。 配搭少許沙律菜， 更顯健康。日式小丸子， 外層脆卜卜內裏軟綿綿， 濃濃的醬汁和沙律醬味道很match。明太子雞翼， 但是金黃色， 內裏餡料香香辣辣的， 而且充滿肉汁， 無骨雞翼 啖啖肉， 女士們的最愛。奇異果沙冰🥝🥝荔枝益力多🍹🍹最鍾意就係色彩繽紛嘅特飲， 奇異果沙冰充滿奇異果粒粒果肉， 用了金色奇異果裝飾， 未到清新充滿果味。 荔枝益力多， 味道比較偏甜， 果味香濃 有粒粒荔枝肉。整齊特飲水準不錯， 真材實料。

今日行過新都城 見到間新開張漢堡店 幾colorful 🌈 一於去試吓✨店舖環境 舖頭雖小 但睇到有心機嘅佈置裝修色彩繽紛 一個個唔同顏色嘅按鈕有嘉年華感覺 小朋友一定好鐘意餐牌上除咗漢堡，仲有唔同小食亦都有焗飯/意粉 同埋all day breakfast 小朋友都可以選擇食兒童餐 佢個Drink List 都有唔小選擇 🤩🍔食咗個煙肉蛋漢堡 （$38）煙肉唔會太鹹 煎蛋脆邊 蛋汁豐富 漏出嚟🤣🤣粗薯條 香脆但不油膩 食得幾條都唔怕🐓蜜糖雞翼 （$28）呢個價錢有5隻 真心抵食甜度適中 熱辣辣🔥蜜糖唔會過多 肥美可口 🥤飲品抹茶Latte （$23）入口清新 不會太重奶味 口感頗幼滑而且份量剛剛好今次因為得一個人 下次可以同朋友嚟試下其他漢堡 焗飯 同 小食😍😍總結嚟講 可以推介👍🏽👍🏽

同小朋友去食漢堡, 我自己叫左個焗飯, 真係未見過一間餐廳個焗飯係可以焗成咁, 大開眼界, d 醬汁冇完全蓋過個飯, 搞到d 好似食緊飯焦咁, 都唔明點解唔俾多少少汁, 起碼唔計個味道出黎都見得下人, 個Menu 又show 到個焗飯咁靚, 如果冇心做焗飯就就唔好做啦, 只做Burger就好.一口芝士又係, Menu 睇相有8件, 文字上又唔寫有幾件, 最後出黎原來得4件, 如果你個Menu 寫清楚會比較好D, 唔好引人誤會嘛如果要叫就叫漢堡好啦, 其他野就算

《色彩繽紛漢堡店🍔》———————————————-#真妮 🌈-作為將軍澳友，梗要推介大家一啲區內美食啦💜 最新經開新都城發現咗呢間小店，裝修夠哂夢幻，竟然喺將軍澳都搵到打卡一流嘅餐廳，立即心心眼少女心爆發就衝咗入去😍-餐廳以彩虹波波為主題🏳️‍🌈 有種置身於七彩繽紛嘅波波池嘅感覺，牆上仲有白雲、粉紅霓虹燈，充滿童趣👶🏻-⚔️ 自殺式鵝肝牛肉漢堡啲菜式名都好盞鬼👻 厚切鵝肝油脂感爆化，而手打漢堡牛肉亦非常飽滿，啖啖肉，牛味濃郁🐮中間夾住番茄、生菜、芝士、洋蔥同帶點微辣嘅秘製醬汁，整體味道配搭得好出色～ 跟餐就會配有沙律或細薯條，幾抵食🍟-🍳 鰻魚蛋包飯飯上面鋪咗金黃色仲嫩滑嘅薄蛋皮，係日式旋轉嘅擺法，食得出蛋漿好滑🍳 鰻魚都算大條，加埋照燒汁撈飯幾好👍🏻-🐣 明太子雞翼明太子味好突出，充滿雞翼裡面，咬落口感軟嫩，外皮帶點焦香😌-另外我哋買咗兩杯特飲，十分吸睛，非常colorful🥰 星河嘅漸變色好靚，口感清新🌠 士多啤梨沙冰尤其濃郁，夠哂refreshing 🍓-⭐價錢參考：自殺式鵝肝牛肉漢堡：$118鰻魚蛋包飯：$98明太子雞翼：$48吉列炸蠔：$22士多啤梨沙冰：$42星河：$42🍌抵

放工黎寶琳行街，見倒依家裝飾色彩繽紛少少復古feel嘅Burger餐廳，決定入去試下。餐廳地方冇好大，但係餐牌選擇又好豐富，蛋包飯、焗飯、沙律、pizza都有提供，定價又唔貴，即刻選擇困難症。All Day Breakfast - 超豐盛嘅全日早餐！茄汁、豆炒菇、煎蕃茄、炸薯餅、腸、 炒蛋、煙肉、煙三文魚牛角包、沙律。炒菇真係非常驚艷！勁香黑椒味。大啡菇牛肉漢堡 - 依道漢堡標榜係慢煮，所以咬落去中間仲有少少粉紅色，啖啖肉汁。大啡菇唔洗講依道菇類個人非常欣賞，好甜好juicy。薯條都係即炸，熱辣辣外脆內軟。日式小丸子-都係即叫叫做，熱辣辣外脆內軟，酸酸甜甜好開胃。明太子雞翼-釀雞翼好難做得好食，依碟整得好唔錯。

跟媽媽2人世界 當然要吃她喜歡的菜色她提起一家色彩繽紛的漢堡包店在寶琳於是乎當然要去嘗嘗！餐廳裡裡外外給人一種開心 快樂的感覺而且有一個可以打卡的位置 餐廳主打burger、pizza、炸物等餐套很多都是60蚊以下已經有薯條或沙律😝😝🍔🐂單層真妮漢堡 $59麵包上下都有烘底 口感增加手打牛肉漢堡扒 超濃牛味炸薯條是粗身波浪薯條 即叫即炸醬汁調味也手很滋味🍔🍄超級菇菌派對漢堡 $55素食人士必推！ 漢堡包夾住牛油炒過的大啡菇&白菌片重點是黑松露醬料 重帶出菇菌味！😋😋🐥蜜糖雞翼（4件）熱辣辣上枱 蜜糖量適中不會過甜 蓋過雞翼味🍷青檸熱情果梳打味道好清新 配漢堡飲一流😆🍷檸檬茶（凍）

之前食完話一定會再回訪試下呢間嘅burger,我前幾日去咗食勒🤤🍔🍔就咁燒焦芝士漢堡 $79見佢呢款係新出，即刻叫嚟試下慢煮牛肉漢堡扒肉味香濃，個秘製醬汁有少少辣，三重芝士大大塊，鹹香味十足，配料仲有番茄、生菜、洋蔥🧅叫🍔仲會有薯條🍟/沙律🥗🍳炸雞蛋包飯 $68蛋包飯份量好多，用上日本蛋，蛋滑嘟嘟，炸雞炸得外脆內嫩，有肉汁🐥單骨雞翼 $35雞翼炸得好脆身，食落辣辣地幾惹味🦀秘醬蟹棒 $18蟹棒配埋個秘製醬汁好好味🤤🍹荔枝益力多 $38入口荔枝味幾香，仲有荔枝果肉🍵Mocha $20抺茶味道啱啱好，冇苦澀味，又唔會太甜

餐廳🍴裝修好夢幻，以彩虹🌈既元素裝修，好靚好少女，食既食物亦岩哂打卡📸 職員服務亦非常親切友善，成個環境氣氛都完全表達到Life is Colorful❤️當煙肉蛋再愛上蛋牛肉漌堡🌶️ $88優煮牛肉漢堡扒、煙肉、蛋、秘製醬汁（微辣）、番茄，生菜、芝士、洋蔥🧅一黎到個蛋黃就勁吸引眼球😍，牛肉漢堡扒非常飽滿結實，牛肉味亦好濃郁，煙肉既咸香更加令成個漢堡錦上添花，配埋半生熟蛋漿既加持，完全大滿足，番茄🍅生菜🥬亦增加左成個既爽脆口感，亦令味道肉味濃而不膩，整體味道配搭得好出色，有啖啖肉既口感，但又完全唔會有一絲肥膩或油膩感含菌量超標漢堡 $55大啡菇、白苗片、黑松露醬、番茄、生菜🥬中意食菇類既必食，勁厚身既大啡菇一咬入口即爆汁超級Juicy，雖然無肉係入面，卻有豐滿既食肉感，仲有大量蘑菇同黑松露醬，令成個口腔都充滿唔同菇菌味，非常好食*所有漢堡都配薯條🍟或沙律單骨雞翼 $35雞翼炸到外皮香脆可口，一咬入口真係聽到外皮既卜卜脆，內裡既雞肉又保持到好Juicy好嫩滑薯格 $28每一塊都炸到勁酥脆香口，金黃色外表，無一絲既油感係表皮奇異果沙冰 $42奇異果🥝酸酸甜甜勁開胃，奇異果味濃郁到好似成個奇異果

屋企附近開左間新嘅食漢堡包嘅店，我地幾次經過已經覺得個餐廳設計好色彩鮮艷😏打卡一流☺️餐廳嘅套餐都幾抵，好多餐都60蚊以下已經有薯條或沙律👍🏻當然都有唔少小食同飲品🤤🌸打到手軟牛肉漢堡慢煮牛肉漢堡扒加上秘製醬汁，食落肉汁豐富，牛肉有香濃牛味，加埋蕃茄生菜芝士洋蔥，口感更上一層🌸含菌量超標漢堡E個係素食人士必點項目😍人面有用牛油炒過嘅大啡菇&白菌片加埋秘製醬汁（微辣）仲有蕃茄同生菜☺️🌸自家製炸雞&日式小丸子日式小丸子係章魚燒黎，食落外脆入面都有章魚🐙炸雞係新鮮炸嘅，外脆肉嫩😆🌸青檸熱情果梳打&可樂青檸熱情果梳打味道好清新，夏天飲一流😆

今日喺新都城UNIQLO開幕， shopping完之後就去食午餐，比一間顏色鮮艷嘅餐廳吸引咗，見到門口嘅Menu價錢又唔貴，而且選擇好多，一於入去試吓炸雞蛋包飯一上枱就覺得好吸引，有四件剛剛炸起嘅炸雞，飯上面鋪咗金黃色仲嫩滑嘅蛋皮，仲要有少少旋轉嘅擺法，真係好吸睛，咖喱汁在旁邊，啱晒啲鍾意醬汁分開嘅朋友仔打到手軟牛肉漢堡慢煮牛肉漢堡扒、蕃茄、生菜、芝士、洋蔥，我最欣賞係佢嘅秘製醬汁，少少辣，又好開胃，旁邊仲有扭紋薯條單骨雞翼單骨雞翼食起上嚟夠晒方便，外層脆卜卜，入邊仲好Juice，雖然係單骨，但係啲肉都唔少薯格雖然漢堡有附送薯條，但係我都好想食薯格，所以都order埋😆對比之下覺得薯條好食過薯格青檸熱情果梳打&柚子檸檬梳打兩杯飲品都好飲，最怕飲到嗰啲好淡嘅梳打飲品，呢兩杯都好濃，食完炸嘢飲，飲完之後覺得冇咁熱氣😝

呢日唔想煮飯，所以就去左新都城搵食，經過見到呢間色彩繽紛嘅餐廳好有興趣，一於試一試。原來呢間餐廳主打漢堡，不過除左漢堡之外仲有pizza，蛋包飯之類，選擇都非常多。不過我同屋企人都想食漢堡，所以我地一人叫左一款分來吃。打到手軟牛肉漢堡（＄59）：漢堡一望落已經覺得好靚，而且麵包烘得香脆，牛肉漢堡夠曬厚，而且非常juicy，肉質都非常柔軟，醬汁調味亦很滋味。平平無奇西京燒漢堡（＄48）：魚柳包就食得多，西京燒比目魚漢堡都係第一次食，一送上枱已經聞到好香嘅魚味，比目魚燒得非常香口，再配上京蔥有另一番風味。所有漢堡都可以配薯條或沙律。我地一人叫一款share吃。薯條炸得非常香口，而且份量都多，熱辣辣。沙律份量亦都好多，蔬菜亦很新鮮爽口，而且有沙律醬增加風味。奇異果沙冰（＄42）：這杯沙冰有滿滿奇異果味，非常新鮮，又唔會酸。士多啤梨沙冰（＄42）：士多啤梨味幾甜，好啱女仔飲，而且仲有完整一粒士多啤梨可以食。呢間餐廳既食物質素高，下次有機會都有興趣想試下其他款式。

又到happy friday，但我今日要幫家姐手湊仔🤦🏻‍♀️。不過我都冇咁灰既，上網搵左間裝修到彩虹🌈既餐廳，色彩繽紛D，人都開心d！接完兩個姨甥放學，就直接放低書包，就出發去食野同埋去玩。 餐廳裡裡外外都充滿彩虹色，仲有幾個位可以打卡。餐廳主打係burger、pizza、炸物等，最開心餐廳有得嗌兒童餐，唔洗嗌太多而浪費。 ⦁單層真妮漢堡 $59麵包上下分別都有烘底，正常芝麻得最上果層先有，尼間餐廳連最底果塊麵包都有芝麻，口感增加。配料都好多，漢堡果層有手指咁厚既手打牛肉，超濃牛味，超juicy。而果炸薯條係粗身波浪薯條，即叫即炸，拎上手都熱辣辣。 ⦁兒童餐 $58入面有青瓜蟹柳沙律、蛋包飯、薯條、炸雞粒，有齊小朋友鍾意食既野。另外餐廳整到果蛋皮好薄好靚，有個照燒汁淋上飯面，配埋一杯小橙汁，小朋友食得好開心🥳！ ⦁自家製炸雞 $38炸雞飽滿，炸粉唔多，都炸得香脆多汁，配埋酸青瓜醬，好解膩。 ⦁吉列炸蠔 $22即叫即整熱辣辣，配左明太子醬，蠔好有鮮味，一D都唔腥。⦁星河 $42打卡必點，蝶豆花顏色好夢幻，味道唔會太甜。⦁荔枝益力多 $38姨甥好鍾意尼杯，可能有佢成日飲既益力多。不過一定

俾個好colorful嘅門面吸引，原來係間新開嘅漢堡包店！餐廳無論係門面定係裡面都色彩繽紛，好啱同小朋友嚟食嘢打咭。呢度主打漢堡包，仲有好多唔同嘅主食如Pizza、飯、All day breakfast等，亦有好多唔同小食及特色飲品，選擇非常多。兒童餐賣相相當吸引，食物亦都好豐富，裏面有蛋包飯、炸雞、薯條、沙律及橙汁，亨亨見到好興奮！就咁燒焦芝士漢堡呢個係新出嘅漢堡，份量好足，慢煮牛肉漢堡扒juicy多汁，配埋個秘製醬汁辣辣地好惹味，裏面仲有洋蔥、蕃茄同生菜，再加埋溶溶地嘅三重芝士同脆脆嘅口感，食落充滿層次感！仲有熱辣辣嘅粗薯條，脆卜卜超好味！小食牛油粟米：牛油味加上香草，食落特別香甜一口芝士：外層香脆，咬落去有軟軟的芝士，非常香口美味特色飲品點了柚子荔枝梳打及士多啤梨益力多，味道清新透心涼！

喺新都城中心有好多嘢食但係好多都比較貴同埋係連鎖店跟住行行吓見到呢間店門口好靚同埋啲價錢都唔係話好貴 啲圖又幾吸引所以就入咗去試吓入面啲裝飾好光猛 柚子檸檬梳打好清新夏天飲一流奇異果益力多奇異果配益力多呢個配搭都幾新奇未試過 比想像中好飲大啡菇牛肉漢堡勁大個菇勁淋勁好味塊牛肉係慢煮牛肉漢堡扒都好有肉味加埋嗰醬有少少微辣10分好味黑蒜牛肉漢堡都係慢煮牛肉漢堡扒但係配左黑蒜醬變咗個牛肉味更加出每一個包餐仲會配薯條啲薯條都係好脆另外加錢加配咗魷魚圈同埋明太子雞翼魷魚圈都係好好食佢嗰醬唔係一般嘅沙律醬仲有啲紅色一粒粒既醬係入面明太子雞翼入邊係冇骨嘅跟住啲雞翼入邊仲有啲明太子一啖咬落去好夾好好味