真味日本料理 (已結業)

十月二十五日夜晚去食既~~依家先得閒寫字~~我同男朋友兩個人，叫左一碟三文魚刺身(重量級)、曼魚sushi、明太子sushi、希靈魚sushi、牛柳粒、田園炒飯！三文魚刺身：太大件....無乜光澤，好似唔係太新鮮！感覺好似拎住成條三文魚就咁食一樣~~我都係鍾意一片片食多d~~曼魚sushi：麻麻地，層皮好厚~~不過都預左~~明太子sushi：最好食呢個~~希靈魚sushi：一般啦~~牛柳粒：唔會太un，但又唔係太林，但d汁既味道就...普普通通~~田園炒飯：都幾香，味道ok~~總括黎講：雖然佢大件係佢間店既特色，但對如果求質素的話，未必係最佳選擇，佢既sushi嚿飯太厚，...我唔可以一口咬一啖，可能我口細啦~~食兩、三件都滯，原本想叫多份三文魚子sushi都食唔落~~ 三文魚刺身超級大件，我食左三份二嚿已經唔想食~~有d似原始人係度野餐咁~~ 我諗呢度會岩d鍾意大大啖食家~~ 我都係試過一次就夠lu~~唔知點解，個男侍應長期唔笑，唔知佢係咪呢間店既incharge呢？

如果講抵食夾大件, 這家餐廳可算是數一數二但如果對上餐廳有一點要求，這裡不合格！壽司的確很大件，但絕對沒有魚味，三文魚刺身的顏色是淡橙色，豪無光澤，絕不吸引。不過一分錢一分價，我對此沒有太大意見。平一點，自然用料差一點，無可厚非！可以接受我最不滿意是衛生及店員的表現。一眾壽司師傅 (約20歲)，一面切壽司一面說笑，口水花落晒件壽司上面。而且師傅隻手切完壽司又做其他工作，沒有清潔過又切壽師。十分不注重衛生。其中一位女服務員整天不停地在玩手指，meet手皮，meet完又去傳菜，還經常用手摸鼻孔(不是挖)，我猜她鼻痕。另外一位，我親眼見她把兩杯放了在桌面很久並已經涼了的茶，倒回茶壺中，然後給客人添茶。不講衛生的日本料理店，去一次已經夠了

今日有機會嚟荃灣,當然要揾d地度美食啦~呢間就係人吔成日話佢巨型壽司店~今日終於一試嘞~7:30 己經要排隊,排咗十五分鐘到啦~裏面真係好細呀! d 枱坐得好唔舒服呀! 好逼我吔叫咗二客三文魚壽司$17(真係好大件呀! 好厚! 好味道)一客帶子壽司$32 (呢個唔係好抵..因為太薄身呀....)一客蟹子壽司$12 (好味道)一客蛋壽司$10 (硬咗d...)一客蝦手卷...(紫菜好淋,但蝦好味)一客鰻魚$22 好貴,好難食..唔掂....整体係ok....

今日 lunch 走去食真味都係因為見間餐廳響 openrice 係全荃灣排第二 一入到去,發覺唔係幾大但都有位不過咁啱坐正窗口位會好曬跟住睇完 menu 就落 order個 waiter 一 'yap' 就黎可能個個客都已經食緊野冇乜野做啩??大約 5 mins 之後野食就到真味燒牛肉飯叉燒拉麵三文魚刺身附送 味噌湯 沙律 茶我覺得牛肉有點鹹三文魚刺身真係好大件好好味呢果真不錯

唔係荃灣人既我~~~ 俾朋友介紹我去食真味點知烏啄啄唔識路, 白行一圈好彩最尾都搵到 ja睇門面 .... 我朋友都話唔會吸引到入去食但係好多野都要係試過先知既 ...4 個女仔點左 3 文魚刺身, 角切 3 文魚, 中華沙律, 清晒煮蜆, 真味壽司拼盤, 同埋滑蛋鰻魚飯3 文魚刺身抵食~ 50 蚊有 5 件咁多~~ 都幾新鮮 ga角切 3 文魚都唔錯既~ 睇下你鐘意大大件咁咬定係一粒粒咁食中華沙律就係乾身既~~ 唔係太多汁, 但係都有味道清酒煮蜆~ 最怕佢酒味又無, 蜆肉又有沙 ... 不過真味做得幾好~~ 酒味都幾濃 ... 而且仲有 d 菌類一齊煮, d 菌有少少酒味都好正壽司拼盤~ 件伴都係 super large size ..... 要 2 啖先食得晒 law滑蛋鰻魚飯~ d 鰻魚有小骨 ... 要彈一彈~ 飯就幾好食, 不過佢最尾先黎到個個都食到飽一飽~ 浪費左少少p.s 原先佢係俾錯左滑蛋扒飯 ga ..... 不過呢~ waitress 都好快就幫我地換返而且滑蛋豬扒飯個 look 都幾 ok ar !!!!!!

當初成日都見到呢間日本壽司店成日都有好多人喺門口排隊. 唔知有咩特別.有次走去試試啦. 我哋叫咗好多壽司, 當中包括:三文魚紅立墨魚八爪魚鰻魚北寄貝啲壽司大件到, 唔駛講啦, 睇相你就知道喇. 味道方面, 我覺得如果啲飯酸啲會更好.另外叫咗個吉列豬扒飯. 個豬扒炸得好脆. 內裡個肉都幾新鮮, 有肉汁, 唔係炸到乾哂果種.我哋仲叫咗個炸物, 炸餃子. 個皮炸得好脆. 唔知係唔係日本餃子比較細, 我係覺得體積較為細咗啲.

其實都唔係第一次食呢間日本0野ga la~~~今日又約friend 食飯, 見佢分店冇咩人,就入0左去食~~~分店保持住主店0既特色,所有0野都係平得0黎大大件,每次0黎呢度食0野, 都會係好滿足咁走~~~今次我0地兩個人叫0左5樣0野,分別係角切三文魚,牛油炒雜菌,吉列日本蠔,蟹籽沙律壽司同埋軟殼蟹反卷~~~角切三文魚係我每次0黎都一定會叫0既,因為真係好抵食,38蚊一客,每件三文魚都係切到大大粒,三文魚又新鮮, 0係其他地方真係冇可能以一個咁抵0既價錢享受到大啖食三文魚0既快感~~牛油炒雜菌, actually 應該叫牛油焗雜菌,份量係我0係味千食到0既兩倍有多,唔知係咪我成日都會叫呢個餸0既關係呢,今次好似麻麻地,面頭0的菇好似唔係好夠味,底0個0的就ok la~~~吉列日本蠔呢...都唔錯,不過可能係因為0的0野食0黎得太快,攤0左一陣先食,所以唔係咁夠熱, 不過都好脆同juicy~~~蟹籽沙律壽司同埋軟殼蟹反卷, 又係大大件, 味道ok兩個人夾埋都係155蚊, 仲要係0岩0岩好飽0左~~~真係好抵ar~~~去多幾次都無所謂~~~~

(5/10/08)荃灣壽司店不多,無意中睇到呢間食評不錯,今晚時間尚早,賣走回家吃。來之前,知道佢係大件見稱。在等候時,見到有枱兩位,吃淨了兩整片三文魚刺身,覺得好浪費,好出奇。到自己食時,才明白,那兩片三文魚真係唔野少!我一人吃了三文魚壽司、生帶子壽司、軟殼蟹反卷。首先我想形容吓那片三文魚,切成梯形,有成10cm長,7cm闊!!加上佢肉身頗腍,感覺真係好漏….~帶子與三文魚沒成正比,不過size都ok,仍有少少腥。軟殼蟹,有驚喜!好大件,炸得好香。欣賞佢地係手握壽司,同埋飯醋味剛剛好。mm…….我諗如果有下次,我會主力食飯、麵、小食多d。

昨晚放工，好想吃刺身，去真味買（真味什錦刺身）回家吃，有三文魚、油甘、帶子、甘蝦、八爪魚、海膽、劍魚，各兩件，然後飛的回家慢慢嘆，求其拿了一件咬，實在太大舊，咬幾下頂不住，入廚房再片薄，先吃到。賣相好、夠新鮮、又抵吃。

上個星期五同兩個朋友嚟左呢度食飯,都未夠七點已經要等一陣位,跟住我地兩個人先到先叫了一客三文魚壽司及每人一份手卷,嘩真係好大件三文魚呀,都幾好味呀,不過真的太大件,很難食到,唔方便,跟住等埋另一個朋友嚟再叫了三文魚刺身,嘩,五件五十蚊,好抵好大件,一件當三四件都得呀,牛油焗帶子,腐皮壽司,蟹柳壽司都好大件,一般味道,炸天婦羅(南瓜拼蕃薯),一般太厚身,d粉太少.整體都幾好味呀,店舖不是很大,但都好多人等位的.

今晚一晚食兩餐, 事原在二坡坊果頭食左間超難食既台灣野, 唯有再食過呢兩年成日都經過真味, 食都係第一次, 等左半粒鐘, 同亞囡兩個人食, 其實=我一個人食叫左三文魚刺身, 紫菜烏冬同牛油雜姑果五片三文魚真係大到冇人有... 食左兩片巳經食吾落.. 我開始覺得大舊真係吾代表好味, 吾係話佢d三文魚吾掂, 相反, 三文魚好新鮮, 只係太大舊, 都係正常size有feel d.紫菜烏冬一般... 牛油雜菌就好好味.. 一定有下次, 叫埋姨媽姑姐先得

男友成日提起呢度既大大舊三文魚﹐星期六晚終於試到 ^ ^ 黎到都唔係晏﹐但都已經滿晒人。呢度鋪頭較細﹐位比較少﹐但好好彩地等左5-10分鐘就入得喇。 ^ ^入到去見到附近檯嗌既巨型三文魚刺身﹐真係“嘩”左一聲出黎。其實呢一種SIZE已經可以話係一塊三文魚扒黎﹗十分誇張。我地係為三文魚而來﹐所以都叫左好多好多三文魚 ^ ^巨型三文魚刺身﹕有5大舊﹐真係好好好大舊﹗同出面三文魚既比例係1﹕5-6度﹐食左一舊半﹐已經飽左一大半喇。。不過果種俾三文魚充滿住係口入面既感覺﹐好正同埋滿足﹗三文魚壽司 X 4﹕諗住壽司會細少少﹐原來都唔係.. 上面果舊三文魚係出面既幾倍.. 不過略嫌D壽司飯味道麻麻﹐好似有D過酸﹐唔知關唔關距大舊事﹖璋紅魚壽司 X 2﹕又係偏大﹐不過無三文魚0甘誇。都OK﹐但都係鐘意三文魚多D ^ ^太高估自己既食量喇﹐叫得太多三文魚.. 第一次食三文魚食到滯﹐但滯得十分滿足 ﹕) 食到0甘飽都係百零蚊﹐好抵食﹗原本想食蟹籽沙律﹐但係滯住左食唔落.. 唯有下次﹐I WILL BE BACK﹗

因為身體既原因, 我都成年幾無黎...今晚陪老公破例食一次生冷野....!以前星期六, 日好似下午唔會小息, 今日五點五十五分黎到....見有人排隊...即係連星期日都小息...唔通生意太好...做得好辛苦? 我地排到最尾...六點開門, 我地坐埋就只剩兩, 三張枱!一入去叫咗三文魚刺身, $50, 五件大大件, 如果只求飽足, 真係好滿足! 然後再叫了火炙三文魚腩壽司, $24, 及帶子壽司, ~$30, 各一, 前者比三文魚更肥美, 好油, 帶子亦大大隻, 幾鮮, 不過, 壽司飯就差咗, 唔係暖暖地, 又散散地, 硬硬地, 以前伴著冷刺身, 微暖, 黏口既飯已失準了! 因為太多冷食物, 老公叫了一碗魚乳濃湯, 約$20, 無味精反應, 有魚味, 內有什菌菜, 以前都有叫過, 真係唔錯! 食完唔太夠喉, 我們多叫了鰻魚, $20, 同火炙三文魚腩壽司, 我無食鰻魚, 老公話 OK! 佢最 BUY 係件三文魚腩!細細地方坐咗三十幾人, 幾迫, 兩個侍應有禮, 不斷寫單, 加茶, 上菜! 最後埋單連加一, 二人剛好 $200, 同一年前一樣只收 cash, 俾咗 $500, Exactl

前幾個星期日聽家人說這裏的壽司十分大件，便一行三人走到來這餐廳吃壽司。我們於下午五時四十五入座，幸好早些來入座呢！否則便要苦等一頓了(下午六時已開始排隊)。我們點了三文魚剌身，三文魚剌身有五件，因壽司比較大件，故價錢較為貴，約60元。然後我們點了六件三文魚壽司、二件鰻魚壽司、二件蟹柳壽司、還有四件不記得是甚麼名字的壽司(圖片在上)，它們的共通點是都是十分大件，最令我驚訝的是蟹柳壽司，我從未見過這麼大呢！我們還點了吞拿魚刺身沙律，這個很普通，沒甚麼特別。

同事介紹, 剛食完回來。一行三人, 爆場要等位, 足足等左45分鐘。點了五客三文魚壽司, 待應吓了一聲。先送來一個蟹籽生菜沙津, 無乜特別, 但唔難食。又等左15分鐘, 龍船般長的長碟上10件壽司。係好大舊魚, 魚肉上面界了兩刀(可能太厚要界兩刀令魚肉彎曲)。17元兩大件壽司算抵, 即叫即做, 飯是熱的; 但覺得太大舊, 不能一啖一件。魚肉尚算新鮮, 但太厚, 又太凍, 影響了口感。待應再送上免費的味噌湯, 無乜材料, 但有味道。論價錢而言, 算抵食, 但不是我所好。P.S. 原來其他菜式都幾貴, 只有壽司抵食, 後尾至知待應吓一聲係因為蝕了本俾我地待應比較失魂, 叫了多次都無記性, 轉頭又要再轉頭, 叫完又再叫多次。