相馬日式火鍋 觀塘 (已結業)

火鍋放題店愈來愈多，不論是港九新界都充斥大大小小的火鍋放題店，以店主認為「超抵價」的價錢吸引客人光顧，火鍋放題店之所以如此盛行，是因為以一個適當的價錢可以任食不同種類的肉，確實令客人可以大飽口福。亦有一些傳統酒樓也開始試行火鍋放題，即使有些地區沒有太多的火鍋店供人們選擇，也能讓一些地區的街坊也能嘗嘗「火鍋放題」的滋味。在餐廳中我並沒有拍下餐廳的環境，很遺憾地在兩個月前遺失了手機，而且自己手機中雲端的容量也滿了，但又沒有每月加錢來增加容量，所以有很多照片都遺失了大部份食物的照片都只是靠朋友和男朋友傳送給我。先叫了一份最期待的牛肉，本店聲稱自己是美國進口的牛肉，自問自己不是很懂得分哪些肉類是從哪些國家進口的，其實放進口覺得好吃不就足夠了嗎？大概是餐牌上顯示這個套餐是比較昂貴的，所以給大家的印象也是比較好吃的，這也是在火鍋放題中常見的現象。從美國進口的牛肉大概是比較「矜貴」，條紋確實分明，在各類的肉類放題中，牛肉的條紋如果是比較鮮明，大概會比較好吃吧。待它變熟後，成了一小件的牛肉，質感頗軟身，而且是很容易「入口」的牛肉；即是不硬、不多肥膏等等，口感鮮嫩，牛肉本身的味道也十分新鮮。吃完了最期待

整體一般，沒有吸引力再次光顧，原因如下：環境：店子面積很小，但不太擠迫，可以接受，不過由於是半自助型式，面積大一點會較好衛生：店內整潔，唯獨取食物位置發現有飛的小昆蟲，希望是個別事件食物：點了最平的牛肉加黑毛豬，黑毛豬很好吃，牛肉就非常騷，不好吃，其他自助配料，質素都ok，係款式較少服務：店員服務都ok，點肉後等一陣就到，相信由於店子太細，店員見你差不多食完就會做一啲行為，希望你盡快結帳回枱，但可以理解的價錢：兩人點了最平的牛肉加黑毛豬，七五折後$425埋單，如以食物質素，CP值一般

每晚都要諗食咩，有時就想食得簡單d，有時就想鼓勵下自己，好多時候未到肚餓都未諗到到底想食咩。見今日番工番得咁辛苦，一於慰勞下自己，一於去打邊爐，哈哈哈，好鬼邪惡。香港人呀，夏天只要有冷氣既地方，365日都可以打邊爐，我都係其中一個中意打邊爐既人。呢日放工去左間類似食牛肉放題既地方。我地叫左最貴果款，果然唔同，入口同平時食既肥牛差好遠。呢度好似牛一/牛陣咁，有好多配料可以拎，選擇都算多，不錯不錯！值得再黎

去完美食展，即興打邊爐，搵下附近有邊間，見佢評價唔錯，即刻喺openrice book枱，難得地星期六咁晏仲有得book，Book完就即刻出發去🚌，本身都有啲驚因為太易到book，去到差少少錯過咗個門口，因為冇好大同明顯既門口，既然book咗就大膽入去試，好開心係一人一爐，坐低左就落單，我哋要咗$288，美國頂級牛小排🐮＋豚肉🐖＋雞肉🐔＋海鮮放題，有幾款湯畀我哋揀，我哋五個人叫咗2x壽喜燒, 1x牛奶同2x🍅蕃茄湯，牛奶湯要另加$，不過好香，都值得加之後會自動上第一轉，一人一盆牛肉，成枱一碟雞同一盆豚肉一上枱果下真係好驚訝，因為啲肉個樣好靚😍，勁吸引，之後自己可以拎碟出去夾啲蔬菜，不過店舖有d細，所以冇影，佢擺晒喺一面牆度，如果以呢間舖嘅大細嚟講，佢選擇都唔算少，而且d菜好靚，我哋不停出去添，另外佢有雪糕食🍨，飲品喺出面拎，我哋飲咗勁多嘢，我哋有海鮮放題，不過，冇曬帶子，但係蠔同蝦都唔錯，我哋有再添，另外，我哋原本重不停望住個鐘食，就快夠鐘要食快啲，點知間鋪勁好，完全唔會夠鐘勁叫我哋走，因為經openrice book 仲有折添，超抵食，見隔離枱食最平嗰隻牛肉，好大舊肥膏，不過係可以自

之前經過過呢個商場好多次，都唔知呢度有間火鍋，不過今次有觀塘人帶路，一於試吓佢同一般日式火鍋放題一樣，都係90分鐘任飲任食。見到有期間限定，所以決定試吓美國特選牛肉加日本鹿兒島頂級黑豚$258，價錢中等。湯底方面總共有八款，而貪心嘅我就選擇左鴛鴦鍋，揀咗牛奶同甜豉油。一黑一白好似個 “太極”咁樣😂，甜豉油湯底一向都係我既favorite，今次試吓牛奶，我做拎左啲出嚟飲，雖然有牛奶香，但係都唔建議直接飲反而用嚟煮熟啲豬同牛就好夾黑豚肉果然同平時嘅豬肉唔一樣，甜甜地得來好帶得出豬肉既香味，而且有少少入口即溶嘅感覺我自己覺得陪牛奶湯底會好過甜豉油，會更帶出到佢嘅鮮味任食牛肉嘅質素都唔差，色澤都幾靚，脂肪分布平均，而且切得夠薄，6一6就可以食如果想食得鮮甜啲就會放喺牛奶鍋，想食得惹味d就可以放係甜豉油再點醬汁醬料方面都係自己自由配搭，有豉油醋同埋胡麻醬選擇除咗任食牛肉同豬肉之外，出邊都有好多唔同嘅配料可以選擇，例如粉絲，豆腐，牛丸，芝心丸，腸仔，年糕，各類蔬菜同麵食等等飲品當然都係任飲啦另外呢席嘅雪糕係出名奶滑既milktop💕總共有三隻味分別係綠茶芝麻同雲尼拿一定要留肚試哂三隻味呀

2人光顧，出發前打過電話問過價錢；只係有講一個價錢放題，完全無提及鍋底另收費；老實講食過咁多間涮涮鍋，都係一個價錢，湯底連放題⋯然後發生兩件事，令我覺得呢間舖頭啲員工真係好有問題。1）去到比左張2人一鍋嘅枱，湯底個張卡寫住大鍋$28，枱就你地安排啦，咁張枱要用大鍋，我都好樂意，最緊要明碼實價，寫到明。湯底嚟到，但張枱斜嘅，所以個煲食唔住係個爐上面，不斷滑走，試問打耐咗，個鑄鐵鍋熱嘅，點樣下下移番正呢？咁咪叫啲侍應埋嚟了解一下！犀利喇，世界級侍應一號出現，嚟到大概聽左講左個情況，就應：「佢係斜埋一面，但唔會瀉架！」⋯聽到真係著咗，大佬我唔係話佢會瀉，係個煲有接近1/3位置唔係爐到，點打？好喇⋯轉左枱，轉咗一人一鍋嘅枱，世界級侍應二號就係埋單出現咗。原來呢，大鍋係要收$28，小鍋都要收$18，咁我地唔知，因為轉枱時無人同我地講，我地一心以為轉左小鍋；就唔洗收$28，咁埋單時見到仲有一欄，大鍋$28，咁我地用細鍋緊係問清楚啦～點知世界級二號就答：「咁你想點？我地而家收平咗你架喎，你係咪想逐個細鍋收番？我地細鍋每個收$18。」其實我地都係想攪番清楚啫😂你話唔好意思，特別湯底，小鍋都要加$18架

觀塘相馬最平餐$168用Openrice訂仲有75折是晚19:45先搵野食..見到即book20:30...食90分鐘$153一位服務好冇吹鐘食物賣相夠飲品種種都算多仲有其他自助食品值得一去👍🏻👍🏻👍🏻推介泡菜湯底樣樣都好味😋😋😋😋😋

從前有4個人去食火鍋，7：30pm入場食到8：30pm有職員提醒就快夠鐘，個幾個人覺得奇怪，望一望張單，無寫「入座時間」，咁算啦繼續食食到8：40pm有職員提醒就快夠鐘，okok，食埋d野就走架喇食到8：50pm有職員提醒就快夠鐘，okok，食埋個雪糕就走架喇食到9：00pm有職員提醒就快夠鐘，okok，夠鐘我地走臨走前隔離係張吉既4人枱，出到門口見到有8個人等緊位而呢間火鍋店8：30pm後8折，好多人等位寫個結論啦：價錢、味道都係其次，食餐飯食得咁唔開心，大家考慮下會唔會食呢間火鍋店啦！

今日是為了慶祝生日，就上openrice 找到這間火鍋，已經預早訂位。晚上放工行過，地點算是方便，由地鐵站行過去只需5分鐘。去到門口望一望開始覺得唔對路~店內暗暗的，地方不算大，安排我們坐cart 位2人1鍋，先點選湯底，再選牛肉。醬汁選擇一般，雜菜雜丸選擇不多，雜菜都算ok新鮮，雜丸真的麻麻地，最難食係黑木耳。飲品都是罐裝的放在雪櫃內，選擇都算多，有我喜歡的c+牛肉等左很耐而且要追才送來，外表望上去只是一般平價肥牛，心想中伏了。 這個套餐有送海鮮，有帶子，蝦，蠔，味道一般。食左1.5小時，提我們夠鐘要離開，雪糕都未食，不過唔食都無所謂，因為那些雪糕都唔知咩牌子又唔知開左幾耐試過一次已經足夠，不會再有下次。

世界盃賽事如火如荼，全城投入這四年一度盛事，可惜並非每場賽事均由免費電視直播，其中一個享受足本比賽的方法就是到酒吧，既可享受美酒，也方便與朋友一同觀賞賽事。冰雖非熱血球迷，但也湊熱鬧，感受足球帶來的熱情。然而球賽時間正值晚飯時段，尚未醫肚，到酒吧的話略嫌太早；幸好>>>相馬日式火鍋<<<直播賽事，就能一石二鳥。餐廳在觀塘電訊一代廣場，鄰近地鐵站，挺方便。食客先揀選心水肉類，收費按此肉類訂價，而該幾款肉類只提供一盤，其餘食材則是任食。點餐後，等待開餐與開波之時，當然走到自助區一逛，揀選心頭好。自助區主要擺著蔬菜、肉丸和麵食，也是取醬料的地方。自助區亦提供飲品和雪糕。飲品種類選擇繁多；雪糕是Milk Top，雖然味道選擇不多，但勝在質素有保證。湯底有不同口味，由清淡到濃味，任君挑選。這次選擇了比較有特色的牛乳湯底。一人火鍋的好處是不用為湯底妥協，每個人可選自己喜歡的味道；要是希望試一下其他湯底，大可飛象過河享用同行友人的火鍋，也能避免鴛鴦火鍋最終無可避免地讓湯底合二為一的尷尬。稍等一會，湯滾了，先放肉類，此晚的選擇是特上澳洲和牛(HKD338

今天放工前老闆要我送文件到觀塘，送完文件便約朋友四周逛逛有什麼東西吃，剛巧見到相馬日式火鍋有火鍋放題，裡便有電視可以看世界杯，店內乾淨企理又整潔，於是便和朋友入店光顧。我們要了美國頂級牛小排餐$288。除了牛之外，餐還有豬肉、雞肉和海鮮。餐廳有一個有趣又先進的地方，同平時去開的火鍋店不同，就是我和朋友的座前都各有一個電池爐放鍋，就算同枱用膳大家都可以點自己喜愛的湯底。我點了豬骨湯底，朋友則點了蕃茄湯底。侍應上菜很快，數分鐘桌上已擺滿了火鍋和肉類。我們先吃牛小排，放入湯中灼7-8秒就熟，牛肉十分鮮味，而且非常嫩口。再試試雞肉，也是非常新鮮嫩滑。豬肉也很鮮甜。海鮮也很新鮮，如份量再多些會更好。吃完第一輪肉類之後，我們便走出自助吧枱挑選其他食物。自助吧枱有很多不同款式的食物，有很多不同種類的丸、麵、蔬菜和菇。我試了很多款吧枱食物，最喜愛的是拉麵，其次是豆卜。拉麵感覺是手打，很有口感。而豆卜很香脆可口，加上吸滿了火鍋的精華，令豆卜更覺鮮甜。此外，這裡飲品種類非常多，有可樂、烏龍茶、紙包飲品等。我選了翡翠檸檬綠茶，第一次飲，覺得兩者味道很夾，檸檬的味道也很出。之後，當然少不得甜品時間，我選了綠茶

一間唔錯的一人火鍋，食物同飲品都好多選擇，不過飲品咋外收費，已經食過幾次，下午食都幾多人，2:00打後去就多數唔洗等位，服務就好睇服務員當日心情啦平平地食都算唔錯了。

觀塘城業街新開的相馬日式火煱，環境不俗；提供的是單人煱；除感覺比較衞生外，一人一煱，不會出現搶食情況，更可自由控制食物烹煮時間，感覺良好。90分鐘放題，今次選了特上澳洲和牛，成人每位 $338，小童長者$238；包括超特上澳洲和牛一碟，另有海鮮、豬肉、雞肉、蔬菜、汽水，醬料，全部均可任叫任食，不另加收費。多款湯料任君選擇，有清湯、甜豉油、豚骨、中華辣湯、蕃茄、泡菜等。如選鴛鴦煱，則要另加收費，大的加$28，小的加$18。今次選了豚骨湯底，味道尚可。大量邊爐必備任君選擇，菜類、丸類、麵食、飲品、醬料、甜品，應有盡有。最重要合呼打邊爐真諦，新鮮、新鮮、新鮮。夠新鮮的話，什麼配菜也會很美味。特上澳洲和牛超大碟的特上澳洲和牛，紅白分明，油旨分怖平均，一見傾心。大大碟的，放入豚骨湯滾一滾，嫩滑肥美，薰點醬油吊吊味，極至美味。這個是全晚邊爐的核心項目。普通美國肥牛，任點任食。味道當然遠不及特上澳洲和牛，但勝在任食，質素尚可接受。冷氣抽氣都不俗，飯後不至滿身油煙，整體感覺不錯，是個可以再光顧的飯店。

明明訂左枱，佢哋打電話黎confirm 時間同人數去到餐廳之後, 明明就帶咗我哋坐一張每人一鍋嘅枱, 點知一個好冇禮貌嘅職員叫我地坐去一張幾點人一鍋嘅枱佢仲同我地講話一人一鍋啲枱已經有人book咗我本身都book咗,完全唔明白啲職員嘅邏輯之後仲要收到一個電郵話係我哋缺席成件事勁離譜，啲職員勁冇禮貌超差態度

男友生日帶他去食肉 牛豬雞三種肉類 打邊爐要有響鈴卷有肉好新鮮 好食 湯底選甜豉油及 蕃茄 夠味 唔洗點額外醬汁 食完又唔口乾 飲品任攞菜類都多選擇 丸都係 一人一鍋唔洗爭 各選喜好 服務員都係好後生妹妹 禮貌好好 餐廳內有廁所 好方便同埋用了餐飲劵$98 加額外服務費 其實出來價錢同連鎖日式打邊邊差唔多 野食又唔差 多個選擇幾好幾好