相馬日式火鍋 觀塘 (已結業)

又到Happy Friday, 突然好想打邊爐，約埋朋友係觀塘，去到成業街搵到間90鐘任飲任食火鍋，價錢＄158再加一，七點左右去到，仲有位唔駛等首先揀左個湯底，兩個人要個鴛鴦鍋，分別要韓式泡菜和豬骨湯，湯底未到，立即去攞埋其他配菜，選擇都幾多，又好多不同的丸，亦都有好多蔬菜，全部都好新鮮拎完其他火鍋配料，返來已經見到枱面已送來牛肉，豚肉，同埋雞肉，雖然只係要普通牛肉，但睇落一樣係好新鮮，顏色又鮮紅，肉類最有驚喜係雞肉，烚完食落都唔“鞋“，仲係好滑，另外原來有年糕，用來打邊爐都幾好，煙煙韌韌，加上泡菜湯底，味道好夾到最後當然要食埋甜品，甜品係Mike Top雪榚，有三隻味道，揀左我至愛抹茶，抹茶味夠濃，同埋好軟滑，原本仲想食多隻味，但已經好飽食唔落

雖然好多時都有食火鍋，但就未試過一人一鍋咁食，總覺得有D怪怪的，不過有咁嘅食法就有佢道理，方便果D人想食佢但又唔駛兩三個人先食得到，鐘意點食又得慢慢享受，終於今次可以去感受一下氣氛如何，火鍋店係觀塘成業街原來呢度係食日式shabu shabu放題 ，咁就先選湯底除咗有基本六款口味，仲有三款特別口味不過要加錢先可以享用，平時好小食到牛腸所以點咗呢款做鍋底，輪到主菜分別有四款不同嘅牛提供，當然價錢都有分別由$158去到$338，視乎自己想食肉嘅質素，我揀咗美國特選牛小排品嚐，當中已包括有豚肉同雞肉提供，連同火鍋自助區配料任你點食都得等咗一陣已見牛腸鍋滾起，就先食牛腸唔知味道如何咬落爽滑份量足，又真係幾好味再來梗係到美國特選牛小排，肉質呈現鮮紅脂肪就當然冇咁肥美，會比較食得健康D，一放入鍋底好快已熟，入口食到牛小排肉嘅香嫩肉味濃，一片片肉已係口中咀嚼真係話咁快食完一碟，繼續encall一番食得滋味再來食埋其他火鍋配料，食嘢時間過得真係快食得夠滿足，最後記得食雪糕係北海道milk top係街食佢都幾貴，但呢度任食已值回票價話咁快又品嚐一餐日式火鍋。

近排瘋狂ot 趕project, 終於完成大project阿頭話萬歲請食飯，公司樓下就見到呢間放題邊爐，仲有和牛食添，有大食大，一於盡食一餐勁既。除左牛肉仲有其他菜類、丸類任食。仲可以無限點豬肉同雞肉當然澳洲和牛才是主角，見到廚房有部切牛肉機，原來全部牛肉都係即點即切，新鮮上枱，我地點左一個豬骨湯同中華辣湯，啲湯未得見到咁靚既牛已經流緊口水了。薄薄的和牛，滾兩滾已經食得。湯底估唔到咁濃郁，辣湯比清湯仲要惹味。和牛肥瘦適中，牛味濃郁，入口好淋，好好味。一開始唔洗十分鐘已經食左一碟，最後我一個人食左5礙，哈，回本了。除左牛肉，雞肉都不錯，啖啖肉。飲品任飲，自己無限拎。食飽飽但甜品胃未滿足，呢度仲有milk top雪糕任食，食完真係飽到上心口，辛苦搵來至在食，下星期又要再努力工作，之後又再期待下次來食好西。

觀塘任食火鍋放題🍲美國頂級牛小排🤭食到幾多碟🐮一開始先有兩大碟牛肉、一碟豚肉及雞肉奉上。嘩😱😱牛小排雪花紋理清晰 肉嫩 😛😂♥️牛肉控😍可選鴛鴦火鍋，一次兩個口味，選了豚骨湯及中國辣湯除左🐮，火鍋配料都好重要，有多款丸類，任君選擇。一定要食既有炙燒芝士丸、沙律蟹籽丸、魚肉豆腐🤣仲有響鈴、皇帝菜、木耳、年糕等。見到有西蘭花🥦就試下啦，都係第一次打邊爐食西蘭花😂😂========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*📍OpenRice: 3bad_foodies大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_觀塘美食推介=======================

我地大概中午12點幾到，所以叫左最普通午市定食，我地入去坐低，樓面得一個員工，落單都要等好耐，明明得兩台客當時，後來落完單，湯底來左，味道都幾好，但衰在餐牌冇寫到呢個套餐可以包幾罐野飲，同埋雪糕又唔可以任食！果個侍應仲要睇住我地拿左四罐野飲同食左雪糕先來話，一人包一罐汽水，同埋定食唔包雪糕，要加20蚊我就覺得係好專登囉！點解落單唔講明！

屋企人突然話想聚餐吃吃火鍋，慶祝一下妹妹生日，觀塘近近地，咁我哋就去觀塘喇。德興上次食過尚可，但碗碟明顯洗唔乾淨，衛生問題我哋唔想再去。觀塘冇稻香喎，咁就試下這間相馬吧。好後悔我哋唔應該食日式火鍋，去食日式火鍋我當然知道緊係要食牛先抵喇，但爸媽唔想食牛，咁就得番豬雞可以揀，真係食到有D厭。佢其他都係丸類、響鈴之類的，選擇唔多唔算，但食材尚算新鮮。至於飲品，揀道地就好，得米真係淡到似清水，唔飲好過。火鍋湯底愈加水愈咸，唔知點解。

同朋友約左星期四晚食打邊爐，揀左呢間係因為我地食1830用openrice book可以有7折。去到因為時間尚早，未有好多客人既關係，所以有卡位坐，但啲梳化櫈都甩哂皮...因為可以揀兩個湯底，所以我同朋友揀左蕃茄同甜豉油，一直對蕃茄湯底都有信心，但呢間做得麻麻，甜豉油反而好味啲食物既種類都ok，丸都有龍蝦丸同蟹子丸反而甜品係要自己舀既雪糕，而又唔知點解我見有好多雜物放左係上面所以就冇食到，我朋友去左睇返黎就話見到個樣都唔太吸引所以今晚整體係不過不失

首次到相馬，訂1830，1820就到了！安排入座一個爐嘅卡位，選湯底，6個免費3個加錢，原想加38蚊試下牛腸煱，可識店員話得一個爐，要試就要加68蚊，萛了，唔試，咁要豬骨湯底啦，可能店員有點忙，我又聽唔清楚，過左10分鐘，我再問店員先知豬骨湯底買晒，咁要甜豉油湯啦！店員再問可以鴛鴦湯底喎！不想再諗，清湯同甜豉油啦！食材還可以啦~配有20種左右，特別的有響鈴。

位於觀塘MTR附近 人流都車水馬龍呢間細細間 但食客卻多不勝數我地冇book檯等左1個鐘先有位呢度主打一人一火鍋任叫雞肉 肥牛 豚肉 另外也有自助檯有丸 金菇 蔬菜 麵之類的 還有調味料區飲品方面有lotte類飲品 可樂 cc檸檬 都幾高質架 呢度D牛肉分幾個級別 根據價錢來定位 而我就選擇了158蚊 肥牛分佈均勻 淡淡牛肉味至於湯底我選擇左豚肉 奶白色湯底 幾好味架至於服務質素方面 上肥牛都幾快 不過美中不足的是 進場之前冇講低雞肉已經賣完有D失望 因為我想食雞肉下次有機會試下更高級的肥牛先

又俾團購吸引左，所以買左最平既$108(日式火鍋 1 人 90 分鐘特選 Shabu Shabu 放題 - 美國進口牛肉火鍋)黎試下。去到已經見到人頭湧湧，證明都唔錯。我地三個咁岩坐到張卡位係拎野食既榙附近真係好正，refill左一定見到同拎到。就算坐得唔近都唔怕，侍應都refill得好快(雪糕例外)。各式各樣既食材都好新鮮，最驚喜係有西蘭花。雖然我地食最平既牛肉餐，但D牛肉都唔韌，同街市買到既肥牛差唔多，都OK。另外豬肉都幾好味。想讚既係唔使加錢下都可以揀兩個湯底，我地揀既甜豉油同蓄茄湯底都好好味。吧榙既醬料亦都好齊全，同埋侍應都好好，見到一有污糟都即刻去清潔。雪糕係令人期待既Milk Top牌子，有三隻味，抹茶，芝麻同牛奶。其實一開頭個湯底未到前，已經見到抹茶個盒已經見底咁濟，所以我地食左雪糕先。抹茶味好重奶味同好軟滑，入口即溶，抹茶控一定會好鐘意。到我地打完邊爐，見到侍應refill盒新既牛奶雪糕，我地更加鐘意食牛奶味，因為更軟滑，比起大牌子既雪糕，Milk Top既甜味較淡，但更顯出佢既奶味。唯一美中不足既係，三隻雪糕兩隻勺，侍應無乜換「畢」雪糕勺既水，搞到成盒雪糕都會有唔同既

昨天與姐妹們去試了這一家火鍋⋯ 首先讚的是是環境，很適合大家一起聊天，而且一人一鍋，自己可以選擇想吃的湯底，而且要讚的是牛和豬都好好吃，份量也剛剛好，不會浪費食物，服務員效率也很高，喜歡火鍋的你真的可以值得一試

我係團購控， 好鐘意睇團購嘅飲食promo ， 見yahxx 做緊相馬屋$68 3個鐘仲要有milk top 雪糕食， 咁so 即買啦！ 早幾日打定電話book 枱， 可能紅日嘅關係寫字樓唔洗返工，今日準時12點去到， 一枱人都無，我地兩人包場包足9個字，之後都陸陸續續有客入黎個場先無咁悶。現場雖然有d 暗但食物區衛生環境算乾淨， 芽菜、黑木耳、豆腐等食材用水「養」 住幾特別，d 唐生菜ok 新鮮。我團購果個係最平果款肉， 一黎佢就會上一碟豬肉同一人一碟肥牛， 肥牛雖則係最平果款但都幾好食， 幾有牛味同幾滑；但碟豬就麻麻， 味淡而鞋，不食可也。只可惜encore 多輪肥牛時已不再是滑肥牛了， 變左鞋肥牛， 好食程度當然不及上一輪但都ok 嘅。 而丸方面就無麥特別，係個芝士丸幾特別之前未食過， 外面係爽口嘅魚肉， 裡面嘅芝士係芝士年糕果種芝士黎嫁， 幾好食！ 而飲品方面都幾多款揀，雪糕雖是milk top, 但只有芝麻、綠茶同埋朱古力曲奇，呢度只入左普通味無入milk top 好食嘅款， 十分失望，而放雪糕嘅雪櫃衛生則有待改善。總括以$68 再加$38 附加費及假日$20費用， 平均$1

相馬日式火鍋是我和同事常到的午餐地方, 個人給這家火鍋店3大亮點第一: 價錢超平, 如果你選45分鐘放題, 最平只需58玩免加一(當中你可選一盤牛/雞, 送一樣飲品)第二: 一人一鍋, 各人可因自己喜好選擇自己喜歡的湯底, 這和百銀一鍋是同一類第三: 火鍋料簡單但基本齊全, 必有的火鍋料包括 芋絲, 雞脾菇, 鮮冬菇, 秀珍菇, 南瓜片, 京蔥, 洋蔥, 芽菜, 薯粉, 烏冬, 即食麵, 兩款時菜, 娃娃菜, 芝心丸 , 魚條, 魚腐, 豆腐, 白魚蛋, 牛丸, 龍蝦丸以下為部份火鍋料照片:個人而言, 是一家CP 值極高的餐廳, 食物質素和百多元的火鍋店差不多, 我推介這一家給大家個人評分表:

琴日同朋友搵地方打邊爐既時候就見到係工廠區林立既食肆當中有一間比教唔顯眼 環境都比較細既日式火鍋店見到佢有milktop 既雪糕任食 所以就一試我地大約等左半個鐘有位等既過程中都比較痛苦 因為香味係咁係門口湧出黎我地叫左最普通$158 款 有美國肥牛、豚肉同雞肉湯底就選擇左豬骨湯底但係食落之後會發覺湯底味唔出比鼓油搶過味我個人覺得豚肉同雞肉都比較差 因為雞肉腥味重而豚肉則 ’鞋‘身任食食物方面 丸類都唔外乎有芝士丸、沙律丸等等最好食既都係芋絲總括嚟講 牛肉係可以接受但都太肥啦以呢個價位再加一都尚算可以接受夜晚原本係90分鐘既放題 因為侍應都無趕我地走所以變左2個鐘放題推介：/ 5（滿分）

今晚落黃色暴雨，同阿媽入咗嚟呢間打邊爐，因為一直見到評價幾好，所以試吓，我哋叫咗$159嘅美國牛肉佢本身都包埋雞肉同豬肉，雞肉幾滑溜，仲要去咗皮添，但係豬肉好"鞋"，牛肉最平嗰個都唔差，唔會有渣，湯底方面叫咗豚骨同埋甜醬油，豚骨湯底冇乜味，都係甜醬油有比較好食，連豉油都唔使點因為已經好入味，特別係啲蘿蔔💕💕其他配料係出邊拎，但係種類比較少雪糕係milk top，有綠茶、牛奶、芝麻，但係芝麻太硬完全buk 唔到，綠茶同牛奶都好好食最想講嘅係服務態度真係好差，有兩個店員但係成日都勁hea，玩手機，想叫佢都叫唔到，但仲係要收加一