相馬日式火鍋 觀塘 (已結業)

上網見到有折就黎左試，一人一個爐，不過覺得個湯底就麻麻地，我地叫左豬骨同蕃茄味，食物質素可以接受，野飲雪糕可以任拎，環境都唔錯唔會太迫職員態度都還可以 食物加單refill都好快

和太太book了1800食飯.店內未有其他人客，包了場30min。才有其他客人。聽到其他用openrice book 位的。上菜速度好快！！ 牛奶湯底勁香！！！肉類品質合格，飲品種類有7-8種。雪糕好硬，好困難才拿到。但味道一流。有75折好掋食！！！

觀塘一向都係好多好嘢食嘅地方咁易比我搵到一間相馬日式火鍋，今次我揀咗澳洲和牛起初諗住揀日本和牛，但係見到個價錢真係太貴所以退後一步揀澳洲和牛其實牛肉應該係比咁多種食材當中係比較易用肉眼去分辨到個碟牛嘅質素，今次叫嘅澳洲和牛啲紋都幾靚，同埋好有牛肉嘅香味，小編對於今次呢間日式火鍋店嘅食品質素有着唔錯嘅感覺第一佢上菜速度好快唔會好似某啲火鍋店咁講到明係任食，但係order左半個鐘頭之後先再比你，二來佢牛嘅質素都幾好，我諗下次我會Order日本和牛去試一試

早排係OpenRice見到有一個pop up message話呢間日式火鍋有七五折優惠！🥺反正又經過觀塘咁就book來試試啦🤭 這一個七五折優惠有時間限制的！是即日用，以及要2030打後先可以使用。（為免俾人起底同埋盡量保護自己，下面嘅cap圖部份內容我係馬實克左）🥴作為窮L，我哋就揀咗最平嗰隻火鍋🍲👉🏽$178 基本套餐，包基本牛、豬肉同埋雞肉嘢食同一般放題一樣，配料都係獨立自己去攞🤘🏽 都有基本嘅丸同埋菜類，呢度唔着墨太多😋湯底方面我哋就揀咗🐮牛乳（+$18）同埋🍅蕃茄湯底（不用加錢）！雖然我哋只係揀咗基本套餐，但係牛肉入口都唔係太差，唔會太多脂肪，亦都唔難咬，我覺得對得住呢個價錢🐮 豬肉同雞肉我哋只係食咗一碟～牛肉我哋overall就食咗5碟！每一個套餐都送雪糕🍦不過我食嗰日啲雪糕就已經俾人畢晒，只係得返🍵抹茶味道（不過憑着雪糕嘅軟硬度，佢哋個冰櫃不是好凍）大概食咗90分鐘左右佢哋先會有人叫埋單！埋單總數$342大元！不過當時我就冇特登去問佢點樣計$342，我兩日之後突然間午夜夢迴，心諗點解178嘅套餐，連埋我哋點嘅嘢，再加埋服務費都計唔出$342，我嘗試用唔同嘅計發令到我哋嗰餐

今次同男朋友屋企人慶祝生日，由於佢哋住觀塘，所以就嚟咗觀塘呢一間打邊爐啦！我哋一行七人霸左一張大枱，一入到去其實環境唔係好大🤔仲有啲迫🤔都已都算啦，咁我哋就開始叫湯底😗😗發現佢可以選擇一人一鍋🙆🏻有啲人都選擇四個人用同一個鍋🙆🏻冇所謂嘅一人一鍋可以揀唔同嘅味道😋😋我今次就揀咗豬骨味，男朋友就揀咗甜豉油味😋揀完湯底咁就出去拎嘢食啦😎其實嘢食選擇真係好少😭😭😭牛一嗰啲都仲多過佢😭😭可能因為太平嘅關係啦，連嘢飲選擇都好少🤦🏻‍♀️雪糕都係得四隻味🤦🏻‍♀️仲要只係雀巢嗰隻🤦🏻‍♀️有啲失望🤦🏻‍♀️坐低之後一嚟到就係叫好多牛肉好多豬肉好多雞😂我哋揀咗最平嗰一個套餐，$200有找每個人，隻牛梗係冇咁靚啦！但係如果你肯洗多啲錢差唔多$300一個人，啲牛就真係好靚啦！總括嚟講呢一個價錢有呢一個質素算係咁啦！

用左75折，都幾抵鴛鴦鍋，甜豉油底好正！牛肉，豚肉味道不錯。雞肉麻麻地，好似有d怪味。蔬菜種類都幾多，生菜，芽菜，金針菇等，都好新鮮，坐係度食左1.5hr, 見到姐姐出來refill左幾次。燈光照耀下，所有菜都好翠波波，連我呢個食肉獸都想去試下。丸類唔多，但都夠食，芝士丸，蟹粉包等都有。飲品幾好，有菊花茶，綠茶，翡翠檸檬，基本汽水都有。店員服務都好好，主動過黎加湯水，refill牛肉都好快手

叫咗298牛小排任食火鍋一開始上嘅牛肉都ok同埋我哋個餐有海鮮 海鮮就一般般啦之後追加嘅肉就唔講真係以為去左快餐店打邊爐同個女店員反映 加上其態度唔係好友善話咁啱隻牛切到呢個位係咁㗎啦 佢話換過另外一碟都係咁樣 叫我地食住其他嘢先 等其他客要晒呢啲位我哋再追加牛.但同時又係限時90分鐘...So far真係得一開始上嘅牛係食得 之後追加嘅真係會令到你唔想繼續再食 我睇返其他人嘅食評都好似有同樣嘅feedback.

今日男朋友早收工，過左泥觀塘等我收工去打邊爐。舖內環境一般，我們二人被安排坐一張四人位，所以都坐得舒服。先下單揀湯底和肉類等級，因為我們吃蔬菜比較多，所以就揀了最普通等級的肉食。雖然係最普遍等級的肉，但肉質都算唔錯，尢其係肥牛，肥瘦適中。出面同一般火鍋放題一樣，丸類、蔬菜、飲品、雪糕等任拎，refill亦算快。撇除餐廳環境，以日式任食火鍋放題來講，dinner時段除返開每人around$150都算抵。

去到又話75折，話到名所有套餐75折，買單先知原來得牛肉有75折，其他正價，邊有餐廳咁做！放題係計人頭套餐㗎嘛，買單又分開計咁搞笑，一係早d講清楚！😤真係下次唔會黎。

今晚見到OpenRice 有75 折，於是打電話去問，之後在OpenRice book 左位。入坐前已講有75 折，落湯底又講有75 折，最後埋單咩折都冇，話佢手機收唔到信息，只可以俾9 折我地，最後個女店員態度好差仲兇我地話食野要俾錢，冇人話唔俾，只是同佢理論點解冇左75 折，我地入坐同落湯底都講左用open rice 75 折訂位。作為顧客，我們已經講左兩次，收唔到75 折信息，應該一早同我地講，呢間野食物一般，店員態度極差。

I made a reservation for 8:30 pm for 5 people, and I arrived with my friends at 8:05 and notified the restaurant that we are early but wanted to let them know that we have arrived. I waited until 8:25pm to check to see if we could be seated soon, however the waiter said we’d need to wait until 8:30pm to be seated. We waited, and waited and he didn’t notify us to be seated. I went to ask him and he said we still needed to wait. We waited until 8:45pm and he said another 5 minutes... so waited ano

公司喺附近，所以一有啲特別野慶祝，就會同同事嚟打邊爐！$58 ， +1 ，一碟肥牛，其他嘢任食。一人一鍋，送一罐嘢飲。明明只係一60分鐘人一碟肥牛，但唔知點解總係食唔晒啲牛，可能因為其他食物太豐富！10幾個同事一齊去，一人一鍋，有啲快啲滾有啲慢啲，但都冇辦法。肥牛以外嘅嘢係要自己出去自助攞嘅～都有唔少野可以夾！最值得一讚係有拉麵食，同埋自助漿料區除咗有傳統嘅港式調味料之外，仲有芝麻醬！超左事，如果無人等位都唔會專登趕！

在openrice上搵日式火鍋搜尋到哩間，價錢都算抵，不過味道真係一般，我們選了美國特級牛肉，但肉質有d硬同粗，其他菜的選擇也不多，同埋爐的加熱超慢⋯不會再光顧

我平時唔會寫食評，但係今次真係唔寫唔得。因為佢哋真係太離譜。話說上星期我同幾個同事一齊去呢間野度打邊爐。因為係午餐，我哋有得揀定量同埋飲食。因為全部都係女仔，我哋就揀咗定量。佢出邊有雪糕同埋嘢飲任攞。咁我有個同事食飽就去攞雪糕啦。當時佢隔離有個四眼仔員工喺度行嚟行去。我同事攞完雪糕返咗個位準備食嘅時候，個四眼仔就行過黎同我地講話「你地個餐唔包雪糕」！嗰陣時感覺已經唔好，因為叫餐時完全冇同我地講過冇包雪糕。我同事不知所措就話：「我係咁我俾返你啦」。點知個四眼仔就黑住面講「咁你都攞咗啦！」然後行咗去。好啦之後我去攞第二罐嘢飲個四眼仔今日佢又行過嚟話「你哋嗰餐如果要嘢飲每罐要加多$5！」大佬你事前都冇講要加錢。你咁樣我哋咪最多唔飲放返埋去囉！最最最嬲果一樣野係最後佢係我哋張單度加咗$20話係個雪糕錢。但佢完全冇同我地提過杯雪糕要加錢但直接係張單度加咗$20囉！呢間野真係超級唔掂囉尤其係個四眼仔好似做看更樣咁行黎行去睇住啲客食乜嘢，真係食到我周身都唔聚財！各位顧客：如果你唔想俾人監視就唔好去啦！

相信大家都知道，海鮮放題既火鍋真係買少見少，加上本身自己同屋企都好喜歡食海鮮之餘又有得打邊爐，咁岩上OpenRice 見到呢間有任食海鮮，評價又唔錯，於是唔理三七廿十一就book佐，book佐7黢點半，問個職員話幾時入座？佢話汁緊枱，點知都係等佐大約半個鐘！同屋企人叫佐個$288牛小排加海鮮放題，入座果陣仲專登問職員係咪海鮮任食？佢話係！點知入座之後，牛肉、豬肉及雞肉都來佐，海鮮遲遲未來，吹佐好多次，等佐足足四個字，終於來佐第一碟，由於問佐好多次，所以第二碟都好快上，再叫第三碟既時候已組冇下文，一個字「拖」！真係好惱！未試過食得咁唔開心！以後都唔會再來食！認真，食物一般，又少選擇，refill速度勁慢，仲要係咁拖你，咁點解又要簡你呢？仲要食到中途發生湯底有條頭髮，真係好唔開胃真係好鬼激氣，為佐出啖氣，專登寫佐呢篇文章俾大家參考下！