相馬日式火鍋 觀塘 (已結業)

是夜落咗觀塘搵舊同事食飯舊同事帶路嚟食火鍋放題，兩個鐘頭任飲任食，幾抵喔！可選一人一鍋或者四格湯底。而我哋就揀咗甜豉油、蕃茄兩款免費湯底，再加錢升級辛辣豚骨湯底及黑蒜豚骨湯底 。而嘢食方面，就揀咗期間限定嘅特盛海鮮火鍋放題，海鮮都幾多選擇，有：時令蜆兩款、大頭蝦、虎蝦、青口、蠔、帶子、蟹棒及黃金螺！第一round 職員會將所有海鮮奉上，之後可以鐘意食乜就叫乜。每款海鮮都好新鮮，特別推介黃金螺，夠哂爽口鮮甜，好正！除咗海鮮，仲有牛肩胛、日式炸物、燒物&milktop雪糕任食。牛肩胛油花均勻，牛味濃郁！用嚟打邊爐就最啱，一點都唔膩！另外出面自助bar有各式打邊爐配料任揀任食，有丸類、麵、蔬菜、金落菇等等...飲品各式各樣嘅汽水、果汁、紙包飲品及無糖茶炸物款式都幾多選擇，全部都係即叫即炸，夠哂新鮮香脆。推介炸餐肉，口感香脆札實另外呢度嘅雞翼都好正，絕對唔可以錯過呀！雞翼有7款口味，有芝士、蜜糖、南乳等等...雞翼每件都以單骨形式，絕對唔怕試勻哂所有口味會食得太飽喔。個人最愛黑椒雞翼，面頭勁多黑椒粉，辣辣地超刺激。加上香脆嘅雞皮，超邪惡呀！