相撲手日式放題 (已結業)

唔係朋友所講嘅咁好食囉，環境又迫，生蠔唔係新鮮係雪藏有陣雪味，玉子蛋凍嘅死實實仲要擺埋係啲生嘅刺身一齊幾咁唔衛生呢～見到人哋生日餐廳送嗰個所謂嘅蛋糕係刺身加生菜整成嘅，但人人都話難食賣相又唔ok，唔會再幫襯。

因為兩星期前已經BOOK左，所以一上到去就有位了。BOOK左18:30，要準時20:30交枱，一坐低就食啦!第一ROUND叫左刺身，呢度有個好處，就係你寫幾多佢真係會比返幾多你，有時仲有比多!我地叫左30三文魚佢真係黎左好多! 另外一個抵讚就係佢最出名既蝦，佢D蝦好大隻，我地食過放題食蝦係會連埋個頭比你!平時食都係得手指尾咁粗! 佢D蝦又大隻又甜，淨係食佢20隻蝦都可以值回票價!比起甜，三文魚就算比較遜色啦!呢間每晚都有師傳即場切魚生，會比大家出去影相的! 佢D位都算鬆動，比起其他過$300既放題真係算唔錯。20:20走人，門口已經見到好多人等緊啦，要提既係佢第一ROUND係食到20:30的，無論幾點入座都係食到20:30，記得要早D到!!!

原來要先在地下排隊，有職員前來為你先編坐，夠鐘才放人上樓。坐下來先點刺身，但似乎送來的是超級大份量，一盆滿滿的；再加上一大盆超大隻嘅刺身蝦。熟食方面卻似乎稍遜，選擇很少， 連羊架都無，實在超級失望，串燒亦好一般，完全没有香氣；炸物也可以，但雞翼陣雪味仲好濃烈。其中重頭戲，比人圍完映完才有得食，睇完一輪show至食，每次只係有兩片，味道都幾好的。甜品只有一杯牛奶公司雪糕，並無選擇。服務態度都唔差。試一次無防，應該唔會再來

今次嘅日本放題目標好明確，同朋友兩個人，早兩日已經book好位，決定只食刺身，其他咩都唔叫，甜品都唔叫，哈哈。睇下面張相都知，啲刺身真係唔錯加，食刺身都係肥美同埋顏色鮮明就新鮮就好美，呢度嘅刺身都有齊呢兩個條件，三文魚嘅顏色最sharp，鮮橙色加啲脂肪嘅白條，好此要發光閃耀咁。我最欣賞係啲甜蝦，我諗我自己一個都起碼食左十五隻，啲甜蝦好甜，有大隻，甜蝦頭較小卻味道軟嫩甘甜，超正。

我係十分之喜歡食日本野既人…………食過咁多間放題……相撲手令我1而再再而3咁黎……由佢叫銷魂既時候已經幫襯……因為我從未試過去食1間放題……點既野黎足之餘仲要唔駛3吹4請家……加上食物新鮮……服務1流……藍鰭答那魚簡直係入口即溶……我介紹過我好多朋友去……朋友食完1定係同我講……你真係無介紹錯……所以識食放題既1定要去相撲手……

第一次黎，首先係樓下集隊，夠中就分批搭lift上去就座，環境都大座位ok唔算迫，一坐低率先叫左刺身＆甜蝦唔洗講野，無論你點幾多佢地都係成盤交到你枱面，因為試左2轉都係咁，睇黎下次要focus揀一樣，寧願分單。刺身都很鮮，較中意劍魚腩，放題少有，很油香。另有生蠔供應，大隻ge都很肥美鮮甜，細隻就一般。 至於果盤甜蝦呢，拎上黎已吸引眼球，又多又大隻，急不及待 影相，不過其實唔甜，唯有個量搭夠。 熱食，炸物＆其他料理一般過一般，燒菠蘿已經係較好的了😎 另外有個環節係c父即場宰割時令魚一樣，很慶幸今次係隔左半年後用6位數價錢再度購入ge藍鰭吞拿（mc話），拎左大拖羅＆中拖羅各一份，大拖羅呢淨係食到佢ge油，食唔到佢ge甘，肥過肥豬肉，恕在下唔識品嘗，都係中拖羅適合平民ge我，油甘香齊發，正，很想再拎，但很快已經冇左。 總結 : 只有刺身係優勝之處，不過已經足夠吸引海量食客幫襯。

今日一行20人左右去食，食物幾好特別係蝦刺身。但咁嘅服務態度真係唔想再去，個服務員態度非常差，竟然好像説教咁，一開始就強調食唔哂要罰錢，講一次半次唔緊要但你唔使次次上野都講嘛？我們20人每樣刺身叫10件都唔過份丫！之後同佢講佢d呑拿魚刺身味道好像變左，服務員竟然話食唔哂要罰錢，唔通d味道變左都要食？所以同佢講味道好像變左點知同佢講完佢竟然話變你又叫，咁唔叫點知你d刺身變左呢？之後入單已經冇叫呑拿魚丫。之後最離譜嘅竟然同d客講d野食好貴架，你咁地浪費下次唔好來，當場o左咀唔通變左都要食？熟食個d就認真一般但蝦剌身真係要讚一讚係好食嘅。甜品先好笑，你唔like 佢Facebook 就冇甜品送咁嘅態度我寧願唔食！今時今日仲有咁嘅服務態度嘅放題真係好失望，就算食物再好但咁嘅服務態度下次有人請都要諗下來唔來，第一次食要受氣嘅放題！

第一次寫食評唔係因為食物質數，而係服務態度。顧客唔係永遠是對的，但唔會係貼錢買難受開頭我朋友同個服務員講: 唔該要一個可樂。服務員答: 係一罐罐，唔係一個個。大家果下即時O咀，點解可以咁同個客講野。我地叫左啲刺身，啲吞拿魚唔係好新鮮，所以冇食到，諗住另外再叫蝦刺身。俾張紙服務員順便叫佢收埋碟唔食刺身。佢講完一輪話我地嘥野要罰錢，我話啲刺身唔新鮮。佢話呢度啲刺身好新鮮，呢邊唔要，果邊又點刺身咁搞笑嘅。。。吞拿魚 瘀色係事實，唔新鮮都要食落肚?呢個價錢，咁嘅服務，又要受氣，請我都唔會再黎，希望呢間公司啲行政睇到可以作出改善。

今次朋友生日飯，我地簡左食日式放題，聽朋友介紹話呢間“相樸手”放題超抵食，D刺身又新鮮，好似仲有劏魚show添，好特別，所以我地不防就試下！聽聞好難book位會成日full booking ，我都預早幾日book定位，仲講定有朋友生日添！當日到達現場情景好嘘冚啊，仲要等一陣先可入座！入座座底第一時間更系食會番本既刺身喇嘩！原來D甜蝦超大隻丫有成隻手咁大~勁呀！D刺身真係好新鮮！我地更系要加碼喇！其他熟食都好好味……推介~蘿蔔牛腩烏冬，正！夠味！燒蕃薯，菠蘿、有質感既燒羊架、蟹粥，夠鮮甜、青瓜沙律等~good超好味！今晚真係有劏魚show，第一次食放題有呢D表演，係吞拿魚真係好大條呀好似去左日本咁！仲可出排隊去攞刺身食，出面食價錢好貴，呢到排隊有得食~正呀！格左一陣，個MC叫我地上facebook讚好“相樸手”專業，同post相上去就有特別贈品原來係甜品丫！我地生日位朋友仲有驚喜，突然全場熄哂燈，播放生日歌，有位侍應送上“火焰他他”，全場氣氛高漲，好有feel呀！估唔到放題有呢D服務，唔錯！唔錯！總括:極力推介，高級放題，高質素食物，價錢抵食過酒店bufflet，好既特別服務！

我地一行8人見到左, 等左一陣就入得坐得OK, 唔會逼到好易俾人撞背脊主持一路不斷搞氣氛, 2小時既時間好快就係好多唔同既環節入面渡過 (雖然有時好似嘈左小小..)侍應們沒平時大多既放題侍應咁黑住面做野, 一路都好好services, 仲識搞氣氛講笑tim!大家都食得勁開心!大大隻甜蝦: 勁新鮮! 勁甜! 如同牡丹蝦般既size, 口感一流! 未試過係放題食到呢個質素!其他刺身, 如白鳥貝, 帶子, 北寄貝, 三文魚等, 全部都份量充足,鮮甜味美!一路d單落幾多出幾多, 無呃人野食來得快, 無好似平時d放題咁dum波鐘所有刺身都夠凍, 唔會有唔新鮮既感覺成大條黃鰭吞拿魚拎出黎俾大家影相, 令到我地一位唔係馬來西亞既朋友雀躍萬分! 大家都好開心!特別環節送出既燉湯不俗, 係眾多生野之中有湯水暖暖胃熱食都不俗, 不過當然唔夠刺身咁強la生日仲有驚喜, 好靚呢餐飯真係食得我地成班人都好開心, 一定會再來!

早五月中已經打去訂位，因聽朋友說有VIP 房，第一次訂座時已問有沒有房，那人回答要12人以上才可以訂（當時剛好11人）。於是我先下訂11人，後來夠12人再打去要VIP 房，那只是同日1-2小時後。但之後的人說VIP 房在裝修，不知道到時裝修完沒有⋯那也沒辦法，就算沒VIP 房我們都會去了，不過第一次打去為什麼沒有提過在裝修呢？當時電話上有提過會有人於當日打來double confirm的，但我於真正吃飯前的一天已收到電話，說我當晚有booking!我跟他們說，我book的是明晚6：30，然後那人說沒關係，幫我再訂明晚。到真正約的那天下午大約4點，我還沒收到確定檯的電話，於是打去餐廳問⋯那人答我：你冇聽到電話，我地就會自動取消booking。我回答說：唔係我冇聽你電話，係你地冇人打俾我！當時那個女人說幫我再訂！當我說完所有資料，她跟我說原來已有booking 6：00，而且上面寫著confirm! 我跟她說，那是昨天有人打來說我book了昨晚，那人說會幫我改今晚的，而且我們是6：30不是6：00，今日沒有人打來！那女人說：咁係咪6：30丫！幫你改6:30！然後我又問，生日會否有東西送？那

我哋點咗六隻蝦，佢哋俾咗十隻我哋，好彩食得哂😅因為聽到隔離枱有兩隻蝦食唔哂，俾一個著便服執枱嘅男人鬧“你知唔知呢隻蝦出面賣七十蚊一隻咖"我哋book 6:30pm枱，6:35入座。聲稱可以食兩個鐘，8:30pm交枱，點知8:05已經由鬧人哋食唔哂啲蝦嗰個男人，推住架執碗碟車仔不停收所有客人枱嘅食物，再由另一個呀姐無問客人有無需要再落order就收哂落單紙，完全係想趕走哂啲客。但我就喺8:10再問呀姐拎返疊落單紙，再order一件南瓜同一件蕃薯天婦羅，結果，天婦羅一共佢俾咗六件我😂總結:1.$228+10%淨食刺身係好抵，尤其係蝦2.熟食係完全唔合格。抱歉，只係影咗炸魷魚嘅相3.一如一般放題，有漏單情況

媽咪生日，一家四口食放題慶祝 一開始就當然要點刺身黎食啦~之後熟食都樣樣叫小小試下~牛肉粒，炸物都唔錯~中途仲有湯，當日特別既刺身同甜品送~Staff好識搞氣氛 爸爸媽咪都覺得唔錯~開心既一餐

今餐係同屋企人食既生日飯~ 因為有人極力推介呢度既刺身好新鮮，所以就算啱啱先食完茶木無幾耐，都要過黎食6點鐘戈場~呢度環境闊落，唔會好似其他放題咁逼逼狹狹! 甫坐低已經不停咁劃劃劃，刺身好快就送上，最吸睛當然係主打相撲手甜蝦! 隻隻都好大隻且十分鮮甜，肉質超爽! 我地一盤都唔夠要再encore!  而帶子雖然係一隻開兩片，但絕無雪味，仲好新鮮! 三文魚亦非常肥美，不過多食就會覺得膩~仲有北寄貝、赤貝、螺片都十分新鮮!而海膽手卷...可以留返個quota唔食，海膽係無味既~燒菠蘿燒得唔夠耐，無燶燶地既感覺，只係一片塗上燒汁既菠蘿，比較失望! 燒蕃薯不過不失~其他熟食無咩特別，不過值得一提既係燒羊架，肉質嫩而且稔，味道剛剛好唔好過鹹~good!! 今晚仲有師傅表演劏吞拿魚，可以排隊出去攞，因我地全部人都唔鍾意食吞拿魚，所以無謂出去攞lu~另外，雖然訂位戈陣講左係生日，但無check到身份証就以為無野送，點知突然之間熄哂燈以為停電 (好少放題係咁)，有侍應送上一舊蛋糕狀既物體插上蠟燭，仲有人帶頭唱生日歌，非常驚喜! 好彩除左我之外仲有另一枱客都係慶祝生日，如果唔係我就好觸目架喇~ 而開返燈之

朋友一句"識食放題既一定係食相樸" 竟然講到咁，又點可以唔試係復活節假期，早幾日book枱仍然有位，有點出奇，皆因每逢節日紅日係香港唔早半個月訂枱都無可能食到令人滿意既一餐8點9 唔早唔遲準時入場，格局相比其他放題餐廳寬敞，無擠迫感覺！全晚只係開放左半個場，有半個場都係空，人數的確為小。有點擔心該餐廳會經營不住！6張紙，包括刺身，壽司，沙律，揚物，串燒等等主打為壽司同刺身，平時食放題只會叫刺身為主，壽司絕對不會考慮。但相樸雖然種類唔係特別多，係款式上絕對不遜色於其他放題。令我幾乎所有壽司都叫了！刺身蝦係朋友大力推薦，的確外形無令人失望，絕對唔係手指尾既甜蝦，係牡丹蝦既size...可惜外形滿足但味道只有雪味，朋友話上次絕對唔係，新鮮得多。可能今晚運氣不足其他燒物都比較罕有，燒原條茄子，係串燒鋪頭個種; 令人最喜出望外係服務招呼得令人滿意