盛記酒家

营业中

休息中

琴日同朋友去灣仔搵嘢食， 去咗一間叫盛記酒家食反， 地方乾乾淨淨， 睇下個餐牌 點咗一個佢哋 招牌菜 即燒乳豬， 黎到樣樣都熱辣辣 ， 連隻碟都熱 ， 最特別佢有一種叫陳餅 好耐以前先食過 依家好少有 夾埋啲乳豬皮食 真係一個好好嘅配搭 啲乳豬燒得非常好 一定要食 。另外我哋嗌咗一個叫大斑兩味 一個碧綠炒球 ，一個 金銀蒜蒸頭腩，都係水準之作。 另外嗰個是日例湯， 木瓜雪耳 煲豬展， 夠曬火喉 一啲味精都冇，清甜。 另外叫左個豉油王煎大蝦， 連殼都食埋，正。 我同我朋友都冇乜飯癮所以叫咗個韭黃肉絲煎米粉， 啲米粉煎到非常香口 ，好食。

同朋友加小朋友嚟食飯呢度都係一個唔錯嘅選擇，又有bb櫈地方又闊落，加上一大個魚池!!!小朋友至愛!!價錢嚟講亦唔算太貴，因為每一樣都好大份!!!呢度個<<金牌炸子雞>>我覺得比較特別，同出面嗰啲舖頭有啲唔同!!! 盛記嘅炸子雞除咗比醬你點之外，面頭仲灑咗淮鹽!!我第一次食到呢個做法!另外，<<雞茸粟米羹>>我覺得幾掋食!!一個例牌就好大盆，小朋友好愛呢個湯羹!!我仲叫左個<<椒鹽豆腐>>， 同我印像中嘅椒鹽豆腐好唔同!!佢呢一個咬落去入面係好滑嘅豆腐，唔係用嗰啲板豆腐硬掘掘實的的嗰啲!!仲岩岩好一啖一舊!!!值得一試

超級推介椒鹽豆腐好滑好滑，同街食到嗰啲唔同出面用嗰啲板豆腐呢，度唔係!!仲要做一口豆腐嘅size呢個係必食菜色之一!!價錢亦都唔貴!!仲有佢嘅招牌乳豬juicy好juicy!! 四個人食一隻乳豬都好夠呀，佢嗰個皮做得好脆口，另外包住黎食嗰塊皮好特別呀同出面嗰啲，有啲唔同!! 服務同態度亦都好好唔會話黑口黑面冇招呼

老人家總說“冬至大過年”，所以每年冬至前，都是要四出尋找好食店的時間。據聞這家盛記身前為“勝記”，朋友說可以去嚐嚐看，最主要的是有老少咸宜的乳豬。店一出電梯就看到門口很中式的門面，還有關二哥守門，還有一些可愛的中式小擺設，雖然人流不多，卻顯歡樂。剛坐下侍應就問喝什麼茶，我們選了普洱，越浸越出味。店家也送上烚花生作餐前小吃，味道清淡可清口味。小女甚是喜歡這一套整齊帶魚的餐具。店員都很禮貌，熱情地介紹今晚有甚湯水和季節食物，這個剛剛開始的冬天，這家也有煲仔飯耶。而最意想不到的是全部份量都超級大，幸好只是點了三份。首先是香煎蓮藕餅，有足足八大塊，肉的比例比較多，煎得香口而不油膩，配了個酸汁更惹味。——對於老人家而言，不油膩的煎餅，會更甚吸引。接著是懷舊揚州炒飯，有菜粒、肉碎、蝦粒，看似是用大蝦切成粒狀的蝦粒，肉質爽口彈牙，我們覺得應該是用了新鮮蝦，份量不惹少，我們見到的時候是哇了一聲，飯後有跟店家說，份量大得其實可以四個人享用，相信若果冬至飯，大傢伙一齊吃的話，肯定不用擔心不夠分了。最後，是蒸的部份——蒜蓉龍口粉絲蒸蟶子，280大元的四個大大粒蟶子，看到就覺得歡樂。無沙，口感爽又彈，帶蒜香的

補身乾隆醉雞 58蚊 （細，小食）冷盤上菜，一上菜非常香濃醉酒香味， 雞皮有呈現少少晶瑩剔透， 雞肉嫩滑，雖雞骨滲透少少粉紅色， 熟到九成九， 一隻雞髀位及雞胸肉， 因為食雞骨都有幾多個骨頭碎，職員每次上枱經過都會勤換骨碟。老火湯 128hkd紅蘿蔔，粟米，牛蒡，排骨，冇味精，材料十足， 火喉夠，牛蒡味重， 隔渣上枱， 職員幫我分埋湯， 隔咗半個鐘之後職員見到湯暖咗，就主動幫手去加熱， 仲抽起咗碗細湯係枱上， 招呼非常周到，分左6碗飲。臘味煲仔飯 136hkd 2人份量油鴨肶，臘腸，潤腸，臘肉，菜心， 職員幫手傳菜上枱， 煲仔飯飯焦剛剛好，臘味足料 ，潤腸有濃郁紹興酒味道，唔會騷。蝦醬金沙骨 128hkd有特色， 有傳統，蝦醬味道，兩者配搭得宜。茶芥 24hkd + 晚芥 8 hkd

天氣轉涼，最岩就係幾個人開圍枱食下小菜本來諗住落銅鑼灣，行經灣仔呢棟商廈見到呢間粵式菜館，就決定喺呢度解決今晚晚餐。菜館位於大廈三樓，佔地面積寬闊，有包廂，適合大小家庭式同商務客用餐。價錢以地段黎計幾合理，逢星期一至日都有不同精選菜式半價優惠。一坐低即刻開返壺靚茶暖暖身小食花生肥嘟嘟夠飽滿，脆口又帶花椒、八角、桂皮既香氣。酸薑夠哂香辣爽口，味道反而唔太酸；皮蛋晶瑩剔透，內裡呈流心，滑順稠密，比全熟更易入口，不帶沙。燒鵝上庄位置肉質偏瘦，岩哂不愛肥膩嘅女士，入口結實帶嚼勁。蘸上酸梅醬酸酸甜甜，更惹味解饞一字排先炸成金黃鬆脆，同樣加入冰糖同話梅煮成，令肉類香甜不膩，越食越開胃。硬要挑剔係一字排帶較多肥膏筋部，同炆煮比較起黎食落有啲韌必食煲仔菜一開蓋超級香！！！紅酒加上蕃茄木瓜燴煮而成，令牛尾軟稔鬆化，唔痴骨。非常足料大舊，每舊都有肉又有筋，入口煙煙韌韌，係滿滿既膠原BB呀食飽仲有糖水送！芝麻糊味道岩岩好，唔會好死甜，仲好香芝麻味。值得一讚係呢度服務態度非常好，店員會主動換碟斟茶，非常關心客戶需要，香港好少咁好服務既餐館咖啦

上星期去咗灣仔盛記，我們10個人，叫左8個菜，乳豬好食，仲有鮑魚，粉絲蒸聖子，薑蔥炒蟹，最後要贊一贊蒸魚，時間啱啱好，價錢吾貴每人百零蚊，食到個個好開心，哈哈！下次一定要再去

上星期與家人一行13人到盛記酒家食生日飯，酒家屬中型，但布局雅緻，環境不錯，有種舒適感覺，最重要碗碟，檯布都好干淨，服務大姐又很有禮貌，換碟好快，我都不好意思叫佢不需要換那麼頻密，還不時主動加茶加水，至於食物質素很有大排檔的風味，好入味，係我喜歡嘅味道，魚虾蟹食到清晒，特別一提係海鮮真係好新鮮，條魚蒸到剛剛好，到最後經理還走過來問味道怎樣，看出好用心經營，最喜歡光顧呢D小店，大酒樓集團的機械式餸菜令人没感覺，我一定會再幫襯

茶樓是一眾打工仔同同事中午食飯的熱門選擇。位於灣仔的盛記酒家也不例外，所以如果身為上班族的你想來試試，可能需要有位同事早點溜出來先排隊，或者預先網上訂位。但可以放心的是，酒樓無論是下單還是上菜都十分迅速，一個小時lunch time絕對鬆動。點心或午時套餐味道都很好，大力推薦夫妻肺片和椒鹽豆腐！直得一提的是服務員的服務態度一流，親切有禮！