盛記酒家

营业中

休息中

正所謂冬大過年，冬至和家人吃完飯「做冬」翌日當然也是要和幾位友人來個冬至飯 傳統節日還是吃中菜好了，選了這間灣仔的中式酒樓 外表比較普通， 就是和一般的酒樓無異一張張的大圓枱，不少食客都是中年人士中式酒樓內少不了的海鮮魚缸 菜單的感覺也是很傳統平實， 不帶一點花巧即燒乳豬 1/4 $198即點即燒，又不需提早預訂，很方便皮厚得來很脆，配上微甜的餅皮一脆一軟的口感，爽歪歪底下的豬肉也不錯，沒有過鹹，肉質很嫩魚香茄子煲 $98本人至愛的菜式之一，必點熱辣辣，味道濃郁，配飯一流茄子沒有過腍，帶點口感乾撈龍蝦粉絲煲 $298被海鮮缸的龍蝦吸引，點了個粉絲煲粉絲充滿龍蝦的鮮味，相當鮮甜龍蝦肉相當彈牙，份量不少雖然已是有點飽感，但都欲罷不能干煸四季豆 $98作為四季豆的鐵粉是沒理由不點這個四季豆炒得乾身爽脆，清甜肉碎帶一點惹味，又是配飯佳品綠豆沙舊的中式酒家有一點好，就是結帳不時有免費糖水送綠豆沙起沙，入口順滑，有一種特別的清香一問之下原來是加了芸香(又稱臭草)，很有心思總括而言，沒想過如此平實的中式酒家菜式味道這麼出色，小菜均是很有鑊氣真是禾稈冚珍珠，廚房的師傅感覺都是世外高人雖然食客均是中年人

朋友喜歡吃中菜，帶我到灣仔這酒樓食中餐。我們到達時間尚早，立即有枱入座，其後陸續有客人光顧。前菜小食有鹵水花生，頗入味，我們邊吃邊看菜單。我們選了兩個煲仔菜和兩碗粥，很暖身。盛記招牌辣子雞煲一上枱，香氣撲鼻，啫啫聲。洋蔥蒜頭和辣椒爆炒得很有鑊氣，雞件皮香肉嫩，辣度適中，惹味十足。窩燒斑腩砂鍋熱力十足，逼出薑蔥蒜頭的香氣滲入魚塊。斑腩厚肉，啖啖肉，連着充滿骨膠原的煙韌魚皮，滋味十足。金牌拆肉泥孟粥泥孟鮮，魚肉多，粥底綿密，加入了果皮絲和薑絲，我們再加了附送的蔥粒，很香很甜的一碗粥。生滾潮式蠔仔粥蠔仔肥嘟嘟脹卜卜，粥底比較稀，是比較貼近潮式的，加入肉碎、冬菜、芫茜， 十分香，很順口，用來配餸吃一流。最後，酒樓還送了椰汁紫米露，椰汁香，紫米有口感，很不錯的甜品。

非常高質而且便宜既中菜全部大碟又抵食，叫左咁多款餸菜只係1000蚊都唔洗。龍蝦粉絲煲 - 香味滿瀉，粉絲吸滿龍蝦鮮味，龍蝦爽口彈牙！乳豬 - 燒得好香脆！食落卜卜聲，配埋香甜熱辣辣既面包食，食到欲罷不能！正！另外都推介佢既椒鹽豆腐同炒豆角。不得不提免費附送既綠豆沙好清香好食！

之前不停食火鍋、雞煲同cafe，最近終於想起不如食下中餐，夜晚食中餐自然係叫下小菜來食，聽聞灣仔有間盛記唔錯，所以隨朋友過來試下。鹵水豬腳仔：鹵水汁好夠味，而且豬腳仔都準備好好好，加上來真係好好。水晶蝦球：一個好普通的菜，反而好考師傅的功力同材料，佢地用的功料夠新鮮，無講煮得太老，火喉剛剛好。盛記即燒乳豬：用得自己個名做招牌菜，一定唔可以失敗，無令人失望，真係即燒，唔係放左係到一段時間再反熱。灣仔區終於搵到一部中菜可以做飯堂，大家來到可以上來試一試。

個人對中菜非常喜愛，所以每每看到新的中菜館開業，都會試試，今天晚上便來到盛記酒家。魚香茄子煲$98上枱時，店員將煲內的茄子和肉碎攪拌之後，便可以進食，由於是用煲上，所以溫度可以保持一段時間，如果可以減少些油，味道更加好。芥蘭炒臘味$128臘味包括有臘腸、膶腸和臘肉，芥蘭已經被去除堅硬的部份，餘下的部份，清甜爽口，沒有苦澀味，配合臘味，味道更佳。燒鵝王下庄$158燒鵝醃得很好，而且肉嫩，脂肪十足，加上暖暖的溫度，令到脂肪不會凝固，味道更佳，如果被鵝皮脆一點就更好。是日甜品紫米露，甜度適中，吃完已經很飽了。

話說呢排大時大節，相信大家都會揀一間中菜館，同屋企人食飯，今次小編同女朋友嚟到呢一間位於灣仔杜老誌道嘅一間中菜館食晚飯。小編order左海皇豆腐羹、椒鹽豆腐、金牌叉燒、黃金蝦球，同埋醬香花枝珊瑚蚌，小編認為金牌叉燒係必定要Order，叉燒嘅肉質燒得好香甜在配搭埋蜜汁簡直一流，黃金蝦球方面亦都烹調得相當出色，色香味俱全，海皇豆腐羹用料十足，總括嚟講己未餸烹調得相當出色，服務亦都相當唔錯，大家可以試一試。

喺灣仔做完野已經夜晚七點幾，即刻約到喺灣仔返工嘅朋友食晚飯，佢帶我黎左呢間「盛記酒家」，係一間中式酒樓～店內燈光明亮，地方都幾闊落濃味鮑魚雞煲冬天梗係要食啲熱辣辣嘅野，菜單上有唔少特色煲仔菜，我同朋友揀咗呢個比較特別嘅濃味鮑魚雞煲🐔🍲個煲keep住熱辣辣，雞脾同雞胸樣樣齊，加左薑片、蒜頭、香菇一齊爆香，醬汁鹹甜適中，每件雞都被醬汁包裹著，正啊！好適合送飯或者送酒裡面仲有四大隻鮑魚，都幾爽口彈牙，鮮甜味美，吸收晒醬汁嘅精華XO醬海皇炒飯炒飯勁大碟，足夠四至五人享用，最啱一家大細開心share！飯粒炒得粒粒分明，乾身唔油膩，好有鑊氣！飯裏面嘅配料都好豐富，例如有：魷魚、鮮蝦、石斑魚、菜芯、蔥花、雞蛋絲等等，材料分布均勻，每啖都好足料！配上微微香辣的XO醬，好惹味呢！

盛記呢一度好適合一家人，或者係朋友聚會嘅中菜餐廳，地方雖然冇話特別大但係位與位之間相當闊落!聚會唔少得飲下酒，呢度有酒櫃亦設有存酒服務，飲唔曬可以擺喺度叫佢哋幫你存起!嗌咗幾樣餸最推薦嘅就係<豉油王炒大蝦!!>同<招牌乳豬>!!! 食得出啲蝦係超級新鮮唔會梅梅爛爛同埋好入味，乳豬更加唔洗講啦～皮脆多汁，冇燶，燒得岩岩好!!呢度，上菜嘅速度亦都唔算太慢!!!服務同招呼都好足!! 價錢喺呢一區嚟講亦都唔叫太貴，有啲比較大份嘅有例牌同埋全隻揀， 根據返食量同人數去決定，唔會浪費又唔會嘥錢!!值得再去!

舊友相聚於灣仔商廈，酒家內裝潢擺設一般，晚飯時段頗為爆滿。 看到餐牌小菜選擇甚多，點菜重任交給朋友，我祇管偷懶等吃好了。 第一道菜是蒜片牛仔粒，上桌時樣子不錯，蒜香飄散，鑊氣十足。除了牛肉和炸蒜片，還有一些冬菇粒、椰菜、紅椒和蔥段，牛仔粒吃著口感軟腍帶點筋，牛肉味濃郁，不錯吃。第二道菜是鮑魚雞煲，大大隻鮑魚放在當眼處，下面是雞件、蔥段、薑片、蒜子和辣椒。 鮑魚原來是鮮鮑，味道鮮美而口感彈牙，醬汁惹味不錯吃。 另一道小菜是欖角冰梅骨，每件排骨都被晶瑩醬汁光澤所覆蓋，夠乾身。 小黑點就是欖角碎，吃到的時候便充滿欖角的咸香。 排骨肉質酥軟，甜甜的醬汁透著淡淡的梅子香，味道甜酸，吃肉也不覺膩，不錯。接著是一道口味清新的可口小炒菜，有爽脆的藕片和西芹，鮮甜的百合和爽軟的雲耳，正好為各式肉食作間場。朋友說這店的即燒乳豬很出色，果然燒得恰到好處，脆口鬆化，肉質嫩滑而肉汁豐富，沒有什麼肥肉，很是不錯。如夾著煙韌的小薄餅一起吃，會令到脆皮更清爽，一點也不膩，好吃。大伙兒難得聚一聚，一邊吃一邊談天，過了一個愉快的晚上。

今日黎左灣仔食晚飯 臨近大時節 就簡左食中餐 佢係灣仔同銅鑼灣中間 搭巴士落行好近就到一見到餐牌 就有好多唔同款既傳統酒樓菜色 真係樣樣都想試第一樣叫既係金牌炸子雞 炸到皮好脆 但肉仲係好滑同有油分 一d都唔乾身之後叫左錦江豆腐煲 原本諗住都係簡單 不過煲仔都係好好食 好香口 豆腐好滑 而且仲搭左少少海鮮 估唔到都好有驚喜最後叫爽一豉椒炒蟶子 蟶子都好大隻 食落啖啖肉 豉椒惹味但不會太鹹 肉質岩岩好 不會鞋 不會咬唔開所以總結黎講都係好出色既中菜！

早前聽聞灣仔有間酒家不錯，今次就揀呢度提早做冬，酒家處於商廈之內，內裡是一般酒樓格局，有個養海鮮嘅大水族箱。茶壺、杯、碗、碟、筷子托等都印有錦鯉圖案，特別賞心悅目😍茶芥來了一碟好味嘅花生，酥腍中帶著淡淡八角香，好快就食個清光。聽聞這裡乳豬係即燒，就叫咗1/4隻😋乳豬外皮燒得鬆脆，🥰連隻碟都係熱辣辣上枱。隨燒乳豬有一籠餅皮，令人想起食北京填鴨，將餅皮夾住乳豬一齊食，脆卜卜，唔肥膩。😋就咁食，皮脆肉嫩，肉汁豐盈，味道剛好。叫個鮑魚雞煲應吓節，雞煲內有大量蒜子薑片，滋滋作響，香氣撲鼻。大約有4-5隻鮮鮑，口感軟彈，雞件嫩滑有雞味，濃濃醬汁，夠曬惹味。蔬菜揀咗雲耳百合炒藕片😋配菜有西芹、甘筍。小菜口感爽脆，味道清新。欖角冰梅骨排骨表層炸到酥脆，淋上欖角碎、冰糖、梅子煮嘅醬，外表晶瑩，味道吸引。內裡肉質鬆軟，欖角味香，和著冰糖的甜，梅子的微酸，確係色、香、味俱全。蒜片牛仔粒$98蒜片金黃惹味，牛仔粒有咬口肉味濃。食完仲有糖水送，紫米露香甜適中，正好在乾燥天氣中潤一潤。

話時話， 真係好耐冇叫餸食飯。 今日朋友請客， 已經做好「好既一餐， 唔好既一餐」既心態同佢去食飯。 明知我鍾意打邊爐仲叫我叫餸食飯， 都唔知係咪玩鬼我。 仲要走到咁鬼遠。因為都係打算吹水多， 所以都係是但俾佢叫。 叫d出名野就好。 一個唔埋竟然叫乳豬， 唔係咁重手下化， 好彩係叫1/4隻， 咁都食得晒既。 好似話出名即燒乳豬嘛。好喇， 吹夠， 睇下食乜先。 前菜先上豬腳仔， 蒜片牛柳粒， 同椒鹽鮮魷。豬腳仔軟軟地， 好夠味， 一食就知都幾有心機。蒜片牛柳粒， 係好多又大粒既牛柳粒。 其他地方最多咪細細粒炒埋一碟算。 而呢度係好大粒，差唔多有2x2咁大粒。 大粒得黎又唔難咬。 軟軟的， 真係好食。椒鹽鮮鱿， 我諗緊其實呢件係主菜黎架下化， 咁大盤既？ 係用盤黎形容。 食到我地都唔多想食， 雖然薄皮， 炸得夠脆但入面魷魚都仲係軟軟冇過熟。 最後當然都有清晒啦。口水雞剩係叫左細份（好彩叫左細份， 碟碟都咁大碟點食得晒）雞都好夠嫩既， 雖然唔夠傳統， 但麻辣都夠味， 合格。 跟住， 即燒乳豬， 芙蓉水晶蝦球， 上湯豆苗， 同臘味煲仔飯都輪住上枱， 咁又真係幾快手。 即燒乳豬， 俾好高分呢。

位於灣仔的有名氣中菜館，晚市座無虛席，但又唔會好嘈吵，枱與枱唔會好逼。碗碟茶杯等都好精美，係鯉魚。.夫妻肺片 $58前菜小食 - 麻辣牛肚條、牛脷片，越食麻香、辣味越出，好惹味。.銀杏腐竹浸白菜仔 $98特登叫一道清淡菜式，因為又雞煲又水煮牛肉已經重口味。銀杏、好滑既腐竹 及 新鮮白菜仔，以清湯浸煮，正。.啫啫滑雞煲 $128一上菜，香氣撲鼻，以大量蒜頭、蔥頭爆香而炒既雞件，食唔停。.水煮牛肉 $128嫩滑鮮牛肉配以麻辣湯底，仲有好多配菜同埋寬粉。

群策大廈是食肆集中，在這區的上班族都熟悉不過，晚飯即比較少光顧。酒樓環境清雅，交通方便，午餐經常都在群策開餐的 😂😂 。這晚遇上兩枱朋友，證明識食就梗係食呢間 😂😂喜歡金魚餐具，全套齊齊整整，有要求，夠認真。前菜四川口水雞 $58，份量頗多的小食。辣中帶麻，雞肉嫩滑，惹味非常。碧綠蝦籽柚皮 $88，柚皮軟諗，無苦澀味，燴上蠔油蝦子汁，味道不錯。軟諗不散溶，剛剛好👍💖💖欖角冰梅骨 $128，甜甜酸酸，熱哄微脆，欖角咸冰梅酸，加上蜜汁調成的醬汁，贏盡一家大細的歡心。銀杏鮮腐竹浸時蔬 $98，白菜仔為主，加上喜愛的枝竹及雜菌，湯底鮮味。家常晚餐，輕鬆簡單，美味可口。

今日帶老爺奶奶去位於灣仔的盛記海鮮酒家食晚飯，地方唔大，但整潔乾淨。今日叫左個例牌乳豬，燒乳豬係呢間酒樓嘅招牌菜，用兩塊陳餅夾住乳豬皮嚟食，呢個懷舊食法好耐冇試過，乳豬皮脆到發嗦嗦聲，真係超正。木瓜煲豬踭湯，清甜滋潤，奶奶話飲落一啲味精都冇落，真材實料,飲左三大碗👍‌游水大班兩味，碧綠翡翠炒球，炒得非常香滑件件啖啖肉,夠獲氣，金銀蒜蒸頭腩夠晒惹味。好正啊！自己喺屋企做唔到呢個效果。‌肉絲炒米粉，米粉唔知廚師是煎定炸，好香脆，配埋嫩滑嘅肉絲假超好味嘅芡汁,平凡菜色都變唔平凡。豉油王蝦碌,用新鮮海中蝦炸過後再用秘製頭抽爆炒,食到手指都要舐埋🤣🤣