盛記酒家

营业中

休息中

盛記酒家為乳豬專門店，有招牌即燒乳豬、各款新鮮生猛海鮮和各式小菜選擇，環境算新淨闊落，用餐環境舒適。乾隆醉雞醉雞份量都唔少，食落有雞肉既鮮味，肉質算嫩滑，調味剛剛好，相當入味，有淡淡既酒香味和甜味蒜香爆龍躉球龍躉魚塊肉質鮮嫩，表面有經煎至金黃，啖啖肉，食落十分滿足。香蔥和韭菜在底下吸收到魚肉既肉汁和香氣，特別惹味。盛記即燒乳豬乳豬皮燒得香脆可口，附有層餅配搭食用，味道似刈包，香甜軟糯，一脆一軟，再加上甜醬，味道豐富同時層次感十足。濃味海皇雜菜煲配料十分豐富，除左有白菜、菜心、西蘭花、粉絲外，還有蝦隻、魷魚、龍躉魚塊等海鮮，湯底鮮味十足。最後仲有糖水送。

今日同朋友去咗灣仔盛記酒家食晚飯，味道唔錯，可以一試，尤其推介炸子雞！ 首先係乾撈海皇粉絲煲，一上枱就聞到好香，粉絲乾身得來又唔會太油，仲有唔少蝦粒、同魷魚，食落幾惹味！ 金牌炸子雞，叫左半隻，新鮮整起，皮脆肉嫩，雞肉仲保持到肉汁，點少少淮鹽已經好夠味，呢個高質必點，係我食過數一數二好味嘅炸子雞！ 欖角冰梅骨酸酸甜甜好開胃，欖角嘅香味夾埋冰梅醬都幾特別，第一次食，岩哂送飯！ 最後叫咗個菜 - 蝦乾魚肚浸時蔬，魚肚吸晒湯汁好入味，蝦乾提鮮，白菜仔又夠嫩，清清地平衡返之前嘅濃味。 免費甜品有綠豆沙，煲得好綿，陳皮味香，甜度適中，為呢餐畫上完美句號。 盛記嘅環境就似典型舊式酒樓格局，但服務幾好，上菜快，價錢都算合理，想食傳統粵菜可以試吓！

去完澳洲旅行返港即刻想食返中菜, 今晚同媽咪去咗灣仔呢間盛記酒家食晚飯。酒樓地方企理, 傳統式中菜酒樓格局, 放有多張圓檯。人少只能點咗兩款菜式share食, 兩款煲仔菜式味道都好岩口味。煲仔熱辣辣上檯, 散發陣陣香氣。【蒜香爆龍躉球】HK$298龍躉球大大件厚切、無骨啖啖肉, 被泡油過而鎖住原本肉汁, 龍躉球實肉有獨特嘅魚鮮味, 煲仔內放有大量蒜頭同埋蔥段, 香氣十足!【錦江海鮮豆腐煲】HK$148炸豆腐表面盡吸鹹甜茨汁, 內裡香滑, 配有蝦、珊湖蚌、魷魚同埋西蘭花, 豐富美味。最後仲有免費是日糖水送, 滿足!

今日晚上同朋友去了灣仔盛記酒家食晚飯，第一次嚟，覺得這是一家傳統酒家，小菜份量多，香味十足，夠晒鑊氣。叫咗兩隻新鮮海鮮大聖子皇（兩隻起叫），同朋友一人一隻，新鮮肥美又鮮甜，蒜蓉粉絲入晒味，真係想食埋朋友嗰隻，店員仲好好招呼，幫我哋拆肉上碟，真係酒店嘅服務，酒家嘅價錢。冷盤沙薑豬手粒，啖啖肉嘅豬手，沙薑夠晒入味，冇骨非常吸引。主菜鹹魚雞粒豆腐煲，送飯真係一流，嚟到個煲都仲係熱辣辣啲油仲係跳緊㗎，最鍾意食呢啲新鮮滾熱辣嘅小菜，除咗雞粒嫩滑仲有冬菇，加埋啲鹹魚真係好好食。

假日最好約朋友聚舊吃飯, 我和 Albert 都係喜歡中菜, 約定了去灣仔 盛記酒家.   酒家主打明爐燒鵝, 即燒乳豬.   合我倆口味.   侍應送上熱茶小食, 招呼妥善. 餐牌精簡, 不乏廣東小炒, 煲仔菜.  主餐牌標榜 ,  廚藝共三十六式, 真不能少看中國菜呢. Albert  吃得好傳統 , 除了鍾意小食五香鹽水煲花生, 不濕不粉, 滋味可口.又加碟流心皮蛋酸薑.流心皮蛋酸薑, 配白砂糖, 手作小食只有富經驗的食店才有此出品.   糖心皮蛋加酸薑, 好醒胃.部長介紹今晚有游水大龍躉兩味.  龍躉,  一魚二食最好.  我們接受推介, 立即落單.   翡翠炒龍躉球先送上, 熱辣辣有鑊氣,  賣相不錯. 龍躉班很新鮮, 肉質鮮美. 炒的時間控制得很好, 保持滑魚肉, 吾油膩, 配上翠綠西蘭花,  紅黃椒,   好鑊氣.雲耳香蒜蒸頭腩, 古法蒸魚, 味道清甜,  啖啖肉,  有蒜子香, 果皮味.  加上薑蔥, 魚的鮮味出曬黎.我們兩人叫了 招牌的燒乳豬 1/4隻.   BB 乳豬燒得香. 熱 辣辣,  外皮層香脆, 肉質軟滑,  肥瘦平均, 伴有粉皮及乳豬醬.乳豬單件食, 肉香

盛記酒家 位於灣仔杜老誌道,  即燒乳豬專門店, 有香港師傅駐場.酒家氣氛熱鬧,   侍應招呼勤快, 座位闊落.設有大魚虹,  有多款海產, 生猛活躍.酒家主 推 飲和食得,  餐牌食品豐富, 有燒味, 魚翅, 鮑魚, 燉湯, 海鮮, 小菜, 選擇無難度. 豐儉尤人. 水滾茶靚,  大家飲茶閒聊真快意.  前菜小食, 水煮花生,  入口稔又甘甜,  帶些五香味.  我們 加個 流心皮蛋酸薑 $48,   配白砂糖.  糖心皮蛋味道香濃, 酸薑夠爽脆. 招牌的燒乳豬, 1/4 隻 $298, 配有醬汁及粉皮, 有蒸籠盛載, 上檯暖笠笠.  乳豬燒得香,  紅卜卜, 熱 辣辣, 已切件, 薄薄一層好香脆, 油脂唔多, 皮脆香口.粉皮塗上自家製乳豬醬, 再把乳豬件夾上, 非常好食.  口感豐富好滋味！  食海鮮必食魚, 游水大龍躉兩味:  最合心意.  翡翠炒球 , 龍躉炒球好鑊氣,  厚肉, 好大塊,  魚肉新鮮, 口感結實而不乏彈性, 加入了嫩綠西蘭花,  伴上青紅椒,  口感極好.金蒜蒸頭腩     金蒜蒸頭腩,   肉多骨少, 蒜香味濃, 加入了雲耳薑蔥, 更能帶出魚本身的鮮味.餐後

幾姊妹搵個好地方傾偈，又有好野食，這裡也是個不錯的選擇🍻🍻 地方有著懷舊酒家風，地方不大，也有新鮮海鮮池🙂🤗「金牌炸子雞」 金黃色炸子雞，外層脆口，肉質香滑👍🏻 果然是金牌😆「欖角冰梅骨」估唔到有驚喜，冰梅開胃，而且排骨肉質淋身，一口氣食了2條🤣🤣「啫啫唐生菜煲」 香噴噴的啫啫煲，內有大隻蝦乾更為香口，我的閨密最喜歡這菜🙂「椒鹽魷魚」這個粉比較厚，但十分脆口，魷魚也有咬口☺️「椒鹽豆腐粒」相當出色👍🏻 豆腐香滑，椒鹽味重🤗 配上啤酒也十分好呀

唔好以為去傳統酒樓食飯質素會唔好‼️今日嚟到灣仔呢間盛記，完全打破了我對酒樓嘅印象❤️店員們充滿笑容，好有禮貌👍🏻小菜嘅質素都很不錯「金牌炸子雞」呢個真係招牌菜雞皮炸得夠香脆，食落有啲咸香，調味剛剛好雞肉肉質細嫩「欖角冰梅骨」用左一字排，肉質軟嫩帶爽彈，欖角獨有嘅咸香，再配酸甜汁，特別清新開胃！「啫啫唐生菜」啫啫最緊要係要夠鑊氣，呢個鍋一上檯，仲keep住有zi zi聲，入面嘅蝦乾都好好食酒樓仲會有紅豆沙糖水送㗎

今次我哋去咗一間好傳統嘅酒樓食飯。一坐低首先就俾啲碗碟吸引咗，因為宜家真係好少酒樓仲用緊呢啲傳統設計嘅餐具🌟菠蘿咕嚕肉咕嚕肉好脆，入面嘅肉唔鞋口；菠蘿唔會太酸，甜度啱啱好送飯真係一流🌟啫啫唐生菜煲啫啫雞煲聽得多，啫啫唐生菜煲真係第一次聽蝦米同肉碎辣辣哋，但夾埋生菜一齊食又有啲菜既清甜，辣得嚟好清新😋芒果布甸布甸好滑，仲夾雜住芒果蓉，超香芒果味🤤重點係仲跟配花奶真係童年回憶返晒嚟💕最後竟然仲送咗紅豆沙俾我哋雖然已經好飽，呢個紅豆沙真係好足料，忍唔住照食晒，真係飽到上心口呢一餐家常飯真係食到好滿足

屋企人成日話飲茶，飲嚟飲去都係果幾間，我就索性去OpenRice 睇吓灣仔銅鑼灣有乜好野，比較過，呢間好似唔錯，但對年紀大咗或行動不便嘅人會遠咗少少上到去，比我相像中，環境好少少，最緊要係冷氣夠，同埋真心覺得啲姐姐都幾好禮貌。坐低，等母親大人自己慢慢揀😆佢見隔離有豬仔腳就點咗😂先嚟個？鵝翼？😂本身叫豬腳仔，咁諗住叫佢哋換番，佢地收番碟野放嚮出菜位，自己人擾攘一陣話賣晒，但比我感覺係佢哋盡量選擇出錯都想客人要，我心裡大概明白佢哋點解咁做，但係始終佢哋自己出錯，我見單係打鵝翼，佢哋仲要嗱嗱聲拎走左張單，差不多全程都冇比番我，咁樣有啲肉酸，而且當時係12點左右，得幾檯，咁快冇？感覺唔太好，不過最後我要咗，因為我見個樣都唔錯，結果都幾好味，夠濃又唔咸😌，難得老豆出聲話幾好食。之後就一堆點心，一般都唔錯，係個粉果蒸得太耐，啲皮一夾就爛；另外個千層糕就冇乜特別。差不多食晒點心，姐姐突然送上3碗綠豆沙😍其實都唔差，因為唔算甜話說我哋張枱隔離係出菜位，見到周圍啲人叫乜，佢哋啲出品真心幾靚仔，我已經bookmark咗啲下次試😂😂同埋下次記得要留咗豬仔腳先，原來母親大人念念不忘😂😂😂離開係13:05左右，

灣仔呢間盛記酒家，可以說是一間街坊酒家，小菜選擇多，適宜聚餐。💚是日老火湯 - 粉葛赤小豆牛大力呢個例湯最適合宜家嘅天氣，非常足料，無諗到份量有咁大，飲得好飽足！💚金牌叉燒皇叉燒皇係呢間酒樓招牌菜之一，厚切义燒，肉質好嫩，肥瘦均勻，好有口感，值得一試！💚蒜蓉粉絲蒸蟶子皇夠大隻又新鮮，蒜蓉粉絲好入味。💚黃金蝦球蝦球新鮮彈牙，鹹蛋味略濃，建議與西蘭花一起食，味道會更理想。💚腐竹薏米糖水對於酒樓贈送的糖水一向不存厚望，但今晚的腐竹薏米糖水又出乎意料之外，甜度適中，味道不錯！

兩個人撐枱腳食咩好？最理想街坊店價錢、舒適環境、味道好，思前想後去了灣仔的盛記酒家，符合以上三大條件。是日老火湯 - 粉葛赤小豆牛大力 $188平時屋企少煲湯，是令的老火去濕湯正中下懷，見到深褐顏色知道夠火喉，每人有三碗，份量足；大件豬骨蘸鼓油依然好味。金牌叉燒皇 $198乳豬、叉燒、炸子雞及燒鵝等燒味是招牌，二人飯局吃叉燒的份量比較適合。肉質夠軟帶爽，亦甜亦鹹吃得滋味。蒜蓉粉絲蒸蟶子皇 $88*2新鮮大隻，蒜蓉粉絲蒸最理想。黃金蝦球 $228最後來一道黃金蝦球，鹹蛋味香郁，蝦球新鮮肉彈，刻意配搭原味西蘭花，剛好平衡鹹香，一齊食更好食。腐竹薏米糖水（贈送）最後贈送的糖水，竟然有意外驚喜，香滑美味，甜度適中。茶 $15/位，芥 $4/位

在灣仔收工實在太攰,還是找地方吃飯,要偷閒一下,找到這店使意想不到的收穫。前菜是五香烚花生,這個比較少見,質地粉粉,味道鹹鹹的,花生很入味。粟米鮮龍躉斑塊,龍躉啖啖肉,肉質結實爽口,魚皮Q彈,魚油充裕而且很有油香,味道鮮美,加上粟米汁使魚肉味道層次提升,粟米湯還有魚肚的,材料十足。黃金涼瓜片,大廚的功夫盡顯出來,涼瓜較容易出水,要做到爽口,而且要用鹹蛋包住整塊涼瓜實在巧手,鹹香味十足,使人停不了。蝦醬香蝦骨,肉排是1層油1層肉,肉的部分嫩口,油的部分爽口,鹹香味濃烈,而且很有蝦醬的甘香。乾撈海皇粉絲煲,乾撈真是名符其實,粉絲炒得乾身,但很有油水,粉絲完全吸收了海鮮的鮮味,跟飯一起吃很不錯,海鮮有鮮魷+蝦仔+魚干+蝦干+魷魚乾,全部的鮮味也跟粉絲融合在一起。最後還很貼心地送上紫米露糖水,用料十足,味道不會太甜,可吃出材料的真味。味道: 值得推介環境: 寬敞舒適衛生: 整潔服務: 尚可價錢: 超值份量足

最近多咗出街食飯，呢間酒家小菜選擇多，份量十足，味道好。🔸粟米鮮龍躉斑塊龍躉連皮切塊後炸，龍躉斑塊外表炸至金黃色，脆漿薄身。龍躉啖啖肉，肉質滑中帶微韌。粟米汁有粟米粒、蛋白和魚肚，芡汁一點都唔稀，淋上粟米汁。龍躉斑塊仍保持爽身。🔸乾撈海皇粉絲煲上枱時已感到熱騰騰，粉絲較乾身，蛋味濃郁帶有鹹香，魷魚蝦乾份量頗多，口感唔韌。🔸蝦醬香蝦骨腩肉炸得香脆可口，肉與肉之間夾着一層甘香的肥肉，但食後唔覺油膩，蝦醬味道濃郁。🔸黃金涼瓜片涼瓜外表沾滿蛋黃，蛋黃起沙，涼瓜片保持脆綠，爽口味甘。飯後侍應送上紫米露，紫米露足料微甜。

又黎喇 灣仔街坊酒家跟住阿舊灣仔街坊, 已經嚟食咗好幾次~每次嚟到都爆場, 記得要提早訂位啊!"荔枝蜜叉燒”七點幾就已經售罄，所以我哋再食其他燒味啦~啫啫唐生菜煲 $168椒鹽鮮魷 $168金牌炸子雞（半隻）$168鍾意佢夠熟 冇血水又保持到嫩滑嘅肉質 全家食得開心心今晚三個餸都好味, 好啱食 食得好開心~（特別係個生菜煲, 足料 夠晒惹味!）呢度嘅姐姐同照常一樣, 都係親切嘅開心果黎~送嘅糖水（今次係紫米露）都好味架~