盛記酒家

营业中

休息中

餐廳位於杜老誌外街 比較隱蔽多得老友介紹 先知有間隱世酒家餐廳每日都有燒味海鮮特價精選確係幾抵鐵板叉燒皇 $148呢度嘅燒味水準都幾高 而且唔會凍冰冰今次就用鐵板熱辣辣上枱麥芽糖漿帶來啖啖焦香叉燒鬆軟 肥瘦均勻 唔錯盛記燒鵝王下庄 $158咬落啖啖肉汁 皮脆肉嫩而且仲係暖暖地 好食波士頓龍蝦伊麵 $298份量充足 非常大隻伊麵吸收哂香濃上湯醬汁同龍蝦精華 正蝦乾魚肚浸高山菜 $108魚肚煮得腍滑 蝦乾提昇鮮味配上蔬菜 增添味道明火煲靚例湯 $188入冬天氣乾燥 最好就係飲啖湯水潤下餐廳今日就係木瓜豬骨瘦肉湯材料充滿 木瓜鮮甜湯頭好有膠質 進補一流

喺灣仔想食中式傳統菜，依稀記得以前嚟過有間唔錯嘅酒家，師傅啲手勢都好傳統，所以約朋友喺呢度食。乾隆醉雞，以50幾蚊來講都算好多雞，可能有五份一隻雞，有少少雞髀同雞胸肉，整體來講隻雞唔會太肥，雞肉滑溜。脆皮燒豬喺呢度招牌菜之一，伴碟仲有細飽皮，乳豬皮燒得卜卜脆，加飽皮一起食減低肥膩感，乳豬肉亦嫩滑，侍應特別同我講師傅將啲肥膏切走，所以隻乳豬剩係得皮同埋肉好少肥膏，心機之作。野菌燒汁和牛粒份量好多，牛肉好有咬口同又淋又滑，牛味好出，好嘢味。之後叫了金牌拆肉泥孟粥及潮式蠔仔粥，泥孟粥好甜好有魚味，泥孟肉鮮甜，以呢個價錢性價比好高。

晚餐時間， 叫來了它們，老火湯， 一鍋上有三至四碗的份量，用料是； 葛， 眉豆， 豬肉們， 湯底濃郁而湯料已經出晒味所以不用吃吧。金瑤琵琶豆腐，香脆外皮內埋軟熟是豆腐蓉，蔥碎及魚滑造成的，汁哋不太杰還帶著咸香的味道。招牌辣子雞煲，辣味十足雞件香囗嘢味， 應配白飯一起吃中和吓。蒜茸龍口粉絲蒸元貝，鮮帶子， 粒肉開蝴蝶而伴上粉絲，蓋上的汁是炸蒜蓉及豉油。隨著飲支大啤。。在openrice預先定位還有全單-20%， 佳。。

今晚同屋企人提早做冬，咁我就揀左公司附近既一間酒家，原來呢間係乳豬專門店不過兩位老人家食唔到太多肉，唯有下次我同朋友黎食呢度有好多特色小菜我其實好想食蜆芥鯪魚球，不過老人家話好耐無食過椒鹽白飯魚，咁當然要叫俾佢食椒鹽白飯魚超大碟！而且係新鮮炸起的不過炸漿就多左，如果可以薄啲會更好盛記招牌辣子雞煲呢個雞煲超好食首先每件雞都好大件、好厚肉用左蒜子、乾蔥、香茜、辣椒爆到成煲都好香好惹味啲雞都好入味真係食唔停口！啫啫雜菜煲蔬菜當然唔少得！呢個菜都整得好夠鑊氣，用啫啫整特別好味食飽仲有糖水送添**侍應們服務超好，好親切，經常都過嚟幫我地換碟&斟茶

又來都做冬嘅季節媽媽鍾意中菜同一家大細嚟食返餐好嘢盛記喺區內享負盛名都算係數一數二出名嘅中菜館店員服務細心體貼 食得開心首先試吓呢度嘅燒味鐵板叉燒皇 $148叉燒偏瘦所以肉質比較結實鐵板上色香味俱全豬肉味都幾突出幾香盛記燒鵝王 下庄 $158燒鵝非常多肉汁而且食下庄部位啖啖肉鵝皮都幾香脆波士頓龍蝦伊麵 $298伊面吸晒上湯嘅精華 味道豐富濃郁龍蝦鮮甜肉質爽口彈牙明火煲靚例湯 $188是日例湯係豬肉煲木瓜湯頭好清甜 滋潤 啱天氣飲最後店員仲送上芝麻糊作結甜度適中 口感幼滑

今天到了灣仔去了朋友介紹的酒家吃晚飯，這家酒家是傳統酒樓的裝修，餐具印有傳統鯉魚圖案。我們二人今天都不太餓，簡單叫了一款小菜及一個炒飯。濃味鮑魚雞煲以砂煲上枱，熱騰騰，香噴噴，醬汁色澤亮麗，有四大隻鮑魚，還有雞件及冬菇片。鮑魚新鮮腍滑，爽口彈牙，雞肉香口嫩滑，冬菇及雞件吸滿了醬汁， 十分香濃惹味。冬天天氣冷時吃，很和味。XO醬海皇炒飯賣相平平無奇，但內有乾坤，有炒飯竟然有龍躉片，珊瑚蚌，實在是很驚喜。此外，配料還有鮮蝦仁及魷魚片。全部海鮮都是新鮮的。龍躉魚片很有鮮味，鮮蝦仁新鮮爽口，珊瑚蚌爽脆，炒飯炒得十分香口，飯粒粒粒分明，每粒米飯都被蛋均勻地包着，加上恰到好處的XO醬，這個炒飯實在教人吃不停口。這個炒飯份量很大，是4人份量。總括而言，這家酒家的菜色都很有鑊氣，質素不錯。裝修和菜式同樣外表平平無奇，但食物真材實料，質素很好。

12月天氣終於轉涼，上酒樓用餐，除了吃一般小菜，冬天更可吃合時臘味煲仔飯。盛記有招牌芝麻脆皮雞，可惜當晚唔記得預訂，改叫金牌炸子雞（$148/半隻），雞皮香脆而雞肉嫩有汁，令人一再回味。盛記小炒皇（$138）：韭菜的香甜，加蝦乾、菜脯等等配料，香辣惹味。臘味煲仔飯（$68/位）2位起叫，份量十足。即叫即煲，熱辣辣，一開蓋香味四溢。臘味有油鴨比、臘腸、潤腸、臘肉，臘味的香味滲透了每顆飯粒，非常好吃。最後有免費芝麻糊送，香濃滑溜。

今日到灣仔盛記提早食做冬晚飯。餐前小食有花生食，飲住菜大家商量食咩先。聞到隔離枱好香跟叫左盛記即燒乳豬，再加上湯龍蝦伊麵底，馳名鹵水豬腳仔，香蒜干迫海班球。盛記即燒乳豬--包皮，乳豬醬汁，仲有乳豬一加起上黎就真係絕配，乳豬起左層肥膏，所以入口唔會油膩，皮香脆好味道。馳名鹵水豬腳仔-豬腳仔夠淋，啖啖肉之餘又夠入味。上湯龍蝦伊麵底-龍蝦肉啖啖肉，混合上湯龍蝦汁配伊麵個伊麵先係重點好味道。香蒜干迫海班球：一上枱已經聞到勁香味道，海班魚香十足，魚油一咬就咇晒出黎又夠香口超正。送既紅豆沙可以話為是日冬至飯畫上完美句號，餵埋個甜品胃。

今日同家人到灣仔盛記食晚餐。入座就叫左茶，食住花生睇食咩。點左盛記即燒乳豬1/4隻，上湯龍蝦伊麵底，馳名鹵水豬腳仔，香蒜干迫海班球。盛記即燒乳豬1/4隻：一片包包一塊乳豬加埋醬汁，乳豬皮脆肉嫩，香口好味道。上湯龍蝦伊麵底：龍蝦肉都好好味，肉質良好。伊麵軟硬適中。馳名鹵水豬腳仔：有花生有豬腳仔，豬腳仔暖暖的好味道。香蒜干迫海班球：蒜同干蔥超香口，海班肉質超好，成個煲熱辣辣。另外一提店員服務態度良好，不停主動換碟同加水。埋尾送紅豆沙都ok

很久沒有來到灣仔吃飯了，今晚在一間中式菜館吃飯，好像是新開的。雖然他的招牌是燒味，但是由於朋友不太想吃燒味，所以沒有叫他的招牌乳豬及燒鵝等等。我們選擇了一些普通餸菜例如，前菜我們選擇了青瓜海蜇，青瓜海蜇的醋味剛好，不會太過濃郁青瓜爽口。另外一些餸菜我們選擇了一些比較有特色的，在家中自己不容易做到的餸菜，例如有朋友突然間好想吃到的蝦子柚皮，柚皮平常吃時也非常昂貴，但是這裏竟然兩塊只是賣88元，非常抵吃。 醬汁上鋪又一點蝦子，柚皮煮得剛好有點咬口，點上醬汁很正。除此之外我們見到了一個臘味菠菜，竟然在炒菠菜上放上一點芡汁， 芡汁上竟然是用一些臘腸潤腸及冬菇煮成分是一個非常特別的菜式。由於菠菜是一些很需要油份的菜式，所以這醬汁放在上面剛好，創意十分值得欣賞。最後我們選擇了這裏的其中一個特色菜，就是他的蝦醬金沙骨。 金沙骨微微咸了一點，但是經過炸後非常香口，用來送飯也是一個不錯的選擇，但是口味就會比較重。

不知何時開始，飲茶的地方到處都有大集團的影子，亮麗燈光不可少、食物都達到一定水準，卻總覺味道差了一點靈魂。今次難得發現灣仔一家樓上酒樓，似乎未受‘大集團化’改變，沒有浮華佈置食客們亦非常自在，其中一個原因是免受等位之苦。先點了醉雞和招牌燒鵝皇下庄，醉雞調味不錯，酒香剛好入味，雖然整體肉質未好到驚天動地，但價錢實惠值得一試。至於燒鵝皇，就頗令人印象深刻。由鵝腔滲出各種醃料藥材味’入肉三分‘，不論骨肉都能令人食得津津有味，其實就是老牌酒家能夠做到的水準。還有吃過黃金海中蝦，製作跟我平常吃的有點不同，開邊方法是先剪掉腳和蝦鬚，然後劏肚開邊，亦即背部是相連，猛油炸過後其實可以連殼吃得乾淨利落，做法十分討喜值得一讚。

今日和朋友在灣仔電腦廣場逛完，見天氣突然變冷，想吃點熱辣辣的小炒晚餐，就和朋友到這家酒家晚飯！港鐵灣仔站 A1 出口, 步行約5分鐘左右就到！座位設於3樓, 梯間張貼著大量有名小炒相片, 也有很多客人一齊等lift，似乎人氣不錯啊!入座先放上熱茶+前菜（花生·）茶芥: $12/位晚芥: $4/位點了幾款係menu上酒樓推介的款式，分別是乾隆醉雞（小），菠蘿咕嚕肉，椒鹽鮮魷，芙蓉水晶蝦球和一個白飯$14。乾隆醉雞（小）$58冬季末的冷風不時還是會讓路人們拉緊身上的外套，我和朋友就來吃醉雞暖胃補身一下吧！讓這個星期有個好的開始！開始今天晚上的頭陣-乾隆醉雞，有著皇帝般的享受，上好的汁醬配上鮮嫩的雞肉，濃濃的紹興酒味香噴噴的超入味！吃起來鮮嫩爽口、酒香撲鼻！菠蘿咕嚕肉$128這家的咕嚕肉讓我和朋友必須要點一個白飯配！！！優質的咕嚕肉菜式，賣相在於最外面是一層濃郁的甜酸汁，豬肉味夾雜著芡汁的甜味，鹹甜得宜，咕嚕肉外脆內軟，讓我一口吃著接一口。椒鹽鮮魷$118去大牌檔，會叫一碟椒鹽鮮魷，在這裡，我也要了一碟！惹味的椒鹽配爽口彈牙的鮮魷，加一杯熱熱的香片，冬天一流！魷魚吃下去依然保持爽脆度，不過韌

踏入冬天，食飯都是揀打邊爐或者韓國燒烤，今晚去到灣仔杜老誌道(盛記酒家)當中有個女店長服務十分好，見到D碟有少少骨碎就幫我哋換，又時常幫我哋換上熱呼呼的茶，即時感覺到這個冬天不太冷。酒樓推出逢星期一至日都有精選菜式半價優惠，另外仲有圍菜價錢十分超值抵食。約埋成班朋友飲吓酒、傾吓計，最賞心樂事。盛記即燒乳豬四分一隻，廚師好有心機的刀工，將乳豬皮裏面的肥肉削走，食落脆口不會肥膩，而乳豬肉熱呼呼更是啖啖肉，超正！臘味煲仔飯，份量十足，各樣的臘味都不會太肥膩，甜口的臘腸、潤腸、臘肉又夠結實、油香的臘鴨，全部臘味滲透哂在爽口的飯，令到煲仔飯香噴噴，口感十分豐富。魚香茄子煲，茄子夠油、夠香、夠味。奉送甜品椰汁西米露，不會太甜，十分滋潤。

琴日同朋友去灣仔搵嘢食， 去咗一間叫盛記酒家食反， 地方乾乾淨淨， 睇下個餐牌 點咗一個佢哋 招牌菜 即燒乳豬， 黎到樣樣都熱辣辣 ， 連隻碟都熱 ， 最特別佢有一種叫陳餅 好耐以前先食過 依家好少有 夾埋啲乳豬皮食 真係一個好好嘅配搭 啲乳豬燒得非常好 一定要食 。另外我哋嗌咗一個叫大斑兩味 一個碧綠炒球 ，一個 金銀蒜蒸頭腩，都係水準之作。 另外嗰個是日例湯， 木瓜雪耳 煲豬展， 夠曬火喉 一啲味精都冇，清甜。 另外叫左個豉油王煎大蝦， 連殼都食埋，正。 我同我朋友都冇乜飯癮所以叫咗個韭黃肉絲煎米粉， 啲米粉煎到非常香口 ，好食。

同朋友加小朋友嚟食飯呢度都係一個唔錯嘅選擇，又有bb櫈地方又闊落，加上一大個魚池!!!小朋友至愛!!價錢嚟講亦唔算太貴，因為每一樣都好大份!!!呢度個<<金牌炸子雞>>我覺得比較特別，同出面嗰啲舖頭有啲唔同!!! 盛記嘅炸子雞除咗比醬你點之外，面頭仲灑咗淮鹽!!我第一次食到呢個做法!另外，<<雞茸粟米羹>>我覺得幾掋食!!一個例牌就好大盆，小朋友好愛呢個湯羹!!我仲叫左個<<椒鹽豆腐>>， 同我印像中嘅椒鹽豆腐好唔同!!佢呢一個咬落去入面係好滑嘅豆腐，唔係用嗰啲板豆腐硬掘掘實的的嗰啲!!仲岩岩好一啖一舊!!!值得一試