盛記酒家

营业中

休息中

今日去左灣仔呢間盛記酒家食團年飯！屋企人話專登揀呢一間，因為呢度有即燒乳豬食！！而且乳豬可以唔駛叫哂全隻，而係可以揀全隻、一隻或者四份一隻都得！我地一家四口叫左一份盛記即燒乳豬 1/4隻（$198)四份一隻既即燒乳豬有八大件，份量就岩岩好。乳豬皮超香脆，不得了。另外又點左份足料老火靚湯（2-4位用）（$128)今晚既湯係粉葛湯，湯勁足料，所有湯渣都會上埋檯！另外啲湯都應該無落味精，非常鮮甜。而且雖然係2-3 位用，但其實可以分到大約6-7碗！所以我地四個人都好夠！其他小菜都幾好味，價錢中等，但份量偏多！下次再同屋企人食飯都會再黎！

團年飯係中國農曆新年既傳統習俗，除夕夜一家人齊齊整整，聚埋一齊去酒樓食餐飯。今年屋企人就book 左灣仔呢間盛記酒家。簡單介紹下幾個餸啫啫芥蘭煲（$98)芥蘭煲既芥蘭鮮嫩，味道帶微辣，不過唔算油膩，芥蘭菜莖口感爽脆！而且侍應將啫啫芥蘭煲上檯既時候仲會將個啫啫芥蘭煲快炒幾下，香氣洋溢！我仲偷聽到隔離檯都即刻話要加個啫啫芥蘭煲蒜片牛柳粒（$88)牛柳份量比預期中多，牛柳口感夠淋，有牛味！最有驚喜既係有雜菌同埋啲蒜片都勁香勁好味！最後仲有綠豆沙送，正！泊車免費，開瓶費都唔駛！依家都好難得！

中菜一定是各家庭中的老人家的最愛，中菜的烹調方法也十分之博大精深，各式各樣十分考驗廚師的技術，經朋友介紹之下，來到了這食店嘗試一下正宗的中菜.手拍的青瓜十分之爽口，加上醬汁也是自家製的十分之香濃好味道.啫啫雞煲十分之有鑊氣，上枱時也是熱紅紅的十分之有水準,加上雞件也十分之香滑.另一個港人的最愛就是乾炒牛河，十分之有鑊氣，牛肉的份量也十分之多，牛肉的肉汁充滿了河粉的身上，加上十分之乾身水準之作.這個上湯白菜也十分清淡好味道.

椒鹽白飯魚大大碟, 脆漿唔厚, 夠香脆, 夠鬆化, 而且唔會炸到好油膩, 表面有撤上椒鹽, 好味 !!雞油炒豆苗份量超多, 雞油經爆香後, 散有陣陣香味, 放入幾吸油嘅豆苗, 令豆苗食起黎更加香滑脆嫩 !!乾撈龍蝦粉絲煲即劏生猛龍蝦經走油後再爆香, 肉質非常鮮甜, 而且夠晒爽脆, 粉絲吸收左龍蝦嘅湯汁, 仲有啖啖蒜香味｡ 呢款菜色雖然味濃, 但超級惹味 !!西洋菜老火湯Order 左 2-3 人份量, 每人起碼都可以飲到 3 碗｡ 用料十足, 西洋菜超多, 加入瘦肉一齊煲, 味較清甜｡

今日男朋友突然間 好想食中菜廿四孝女友但唔識得煮飯嘅我梗係幫佢上網睇下我屋企附近有啲咩酒樓喇😆盛記酒樓係傳統嘅中式酒樓, 所以位置寬敞 坐都幾舒服！椒鹽脆豆腐食炸嘢最怕油淋淋 但呢個脆豆腐炸得乾身外皮香口惹味 但一咬落去豆腐滑嫩嫩的 你一口我一口好快食晒成碟！菠蘿咕嚕肉咕嚕肉肉質鬆脆 外脆內軟 多汁得嚟又好入味 食落唔會乾崢崢 酸甜甜好開胃👍🏻 忍唔住點配菜嘅菠蘿都食曬！瑤柱蛋白炒飯一上菜原來份量好大碟 雖然係蛋白炒飯但色彩豐富 上面鋪滿炒得好香嘅乾瑤柱 飯炒得乾身而且粒粒軟香 用嚟送菜非常滿足！

家族聚會梗係要搵一間有體面的餐廳， 老人家坐得舒服， 食物款式唔會千篇一律， 最緊要係 有特色。 如是者就上網睇下搵下， 見到灣仔盛記評語不錯， 就決定開年第一餐就係呢度落腳。 餐廳一邊牆身有 九龍城寨的畫作， 而窗邊亦都有好多古典氣息嘅房舊擺設。 雖然唔號金碧輝煌嘅裝修， 但係環境清靜， 唔會好似喺街市咁食嘢， 未食嘢已經加分。招牌燒乳豬 餐廳最出名係自家製燒乳豬， 可以按人頭份量叫多叫小。 我哋四個人叫咗四分一 隻乳豬。 即叫即燒。 咪以為四分一隻好少份量， 其實每件都大大件。 每一件都肉瘦脂肪少， 肉紋順溜，皮夠薄而金黃香脆。 一咬落去乳豬皮果然夠脆， 而且豬油嘅香唔會太肥膩， 瘦肉部分調味亦都唔會過鹹，果然出色。 蒸斑頭腩 海鮮靚唔靚，清蒸就最易食得出。 龍躉肉色澤新鮮有光澤， 魚肉入口嫩滑得黎魚味濃。 而且龍躉皮厚實，骨膠原勁多，女士恩物。 籠仔蛋白薑米蒜香蟹飯 雖然以荷葉墊底， 但係荷葉味唔算好突出。 反而係以金蒜炒嘅飯底， 加埋蟹汁滴落啲飯度， 金香得嚟又甜又好食。 加埋藍蟹肉鮮甜，好味。 鹵水鵝掌翼 基本上和掌鵝翼滷得入味， 鹵水醇香沉實， 果然係私

今晚繼續食中菜，灣仔我唔太熟，但朋友就介紹左呢間酒樓， 話佢啲燒鵝幾好食，咁就嚟試下啦。上到嚟都幾多人，感覺好熱鬧好港式，因為太多人，我就唔影環境啦，因為只會見到好多人。睇佢個餐牌都幾多小菜揀。而我朋友介紹咗燒鵝，所以我都目標明確地嗌咗個例牌先。其次我自己就好鍾意食龍躉肉，因為除咗啖啖肉之外，佢層皮煙煙韌韌都好好食。所以就嗌咗個一餸兩味。因為我想食佢隻燒鵝髀，所以就貴小小揀左個下庄。佢隻燒鵝都幾肥下，所以少出嚟真係好香好邪惡，佢個外皮又係燒到又香又脆，而個髀位更加係又滑又腍。龍躉第一味係翡翠炒班球，龍躉切到大大片，啖啖肉，夠鑊氣，啲西蘭花都吸晒味。第二味係金銀蒜蒸頭腩，佢個腩位簡直係滑到不得了，個魚雲都好大舊，食魚食到膩都係第一次。食飽飽，當然唔少得糖水，今晚係紫米露，唔會太甜，岩晒我，但如果可以加埋西米露就冇得頂啦。

大時大節過後, 終於都可以遠離西餐, 去一去中菜館開餐｡ 今晚黎到呢間位於灣仔嘅上樓中菜館, 主打食即燒乳豬餐牌除左有特式小菜外, 仲有海鮮 Menu, 價錢唔貴是日老火湯是日老火湯係西洋菜陳腎豬展湯, 味濃, 無味精, 夠火喉, 夠足料, 而且清熱潤肺金瑤琵琶豆腐以搗碎嘅豆腐及其他食材混合而成嘅琵琶豆腐, 炸到外脆內軟, 表面淋上瑤柱芡汁, 看似簡單, 但其實好考師傅嘅心機同功架, 大推乾撈龍蝦粉絲煲足料一隻嘅新鮮龍蝦, 斬件後爆香, 再以半燜煮嘅方式加入粉絲, 令粉絲完全吸收晒龍蝦嘅精華｡ 超鐘意呢款粉絲煲, 夠晒惹味, 而且仲可以食到啖啖龍蝦肉, 肉質非常爽甜, 正正正

今日約了舊同事吃晚飯，因她要加班所以去了她公司附近搵食，最後選擇了粵菜地道口味。酒家位於大廈三樓，環境坐位都很闊落，餐牌也有很多菜式選擇。兩人點了三餸和炒飯，食得很滿足。盛記即燒乳豬（1/4隻）乳豬燒外層燒得金黃香脆，乳豬肥瘦均勻質豐腴多汁再沾上醬汁夾上熱辣辣軟綿綿的面包，好味道！啫啫芥蘭煲 打開蓋已經聞到陣陣蝦乾香味，芥蘭好惹味又爽口。雲耳百合蓮藕片清清地夠健康咸魚雞粒炒飯 炒飯炒得夠火喉，咸魚的鹹度已經有一定的調味,搭配滑嫩的雞肉丁及爽脆的菜粒，食不停口。每款菜式都份量非常豐富而且很抵食。

今天和老公去灣仔辦事，在杜老誌道的「盛記酒家」晚飯。看看餐牌，選擇頗多，價錢也合理。《 紅酒燴牛尾煲》$138牛尾煮得很軟腍無羶，而且夠份量，紅酒和牛尾是最佳拍檔。《 乾隆醉雞》小 $68醉雞是冷盤，上枱時便聞到香濃的酒味，雞肉嫩滑，雞骨呈微紅，證明是剛剛熟。《 龍湯海皇雜菜煲》$128雜菜煲材料非常豐富，海鮮有蝦、魚、蚌、魷魚，蔬菜有菇、雲耳和主角粉絲雜菜，因材料新鮮，所以湯也很鮮甜好飲。《 七彩雞絲炒米粉》$108最喜歡吃炒米粉，但很多時，廚師都會炒到米粉斷晒，碎濕濕，見到都唔想食。今次見到上枱的米粉都幾靚仔，炒得夠鑊氣，味道也恰到好處。最後還送上一碗雪耳紅棗糖水，滋潤一下。

前幾日有同事生日，放工後專登搵間中式酒樓食晚飯，同時慶祝她升職加薪～——————————🔹紅酒膾牛尾煲 $138想不到酒樓會有西式菜，看到有網友表示必叫紅酒膾牛尾煲，當然試下有咩咁巴閉😎果然一上菜，就聞到好濃好香的牛肉味，牛尾煮得軟腍入味，每嚿一咬都食到筋和肉，充滿骨膠原👅用嚟送飯就一流！🔸濃味海皇雜菜煲 $128這個雜菜煲分量很多，有魚、魷魚、蝦仁、粉絲、雜菜等等，但整體有點兒清淡，感覺廚師忘記了加鹽🙈 連本身食開清淡食物嘅同事都表示冇乜味道，希望店家可以留意番🤪🔹鮑魚雞粒炒飯 $148這個鮑魚雞粒炒飯，炒得好有水準，每粒飯都粒粒分明，沾滿了豉油，鮑魚和雞粒的份量很多，令人一啖接一啖！不過朋友覺得有點油，真是很難服侍😂

一家人出街食飯，當然不能求其選擇。 嗰日同屋企人去咗位於灣仔的盛記， 除咗係因為坐得舒服之外， 更重要係因為佢哋嘅自家製燒乳豬 的確無其他餐廳能及。 餐廳 以私房菜形式 經營，雖然不像其他連鎖酒家花大筆錢在 雍容華貴的裝修上， 但仍然坐得舒服， 位與位之家距離足夠。 當然，黎得盛記梗係食食物質素rather than 裝修。 即燒乳豬 呢度最 細心嘅地方，係招牌菜可以按人頭份量去叫，我哋人少少就叫咗四分一隻乳豬。 自家製即燒乳豬果然不同凡響， 睇身型就知係細細隻冇超齡嘅乳豬仔。 外皮燒得香脆， 皮下脂肪極少仍然帶有豬油嘅香， 配埋一籠即叫即蒸的包皮， 冇得彈。 翡翠炒斑球 斑球係龍躉， 龍躉肉比一般切得大塊， 走過油嘅龍躉肉肉厚而鮮嫩，以三色椒同西蘭花一齊炒， 無論係色上 同碟頭， 都已經比其他連鎖酒家大份。 可謂平凡中的不平凡。 籠仔蛋白薑米蒜香蟹飯248 以藍蟹入饌， 配以蒜頭炒個底的炒飯， 再以荷葉同蒸， 剩係聽工序已經夠繁複。 呢個蒸蟹飯分量十足， 最重要係味道多層次。 蒜蓉炒飯有蟹味， 亦都有荷葉味。 藍蟹肉質紮實每一啖都有鮮甜海味，抵食。 呢幾味菜，講真，自

交收後跟朋友在灣仔找吃的, 天氣微凍, 決定找中菜吃暖暖肚盛記之前有朋友說過乳豬很出色, 來到當然要一試, 再吃多兩個小菜就剛好是日例湯 - 木瓜湯很清甜乳豬 1/4 份,  乳豬肉肥瘦參半, 豬皮香脆, 再夾以小薄罉一起入口, 非常好吃.啫啫芥蘭煲蝦醬金沙骨炸得香酥, 上枱時非常熱辣辣金沙骨軟滑, 老人家幼童也食得到, 咬下去帶著肉汁, 齒頰留香香口滿溢, 吃點清淡的平衡一下 - 雪耳百合蓮藕片, 蓮藕片清甜爽脆最後再叫了咸魚雞粒炒飯, 米飯粒粒帶香, 吃得飽飽的大滿足

近幾年真係愈黎愈難揾到好食既燒味，舊時食開既燒味店都已經慢慢結業，最近發現左呢間係灣仔既酒家，無論係小炒定燒味都一樣高質，而且價錢非常親民，好適合人多既聚會呢。傳統酒樓格局話說呢家盛記酒家係灣仔有少少偏遠既群策大廈，我一黎到既時候見到樓下既水牌同入面既裝潢，差啲想即刻著草，畢竟我都好耐冇食過咁舊式既酒樓，感覺會中伏，不過好彩我有留低食埋呢餐飯先揾到呢間好餐廳。一入座就已經有鹽水花生係枱面，店員會幫你落左茶先（茶芥$10/位），我自己冇飲開茶就叫店員幫我揀左個清少少既香片。跟住酒樓既指定動作：沖下餐具，呢到都有的。必食招牌乳豬、乾隆醉雞盛記即燒乳豬 1/4隻 $198呢個燒乳豬都係我地最初揀食盛記既原因之一，有3個size揀，我地就抱住試下既心態點左1/4，大概有8件，配小薄餅。同朋友都大讚呢個燒乳豬，即燒出黎係超級香脆，平時我食乳豬係唔太中意下面舊肉，因為通常都又鞋又咸，但呢到既燒乳豬連下面舊肉都係嫩的！至於個小薄餅，微甜，無論係配燒乳豬定就咁食都好味，食完乳豬之後仲有幾塊淨，我地就黎左去點其他菜既醬食，感覺可以代替白飯。乾隆醉雞（小） $68另一款人氣菜色，雖然叫左細份，但作為前菜都

今晚跟屋企人去灣仔食晚飯，在謝菲道附近見到一間有代客泊車的樓上酒家，近來灣仔區的酒家真的愈來愈少，而且其它的酒家食物和服務質素都每況愈下，難得這間未試過，就決定上去試試。我們大約6點來到，店內已經有很多客人，門口張貼有不同的套餐，價錢不算太貴，我們坐下來侍應先給我們花生小吃，點了香片茶，有多款不同的特式小菜，我們最後點了籠仔客家蒸滑雞$148、香煎蓮藕餅$128、濃湯海皇什菜煲$128。籠仔客家蒸滑雞 – 雞肉非常嫩滑，加上荷葉的香氣，芳香撲鼻，雞的份量都不少，雞油不會太多太膩，認真不錯！香煎蓮藕餅 – 有八塊，每塊都足料，又香又脆，每一口都好爽口有口感，味道不會太咸，而且帶點咸香，沾少少o急汁食過不停。濃湯海皇什菜煲 – 湯底非常濃郁，沒有一點味精，有魚塊、大蝦、魷魚等多款海鮮材料非常多。保留香港酒家原味道！