盛記盆菜&盛記麵家

营业中

休息中

在公屋熟食中心內隱藏了一家開了很久的大排檔。其實不要看表面是黑黑暗暗但當你坐下去就感覺回到了六七十年代的香港。其實若果以屋村熟食來說，環境是不算理想…但老鋪與伙記很用心去佈置每一個角落為的就希望打造一個更好的環境。可借香港的房屋政黨又沒有好好配合這班熱心的人。最少都給予多一點照明，以及為這裏配備更好的空調系統。今晚先來一客老火湯。初時我拿著一杯某家台式飲料店的飲品。不過最後我都放下飲品，喝了一大碗，1. 完全沒有任何味精。2. 清而有內涵，因為真是煲了一定時間。來餸了雖然只是家當餸，但是手勢是比很多酒樓還要好。1. 先來炒聖瓜 (難度係一粒星.. )點解可以炒完仲有JUICY 的感覺不過係爽身…你會點諗。加埋勁爽身的雲耳…其實只要時間掌握得好，其實就可以做得好好。沒有難度，不過做得好的就係你可以聞到瓜香，以及沒有太多調味料。2. 翠肉瓜(難度是兩粒星)其實我好怕食呢種瓜，因為十間有五間都會令這個瓜又腍又苦…不過這次就大不同了…很翠和很甜…(瓜本身不是這樣的嗎?)令我愛不借手。醬料…哈哈我忘記了是什麼，不過就真係令我可以食完又食，送飯一流。3. 避風塘炒蟹(三粒星)呢種出名係辣，不過很

男友契爺娶新抱，喺圍村擺盆菜晏。第一次去圍村，第一次喺圍村食盆菜。好好味，又好風味～盛記出品，都算佳品。唔醎，啱啱好。髮菜、蠔豉、北菇、茄汁大蝦、雞、鴨、門鱔、魷魚、腩肉、西蘭花、馬蹄、黑木耳、蓮偶、鯪魚球、枝竹、豆卜、蘿蔔、豬皮、芋頭、津白、醎菜。最面係我鍾意食0既髮菜，第一柱梗係夾佢食先。最appreciate係大蝦，勁大隻，又甜又好味，仲有蝦膏，我食咗一隻半，仲有半隻留返俾愛蝦之人男友。魚係第二好味。我樣樣都差唔多食晒，係無食西蘭花、醎菜、豆卜＆丸，至於係乜丸，我估係鯪魚球（後尾上網search）。鯪魚球其實係俾人夾晒，食唔到。個盆菜差火少囉，無瑤柱，好似差咁啲嘢咁；如果有埋飽片＆海蔘仲正。當然，如果加埋呢３樣，價錢又唔止８百幾蚊啦！

話說有天在禾輋吃完麵，路經此地相當有趣，就入來睇下﹗下午3:30時份已接近收檔，凳已排好疊起，我們東望西望，老闆就好熱情咁走出來問我地食咩仲叫我坐低。佢話已經收爐而家無野食，咁見到有幾枱阿叔在飲啤酒，見呢度裝修位置咁鬼有趣，就order兩支啤酒坐坐﹗看看餐牌呢度下午應該是吃麵的，亦有碟頭飯供應，在舊樓的地下部份，冷氣欠奉不過幾把超大牛角扇及吊扇亦帶來陣陣涼風，三十幾度的高溫下喝著啤酒也未會出汗﹗呢度裝修相當有趣，現場是一個極大的舊式公屋地下廣場，到處吊著一0的全無關係的公仔、相架、油畫、裝飾及詩詞歌庫等，店外公園位更有露天位置，樹上吊著一個不知真假但極大的大樹菠蘿，店內淥麵的架上吊著幾副牛鞭及牛內臟等，有如世外奇園﹗老闆十分好客，雖然我只係飲支啤酒不過都會走來同我傾下計，說冬天晚上會有邊爐打，而家呢0的天時就只係做到下午四點收工，就等冬天時份再來幫幫趁先﹗

位於沙田瀝源邨隱世大排檔的盛記盆菜，中午時段有很多打工仔到此午膳，從前在瀝源邨上班時已一星期到三次......26/9/08又到該處吃麵，今回吃了魚蛋河，河粉滑、湯低鮮甜﹙試過湯低內吃到蝦殼，證明是新鮮自製無添加﹚、魚蛋有魚味，埋單盛惠$15-物超所值老闆兄弟好有禮貌及記性，熟客仔的話佢會記得客人個名，非繁時更會坐低吹吓水，好有街坊feelPS︰但由於大排檔關係，所有只有風扇而無冷氣，怕熱者建議秋涼後才到

在家做節, 訂個盆菜唔使煩。 事先打去問老闆, 細盆盛惠$550, 仲好口響咁話6個大人實食唔晒, 好! 佢地仲好細心咁問我打算幾點開餐, 話預番時間黎整個盆菜, 去到攞時個盆菜真係仲熱的! 老闆仲好好人送多袋洗好左嘅生菜我地, 加料呀! 個盆菜入面基本上有雞、鴨、大蝦4隻、冬菇、髮菜、蠔豉、腩肉、門鱔、鮮魷、豬皮、蘿蔔、芋頭、鯪魚球、西蘭花、咸菜、黃芽白.....不能盡錄!! 唔好話6個大人食唔晒一個細盆菜, 係一半都食唔晒!!!食盆菜唔使山長水遠走去元朗啦以後! 提多一句, 個細盆菜都幾重(唔敢想像中盆同大盆有幾重!), 記得帶個壯丁去搬。

昨日有朋友帶我地一行六人去呢間火鍋店, 佢地點好隱蔽, 係瀝源百樂麵包店對面行入去, 我地唔知, 兜個大圈先到。一去到, 已經好經典, 個感覺好懷舊但有有d畫裝飾, 真係冇諗過咁既地方都可以做到生意, 勁!坐低想叫野食, 點知好多都冇, 卒之問佢不如你有咩就來啦, 好鬼肚餓呀, 食都好多野, 有超正彈牙墨魚滑、好得意既腐皮卷、肥牛($10一大碟)、有粒既丸、超甜聖子皇.....好正,又平又新鲜.....老板係2兄弟, 好好傾又好禮貌好招呼, 簡直五星級服務, 大佬叫b哥, 細佬叫華哥, 不過佢地得1,2個人, 所以每次都唔可以叫太多野, 記唔哂, 慢慢食就最好啦....同埋佢地話唔好食唔收錢, 所以佢唔夠貨賣都走3客, 好彩我地早d到咋, 所以係要訂位架, 講定你想食咩, 佢地就會幫你買架啦....華哥話佢地主要做lunch, 有套餐蒸送, 有魚有肉餅, 都係廿幾蚊, 係沙田來講係好抵架啦....不過佢地晚上做火鍋係新整既, 好似做私房菜咁, 每晚做幾客, 都係做熟客多....佢地咁有誠意, 仲有糖水送, 有涼粉同椰汁糕, 絶對唔係一般糖水, 好有特色同好好味....正....推介..

唔黎呢度都唔知原來呢間野係盆菜出名因為我地學生哥去都係食碗粉就算食粉同面真係好大分別!前者$14後者$28我就未食過飯啦d面好好!大大碗一定夠飽d魚蛋好好味!食得過食得過!!

上星期日係上禾輋村十年一次的太平清醮，因有朋友住在那裏，而又有位多，所以我們便去見識見識。當日很熱鬧，有很多舞龍舞獅，大家也看得很開心。大約四時便開始食盆菜了，一看到就真係嚇一跳，竟然會這麼大，心想食唔食得完呢？盆菜內的菜真係唔少，有大大隻的大蝦、白切雞、北菇、西蘭花、鯪魚球、發財好市、大鴨、腩肉、門鱔、木耳、枝竹豆卜、土魷、豬皮、蓮片、蘿蔔、荔芋、津白和馬蹄。我自已就最喜歡大蝦、鯪魚球、大鴨、蓮片、蘿蔔和馬蹄，全部都好入味又腍，真係幾唔錯。我們十五個人食，但最後還是有很多食唔完，可以知道有幾多。可惜的是，那裏主要做外賣，而且還要一天前預訂；如不是，真想搞一次聚會大家一起食返次盆菜。