盛記盆菜&盛記麵家

营业中

休息中

曾經嘗試過早幾日訂位還已經無位，晚上打邊爐想walkin你唔使旨意。於是早一星期打黎訂位，終於都可以黎試下點解難訂位之餘又咁多好評。呢間食店我一早係媒體知道係間良心食店，歷史悠久。之前黎過食牛腩麵但無想像中好，今次再黎試打邊爐。一行五人坐低叫左個蕃茄薯仔豬軟骨窩，跟住仲叫左唔少野如，蠔仔餃、鮮蝦水餃、苟菜餃、豬皮、冰豆腐、脆鯇腩、炸魚皮、手切牛(大)、白牛柏葉、鯇魚咀、魚卜、水魷、唐好菜、烏冬、鵝腸，黑豚肉。一黎個湯底，湯既顏色比較淡，有粟米蕃茄芹菜同小排骨，味道一般。成晚既食物比較好既有餃子，好足料，魚卜魚腩魚咀等，新鮮材料唔會差得去邊，最差既反而係牛肉，量少之如，部位亦差，價錢反而最貴，以後黎可以唔叫。服務好唔會忙到唔理你，環境因為開放式，一路打寒風一路吹，風味當然同舖食唔同。眼見一路有walkin客被拒，認真利害。埋單成千蚊，唔可以講做抵食囉，不過當支持下個老板。

好耐之前已經係網上面發現左呢間大排檔, 見到佢既擺設好有特式, 今次終於可一試~天氣突然驟降, 打邊爐就最岩喇, 我地叫左一邊麻辣一邊咸菜豬骨兩個湯底都唔錯, 各有千秋, 而且鍋裡面本身已經有好多料, 咸菜豬骨裡面有排骨同豆卜, 而麻辣火鍋就有豬腸, 豬皮, 豬紅, 好入味. 真係未食其他火鍋料就已經飽左一半另外我地留左鮮蝦同大花甲, 叫海鮮要早兩日打去留定, 如果去到先無就掃興啦鮮蝦黎到仲郁郁下, 當然新鮮啦, 如果再大隻D就仲正!!花甲真係好大隻, 彈牙又鮮甜!!我地仲叫左手切肥牛, 薯粉, 墨魚滑, 豆腐, 金菇, 唐生菜個肥牛一般, 肉質唔夠淋, 有D韌...墨魚滑好彈牙有墨魚, 唔會好多麵粉薯粉好唔掂, 有陣膠味, 都唔知用咩做唐生菜雖然好普通, 但我都想提一提, 因為真係好新鮮好綠好嫩!!服務都好好, 加茶好快,食完既碗碟都執得好快手!!!總括都算唔錯, 但牛肉如果再靚D會更好...

今日第一次來到這裡，看著廣告牌寫住有小菜午餐丶麵餐丶是日午市套餐丶無骨雞飯餐，似乎好多選擇，就入去試下。今日是日午餐有沙爹肥牛丶粟米班塊丶京都骨，送飲品，$32。我點了京都骨少飯，凍檸茶。原本想要熱檸茶，不過佢話冇但是有凍的，咁就要凍，之後我睇餐牌，發現有凍啡丶凍奶茶丶汽水，但係冇熱飲@@京都骨飯黎喇，賣相好，係大件豬扒剪開一條條上碟，唔係一件件，豬扒唔會硬實實，個醬汁調得好味，撈飯一流，拌菜雖然唔熱但份量唔少，白飯唔熱係美中不足。凍檸茶唔太甜，夠凍。這裡侍應好有禮貌，而且做野帶位的阿姐都好快手。

已經食過好多次盛記邊爐，無一次係失望。早排電視節目介紹過盛記之後，我竟然早幾日訂都食唔到，於是就訂遲一星期，預留左海蝦、蟶子皇、桶蠔同大蜆。本來係三人行，後來只剩兩人，照食可也。點左個麻辣拼咸菜豬肚湯底。第一次係呢度試豬肚湯，望下望下，嘩點解有個暖包係湯度？睇真d，原來個包包 (唔知點叫) 係用黎裝香料！最啱我d想食胡椒香又最憎咬到粒粒既人，平凡之中見細心。豬肚好爽又入味，仲有大大片咸菜，十分滿意。麻辣唔算好辣，夠香，亦好。海蝦：omg，黎到串起左仲紮紮跳，真係唔忍心淥熟佢……不過真係好大隻下，肉質好爽。好爽~桶蠔：八隻對兩個人黎講係多左，雖然桶蠔唔係新鮮野，但d蠔好肥美，淥完唔縮水，我地只能食六隻……(食三隻覺得"好漏")大蜆：又係大大隻，好爽甜，以後食唔返點算？蟶子皇：上次食過回味無窮，今次再接再勵，其實食得出係新鮮，不過肉質無上次咁爽脆，軟軟地韌韌地咁，但都ok架。我地仲生積咁叫左半份響鈴 (正)同三拼丸餃 (韮菜餃尤其出色) ，照舊好味。本來都驚出左名多人知之後，質素會無咁好，但原來唔駛擔心既。去到既時候，有人walk-in打邊爐，但已經無位了，想去食記得千萬必定要訂台。

這天住沙田的朋友介紹我們來盛記吃火鍋,一看原來是電視節目曾經介紹過的趣味餐廳,店家裝修真的是千奇百怪,裡面座位排列舒服,不會緊貼鄰座,半開放式的用餐區在秋冬格外舒適,不至食完一身味。朋友訂位時預先留了本地手切牛肉,湯底點了冬瓜干貝及咸菜豬肚鴛鴦,牛肉不會過肥,非常好吃,兩種清湯皆相當足料,冬瓜湯鮮甜;豬肚湯胡椒味適中,咸菜提味;火鍋料其中燕餃,豆皮捲(不確定菜名)令我最驚豔,其他貢丸魚蛋還有豬羊肉等也相當有水準,分量頗多,我們四個人已相當飽,但還是忍不住叫了包出前一丁享受美味的湯。菜單上面還有許多火鍋料,這次因為朋友點菜所以沒有一一細看,感覺老闆有用心在做每一種火鍋料,即便是簡單如燕餃,還是可以吃出跟外面就是不一樣。最後值得一提的是店家招呼熱情有禮,老闆不時過來關心,感覺做街坊生意的確實多了些人情味,雖不是什麼山珍海味,盛記卻是以真材實料吸引老客戶再訪的店家。

今天和友人終於可以品嚐到多人叫好嘅盛記牛腩粉,到埗後两人各自叫了牛腩粉(25蚊)另要再加7蚊才有一杯凍飲(凍奶茶同凍0茶都曳)+(伙記口中所謂嘅麫餐),牛腩夠淋但粉量少,香味稍遜,粉又少,唔夠飽......再點多一碗雲吞粉(22蚊)share,雲吞餡少又細粒,以份量計,整體貴過外面有泠氣嘅麫舖 !!

今天專程開車到這間良心麵家品嚐它門出名的牛腩麵及雲吞麵及感受一這間充滿人情味的麵店, 可惜我們在這裡一點人情味也感受不到, 因為沒有招呼也一點笑容也沒有, 致予食品方面, 牛腩麵非常普通, 雲吞料少,衹食到雲吞皮,跟本同一般麵店沒分別,甚致其他麵店比它的出品更出色, 除了店舖內的裝飾, 跟本不值得推介,

上次睇千奇百趣見到介紹呢間特色屋村大排檔, 所以住屯門既我.....我走到黎 沙田瀝源村食碗麵lunch時間, 叫左兩個麵牛腩麵 個湯幾好味, 少味精, 牛腩好淋牛什麵 d餸比牛腩麵少, 但都唔錯兩個麵都係$23, 如果出去大商場放番同樣環境佈置, 應該要收多一倍價錢!

在第一次造訪盛記之前，我對沙田這地方只有陌生的感覺。小時候，沙田充其量是一個跟老爸和他朋友由大埔踏單車到大圍的一個休息站；人大了，自己認識了一群懂食的好友，也接觸到不同的人和事，亦因為這間小店，改變了我對沙田的印象。自上年十月一遇，再數數手指，造訪的次數已將近十次，盛記已成為我心目中不能動搖的火鍋店首選。這裡沒有米芝蓮的名銜，也沒有到過藍帶學廚的廚師，有的只是一份又一份優質火鍋料、鮮味湯底、坊間難求的大眾化價錢和獨有的人情味。蕃茄薯仔湯、胡椒豬肚湯、雜菌鮮雞湯、椰子雞海底椰，眾多選擇當中最得我歡心的乃椰子雞海底椰，勝在湯底清甜，椰子味香不在話下，最討我歡喜的還有一顆顆浮載浮沉、肥厚多汁的桂圓肉。食過盛記的朋友，都應該知道這兒的本地手切牛肉是何等美味，在滾湯上涮一涮，薄薄一片菲紅又帶點雪白脂肪的牛肉已然熟透，放近鼻前一嗅，極香！入口一咬，極嫩！細味後嚥下，油香充斥口腔，感覺何其妙哉，不得不佩服老闆入貨的眼光。除了「頭馬」本地手切牛肉，盛記的招牌靚料還有鮮牛坑腩、桂花蚌、腐皮卷、蠔仔餃、肥鵝腸、手打墨魚滑和午餐肉。手切牛肉厚薄剛好，經過滾湯的洗禮頓成出水芙蓉，試問誰與爭鋒？將手打墨魚滑和蝦

沙田近年成為自由行的熱門地之一，有特色的店鋪賣少見少，新城市廣場一帶更甚，這天沒有帶飯，跟同事走遠一些，無意找到之前電視節目有介紹過的大排檔~一走進大排檔，以為自己來錯了博物館，店鋪內放了不少廢物再造的飾品，一看還以為是藝術品當然也有不少真的古董物聽聞雜誌、書本是可以隨便拿來看的,,,大排檔沒有什麼服務可言，但是可以稱得上親切，同枱有一碟油菜多了，店員乾脆拿給我們，說是送的,,,說回食物，不算稱得上十分美味，32元連飲品，飽肚，也頗有鑊氣,,,光是環境，已經賺回了。連收銀處也這麼型格，與婆婆產生了化學火花一定會再來

久聞盛記大名, 可惜一向欠缺緣份. 好耐之前, 老公話盛記係麵家, 佢係飯桶, 食麵唔夠飽的, 所以唔去,後來搞清楚, 盛記係有飯食的!又輪到話夏天太熱,路經一次, 見裝有冷風機, 但下午都熱到頂唔順,上次去呢, 就咁啱嗰日係十六, 盛記早上免費招待老人家食麵, 廚房太忙, 下午冇飯食.終於有機會幫襯, YEAH!十二點幾, 好多中學生, 個個自己攞罐冷飲, 好有住家飯FEEL,阿姐忙到踼哂腳, 要等好耐至有人落單,咁就欣賞下周圍擺設, 及樹影翠綠.老公點了午市特選, 菠蘿咕嚕肉飯 連飲品 $31學生特價$25哇, 唔怪得咁多學生啦,呢個飯好快到, 咕嚕肉好多, 肉係柳梅部份,冇骨, 好好味, 飯的份量唔多, 但唔夠可以添的, 我地就見好多學生哥拎個碗去廚房裝飯!我點了個炸菜蒸牛肉, 跟油菜 $31,等等等等等咗好耐, 阿姐嚟話牛肉賣哂, 未等我開口, 已經問要唔要豉油雞?哦是但啦, 因為好肚餓,好在豉油雞飛奔而至圖片係我已經挾了兩隻雞之後影的, 太肚餓鳥,雞當然係冰鮮雞, 肉味唔濃, 總算嫩滑, 份量仲好多添,呢個套餐原本係$37但我冇要飲品, 所以收 $31.我諗到了冬天, 會試下

電視中得知盛記的感人故事..今日到來感受下..雲吞麵雲吞細細粒..皮薄唔會成口粉..鮮蝦豬肉餡好味唔會硬實實..牛腩麵處理得好好亦非常細心..牛肉味香濃..唔似市面上的牛腩落重香料食唔到牛味..相反用適當份量的香料大大提升了牛味..牛腩蚊得好淋身..細心的是切到細細件..我深相是全因方便婆婆伯伯更容易食用..依份愛心真係唔係人人做得到..凍奶茶大大杯..非常底飲..味道適中唔會太甜..一個早餐除左食飽外..還可以感受到 B 哥一家人的愛心..真係好感恩..多謝你們..

這幾年，在報章及電視節目都看不少關係沙田盛記的故事，當中最深印象是店家每個月的農曆十六便會免費派一百碗麵給老人家。網上查報這善心活動是由在2010年10月開始，派出的麵怎樣都需要成本的，但店方能堅持至今，不得不佩服老闆B哥的善心和毅力。今天終於有機會到盛記吃吃看，從熱鬧的沙田市中心走到寧靜的瀝源邨，再踏進盛記就是另一片天。盛記門前放著很多花花草草的擺設，怎會令人想到這只不過是熟食中心﹖踏進店內，看到地下放有幾幅大相，框邊用上水果保護膠和發泡膠來粉飾，其中一個是用廁紙筒切成的藝術品添，點會想得到平時在大家眼中的垃圾，在盛記內能成為擺設品﹖原來只要對它們花些心機，便可以將之融合於生活之中。天花吊了幾個單車輪，來得又特別及吸引﹗幾幅牆上貼有大量相片，有風景，有人物等等。再行深入一些放有不少個書櫃，書藏量可以作為一個迷你圖書館了，旁邊放了幾張枱凳，如同cafe一樣，不過這裡可以吃到魚旦粉﹑牛腩麵。很多不經意的裝設，看似雜亂無章，但各自有風味。這是一間大排檔，也是一間藝術廊。話明是大排檔，所以餐廳是沒有冷氣，不過經過幾條小路後，便會來到唯一一間的冷氣房。小小的房子將有十張枱，盛記的晚上以火鍋為主

今日終於同我家人一齊嚟呢間傳說中好有愛心嘅“盛記火鍋”試下打邊爐啦，好彩一早訂了位先有冷氣房。呢度雖然係屋村大排檔，但地方好有特色好乾淨，而且D食物仲好有特色好新鮮，我地6大2細共8個人連飲品食到超飽都係 HKD $1100 有找，大家有時間可以去試下，絕對好味過一般火鍋店

雖則住上多年沙田，但入瀝源邨食晏大多時是在地下面層、盛記偏偏卻是要往下層走，難怪身在多時也看不見...腳步往下一走，便已進入（盛記）地盆範圍內，有着從前牛頭角下之影子，但又多了一份凌亂的小擺設、令你在進餐中也有著六、七十年代家之影子自從彩虹邨之鑽石冰室也告消失後，屋邨的惜日茶檔已買少見少，在這處真的找到隱約的童年味不知店家對攝影是否有着濃濃的鍾愛，黑白照片也滿於牆身西方掛畫下、又實實在在食了一碗港式價值$20.之魚旦粉魚旦粉入口河粉薄而滑身，魚旦較淋不致一般的死實、魚味就只屬平平，而湯底亦不見有甚麼大驚喜$20.元的交易，不過不失吧(價錢大眾化、想找回一些當年情，不予領匯商埸洗腦下、閒來一訪，不失為一好地方。)