盛意小館點心粥麵

营业中

休息中

相信好多香港人都鍾意嘆番一盅兩件，家下多咗好多點心專門店，咁咩時候呢都可以有點心食。最近就喺近尖東呢邊到訪過一間應該開無耐嘅點心專門店「盛意小館」，同一位即將出國兩年做宣教工作嘅老死餞行。踏進鋪內，地方都幾大吓，鋪位好深，除咗卡位，仲有唔少細圓枱。主調色系以天藍色襯金黃，加上牆上嘅燈飾裝置，天花嘅波燈，感覺令人幾醒神。枱上有齊基本調味，好鍾意啲餐具，外觀清秀雅致，而眼見侍應都喺啲後生仔女，又幾有禮貌。張點心紙就喺餐牌，呢度都喺用番傳統嘅剔吓剔吓點心紙形式落單。咪以為呢度淨喺食點心，其實門口嘅招牌都露出少少端倪，再睇睇餐牌，原來選擇非常多元化，有生滾粥、湯粉麵、炒粉飯麵、小炒、燉湯。此外，仲寫住喺米芝蓮星級師傅主理點心，所以，今晚主力就喺食點心，晌度名茶收$5-$10位，視乎你揀咩茶葉，但就全日免加一。 招牌蝦餃皇 $20雖然叫蝦餃皇，但無預期咁大粒，不過，做得晶瑩，摺紋細緻，咬落外皮軟熟卻唔黏牙，裡面全部都喺鮮蝦，非常之爽彈，甚具蝦嘅鮮甜味，最好就喺可以點兩粒，方便試到多啲嘢。 沙巴鮮蝦燒賣皇 $18平常我都比較少食燒賣，但見到呢度有別一般嘅豬肉燒賣，喺加入沙巴鮮蝦，咁自然有啲好奇，想

米芝蓮? 畀人吹到咁大，行入去碗碟都未擺好，張枱可以冇茶杯飲茶。自己走去攞茶杯， 洗下茶杯同碗，全部油淋淋嘅啲碗碟。 全部員工目無表情，坐坐下仲要冷氣機上面滴水，幾好食都冇用啦，冇下次拜拜，如想中伏可以試下。

近年都有很多不同小型點心店出現，有時候覺得比傳統酒樓更方便，因為流轉快，不用等太久，如果只是想輕鬆吃便飯，到這些小型點心店可能會比較合適一點。漆咸道南這邊屬於遊客區，似乎都開了一些專吸引遊客的小店，粵式飲茶文化當然是我們香港很標誌性的飲食啦，我也跟其他遊客一樣來這間小店光顧一下。基本上餐牌的食物有傳統有新潮的，比較特別的有香芋叉燒天鵝酥，不要期望是叉燒包那種口味，他大概就像鹹水角和香芋酥的混合體，味道香口的。另外我覺得他的蝦餃燒賣也不錯，鮮蝦爽口，而且價錢都很合理，兩粒蝦餃王都只是$20。比較驚喜的有蒜香蒸海鮮龍仔飯，蒜蓉蝦海鮮加粉絲的配搭真的是百吃不厭，在點心店可以吃到這款餸菜也是挺有趣的。鮮牛肉粥粥底是煮得不錯，喜歡食廣東粥的人可以一試。薑蔥牛柏葉附上大量薑蔥和紅蘿蔔絲，口味經典，爽口彈牙。這店還有一個很好的地方，就是不用加一，而且茶位是$5一位，收費其實在尖沙咀來說是十分公道的。

傍晚時分去吃點心，精緻美點，飲茶，飲汽水……各顯個人風格……係食的習慣（風格）吖🤣有飲茶吃點心，精緻的甜品，炒飯粉麵，小炒的選擇……幾時想食一盅兩件又有新選擇#招牌蝦餃皇（2粒）#名醬蒸鳳爪只有兩人吃的點心，有驚喜有2粒或4粒選擇 我地想吃其他的點心，一人一粒，剛剛好…好味道鳳爪一向是茶樓一定要有的點心，鳳爪稍為不太軟身，但醬汁很惹味，兩人吃好快吃完#翠綠小梨子 ：外型很可愛，的的式式，外脆內軟糯，剛剛炸起，內餡肉碎及冬菜粒……口感及味道不錯。#义燒腸粉 ：食一條已經很有滿足感，沾上甜豉油……好味道。#經典蘿蔔絲酥 ：即點即整的精緻甜心，很喜歡蘿蔔絲酥，外酥化，內軟綿綿，蘿蔔絲新鮮又入味，入口即溶化，超級正！#經典蘿蔔絲酥 ：即點即整的精緻甜心，很喜歡蘿蔔絲酥，外酥化，內軟綿綿，蘿蔔絲新鮮又入味，入口即溶化，超級正！#皇子鴿（1隻）：剛炸起的乳鴿，皮薄外脆的……肉質嫩滑……小館都有得點乳鴿……#蟲草花燉雞湯 ：清肺潤口又養顏，材料足，清甜的紅蘿蔔，雞塊起碼有3至4塊……🤣🥳好飲啦…#瑤柱蛋白炒飯 ：粒粒飯粒有鑊氣，見到師傅炒得很靚，唔黏身，爽口又唔油膩……記得點哩個炒飯，唔會後悔。#玫

上網見到尖沙咀新開間點心餐廳🍴仲要米芝蓮師傅製造，經過見到唔遠就過去食！對於我哋鍾意飲茶嘅後生仔，越來越多飲茶嘅餐廳會更好，唔需要次次去茶樓🙉🙉夜晚都有點心食😆成間餐廳裝修都好新淨，以藍白色為主，又有卡位又有圓枱！sofa位可以坐得好舒服，俾你慢慢食嘢👍🏼揀咗玫瑰白桃茶🍵8$位，仲平過酒樓，越飲啲味會越突出，好香濃嘅白桃味！蠔油青菜、叉燒腸粉🍴叉燒冇咁多肥豬肉，啱晒我!蝦餃皇送上黎都仲係熱，當然要趁熱食，鮮蝦都夠大隻！份量都唔多，一人試一粒啱啱好。名醬蒸鳳爪、黑金鮮奶包，兩樣都非常好食！尤其係鮮奶黑金包，見到都想試，特別係啲鮮奶就嚟流出來，熱食要小心，唔好太甜又好特別👍🏼當然要order乳鴿&鹹水角🤲🏼啲點心賣相都好特別，好睇得黎啱曬打卡😂乳鴿好入味，而且上菜唔會凍，依下值得讚！鹹水角整到成個梨🍐咁，真係比較少見，入面啲材料都好香口，yummy🥰仲有椒鹽鮮魷&雪茄春卷，春卷真係最有創意，一下咬落去好脆卜卜，而且入邊仲有海鮮，好滋味！椒鹽鮮魷都好香，但係可以多啲椒鹽😌估唔到兩個人去食可以咁多，見到其他主食炒飯都好吸引，可以encore！

盛意小館空間感夠哂，有好多地道香港美食！價錢唔貴而且質數幾好！menu落單紙有好多點心，粥品，麵類等。每樣都幾吸引！雲吞麵湯底清香而滑順，雲吞麵的口感柔軟而有彈性，雲吞的外皮薄而滑潤，內裡的餡料鮮嫩多汁，整個口感非常豐富。加左份芥蘭，保持了一定的脆度，，一種清爽清新的感覺。馬來香辣鲜蝦星洲炒米有豐富的層次感。香辣度剛好而且非常惹味，唔油膩越食越想食。招牌蝦餃皇幾精緻又飽滿。粒粒外層晶瑩剔透薄，蝦肉鮮嫩多汁，外皮QQ彈牙。沙巴鲜蝦燒費皇2粒，鮮蝦和豬肉製成，味道鮮美而豐富。燒費皇的口感綿密，肉質細嫩，鮮蝦的鮮甜和豬肉的香氣，而且帶有菇香，熱辣辣夠好食。霸王小籠包外皮薄而韌，內裡餡料豐富多汁。小籠包的味道極為鮮味。配埋醋更添層次感

今晚放工同朋友一齊行到去尖東呢頭既盛意小館點心粥麵，食個點心晚餐。好鍾意呢度有人參烏龍茶，生津解渴，茶味又香又濃！招牌蝦餃皇蝦餃有得揀2粒定4粒嘅，因為同朋友黎仲想食多啲唔同款式嘅美食，所以就叫左兩粒靚靚蝦餃。皮薄餡靚，外皮滑滑嘅，而入面隻蝦大大粒，肉餡又夠實淨，咬口十足！翠綠小梨子鹹水角最令人驚喜嘅係呢一個鹹水角！由造形上已經好吸引！係一個個啤梨嘅形式，綠色嘅超級得意！食落去個外皮炸左脆脆嘅，內餡同正常嘅鹹水角一樣，但份量上較多！所以好值得推介，好值得點黎食！不見天韭皇鮮蝦腸粉每條腸粉入面都有大大粒鮮蝦，實實淨淨嘅大蝦，再加埋滑嘟嘟嘅腸粉外皮，好夾好好食！秘制妙齡皇子鴿招牌雲吞麵 首先係個面底好好味！食雲吞面除左雲吞之外，面底先係個重點！個面底好好食好爽口，份量又足夠！雲吞皮薄餡靚，而且餡料配搭蝦肉同肥肉比例恰恰好！蟲草花棉花雞名醬蒸鳳爪鳳爪醬料好重味，令到每一隻鳳爪都好入味，而且鳳爪嘅肉質實淨，我最中意就係每一隻鳳爪都大大隻，份量超級足夠，中意吮骨嘅人一定中意！霸王小籠包 一粒一啖，啖啖湯汁！

放工落尖沙咀同fd 行街，見到呢間點心店新開，價錢合理，又免加一，就入嚟試吓。呢度環境好新，而且有卡位坐，幾舒適。睇 menu發現有人參烏龍茶，外面少見，決定點來試試，茶壺外型很有趣～我哋先點6款點心：蝦餃燒賣小梨子鹹水角花膠瑤柱灌湯餃牛肝菌蟹肉盒椒鹽魷魚鬚呢度蝦餃燒賣可以點2隻/4隻，做法幾好，2人可以食多幾款。先嚟蝦餃，大小剛剛好，外表包得圓潤，皮薄餡靚，食落爽口餡料足，高質👍🏻 配埋辣椒油食真係一流，好彩點了4件，1件真係唔夠喉。燒賣都係正常發揮，蝦肉豬肉比例均勻，加埋冬菇幾好食。小梨子鹹水角，外表精緻，新鮮炸起熱辣辣，外皮薄，餡料豐富。花膠瑤柱灌湯餃，呢個真心好好食，湯底夠濃，有一整條花膠，瑤柱，肉同湯混合，加少少醋，成個湯變得好鮮味，比起大集團的出品更好食。牛肝菌蟹肉盒，造型太可愛了，內餡香濃牛肝菌味，正！椒鹽魷魚酥，已經好少地方整得好食，呢度用薄脆粉漿，夠熱夠脆，而且用幼身的魷魚酥，容易咬開👍🏻之後再加點了一款：竹炭黑金360鮮奶包，同外面的奶黃包不一樣，是鮮奶餡，重奶味，做甜品很不錯👍🏻2個人食到好飽，下次再嚟要試下生滾粥同小炒。

夜晚想飲夜茶，食下精緻點心，原來尖沙咀區都有呢個咁好嘅選擇，<盛意小館>由米芝蓮大廚主理，佢哋出品嘅點心價錢唔貴，而且各款都精緻好食，所以如果行街行得夜，又想飲下夜茶，呢度都絕對係一個好選擇。<招牌蝦餃皇兩粒>蝦餃大大隻，皮薄而晶瑩剔透，入面嘅蝦仁肥美大隻，而且仲可以叫兩粒，咁就唔使太飽，同時亦都可以試多幾樣嘢食。<沙巴鮮蝦燒賣皇>燒賣皇同樣非常大隻，而且入面嘅豬肉同埋蝦仁亦都非常之多，豬肉上面仲有蟹子，非常好食。<韮皇鮮蝦腸粉>腸粉皮夠滑夠綿，入面嘅蝦仁好大隻，入口爽彈，而且仲有淡淡嘅韮皇香，增添美味感。<蟲草花棉花雞>呢個棉花雞上面有好多材料，有勁多嘅蟲草花，雞肉分量都好多，又滑又入味，而且仲有四片棉花魚肚，大大碟非常抵食。<霸王小籠包>小籠包做得非常精緻，外皮非常之薄，入面嘅豬肉絕對真材實料，新鮮爆汁，肉味香濃。<蘿蔔絲酥>蘿蔔絲酥餅入面有好多嘅蘿蔔絲，外面非常香脆鬆軟，熱辣辣非常好食。<叉燒包>非常新鮮，入面有濃郁嘅叉燒餡醬料，非常好食。<滑蛋

而家食點心唔需要去酒樓，有好多小店係點心小館咁，有好多中式點心，而且價錢仲比酒樓經濟，茶位亦都比酒樓平。尖沙咀見到呢間點心小店，假日好多人，應該唔錯，就入咗去試吓。坐低叫咗茶，揀咗玫瑰白桃$8一位。呢個茶浸耐少少茶味會更突出，會有淡淡的白桃香。先講花膠瑤柱灌湯餃，灌湯餃夠大隻。蝦餃皇，每粒餃子蝦肉嘅都爽口！鮮蝦燒賣皇同樣都唔錯。小籠包裡面都有湯汁，一口咬落去，啲湯汁就會溢出嚟！薑蔥牛柏葉薑蔥夠香，牛柏葉爽口。蟲草花燉雞湯夠滋補。蠔油菜心夠健康。椒鹽魷魚鬚椒鹽嘅香辣味道提升咗魷魚嘅鮮味，夠香口。

呢幾年多咗好多點心餐廳，對我呢個鍾意飲茶嘅人係絕對係一件好事，唔洗專登早上去飲茶食點心，而家夜晚都可以食到點心呢間點心舖應該係新開既，入面裝修都幾新淨，座位都幾好坐，呢度除咗點心，仲有小菜，炒粉麵，都幾多元化今次叫左幾樣蒸既點心，有蝦餃，燒賣，牛肉球同蝦腸，呢度嘅點心都係即叫即蒸，所以點心上枱都係熱辣辣既👍🏻👍🏻呢到既點心都幾好味，我特別鍾意燒賣，牛肉球同蝦腸，燒賣嘅蝦肉同豬肉比例啱啱好，有蝦嘅味道同豬肉嘅油香而牛肉球就好足料，大大粒又有芫荽嘅味道，加埋喼汁食，真係好好味😋😋蝦腸就夠滑，蝦又大大隻，仲有甜甜地既豉油另外仲叫左啲小食同炒飯，有鹹水角，紅油抄手，香芋叉燒酥，蛋散同福建炒飯，呢度嘅點心賣相特別，鹹水角同香芋叉燒酥到幾啱打卡用，味道都唔錯既😃😃而蛋散同福建炒飯就幾有驚喜，蛋散做到好鬆化，一咬就散開，甜度又岩岩好，福建炒飯嘅炒底炒得夠乾身，炒飯粒粒分明，芡汁又夠味，材料都幾豐富，有蝦，雞肉，翠玉瓜同魷魚等👍🏻👍🏻

最近去咗一間由米芝蓮星級點心主理既即叫即整點心餐廳，對佢地既菜式印象深刻。首先，五指毛桃燉雞湯係我一定會再叫既菜式。個湯非常滋補，雞肉煮得好嫩滑，而且湯既五指毛桃令佢既口感更豐富。另外，花膠瑤柱灌湯餃和招牌蝦餃皇都係非常出色的菜式。餃子皮薄而且餡料豐富，湯汁鮮美。蝦餃皇裡的蝦肉新鮮彈牙，而且啲皮薄餡多，味道不錯。龍蝦湯鮮竹卷都係一道非常精緻的點心。鮮美的龍蝦湯與竹卷的口感相得益彰，令人回味無窮。薑蔥牛柏葉亦係一道必點的菜式，牛肉煮得剛好，薑蔥的香氣令到更加正。韮皇鲜蝦腸粉和豉椒炒蜆都係令人驚艷的菜式。韮皇鲜蝦腸粉的韮菜味道十分濃郁，蝦肉鮮美。豉椒炒蜆的蜆肉鮮嫩，豉椒的味道與蜆肉搭配非常好。總體來講，呢間由米芝蓮星級點心主理的即叫即整點心餐廳的菜式很不錯。我會推薦呢間餐廳比喜愛點心既朋友仔，試試呢到既菜式。

來到我人生第一份工的地方----尖沙咀，見到呢間“盛意小館”，佢係一間茶樓/酒樓/茶餐廳？？我不知點定義佢，認真睇吓，原來係一間有粤菜 、粉麵 、米線、 粥品 、點心嘅中菜館。嗌呢幾個特色點心，有“香芋叉燒天鵝酥”、“茘枝龍眼蝦球”、“翠綠小梨子鹹水角”、“海鮮雪茄春卷”，其實係我哋平時食開的點心，但用咗啲心思和创意，整出啲栩栩如生的造型，外觀靚咗，食欲多咗。香芋天鵝有軟腍腍的芋泥，又有叉燒，不理佢係白天鵝或黑天鵝，食咗先算；荔枝蝦球點睇個外型都似，蝦膠熱辣辣，味道好好，你係食緊荔枝或蝦球呢？鹹水角整成梨的模樣，真係好cute，內裡啲材料又新鮮，yummy；雪茄春卷，超級創意；遠望真係好似，個皮脆卜卜，食雪茄或吃春卷都不再重要。“韭皇鲜蝦腸粉”個皮非常滑，蝦就中等size，好ok；“鮮粉腸粥”少有機會食，好；豬手麵嘅豬手两大舊，超入味，正；"蟲草花炖雞湯"好清潤；“黑糖年糕伴黄金糕”呢個雙拼黑糖年糕略勝一籌。

今天我去了一家名為「盛意小館點心粥麵」的餐廳，店舖裝修簡潔明亮，坐位寛敞。招牌蝦餃皇外皮煙靭，包著新鮮的大蝦，口感彈牙，讓人感受到廚師的用心和技巧。沙巴鮮蝦燒賣皇裡面包裹味道鮮味鮮蝦，好味。霸王小籠包皮薄如紙， 小籠包包裹著鮮甜的肉汁，每一口都讓人回味無窮。翠綠小梨鹹水角造型可愛別緻，外皮酥脆，內裹著鮮甜多汁的肉餡，口感豐富。雪茄造型海鮮春卷造型獨特，內裹著多種鮮美的海鮮，香脆可口。蒜香粉絲蒸海蝦籠仔飯蒸出來的籠仔飯軟糯可口，搭配上鮮美的海蝦和蒜香粉絲，味道更是一流。椒鹽脆皮魷魚鬚魷魚鬚口感煙韌，配上椒鹽味十足酥脆的外皮，。茶位亦不貴，只係$ 5。除了中國茶外，還可選擇其他凍熱飲品賣單先知原來冇加一的，好味又抵食！

估唔到夜晚九點幾都仲有點心食！價錢唔算貴，而且餐廳都幾企理！招牌蝦餃皇 $38蝦餃真係皮薄餡靚！啲皮又好薄，睇相都睇得出，而且仲好煙韌，而啲蝦就好爽口霸王小籠包 $33小籠包都係一樣個皮薄，而且入面個好多汁沙巴鮮蝦燒賣皇 $34燒賣皇嘅肉質非常鮮嫩，啲蝦好爽口而且蝦味好濃。塊皮一睇就睇得出係手工制。花膠瑤柱灌湯餃 $43灌湯餃入面全部都係滿滿嘅花膠同瑤柱，配埋個湯边似飲左個花膠湯咁！皇子鴿 $50乳鴿仔50蚊大大隻，簡直係超扺乳鴿個皮好脆，肉又唔會太油，岩岩好瑤柱蛋白炒飯 $88呢個飯中規中矩，不過勝在夠足料煎蛋糯米雞配荷包蛋 $38呢味點心都幾特別，煎蛋加埋糯米雞岩岩好，可以中和左糯米嘅飽濟！點心嘅價錢好合理，而且仲好好食！