盛八食堂 (已搬遷) 新店位置

盛八系銅鑼灣日式飯堂位置較偏僻 實在有點難找 難怪要做團購優惠了 現在openrice優惠食$150减 $60火炙芝士蘑菇極上漢堡 厚厚的牛肉很嫩 好味道呢旁邊的伴菜也很特別，是炸蓮藕 特上吉列黑豚濃厚咖哩蛋包飯它不像一些蛋包飯 只有薄薄的一層蛋皮 說實話是有點失望黑白汁，但最終也只會選擇正常的咖哩汁來吃，白汁有點普通所以點咖哩的就可了但職員服務則一般明明團購寫了要訂座，打左過去訂但去到職員又要我如常等位，咁我點解要預早訂呢？

6點30左右, 星期五到左, 一個人都冇, 唔洗等. 首先要講, 呢度係極細, 若得10幾個位, 仲要係4人台, 4人台咁, ( 依家話搬左, 唔知有冇改善)所以GATHERING大班人會效難.先黎2個小食, 沙律同凍豆腐沙律都幾清新, 係我覺得有同一個通病, 就係..... 可唔可以俾多少少我呀!! D 菜係數到得幾片... 救命凍豆腐夠滑, 亦香豆味, 汁酸酸地好開胃, GOOD 的!我O個個好似係辛辣豚肉麵.... UM ..... UM ...... 真係冇特別, 又唔係特別辛辣豚又唔係特別香. 配料咪就係配料..... 就係咁喇....海王湯拉麵湯底係濃的, 但有點過搶, 有落足夠蝦殼去煲, 但冇落D魚去平衡蝦那種霸道的搶味.所以成件事就好似一個好濃O既湯, 有點似西式龍蝦湯中有D冇味O既麵.就係2樣野未夾得到, 而大蝦, 是梅的....其他的雪藏海鮮亦唔洗多講, 成碗野, 淨係食到個湯味, 其他咩都搶晒, 所以好唔好食, 見人見志咁O既價錢, 銅鑼灣, 我完全接受, 但我只可以講, 我用呢D $ , 在銅鑼灣, 有更好多野食吧!

成日經過, 想食好耐. 一睇食評, 似乎唔錯. 昨日一試, 果然無錯!!湯底靚, 龍蝦味濃! 麵質唔太硬, 但不失口感! 山葵餃子好香, 好好食.佢地話份量足, 我就覺得唔係太夠, 不過湯好飲, 我飲晒D湯, 所以都夠飽.可惜唔記得左叫牛舌...銅鑼灣黎講算貴, 不過唔駛得位當買返D時間.

坐巴士經過見到這小店，好像好好味喎，於是找了一天特此到訪。看過網站，見到食家們都有讚此山葵餃子；於是便點了。也點了小吃－牛舌。餃子如果是用煎的會更好。不過，山葵味好香。　牛舌真的燒得好好。必吃。至於面方面，我今次點了的是濃蝦湯底的烏冬。好好味呀！我仲飲埋Ｄ湯呢。下次一定要試佢地的拉面。這裏的店真的很小，因此環境很濟逼。是唯一的缺點。但，作為一食肆，最重要的是食物質素，味道。所以，我不覺得這是很大問題。好期待下一次呀。

做咗成日野,食返碗鳥冬補充返體力一向都鍾意佢個湯底,好夠味今次叫咗雪場蟹鳥冬,湯底好足料,絕對唔同其他好似水嘅湯水...每一啖都感覺到有種沙沙嘅口感,睇得出真係落咗唔少料雪場蟹就有三條左右,肉質都ok,食得到有蟹肉嘅味道份量又好足,我同啲朋友都差啲食唔晒一碗朋友就叫咗拉面,評語都幾好不過啲位就有啲逼...

是天的中午，心情是想去食拉麵。同事想起"魂"，但人龍的確令你"魂"。我們本來向登龍街進發，但途中，因為盛八不用等，而且選擇多，所以一行四人就被這店截停了。在香港的拉麵風開始之前，盛八已經默默地賣他們的日式濃湯拉麵，當時的香港人，喜愛多選擇，同現今幾間日式拉麵所不同的，這兒不只是一味豬骨濃湯，牛肉湯，有辣，有拉麵，有烏東，非常之多元化。我要了一個簡單的叉燒豚骨拉麵，豬骨的湯底雖未及"魂"的濃香，但也飲得出是真材料的豬骨湯，濃豬骨味加上麵豉味，也是一個值得一飲而盡的湯。拉麵夠韌，叉燒鹵得入味而且夠腍，整理的味道非常好，尤其是對一些不太習慣濃湯的人，這湯已經是夠好了。而且，令香港人滿足的，就是料多。盛八，雖不比 "魂"，"豚王"，"舞心"，但也是值得一食的拉麵好店。

是日同男朋友去銅鑼灣行街，竟然掛住shopping去到3點都未食lunch。去左登龍街豚王睇怕要等到dinner先有得食，去魂麵又要等到6點先開dinner。於是去左呢間盛八食堂，職員說時就要關門，還有40分鐘，吃吧!!!呢次食尾班麵感覺不良好，首先是男友的黑豚叉燒拉麵，麵身太淋唔彈牙，叉燒有太多軟骨，湯底也太鹹。我既勝博海之幸拉麵，一上枱果陣好香，但食落都腥味幾重，海鮮亦唔夠鮮味，希望下次有機會食會有進步。

細雨綿綿，加上放工後又要趕去踢波，就揀咗間唔使等位嘅醫肚。入到去果然冇咩人，全場20個位只有6個食客！舖位細細的加上特色佈置，好有家庭feel.但menu就好小選擇，只有拉麵同小食。以前試過幾款特別既拉麵，反而冇食過最簡單既叉燒拉麵，咁就叫喇。個名叫極上盛八黑豚叉燒拉麵，太跨張，其實係店內最平嘅一款拉麵，拉麵麵條彈牙，灣灣嘅麵條掛咗唔小湯，好食。叉燒較一般拉麵店既厚，感覺上又好食D，最敗筆嘅係湯底，濃得嚟係太鹹，鹹味完全蓋過豬骨湯味，唔知係偶然失手定乜。另外加錢叫咗個山葵味餃子，山葵味淡淡的，煎得夠香又有肉汁,唔錯。價錢比宜家嗰D過江龍平小小，湯底雖然差左小小，但如果唔想等位／趕時間／唔想咁迫人，佢都不失為一個好選擇。

當日太累, 於是選擇範圍只限於巴士站附近,最後選了於車站附近因票選而有印象的盛八食堂, 不料卻成了不幸的清明節回憶 服務:來到只見一位人兄一腳踢, 顯得有氣無力的表情, 拿票後才發現有另一人帶著口罩, 主要責傳菜, 除了落單及付款, 基本上是零交流, 沒甚麼好壞可言... 坐下時, 眼前便是這光境, 燈光柔柔的, 看起來甚是有趣, 只是不怎樣帶得起"吃"的思緒, 尤其是正面對著這壁畫的我來說,坐久了視線又拿不開, 倒不是那味兒, 環境比目測的狹窄, 對設計的是褒, 對食堂卻是貶 酸酸的帶消滯作用, 夏天飲是不錯的選擇胡麻豆腐:一上來那個醬汁是咸得舌頭發麻的胡麻醬, 嚐到只有豆腐的滑及冷, 蔬菜粗糙的質感及由咸味帶出當中的苦澀味, 舌頭對幼細的味道感覺不到了, 更何況是低溫下香味會驟減的黑白胡麻呢!勝薄海の幸烏冬:賣相的確相當吸引, 用料豐富卻不得海鮮之精髓, 湯頭龍蝦味濃郁, 香醇來自烤過的殼, 濃卻不見得有鮮味,單以湯來評較大部分餐廳的西式龍蝦湯來得香濃, 只是, 龍蝦湯的味道原本就很霸道, 容不下其他的味道, 整碗烏冬亦敗於這一抹獨大的龍蝦味, 配料原味被染上了厚厚的龍蝦

去完教協，　７：３０ＰＭ，　店內有２枱人。已經係我第４次幫襯，　同阿媽嚟都已經２次。同上次一樣都係食果Ｄ嘢：海鮮拉麵（全名已經唔記得）：足料，　２隻大蜆　（鮮甜）、１隻大蝦（彈牙）、１隻大帶子　（ＯＫ），　龍蝦湯底仲係咁濃、咁香，　飲落個口好ｒｉｃｈ。麵都仍然ｋｅｅｐ到。不過。。。。隻碗好似細咗。溏心蛋：可以吧，　但都係一風Ｘ的溏心蛋好食Ｄ。我食果個都叫無＂出事＂，　不過阿媽果個就唔得，　佢同上一次一樣叫＂一之藏拉麵＂，　之前Ｄ牛柳粒係和牛的牛柳粒，　不過今次係牛腩麵果Ｄ牛柳粒。睇嚟我阿媽都唔會再嚟。ｓｅｒｖｉｃｅ：　唔知係唔係唔多客，　２個女侍應＂呢埋＂喺ｃａｓｈｉｅｒ附近傾計，　揮咗好耐手先有人理我們。

同男友想食拉面~ 原本想試"魂", 但實在太多人,經過發現見到呢間盛八食堂有拉面, 就排隊試下地方好細, 不過好彩唔係等左好耐呢間拉面舖既拉面係粗身既~而且唔覺有豬骨湯底勝博海之幸拉麵: 男友叫左呢個, 我試左幾啖, 覺得呢個好味過牛骨湯底! 龍蝦湯, 味道好濃, 仲有少少 Creamy. 相比其他拉面店, 份量幾大碗.一之藏拉麵: 牛骨湯底. 唔知係咪食慣左豬骨湯底. 總覺得無咁好食咁~ 不過各人口味唔同. 呢碗有半隻蛋, 不過熟左少少咖喱餃子: 跟餐可以加$12/三件. 味道唔錯, 有夠咖喱味&辣辣地牛舌: 牛舌夠淋, 幾好味, 又夠熱~還是覺得盛八適合食燒肉多D

今日同太太去行『時代』，Shopping 後就搵地方醫吓個肚 但都唔知食乜好！一時醒起用 Open Rice Apps 搵食 搵到附近有間拉面店叫『魂』，人氣都幾勁咁，唔理3 7 21 飛奔過去，點知星期日休息...！搵到附近有間叫『盛八食堂』都係食拉面嘅，唔理喇好肚餓好彩仲有2張枱唔洗等位。裝修都幾得意，味吉陽一果幅畫最醒神，不過就幾細間吓！由於未黎食過梗係叫店員推介吓喇，佢介紹我食『龍蝦蕃茄』湯底，聽到都幾給引，我就點了個炸蝦烏冬，而太太唔食牛同海鮮，就只可以食豬骨湯底叉燒拉麵個龍蝦湯真係唔錯蝦味好出，真係飲到有龍吓味唔係流！好有『西、日 Crossover feel』，烏冬都幾爽滑彈牙。黑豚叉燒拉面我試咗啖湯，比較淡口，感覺一般。總結：非一般拉面店，幾有特色，份量夠大，下次會試埋其它食品。

星期日的中午找飯吃~ 最近男友喜歡吃拉麵, 看見這裏不用排隊, 盛八雖然出名燒肉, 而家踩過界做拉麵, 應該可以啩...門面都ok, 所以試下~地方雖然小, 好像只坐到二十人吧, 不過環境不錯, 牆上有味吉陽一漫畫, 很有特色. 餐牌做得精巧, 日本感重.滿懷期待的點了個味噌湯叉燒拉麵, 辣味味噌湯拉麵, 橙醬味炸雞味噌湯叉燒拉麵賣相不錯, 喝一口湯, 失望了... 一味的死鹹...味噌味是有, 但不香, 不算好味. 麵質和叉燒則不過不失. 湯底再熱一點會更好.辣味味噌湯拉麵 (忘記是甚麼肉, 有肉碎)味道跟我的味噌湯一樣...@@" 只是加了一pat辣醬在旁... 失望!his comment: after tasting the ramen, i understand why ramen shop next street has long queues but not this one, the soup base doesnt taste good here... 服務認真麻麻, 沒有主動加茶 (不是忙著的), 桌上沒有放牙簽的, 要侍應在袋中拿出來俾我地, dun un ?_?

今日,係第二次來,之前那片(凍义燒)我已經原諒左佢。點知今次又失望!order了牛骨湯那款,之後拿手機珀了一張相後個面已送到,立即珀下賣相喝口湯:唔夠熱,再夾一箸麵:過淋!我只係拍左一張就即刻食都咁淋?,再呷番口湯:有牛味但絶非(濃厚/甚具膠質),蔥多但不香:,牛肉粒嫩滑而無牛味,OMG!12:35得一位男店員招呼人,無比茶無笑容無朝氣, 再見了盛八$69實價無加一

相約朋友到灣仔食飯, 路過鵝頸橋見到呢間試下.店鋪環境窄... 枱與枱之間真係肥少少都未必行到.menu 見到就好多食物都好吸引. 價錢算中位價.海老拉麵,湯底算濃味, 食物亦足料.叉燒拉麵, 湯底普通 似即食麵湯底 = =叉燒亦只有一塊.並沒有甚麼特別好味, 亦比較普通,甚至不值.餃子只重芥末香, 沒大不了.牛舌好味, 值到一讚. 奈何份量跟價錢有點不合.