盈記四季養生麵館

营业中

休息中

今日唔想食太多，所以試叫衣間米線。經開飯叫不但有折，還包嘢飲。叫左藥膳農場雞加日本花菇湯米缐。湯底濃郁及甜，見有好多紅棗同杞子，藥味不太濃。米缐份量適中，但雞得三件，冬菇二件，二件雲耳。終於我飲哂D湯就好飽。

I've noticed there have been a number of places that offer noodles in a bowl of soup made with Chinese medicinal herbs.  I've tried a few places and have loved most of them. To my surprise, I discovered another one. Located in Wanchai,  quick walk away from Southern Playground, I came across this while waiting for boyfriend. The staff was inviting and we decided to give it  a try.The place isn't too big but seating is not cramped.Menu is in Chinese only. There is no 10% service charge.We shared

放咗工和同事試咗呢間位於灣仔新開的藥膳養生店 ，呢排天氣咁乾燥真係要補補佢，聽其他同事講個湯底好正。新開張冇耐，裝修十分簡潔乾淨，衛生也做得足，店員服務態度殷勤。藥膳農場雞日本花菇養生湯米線老遠已聞到養生湯的味道， 眼見材料有紅棗、桃膠、杞子、桂圓， 湯底濃郁， 感覺真係好養生! 可以成碗湯飲曬，而且雞很嫩滑， 還有兩大隻冬菇。藥膳上湯自家製水餃餃子餡料滿滿， 大细適中，也同樣配上藥膳湯底十分入味。藥膳湯墨魚春捲我第一次食這類型的春捲 ， 肥肥長長，和藥膳湯很夾。藥膳浸雞腳雞腳炆得好冧很入味，是店員的推介的，果然冇介紹錯。

灣仔有間即將開張藥膳米線，店員話27號才正式開張，天氣凍凍地食碗補補也好!店員很熱情介紹藥膳養生湯有少量藥材，北萁，黨蔘，紅棗……等等我和我女人選了藥膳農場雞+桃膠養生米線 $64藥膳墨魚春卷養生湯米粉 $62藥膳農場雞真的很出色，老婆讚不絕口雞又滑有雞味，另外白切雞煮的，所以不會鞋口桃膠比想像中多，老婆還迫我吃了一口，每一匙湯都吃到桃膠湯底味道帶有當歸味道，老婆連湯都喝完……感覺特別適合女性，女生應該真的很喜歡 我選了墨魚春卷有很多條湯味道較農場雞清澈，喝到醉雞鍋藥材味道，如果喜歡濃味選農場雞比較好!另外我們選了藥膳雞腳雞腳很軟綿綿，煮得火喉足，有藥材味道這個價錢也合理，而且有免費熱飲 。如果年輕男士不喜歡藥材味道，可以選喇沙，蕃茄系列。個人認為帶女生來吃不錯好地方！

朋友在灣仔工作，疫情下真的見面小了，家有喜事點都要出來見見面恭喜下佢嘅！便相約修頓球場等。順便吃個午餐😍盈記四季養生麵館，新開呢！地方好光猛，侍應生好有禮貌招呼，介紹藥膳套餐，天氣凍凍地食下又可以補補身又強身，重可以養生呢！超正😍😍套餐可選米粉/米線/飯還有送飲品熱飲不加費😋以藥膳湯來說，價錢不算貴了。二人就各選一碗補下身先。😍藥膳農場雞+桃膠養生湯$64~藥膳農場雞+日本花菇養生湯$68~個湯底熱騰騰，有雲耳紅棗圓肉杞子等等，入口第一時間飲番淡先，藥膳味道濃郁有小許甜味，雞肉好滑好新鮮，啖啖厚肉啊！花菇好香好淋，湯好飲到停不了。紅油抄手(5只)$36~外貌好似好辣，其實一啲都唔辣㗎，配料是自家製呢！香口不覺肥膩，入口淡淡肉。好耐冇飲熱檸蜜喇，本人覺得大部分食肆都少咗呢個熱飲啊！飲完覺得暖烘烘。😍😍

前幾天在灣仔工作，午膳時經過軒尼詩道，看見一間新開張的麵店門前寫著「11時後八折」，於是便和同事入內一試。原來這間麵店是專營藥膳湯底的，我們點了兩個米線和一個小食，還有兩杯熱飲。“藥膳農場雞+蟲草花養生湯米線”一大湯碗，有大塊的雞肉，而且還是雞脾，肉質新鮮嫩滑。湯底有紅棗、杞子、龍眼肉、雲耳、蟲草花......等，藥材味道不算濃，但有清甜口感，非常開胃。“藥膳農場雞+日本花菇養生湯米線”這碗則有大大隻日本花菇，厚身兼爽滑。“醬香牛肋條”炆得非常冧，五香醬汁很香，牛肉很入味，把牛肉的味道完全發揮出來。再加上兩杯熱飲，便完成了這豐富的午餐，而且還很經濟實惠。

中西區在禮拜六日好安靜，路過新開的軒尼詩道一間養生藥膳館。由於新開，試業中，一坐低，餐台環境，新淨。而隔離臺已經傳出濃烈湯香味道。A7.藥膳農場雞+黑蒜養生湯藥膳雞湯系主打菜式，老闆話陪襯公雞碗更加有意境，的確呀，相機食先，加埋黑蒜令我一見到餐牌會毫不猶豫點呢個。黑蒜令到甜味中和更香呀。藥膳湯著名係材料豐富，不需要落糖，裡面有枸杞，紅棗，木耳，加上農場雞的炮製，演變藥膳雞湯。我甚喜好濃烈味道，因此調味適中。藥膳湯花枝丸6粒花枝丸不是大大粒，花枝丸不會煎炸，健康養生的烹飪。由於都系藥膳湯主打，因此另外叫小食的花枝丸都係會在藥膳湯裡面奉上。藥膳醉雞。醉雞除了打邊爐，原來玩法都有藥膳醉雞。可能由於黑蒜太濃烈，媽咪同我搶住黑蒜湯飲湯。兩邊雞肉是農場雞，即使冰鮮，肉質都不是粉，而系咬勁有口感。搵食期間，凡見到新開一定會試一試，疫情期間，飲食更難上加難。中西區返工的人黎講，唔想帶飯之餘，而家算又多一個好的餐廳選擇。

晚飯時間又未到，天氣又凍，行經灣仔見到XX養生麵館（新開的）二話不說，立即走入去食碗麵先😜好辣的我，被枱面的辣椒油吸引住我呀😍 我叫藥膳農場雞加冬菇米線，碗麵上枱時已聞到好濃郁嘅藥膳香味，立即嚐一口濃湯，嘩，非常甘甜，原來落咗紅棗，甘甘甜甜的。每一啖米線都可嚐到藥膳湯，好好味😋農埸雞是脾位，滑到呢⋯⋯，真係唔覺係冰鮮雞👍🏻，再講日本花菇，眼看以為細細隻，實質非常厚肉，而且每隻都煮得十分之入味！我好肯定佢哋真係用日本貨！朋友叫的是農場雞＋蟲草花米線，都係雞脾位，而且湯底有蟲草花味，佢話好正喎😂再問老板娘有乜好介紹，她立說：藥膳雞腳，哈哈，睇穿女仕們都喜歡的，增添骨膠原嘛！真係冇介紹錯，入味、好淋，好好味呀😝😝因為太喜歡他們的日本花菇，所以另點多一份小食：鮑魚汁炆花菇，點知這小食的味道卻是更上另一層次🤪🤪一定要叫呀！不講不知，這是我第一次食完成碗湯米線而係完全冇落過一滴辣椒油！真心唔想有辣味破壞咗湯的原味道👍🏻😋支持用心做食物的小舖💪🏻💪🏻💪🏻快啲趁有8折去食喇！

這問養生麵館剛剛開不久，在我下車的巴士站隔離。原本價格亦合理，我和朋友終於在午餐時間來試一試，原來現在有八折優惠，還附送一杯熱飲。灣仔區呢個價錢吃養生麵， 我們很OK! 我們點了藥膳農場雞加日本花菇養生湯米線：藥膳養生湯底味道清甜，有濃郁的紅棗嘅味道，圖片可見湯底還有很多杞子、紅棗和黑木耳，真材實料。農場雞肉質鮮嫩，新鮮雞所以特別有雞味，好正！ 日本花菇即是冬菇，很入味一定要叫， 其實都只是加$6！ 鮮茄牛肋條湯通粉蕃茄湯底很濃郁，味道帶點酸酸甜甜，還加上幾塊解蕃茄，配通粉非常之好吃。我們猶豫了很久，要牛肉還是牛肋條，牛肋條很大塊、大約有三、四塊，炆得很入味，味道幾好，但略嫌有一塊比較瘦的肉，肉質不夠淋，有點美中不足。紅油抄手水餃應該是自家製，餃子皮很滑又薄，能夠吃得出餡料很新鮮，味道不算很辣，但很好吃！ 飲品點了熱檸蜜和熱檸茶，味道正常！不知優惠做到什麼時候，真心抵食，以後午餐又多一個選擇了！

今天來了灣仔工作，同事說附近開了一間新麵館，主打是吃藥膳養生餐，提議午飯去吃，一於就在寒冷的天氣下補補身子啊！我們大約一點半左右到達，已見內裡高朋滿座，幸好仍有兩人枱。坐下後，我們點了鮮茄牛肋條湯米線、藥膳農場醉雞養生湯配白飯，及藥膳浸雞腳小食。原來現在新張期間有優惠，凡點主食，便有一杯熱飲送贈，確是很好啊👍🏻食物真材實料，看得出廚師廚藝高超：牛肋條肉腍，鮮茄濃湯入味；藥膳醉雞入口時，傳來陣陣酒香，雞肉肉質鮮嫩，湯底吃得出火候十足；小食雞腳亦入味非常，吃下感到有補身的功效。飲品也絕不馬虎，奶茶茶香細滑，檸蜜滋潤無比。真想不到在鬧市中，仍遇到這間充滿誠意的店子，下次一定會再來，試試其他的款式。

早前經過附近見開了這間新店，招牌寫住養生就已經夠吸引，睇埋餐牌係藥膳湯底就更加吸引，本身好like藥膳湯，近期天氣又咁凍，至啱食這個，地方不算大，但坐位也舒適，唔會坐得好迫，叫了藥膳農場醉雞米缐$64，包熱飲，叫了熱菜蜜，過了一會，碗麵上枱了，感覺幾大碗，先飲個湯，好味，好濃郁，少少甜，用料十足，有龍眼肉紅棗黑木耳，啲雞也尚算嫰滑，不過覺得米缐份量比較少，食完啲麵仲有好多湯，唔知可唔可以加錢加底，飲完個湯好暖笠笠，宜家11點後仲有八折，正👍🏻會再幫襯.

呢幾日天氣超凍，當然要食下啲補暖野食先得咁岩經過，見到開左間養生養膳雞湯米線呢個天氣當然即刻入去食lunch喇環境唔算好大，但感覺好整齊乾淨我哋都不約而同要食藥膳雞，不過口味就有唔同！藥膳農場雞+蟲草花湯底好足料，藥膳味道香而不苦反而仲有啲甜甜既味道，相信係紅棗&圓肉既關係雞件亦是出色雞味特別濃郁，就算係雞胸，肉質都唔會好鞋！藥膳農場雞+麻油養生湯湯底味道同樣充滿藥膳既香，不過呢碗就多了一份麻油香而且咁岩我果入係雞髀肉質超滑，加上好有雞味藥膳湯墨魚春卷墨魚春卷口感比較實，不過可以食到粒粒既墨魚粒！食落好有口感

印像中香港氣溫低過十度一年唔係有好多日～ 寒流襲港之下， 今日有幸找到新開麵店品嚐養生湯底。麵館裝潢簡約自然。一系列嘅養生湯底麵線/米粉 ， 也有蕃茄湯底， 喇沙湯底系列。藥膳墨魚春卷養生湯米線$62藥膳湯底熱辣辣， 味道好濃郁， 夾雜唔算太重嘅藥材味， 紅棗甜味較突出， 非常暖胃！💖😋米線也是夠滑夠煙韌。 墨魚春卷質感彈牙結實而且份量好足！藥膳農場雞+麻油養生湯米線$64這款米線令我想起台灣嘅麻油雞😍麻油嘅香味非常強烈， 湯底同樣非常重味， 兼且多了一份麻油香和雞湯清甜。 雞件肉質嫩滑， 也放滿許多雲耳紅棗， 豐富美味～凍奶茶絕對有茶餐廳嘅級數，茶味香濃， 跟米線＋$3。 原味豆漿跟米線 ＋$7 藥膳上湯自家製水餃5隻$36水餃餡料也是非常濃味， 配襯濃郁湯底不相伯仲，建議水餃嘅肉餡調味可以輕手啲～吃過藥膳湯底米線感覺暖笠笠， 夠晒滋補養生！

 路過在試業中的「盈記四季養生麵館」，我與朋友都很感興趣一試。楝好了.....藥膳燉雞腳、藥膳上湯自家製水餃、醬香牛肋條、藥膳農場雞+麻油養生湯米線、豆漿，頗豐富。藥膳農場雞+麻油養生湯米線，香噴噴麻油撲鼻而至，藥膳麵湯沒有濃烈的藥材味道，杞子與紅棗帶出麵湯的鮮甜味道，伴著米線吃，美味可口，鮮雞件肉質有嫩滑口感。藥膳燉雞腳，燉雞腳夠腍，更喜歡燉雞腳的湯水，很美味滋潤。藥膳上湯自家製水餃，皮滑餡鮮，水餃很夠份量，覆蓋了湯匙，好吃又充饑。醬香牛肋條，醬香好味道、幾特別，不懂得形容，可能是自家秘製醬料，牛肋條炆得鬆軟而不爛。四款美食都棄葱粒選芫茜，很合我心意。

潮流興養生，所以近排除了勤做運動，以保持身心健康之外，都多咗喺飲食方面著手。最近就同朋友幫襯咗一間主打藥膳湯底嘅養生麵館。餐廳位於灣仔軒尼詩道 69 號華美樓地舖，門面以落地玻璃作設計，內裡地方不大，屬小店格局，不過環境唔錯，乾淨企理，完全不覺侷促，反而有親切感。先睇下餐牌，原來除咗主打嘅藥膳湯系列之外，另外仲有鮮茄湯系列、叻沙湯系列、飲品及小食等可供選擇。點咗兩碗藥膳湯麵，另外再加咗一客小食同飲品。先嚐藥膳農場雞+蟲草花養生湯米線 ($65)，個湯底好正， 入口熱辣辣，味道香濃帶甜，應該係用咗大量藥材嚟炮製，內有不少黑木耳，紅棗同龍眼肉等，絕對真材實料。雞件好嫩滑，充滿雞味，而且熟度剛好，夾埋煙韌脆口嘅蟲草花同滑溜嘅米線一齊食，夠晒飽肚。至於另一客藥膳墨魚春卷養生湯米粉 ($62)  水準亦不俗，湯底帶濃香嘅藥材味，一點也不苦，飲完感覺好清爽。墨魚春卷彈牙可口；黑木耳質軟味鮮，口感爽脆；而米粉味道亦唔錯，食落爽口，吸湯又入味！小食點咗紅油抄手 ($36)，抄手一客有 5 隻，外形非常飽滿，肉餡唔會太多肥肉，而且入口沒有坊間嗆喉的死辣，順滑得很，辣味更沒有蓋過了抄手皮的麵粉香，味道平衡