皇都海鮮酒家 (已結業)

小妹從來都未試過係openrice留言, 但為左呢間咁既野, 專登開個account唻"讚揚"佢7:30同一個朋友坐低就點野食.....例牌野: 蝦滑, 生根, 肥牛, 四寶丸, 炸魚皮, 粟米, 芋絲, 魚皮餃, 芝士腸...一路等, 一路等, 等到7:50先有野食, 仲要唻唔齊, 得4, 5樣野....落單既時候已寫明係得2個人食, 我都唔明, 點解會俾成4吋厚既肥牛我地, 一盆芝士腸, 一盆生根....邊食得晒呀, 個阿姐就二話不說, 好快地用佢唔知乾唔乾淨既雙手拎走左一半肥牛走....我呆左.....好啦...第一輪既野唻唔齊, 我咪再即時落紙再點囉, 再點蝦滑, 炸魚皮, 四寶丸.....等等等....等到成盆生根都食晒, 第二輸既野都未唻....好啦, 8:20p.m. 追個樓面阿叔啦, 佢又唔理喎, 視我而不見...... 叫佢加茶, 又唔埋.....我已經成肚火.....我朋友最抵死仲話要嗱嗱臨點包出前一丁食, 因為驚咩都無得食, 填唔飽個肚喎, 吹脹......8:30....叫既野全部都未唻, 我又再入第三輪紙, 等到8:50, 又再追阿叔....阿叔竟然唔打算幫

呢間酒樓雖然食宵夜好平.但係真係貼錢買難受!因為你想點菜d侍應都係直行直過..叫左幾次都係叫你等等!之後就叫左企係隔離枱個唔知經理定老細叫佢落單..因為menu有特價小菜果d..問佢有無蒸魚佢話無.之後佢唔理我睇緊就拎開張特價牌..擺左一張點菜紙叫我自己畫就行返去隔離枱..我地無筆叫佢借佢行過黎好大聲+悔氣咁話:"自己睇啦!咪睇no.落囉!"我再問佢張紙d小菜係咪特價menu果d黎..佢指住張特價menu話:"你咪自己睇囉!呢度咪18!呢度咪$28囉!"我同媽咪都好嬲想拎袋走人.之後有個男侍應見唔對路先即刻行埋黎話幫我地落單..但係真係食到一肚火..無諗過叫人落單都俾人用咁差既語氣對待..就算佢唔係負責落單..佢都可以叫其他侍應幫手姐..洗唔洗咁既態度?!我又無得罪佢!嬲到我要特登開個ac黎俾負評真係第一次!

火龍果梅子骨個汁酸酸甜甜好開胃, d骨係略略炸過再燴返個汁, 食落唔會乾, d骨都幾多肉下, 其實好似京都骨, 不過有d火龍果撈埋一齊又幾fresh, 健康d海折拼燒腩仔海折份量少, 好爽口, 撈埋 d麻油芝麻好香, 燒腩仔個皮好脆ar!但唔會好肥, 瘦肉同肥肉相間, 好正~冬瓜盎入面有瑤柱, 蝦, 雞, 金華火腿, 蓮子, 豬肉片, 個湯幾清甜, d冬瓜軟綿綿畢極都有, 好抵食蒸白鱔好彈口ar, 肉質一d都唔梅, 豉汁蒸好惹味, 不過肥左d, 份量都幾多下

大小公子考試完畢, 明知道結果是個滿堂紅, 都要帶他們出來慰勞一番, 最辛苦莫過於婆婆吧, 一家大小就來嘆番個午茶. 沙田區食肆確實不少, 但要揀間較有水準飲茶的倒也不易, 平時偶有見到這裏也頗多街坊在排隊輪候下午茶市, 想必水準不俗. 坐定後, 方知這裏還有熟門報紙供應, 倒也招乎週到. 叫了一大堆點心, 還有燒腩仔和沙田乳鴿…等, 相當豐富! 推介燒腩仔, 一層肥一層肉, 皮都好脆, 只是唔夠熱, 但已在水準之內! 臘腸卷及墨西哥义燒包, 包很軟身, 予人一咬就知是新鮮貨式! 其餘的蝦餃, 炸雲吞, 蝦腸都弄得很好, 夠水準! 只是那乳鴿則還未夠火喉... 皮不夠脆, 肉有點鞋.寫食評時才知多數食家都是寫晚市火鍋, 其賣這裏的點心真的不錯! 唯一和晚市一樣的就是服務水平, 真係唔多掂!

第二次光顧任食火鍋$68人頭,加一加茶錢6人,坐半圓形卡位第一次交左紙之後,d配料未黎既時候,我地再畫第二張紙,點知有個呀姐叫我地唔好畫住,佢話等第一輪出左之後先好畫第二張,個男部長係個呀姐後面啤啤槓,唔知佢地有咩用意啦,但話明任食,咁我地畫幾多都得啦,點解唔俾我地畫呢?第一輪食完之後,就交第二張紙,所有魚類的配料都欠奉=漏單我地就追單,點知個女部長d服務就真係好差劣,一句話【唔知wo】就行左去咁我地唯有再畫過啦,點知都係漏鮮魷中途我地不斷要求加水,豉油,醬料之類d侍應只會直行直過,無論我地揮手,大叫,佢地都視而不見,旁若無人,只會做自己的工作我地個火鍋最後煲燶底睇返成間酒樓,面積唔大,有好多員工,但點解佢地d工作效率會咁差?反觀食物方面,蝦滑,鮮牛肉,魚....大部份都算合格,份量適中而價錢尚算抵食,除左火鍋,重可以叫餸食飯最後一提,記得幾個月之前,大約12人去食火鍋,接受訂位,但今次6個人訂位,唔知係咪生意額低既關係,遭拒絕我覺得呢樣唔合理畢竟,沙田區可以任食火鍋,就只有這間酒樓了如果你想食廉價火鍋,就不妨試下呢間酒樓,但不要期望有甚麼服務質素汽水$12/3罐,只有新奇士品牌,別無

花膠筒螺頭燉竹絲雞成煲湯又幾足料~雞腳都好淋…湯有老火的味道喇…脆皮燒鵝皇 (半隻)睇落去好似好liu liu 咁…食落又幾肥美架喎…有一層薄的脆皮下脂肪…肉就幾鬆軟…火龍香檸冰梅骨幾特別喎…用左火龍果…新鮮度十足…個汁甜甜地…又幾開胃…仲有d排…有d骨…yummy的部位…仲易咬開…有口感…秘制羊腩煲我唔食羊的…不過聞落又唔係好so…仲幾多的配料…見佢地…愈食愈多既?D野慢慢地浮現? =)金銀旦浸菠菜例size 都好大個碗喎...碟頭大…好多的金銀旦...好like 個咸旦白呀...菠菜都好...唔會好似平時食到個舌頭怪怪feel…不過打左茨咁…我地加番d滾水去開稀佢…幾細間的酒樓…用有限的位置做無限的生意…係好多台都好迫…周圍好多人都係打邊邊…好在…叫餸食飯都唔會質素好差…不過佢地真係好唔夠人…好有system的…傳菜的傳菜…收野的收野…落單的落單…就這樣…我地叫極都冇人理…要個杯問左幾個人…finally自己去左拎…到埋單…俾左張卡經理20mins都未有人黎收$...finally出左去收銀問…原來佢連我地張卡都未俾收銀…袋住左周圍去…=.=’

年頭某一日約左朋友本來想黎呢到飲茶, 點知嗰次勁多人等位所以無等到就走左. 年尾既今日再黎. 今次諗住飲完茶去打波, 所以十點就黎郅ling位, 星期日十點都仲未係高峰時間. 所以雖然酒樓既入座率高但係3位都唔駛等~~~坐底睇下點心紙, 都係叫d普通野, 質素都係普通啦. 都無咩特別. 全餐最驚喜既係佢嗰碟家鄉炒米粉. 我哋d點心未黎之前我周圍望見到枱枱都有一碟米粉. 呢d平時唔係大熱既點心我好奇怪點枱枱都有一碟. 於是乎我都點碟黎試下. 真係ok喎, 唔油. d粉絲唔會好似其他酒樓咁反晒光. 蔬菜同粉絲既比例ok, 唔會成碟都係粉. 食到碟底都唔會發現有可以照鏡既情況出現. 唔錯唔錯!

突然想打邊爐, 見娛樂城果邊冇任飲任食, 就黎左呢間睇,有任飲任食喎! 正~ 打邊爐果邊都幾多人喎, 我地係最後一張枱!佢啲卡位有得睇電視, 好似好正, 不過我地坐普通枱都OK雖然只得我同男朋友2個人, 但叫野食絕對唔手軟!都係左丸, 菜, 雞, 豬, 蝦, 魚皮餃, 蠔, 金菇等等個醉雞煱好耐先黎, 追過2,3次, 啲叔叔嬸嬸既態度都唔錯!值得一讚係啲肥牛好足料, 好大碟 仲好夠肥haha啲蝦亦非常爽口, 一個字, 正! 但碟豬肉就都係一般... 除此之外, 其他都OK另外就係有位部長叔叔, 身穿制服但腳踏水靴, 成晚吹住口哨, 好輕鬆的樣子, 好好笑

食物質素一般～汽水任飲，食物任叫，窩底免費，而且都多食物選擇，大部份食物都新鮮，肥牛、鵝腸、羊肉、蝦、其他菜都好新鮮，環境都唔錯，好多電視機，星期一至五8:30後入座仲會平$10添！所以好抵食！！！但服務態度極之差！！ｄ侍應愈叫愈走，明明望到我地叫佢，但就即刻走開扮執枱！但都有一個短頭髮加成日都笑容滿面既阿姐，同一個戴眼鏡既後生男侍應服務好好其餘既都唔係做野，係度博炒～最離譜既係埋單時，佢地計錯左我地＄68位（應計我地＄58位）我地問個女部長，佢一味死撐同顯得好唔耐煩跟住佢竟然同我地講”唉～你地計好先同我講喇！”就即刻走人最後個男經理同我地check下先承認佢地計錯數我地唔係冇錢比，只係唔滿意佢地咁既服務態度仲要我地比多百幾蚊囉～！＊所以以後請我都唔會再去！！！＊

$58 位宵夜任食火鍋係幾抵既, 但如果大家唔介意等半個鐘先上第一輪火鍋料及火鍋湯底, 又唔介意服務員人手嚴重不足, 又唔介意坐到鬼死咁逼既話, 大家可以黎皇都試下囉! 我地 8:50 入座, 點左火鍋料, 湯底, 汽水後, 除了汽水即時上檯外, 其他食物足足等左半個鐘先黎, 最令我地不滿既係服務員質素勁低, 可以講唔理客人. 我地摧過幾次, 幾個服務員既回應簡直係差到極, 佢既既回應分別有: 1.話幫你摧左啦, 人多係等咁耐o架喇! (火鍋料唔係放好係碟上拿出黎就得咩?洗唔洗咁耐?)2.同我地講唔洗急喎, 一定夠時間俾我地食喎! ( 夠時間還夠時間丫, 而家九點幾, 我地都肚餓喇, 唔通十二點先黎食物咩? !)3.叫我地寫過第二張火鍋料喎! (完全唔打算幫我地摧)4.應左我地, 但冇去摧5.直頭當睇我地唔到受到咁既待遇, 又等左半個鐘, d 食物終於開始黎了. 我地食左:1.肥牛肉 (肉味 ok, 但有點”鞋”!)2.羊肉 (肉味不錯, 唔”蘇”!)3.鵝腸 (都幾爽口)4.魚片 (無魚既鮮甜味, 亦”臨”左 d, 冇口感!)5.白鱔片 (比魚片好, 無論鮮味及口感都不錯!)6.三寶

之前偏好揀日式或西式食肆，但近來想轉轉口味，就提議母親大人食中菜。臨近放假前夕，心情靚靚，兩個人叫左三個餸。 金菇炒雜菜: 睇菜既色澤都知麻麻，佢炒得太老，有少少黃。而個獻汁又太杰，即使 d 菜之後出水都無補於事。佢鍋氣係有，但覺得比大排檔既仲要再油少少，唔係我杯茶。 帶子象拔蚌蒸豆腐: 呢個唔錯，豆腐本身味道較淡，配上較濃的豆豉汁是不錯的。而帶子偏細粒，口感就唔錯的.. 至於象拔蚌都係比較細粒，較爽口 ~ 用黎撈飯真係幾好。 薑蔥炒蟹: 特價小菜，$38 碟... 對於坐得舒服既酒樓黎講係好抵。蟹就唔好 expect 佢好肥美，但 d 肉就真係.. 有少少霉囉。佢個汁比較濃，但都補救唔到佢 d 蟹唔夠鮮美.. 所以都係一次就夠了。 飲品叫左酸梅湯: 好淡，好似飲水咁 ~ 就算冇加冰都唔合格﹗笑面就比唔到了，不過如果想搵間酒樓聚聚，又唔太貴的話... 可以揀皇都。

2個人8點入去,見佢蟹有特價38蚊斤,任叫任食叫左一斤蟹.---38蚊有3隻...蟹比較細..炸得岩岩好無燶..有水準!沙茶通菜肥牛--通菜OK,肥牛就太熟喇.好UN...仲有紅豆沙送添.食完9點走個時排大隊...人人等食9點特價..下次來會再幫襯!埋單130

噚晚同阿媽&AUNTIE去打邊爐。阿媽話印象中打邊爐呢間係唔錯喎, 我打過都唔記得左, 又見到裝修完靚左咁多, 就入左去。D人做野, 時快時慢, 個鍋晨早黎左, 但D料就遲遲都唔黎, 要催兩三次, 不過佢地都好有禮貌既。明顯地肥牛俾最多, 真係超多, 同埋望落D肥牛已經幾靚, 食落都真係幾好, 同一般其他酒樓D肥牛好唔同, 呢度係厚切D, 同埋新鮮D, 總之食落就幾唔同啦!! 其他丸類肉類都俾好少, 三個人咪俾三粒咁囉, 其實咁都OK既, 都費事食唔哂。菜都係會俾超多, 成座山咁, 不過最後都俾我一個人食哂, 因為我中意食菜。見到有個黑豚肉, 咁新奇就試下啦, 嘩, 一D都唔好食, 好硬, 同埋望落似雞肉, 食落唔知似咩....不敢恭維呀!! 豬潤都幾好味, 因為好多地方既豬潤都唔好食,但呢度都OK。AUNTIE話點出前一丁, 所以點左出前一丁, 真係成包出前一丁拎黎, 就算唔落味精粉, 淥完個麵都好好味, 以後打邊爐都可以試下出前一丁, 因為我通常只食烏冬。潮州魚旦同黑椒牛丸都幾好味, 前者非常彈牙, 後者就好大粒好黑椒。唔明點解雲吞水餃果D要另外俾錢, 通常D酒樓任食都會包埋, 可

前幾日去左呢度食飯 之前都黎過一次 價錢合理叫左特價羊腩煲n茄子豆腐煲n芋頭臘肉煲n老火湯羊腩煲都OK 夠腍 味道可以再入味d另外兩個煲都唔錯 芋頭有D唔粉的老火湯好夠味 唔識分有冇落味精 但幾好飲有紅豆沙送不過呢度既侍應做野都幾慢 而且叫幾次先做到囉

日子仍然係咁凍，有咩好得過打邊爐夠晒熱辣辣？今晚去咗呢間有一排都冇幫襯過嘅皇都，食佢個任食任飲打邊爐，$68一位限時食兩個鐘，不過湯底要另收錢，都好啦！叫咗： 皮蛋芫茜湯底：好清，清到冇味咁滯，皮蛋唔多亦唔靚，熟咗之後係黃色唔係靚皮蛋應有嘅黑色，食落脷嚡！ 日本黑豚肉：邊係丫！係普通豬肉就真，仲要乸到粉紅色滑潺潺，淥完乜嘢味都冇，得個滑字！ 黑椒牛丸：原本我哋叫三寶丸，不過睇嚟三寶即係剩番啲乜就照執比你，而且佢係睇你有幾多人就比幾多你，所以都係每樣得兩粒，散叫又係幾樣嘢撈埋一碟，都係兩粒，點叫都冇乜分別！呢個黑椒牛丸幾好味，肉質夠彈牙！ 潮州魚蛋：都係好普通嘅街市貨色，夠彈牙但味道欠奉！ 魚蛋：就係通常用嚟整咖喱魚蛋嗰隻，雖然明顯係來貨，都幾好味！ 包心貢丸：點解白雪雪咁嘅，一啲都唔似貢丸喎！佢啲包心嘅餡係肥豬肉，好多油漏出嚟！ 豬紅：夠實淨淥完唔會散晒，還可以！ 美國肥牛：好肥有啲羶，我食咗一塊就食唔到嘞，要我老公食晒！ 炸魚皮：呢個正常啲，唔會稔晒，淥完味道都唔錯！ 西洋菜：佢上枱時我差啲噴茶！ 竟然係熟嘅？真係打咁耐邊爐都未見過呀，搞咩整到咁騎呢！唔淥又凍冰冰，熟咗再淥咪黃晒囉！