皇都海鮮酒家 (已結業)

去過食點心﹐亦去過打邊爐。點心 - 好普通﹐炸嘅野好似未炸透﹐不過係好平嘅。打邊爐 - 牛肉好肥﹐墨魚丸好細粒﹐經常漏單﹗服務 - 完全無服務可言﹗叫極到唔應﹗見到扮見唔到﹐仲要好明顯﹗簡直離譜﹗

星期日老豆贏馬仔買左半隻燒鴨加料燒鴨勁多汁,超juicy,皮又脆,肥膏又不多,好好食連皮都食埋超正^____^不過食完之後充滿罪惡感,要做番多d運動先得了~_~

食蝦皇 冇徬徨叫左好多送....多到唔記得...而家只係列四樣鼓油蝦皇 + 海皇瑤柱羹 + 西勤炒吊片 + 炸蠔好好味呀~~~三個人食左三百幾蚊...但係叫左六送一湯...真係好飽....最好味係呢幾味鼓油蝦皇...佢用鐵板上....送到上台...先倒d 鼓油落去...d 豉油真係 溶入晒去d 蝦同蝦殼之間惹味非常!!瑤柱羹 夠晒料....好得!!佢的份量又多...我諗八個人尼食都夠分食落同真翅真係冇咩分別炒吊片...點埋蝦醬.....咸甜混合簡直一流炸蠔 雖然比較腥...但係夠晒新鮮熱辣....差d俾佢熱爆咀tim

今日又同阿媽去左飲茶行街11.45am 先到，d 人都走到 7788，有好多位淨呀今次叫左6 籠點心蒸排骨、金錢肚、流沙奶皇飽、蒸蝦腸、棉花雞同山竹牛肉蒸排骨新鮮熱辣好好味 = 保持水準 金錢肚份量比上次又少了，而且 d 汁好稀 = 水準差了 流沙奶皇飽熱辣辣好好食，不過始終唔夠新星既好食，但水準同上次一樣 = 保持水準 蒸蝦腸好奇怪地有一塊瓜o係蝦腸入面 !? 而且今日 d 腸粉皮勁痴埋一舊 = 水準差了 棉花雞只係一舊棉花既東東墊底上面有舊雞肉仔再加一隻菇而唔係一卷卷 = 水準差了 同排骨一樣係好好味呀 = 保持水準 P.S. 以前另一張紙仔既蝦腸會比正式既點心紙平 $2 架不過宜家同價 .................. 又係飽到晚飯都食唔落 !

返學校考試搏殺前同阿媽去飲茶充充電先叫左一碗油雞燒鴨飯、糯米雞、流沙奶皇飽、金錢肚油雞燒鴨飯 d 雞同鴨冇乜肉同都 ok 細件囉 .............. 早知二揀一要脾再撈叉燒啦 ~糯米雞一籠三件，ok 架，如果可以一件過加有多 d 汁仲正流沙奶皇飽始終都係新星既係 number one ar !金錢肚幾好食，但見同台既好似大兜 d 靚 d兩個人食飽飽都只係 $65 連早茶茶錢同加一( 12 點前賣單計早茶茶錢咋 )抵呀 !P.S. 今次冇位叫腸粉

焗芝士龍蝦伊麪底$168 : 味道一般,有好多芝士仲有一只龍蝦仔同好多伊麪...雖然同明星$3xx比較味道同份量都差d, 不過價錢相差一半wow, 所以都OK食得過...!!!特價半隻燒鴨$28 : 好好味, 雖然只係暖暖o地, 但係都好好味, d皮仲係脆tim, 一d都唔肥。扺讚!!!!佢仲有好多特價小菜, 不過實在太飽所以冇叫...最後仲有糖水送添(茶錢$9位花生$10碟加一)埋單都係$246咋。哩間d待應都幾有禮貌!!!

前幾天中學同學眾舊,搞手選了這間酒樓....一行20人左右,2圍枱,散叫菜式,因為比套餐更靈活,化算菜式很多,不能盡錄,有灼蝦,雞煲,炆燉鍋菜為主部長們知道我們是師生飯局,態度好過其他枱....最搞笑係中途來了一客生菜鮑片,由於我們不太清楚是否點了,大鑊飯咁起筷...各果當第一個义左1片鮑片後,部長話送錯位,在他不知己被"開鮑"的情況下,整客送到對面的正確食桌,我們哭笑不得....XD食物,一般,但款色很多,當中有些幾有趣...如圖中的"鐵煱素瓜".....即用鐵板的物料的鍋,滾往一些瓜類...賣相過癮,但同學話味道一般不過環境好亂,好趕....整体還可以,勝在便宜,total $1400 2圍,每人$60已ok了

星期六晚約咗個朋友出嚟打邊爐，周圍逛咗一輪，終於嚟這間試試。門口位reception呀姐勁唔掂，笑容欠奉，想問佢打邊爐D嘢就唔多想答，算，幾多錢都好，只要不用等就ok。order 咗個駌鴦煱，D沙嗲勁辣，好彩有位靚女待應幫我哋減淡D辣味。食物款式就一般，但食物質素都好好，佢D珍珠蠔好好味。九點後飲品重任飲。佢D卡位好正，有LCD TV睇，真係好享受。

個次我去食飯呀!等位又耐..到有位既時候又係咁催促我地叫野食.野食又等力年都未到,叫侍應跟下,佢就話,就得啦,要整嘛...態度差到無論.野食黎到,都係一般啫,我都唔明點解會咁多人去俾錢受氣.有一樣好既就係有生啤任飲,仲見到個嘉X伯推廣員係咁侍應俾人鬧,不過她只係笑著回應,反而個唔係係度長做既態度仲好過D部長..唉..間酒樓都有樣好既,就係(埋單快)

上openrice.com搵下沙田區有邊度有任食火鍋...原來係搵唔到嘅!!!後尾誤打誤撞,知道沙田中心皇都有,weekend$68任食任飲,梗係要試下啦!環境ok, 係嫌d通道窄d, 但卡位就好正,有LCD TV!食物方面一般啦,好大路,不過不失.

尋晚同個好耐無見嘅friend在沙田撞見,咁去咗沙田中心間皇都食反,我吔叫咗凍crab,多寶魚,燒鵝同埋油麥菜.本來都無乜期望,出奇地,個凍crab又好多肉同好鮮味,燒鵝香,脆夾吾肥.最好係生啤任飲同全場禁煙.埋單都係$160左右.抵食下次可以來試吓火鍋。

平日8點半後有特價，我同男友就試左d小菜。食物麻麻，服務都麻麻。但係唔明點解成日都咁多人呢?雖然話特價姐，但埋單時又唔覺得特別平wor。

個晚9點幾睇完戲,無乜食肆可選擇,咁我地一行7人就去左呢間野打邊爐,我地first order都未來,我地已經好醒目咁落第二張order紙,之後無耐就來左第一輪,但食哂所有野,再等多20-25分鐘,都仲未有第二輪d野食,咁我地叫經理幫我地跟跟,佢淨係話"得得得",結果就緊係毫無回音啦!之後再追,佢先話廚房洗緊地,入唔到去拎野食,叫我地等下啦!我地當堂打個"突",個陣先至係10點多d,咁快就洗廚房?個時都有10幾20桌客人,仲有2-3張客人剛剛入來,佢地已經洗廚房?其中一個朋友就怒氣沖沖咁話等我自己拎紙入廚房,個經理先話幫我地拎張order紙入廚房咋,當d食物剛剛來到桌面時,我地開始落鍋,點先個經理就拎單埋來,叫我地埋單,我地呆一呆,我地d野都未食完,佢話要埋數,叫我地快d俾,嘩!我地幾嬲呀!拎野食俾客人就慢到死,收錢就"拿拿林",真係不知所謂!!!d食物質素一般,不太新鮮,亦都不好味!!!我發誓以後都不會再去......

本人昨天晚上6月14日(星期三)一家人去食晚飯沙田沙田中心3樓71號舖皇都海鮮酒家食晚飯,順道慶祝父親節.本人在8點半order了幾味(包括:半隻乳豬,一個$148既套餐,一個通菜,一碟西檸雞,仲有一條龍蠆(一碟兩味:蒸頭腩及炒球)),但可惜等到9點十五分,仍然欠炒球,本人曾多次找負責我個幾的女侍應講仲欠炒球,但她始終沒有幫我們跟進.但其他我們一早食晒,只等炒球,本人的爸爸亦等得十分不耐煩,於是本人再搵部長幫忙,但他只係話「得啦!等下啦,就快黎啦!」,等到九點半仍然未黎.本人已經不是第一次在晚市食飯時追,他們的做事態度甩甩遲遲,而且女侍應的態度極差,部長的「得」字訣亦令本人非常憤怒.最後經理只是作出普通的道歉,態度一點都不誠懇.雖然話送果盤,但講完就冇件事.

次次行過皇都門口都排長龍等位, 所以今次都唔執輸想試下有咩好, 最吸引的是大青班都係$48/條(估計都有1斤重), 其餘小菜約$48 左右(與其他酒家價錢差不多), 如果喜歡食魚就直得一試, 但係一定坐落即order 青班先, 因為要成個幾鐘才有得食架!!!