皇都海鮮酒家 (已結業)

8/1，7點鐘度到，要等位，三個人等到8:25先入到座。原本唔駛等咁耐，但因為間酒樓俾哂d檯人多0既先，所以多人0既就算遲黎都可以比我地早入座。其實四人檯同三人0既係同一張檯，但佢為左做多d生意，就俾遲黎0既四人先入座，所以我地等左好耐。咁0既生意手法，即係叫人下次咪黎，講真，座野都幾舊，又隔涉，下次都係咪攪。茶都無得飲，情願俾你任飲汽水同其他野飲，但係有時飲得多野都想飲杯茶架。佢有炸野俾你食，糖水仲離譜，一早賣哂，一啖都未飲過，曾經見過糖水0既蹤影，不過係好早之前，仲要係見到有侍應係度拿十幾碗俾食晚飯0既人，唔係係廚房都拎，咁梗係無得食啦。埋單一人都要八十幾九十蚊，咁我情願食其他好過，呢度連花枝片同蠔都無，而家出邊大部分地方都有啦，咪又係任食，最多俾多咪一百蚊位。呢度0既肥牛仲要係勁肥，每碟得三片。仲有呀，d阿姐態度勁串，佢想拿我地個蓋，我地話唔好拎(我地反而好有禮貌)，佢居然仲俾說話我地聽。仲有呀，我地一坐低，兩個阿姐一路幫我地執檯一路就鬧上檯客(當然d客已經走左)，0個時我已經知道d侍應態度麻麻。應該無下次，如果0個日唔係咁凍，肯定無咁多人等打邊爐！

今午我和父母親戚飲荼,大約二點坐位!1)番薯糖水-番薯ok,糖水麻麻2)桂花紅豆糕-桂花ok,紅豆麻麻3)山竹牛肉球-麻麻4)叉燒腸粉-麻麻下次可能再去,因為有炸薯茸春卷,千層馬拉糕,芒果慕絲...等我沒feel好味~.~酒樓內有很多tv,待應生服務唔錯,唔過很多人坐位,路上唔方便~

昨天一家人去食晚飯,約八時不用等位,還比了一張八人大,我地得六個人.(哈哈!),我地本來想打邊爐,但個亞姐話打邊爐的食物得反好少,可能有o的無,所以我地只好叫送食飯,但一路都有人入來打邊爐都唔知點解. 我地叫了大班兩味-炒班片OK啦,蒸頭腩-用隻膠碟蒸,但十分唔好食,鮑汁介菜OK,豆豉炒油麥菜OK,燒鵝-皮淋唔好食,後補了生炒骨-好酸.結單要成五佰五拾,貴唔貴見仁見智啦!

今次去食下第二d點心,叫左:椰汁好豆糕: 好三大塊,好正,下層係紅豆糕,上層係椰汁糕,好軟pat pat的,所以夾起既散散地芋絲春卷- 有豬肉粒,好鞋口,唔好食xo醬炒腸粉- 好正,又夠辣,炒得香口!山"足"牛肉- mami話好好食,我覺得ok啦芒果布丁- 好香甜,口感實,正

哩度係我mami近排既至愛,上星期終於都同佢去食,諗住唔好食都叫做試過~叫左都係mami話哩度做得好食既野,order左幾分鍾就有, 叫左金醬煎餅, 係甜薄餅黎gei, 好好食, 上面重有d椰絲同花生同糖tim! 重好大份ga!蝦菠菜餃- 都ok啦, 個皮好食, 味道淡左d雷沙湯丸- 凍左都好食, 芝麻餡都幾多, 幾好ga芋頭西米露- 好"傑", 原因係超多料, 好抵食乳鴿- $18隻, 好食, 唔太油蘿蔔絲春卷- 酥餅我就食得多, 春卷係第一次, 純素食, 好清, 好好燕窩蛋撻- 哈哈, 真係有gei, 不過可能係蘆薈會的^^ 個蛋撻好淡口2個人$8x~ 好抵!另外一提, 環境好迫, 好嘈, 坐多陣腦都爆

早茶幾平,下午茶更平、奌心1.8元起，4.8元有义燒米線,义燒反,盅头反。晚反坐位迫d

There services are very bad~~``

晚飯時間, 好多人排隊買燒味. 因為好食.....我最鍾意係燒鵝, 真係鵝, 唔係鴨. 好好味. 返到屋企仲熱. 好有肉味, d皮就唔係好脆, 失色左d. 半隻$68, 都抵食. 外賣燒鵝有時會搭d紅腸, 好攪鬼!!鵝翼, 我好鍾意食. 好夠味, 但係好細隻.炸子雞, 好好味. 三十幾蚊半隻, d肉唔鞋, 最緊要唔會油淋淋, 好乾身. 仲係好脆皮.

皇都海鮮酒家, tel:26070168有茶飲, 有晚飯火鍋食. 佢d燒鵝好好食架.另外比多2間鋪頭0既information嚼江南, tel:28514862有小籠飽食, 一d上海野食地址係沙田新城市廣場3期地下素食一家, tel:26972230食齋0既, 係新派素食地址係沙田廣場地下44號

openrice快d改啦, 呢度摺左好耐啦, 而家係皇都啦.

入得o黎食泰國菜當然希望有多的地道食品,但公道咁講真係唔多,如果大家夜晚不妨去裝下裏便o的人食緊乜o野泰菜; 至於68 元衹是晚九時後未計加一,真係兩公婆過隔籬酒店或者A1 食好過喇,人地招呼好幾倍,俾多少少都無所謂

每晚六至九點係88蚊，九點後就68蚊(假日就78蚊)再加一... 跟住飲品任飲... 有汽水、啤酒添喎.... 雖然野食就屬一般貨式，仲有就係佢o既煎炸野食都幾好食丫，係d 熱盤差d o者，咁既價錢... 咁o既貨式囉，你覺得佢差o既咪行過少少去酒店食囉... 只不過係多倍幾兩倍價錢之嘛.... 環境方面都唔錯丫，d waitress 亦幾好禮貌..

本來以為泰式食品應該味道不錯,但試過後大為失望,原因80%的食品是中國式而其餘的所謂泰式美食是全晚衹有2次要排隊分配的咖哩炒蟹,冬陰宮湯,全晚1盆串燒,7時30分後便無橙汁,全場百幾個客人次次取食品都要槍因為實在出親新o野都很少,連最基本的泰式煲仔翅都無,真失敗,下次咪制ｏ

週日天天有不同特價的款式.. 木瓜" 支羽" 正!