百芳池上便當 (希慎廣場)

营业中

休息中

食物質素可以，但等候時間太長，由手機落單到取餐時間需要超過20分鐘，正常人也吃完了整個餐，希望可以縮短至十分鐘以內。另外，皮蛋豆腐裡面的皮蛋太濃烈，有點膩。阿薩姆紅茶太甜。

最近的中午飯選擇，本身鐘意食台灣菜，所以有時Openrice有自取優惠就會食百芳～～～～～少少少少重口味但係整體都好食，口味上算不上非常台灣味，但勝在一個飯盒配料非常豐富，有菜、粉絲、玉米⋯等等，食完都幾滿足。

好耐冇出街食飯，今日行完誠品經過見到呢間台灣菜好吸引咁，價錢又唔貴就決左試下！我地嗌左紅燒牛肉麵，同埋鹽酥雞便當跟住仲加左個小食皮蛋豆腐想講兩碗個分量都好大😳😳首先係紅燒牛肉麵，佢既牛肉分量相當多，起碼有7-8舊，相當淋，好入味麵既分量都十分多！跟住更驚喜係個炸雞便當，個賣相相當靚！入面既料好多，粉絲好食，炸雞鬆脆個皮唔厚肉好嫩滑，極度推介呢樣🤭🤭🤭有個人經過仲問我係邊間order😂🤣跟住個皮蛋豆腐幾好食，加左適量嘅木魚絲，同埋個醬汁都幾夾！加多十幾蚊有杯台式飲品，我簡左珍珠奶茶，個杯好大杯，飲到好飽，d珍珠偏甜，但因為我叫左走甜，所以覺得岩岩好😚另一杯叫左古早味仙草鮮豆乳，呢個叫左少甜，比珍珠奶茶更加唔甜🤭幾好味！Overall真係幾推介，唔貴，加上真係好好食，好少食到咁鬆脆既鹽酥雞！hahaa😛

去到台灣，一定要試嘅嘢唔少得「池上便當」，唔多唔少都代表住台灣鐵路文化。我自己就未喺台灣食過，唯有喺香港食《百芳池上便當》啦！銅鑼灣Hysan Place分店喺11樓food court。提供一次性餐具同消毒搓手液俾客人使用。百芳豬扒便當 ($59)要咗一個佢哋嘅招牌便當。便當盒係嚟自台灣嘅木盒，就算喺food court食都有喺鐵路食緊便當嘅感覺🥰豬扒相當鬆軟多汁，又夠入味；配菜有粟米、椰菜、粉絲、鹵蛋等等。招牌豬腩刈包 ($42)豬腩肉都係好軟腍多汁🤤，而且唔算肥。配上花生糖粉、酸菜、芫茜，口感同味道都好豐富😋小食兩款：大腸拼小腸 ($32)夜市花枝丸 ($20)點主食都可以以優惠價加配飲品：珍珠奶茶 (點刈包 +$14)黑糖珍珠鮮奶 (點便當 +$19)珍珠奶茶叫咗少糖，但對我嚟講都好甜；黑糖珍珠鮮奶冇得自訂糖度，對我嚟講係超超超甜🙈-Menu:

話說今晚同同事傾開去邊度食, 我同事就話去銅鑼灣希慎美食廣場再睇食咩啦, 行行下見到間, 地道台式既便當, 講真台灣野我近排真係少食, 見價錢好親民, 又想搵個地方同同事傾下計, 最後選釋食呢間, 我地叫左以下↓ ↓ ↓♕✧✧✧✧✧✧✧✧✧♕【台灣牛肉麵】牛肉麵嘅湯底好濃，牛肉好嫩滑，大力推♕✧✧✧✧✧✧✧✧✧♕【百芳滷雞翼便當】裡面配菜已經夠曬好食, 用料非常豐富。雞翼重要係大大隻, 完全係勁入味，皮滑肉嫩, 滷水味夠濃夠香而且唔會老，粉絲用醬油撈過, 入口鹹鹹地, 味道唔錯。雪菜非常爽脆, 入口帶點微辣, 食完真係好開胃醒神，墊底嘅飯好有水準，熱之餘仲粒粒分明，配埋入味嘅滷蛋一齊食，真係好好味。♕✧✧✧✧✧✧✧✧✧♕【黑糖仙草鮮奶】珍珠彈牙, 仙草份量多, 唔會太甜。♕✧✧✧✧✧✧✧✧✧♕【黑糖布丁鮮奶】珍珠彈牙, 布丁份量亦多, 大力推介。♕✧✧✧✧✧✧✧✧✧♕【炸花枝丸】咬落夠彈及有墨魚粒, 不錯的小食

牛腩好林，牛丸真係名副其實咁彈牙，肉同脂肪比例啱啱好。湯底好香牛味，微微酸辣好開胃。鹽酥雞大小適中，好脆口，初初仲以為鹽酥雞飯會好乾，但係有汁粉絲同埋醬汁配菜粟米令到成個飯層次好豐富，粟米同醬汁嘅甜味同鹽酥雞嘅鹹味配合得天衣無縫。皮蛋豆腐個汁好夠味，豆腐質地硬淨，唔會一夾就散開，木魚同皮蛋吊出咗豆腐嘅豆香味。黑糖同鮮奶係天作之合，珍珠林身，同奶味好夾，仙草好fresh，中和左珍珠嘅飽濟感。檸茶有淡淡玫瑰香味，飲落清新，食飽之後飲可以冇咁飽濟。

今晚簡單地在希慎food court 食個晚餐，最後選了食台式的百芳池上便當，除了有多款便當外，還有多款不同配搭的紅燒湯麵及肉燥乾拌麵，價錢經濟實惠。招牌百芳豬扒便當，$59份量大大份，用木飯盒盛上，可以保持温度，豬扒炸得香口鬆軟，不會太厚粉漿，配上粟米，粉絲，酸菜，椰菜及半隻滷蛋，另附送餐飲。跟餐還可以加錢點一個台式小食，我要了台式香腸。另外紅燒牛丸牛腩湯麵，牛湯味濃，麵條粗身掛湯，軟硬適中，牛腩軟淋，仲可以轉新竹米粉及加辣。配餐飲，可以正價減$5, 我點了古早味仙草鮮豆乳，唔太甜，好飲。

今晚餓底在銅鑼灣有特別任務，得唔係好多時間醫肚，但又唔想求其食，於是上左來希慎既food court搵食，見有百芳，即刻買，因為試過荃灣果間就念念不忘！百芳豬扒便當上次食鹽酥雞，今次就試豬扒啦！豬扒薄薄地，好鬆化，味道都有啲鹽酥味，呀！應該是五香粉！好惹味！豬扒下隱藏了粉絲，菜，粟米肉粒，仲有鹵蛋同菜甫添，好送飯，係超豐富既便當呀！台灣古早味香腸香腸個賣相平平無奇， 一食有驚喜！有蜜汁既香甜，又有微微煙燻味，會令人越食越想食！為左呢個腸，餓底會再返來食！南投桂花烏龍又叫左樽冷泡茶，桂花清幽，烏龍醇香，兩者一拍即合！飲完彷如置身桂花樹下，享受著微風拂......

今晚平平哋，去希慎廣場food court搵食。見到有台式火車便當賣，就想起當年在台灣實習嘅時光 ，台灣便當又平又美味。同囡囡兩個人叫咗彈牙紅燒牛丸牛腩麵，同百芳 鹵雞翼便當，加個小食皮蛋豆腐。 便當有驚喜，材料豐富，有鹵水雞翼，鹵水蛋，粟米粒，津白及菜脯等，當中嘅粉絲好入味，用嚟撈飯食一流，而墊底嘅飯亦好軟熟，yummy。 呢度嘅飲品都唔錯，我就飲熱黑糖冬瓜檸檬，囡囡飲凍黑糖珍珠鮮奶。試咗囡囡個杯，珍珠好Q ，應該係新鮮即製。😋😋

感受台灣鐵路便當嘅味道🍱——鹽酥雞便當($59)淨係個外賣都已經好似台灣鐵路便當😂好豐富，配料都好多，有粟米肉碎粒，滷蛋，炒粉絲同菜。咁多配菜送飯一流！鹽酥雞都炸得好脆好好食！呢個價錢黎講相當唔錯呢😋.紅燒牛丸牛腩麵($65)同便當相比下，呢個麵就黯然失色咗😂牛丸好彈牙，有咬口。牛腩都算淋，但麵質還好，有d鬆散。.冬瓜黑糖鮮奶(+$18)黑糖味較重，蓋過奶味同冬瓜味。.碳培鐵觀音拿鐵(+$18)奶味重過茶味，鍾意佢唔太甜，但飲唔太出碳培味。.Overall: 6.7/10Value for money: 4/5——📍百芳池上便當 (銅鑼灣)銅鑼灣軒尼詩道500號希慎廣場11樓

Trying something different in Hysan food court today, opting to forgo my usual visit to Pepper Lunch! Pork chop noodles in soup with a splash of spice. Though it is completely red and looks spicy. It's not. And my tolerance spice level is low, about four out of 10. Quite filling for $65hkd.The mix of Taiwanese sausage, fishball and chicken was tasty. Best of the lot, of course the Taiwanese sausages for only $65hkd

今天經Openrice 外賣自取，突然好想去食台灣便當，便經OpenRice 外賣自取，我叫了一個鹽酥雞便當，加$配一份花枝丸，再配一杯冬瓜擰檬，絕對完美配搭，超好食，份量足夠，買返公司食，仲熱的，不會好油，花枝丸不油，好好食，冬瓜檸檬好正宗，好好飲，便當的配搭好正，配菜也好好食。好彩叫外賣自取，去到店超多人排隊買，所以我揀了OpenRice 外賣自取功能，可以去到就可以取，用埋支付寶付款可以有2%折扣優惠。

以前返工係返cwb, 所以經常約埋同事係希慎food court食lunch 但自從轉左工之後就好少去，所以最近約左fd再次去food court食dinner 我朋友知道我好中意食台灣野，所以就介紹我去食百芳池上便當。門面長這樣 ☺menu 既食物有晒圖，所以大家可以睇住相簡野食，餐廳好細心 我叫左台式滷雞扒便當同炸花枝丸。滷雞扒便當裏面既雞扒真係超級大塊，同埋又唔會好乾，味道又唔會咸。☺而且配菜好多，份量非常多。 另外叫左花枝丸，諗住同fd一齊分黎食。炸花枝丸花枝丸炸得岩岩好，唔會太炸，而且食落去熱辣辣同好juicy 推推！！我朋友叫左鹽酥雞便當。佢話好好食，叫我試下，但因為我便當塊雞扒超大塊，食埋小食，已經好飽。下次我再黎既話，我打算試試呢個鹽酥雞便當。 XD我叫左紅豆紅茶拿鐵加布丁朋友叫左紅茶拿鐵加布丁紅茶拿鐵既茶底飲落好特別，同香港既奶茶茶底陣味好唔同，而且紅豆加布丁真係大大增加左杯野飲既口感。 好喜歡~

又到稅季，交完稅銀行戶口就黎見底，唯有慳D駛喇夜晚約女朋被食飯都系唔食咁貴，諗左陣就上左希慎foodcourt 覓食Fatbrown 同女朋友都好鐘意食台灣野，見到呢間百芳野食唔錯價錢合理，一於食下先<皮蛋豆腐$20>豆腐好嫩，冰冰凍凍咁好好味<紅燒牛肉湯麵$66>紅燒牛肉湯底好濃味，面條夠粗掛到湯汁，正<台式滷雞扒便當$63>大大嚿好肉地，雞扒滷得夠入味，仲有好多唔同嘅配菜，有粟米、粉絲、白菜同埋肉粒，每一啖飯都可以食到唔同嘅配菜<黑糖珍珠鮮奶$27>黑糖珍珠鮮奶同埋黑糖紅豆鮮奶味道都差唔多，都係用新鮮鮮奶沖，飲落去同埋奶精仲係有啲唔同<黑糖紅豆鮮奶$29>特別想讚下紅豆鮮奶紅豆係用蜜紅豆甜甜地

冇諗過喺銅鑼灣希慎food Court 都會食到台灣嘅味道🤤🤤去希慎行街上樓上搵食 其實food court都有好多唔同嘅選擇 真係好難揀㗎🙈🙈百芳池上 仲要喺正個角落頭入邊 不過因為剩係得呢間台灣菜 我比佢深深吸引着😍😍叫咗肉燥滷雞扒乾拌麵 同埋豬扒便當😜雞扒好嫩滑 🥰🥰🥰 乾拌麵都好好食 有時喺外面食台灣野 個面會好鹹 呢度味道又適中👍👍豬扒便當豬扒好厚身😍😍 而且好入味便當上面再會有滷肉同埋粉絲 口感好豐富👍另外多咗個小食花枝丸 真係好友台灣夜市嘅風味啊😣😣😣飲品我叫咗黑糖珍珠鮮奶 我就覺得有少少甜 下次試吓叫返少甜先😜另外叫咗杯黑糖冬瓜檸檬 食完呢餐我完全覺得好似去咗台灣咁 🙈🙈係疫情之下台灣未解封 如果想食下台灣嘢嘅朋友仔 都試吓百芳池上呀🙈🙈