百芳池上便當 (希慎廣場)

营业中

休息中

希慎開咗咁耐其實都無咩去過，今晚約埋朋友過去搵位食飯傾嘢，食肆選擇不少但人都多，結果在11樓的一角找到呢間百芳池代，剛好對出有枱可以慢慢傾慢慢食。呢間係食台灣菜，有飯（便當）、有麵又有台式小食和飲品，價錢都好大眾化，不錯呀！我們叫左個「台式滷雞扒便當」（$63）和「台灣牛肉麵」（$66），再加左「台灣夜市香腸」（$25）。雞扒便當有一大塊滷水雞扒，非常入味，另外有半隻蛋、粉絲、粟米、椰菜等配料，整體味道ok牛肉麵賣相都吸引，有牛𦟌和牛腩都好腍，而且份量都幾多，加埋其他配料，我覺得比便當更出色！香腸嘅表皮甜甜地又有咬口，味道幾好，好有台灣夜市嘅風味。另外我哋都有加錢轉台式飲品，朋友要芝士奶蓋茉莉綠茶，我就要仙草奶茶加芋圓珍珠，奶茶味剛剛好，仙草既滑加埋芋圓和珍珠的彈牙口感，正！

疫情期間多數食外賣飯盒，今日想放縱一下，於是去咗希慎food court搵食，food court好嚴格遵守1.5米安全距離，座位間都有足夠空間，客人食得安心👍🏼每次經過百芳池上便當都會見到長長人龍，今日見人少少，終於試到喇！今日食嘅係鹽酥雞便當，套餐包括紅茶/綠茶一杯，作為珍珠控嘅我另加3蚊upgrade做珍珠綠茶！便當有好幾款配菜，加埋主角鹽酥雞，成個感覺份量好澎湃😆配菜呢亦做得好好，熱度夠，款式亦多，鹽酥雞外脆內嫩，脆口得嚟唔會太乾，質素屬中上👍🏼絕對有下次！

好想好想去台灣! 百芳真係俾到我台灣既感覺!台灣牛肉麵 $66濃濃既牛肉湯加上熱辣辣既雜菜同滷蛋，仲有大大舊又林又有筋既牛腩 ☺️ 麵條係粗麵有咬口，索左少少湯食到流晒口水。台灣夜市香腸 $25熱辣辣，同埋係脆皮嫁！甜甜地既台灣腸真係好好既小食😌 $25份量都好多！芝士奶蓋茉莉綠茶 $20 湯麵跟餐 減左$5叫左走甜少冰，茶味香，奶蓋唔漏。台灣焢肉便當 $59肥豬肉好正☺️ 呢個價有兩大塊真係超抵，肥瘦超分明所以啲瘦肉有少少乾，但飯底多汁同埋有台灣粉絲又令個balance ok。黑糖布丁鮮奶 $23啲黑糖花係白雪雪既奶上面浮下浮下好靚。

肉燥滷雞扒乾拌麵🐔🍜 ($66)台灣嘅乾拌麵絕對係我最鐘意嘅其中一樣台式料理！依份拌麵麵質好好食🤤，幼身得嚟都係Q彈嘅，加埋肉燥食，惹味又唔油膩🍜。滷雞扒大大塊🐔，又有香甜嘅醬油味，推薦推薦❤️❤️。鹽酥雞便當🐔🍱 ($59)好掛住台灣嘅火車便當同夜市嘅鹽酥雞🥺，所以就叫咗個便當試吓。佢個圓形盒好似台鐵便當個盒😂。好驚訝鹽酥雞嘅份量會有咁多！數埋都有十幾舊，炸到酥酥脆脆，雞肉嫩滑，又夠調味🥰。便當入面仲有滷蛋🥚，肉燥，粉絲，粟米🌽，菜脯同青菜🥬，好豐富！女仔真係會食唔晒😂😂。皮蛋豆腐🥚 ($20)小食好大份好抵食😍！真係有成舊皮蛋同豆腐，醬汁好香木魚味，未食都聞到，食落豆腐香滑，mix埋皮蛋同香甜嘅醬汁食好開胃😀。芝士奶蓋金萱青茶二重奏🧀🍵 (跟餐 $26)野飲超大杯😂，奶蓋有厚度，口感幼滑又有奶香，芝士味濃🧀，茶味好有層次，好飲🥤。芋頭鮮奶小芋圓🍼 (跟餐 $29)依個好似係新出品🤩，店員落芋頭落得好慷慨，落咗三大羹落去😂，芋圓嘅份量都好多，係一杯好飽肚嘅野飲😙。芋頭打得幾幼滑，芋圓彈牙，加埋鮮奶🥛，好味💕。

百芳池上便當 地址: 銅鑼灣軒尼詩道500號希慎廣場11樓電話: 21091338打書訂睇了成個鍾書，見腳累胃開始打鼓，走上去食肆醫肚先。台灣小食，飯同飲品，一個便當飯先係五十來元起，實屬抵食。$64 豬扒肉燥乾拌麵，麵條幾彈身架，肉燥就是拌麵的靈魂，肉燥好腍一定係煮了長時間啦。仲有豬扒，鍾意食肉架人我會大力推薦仲有炸花枝丸呀$59 豬扒便當，大大塊炸得香酥的豬扒，醃的調味帶點甜味，送飯一流。米飯軟而糥，伴上汁很好吃，還有蛋及粟米粒呢，睇見都流口水。隨餐點飲品有半價優惠，南投桂花鳥龍茶$10玫瑰鐵觀音茶 $11，沒糖會喝茶香原味，又可以減小肉類油膩感=====================

有兩種便當常令我回味—日本和台灣的。可是最近這2個地方都不能去，唯有回味一下。這天和朋友到hysan行街後隨便在foodcourt找間吃的，就被這間台灣風味的店吸引。雖然已經是晚上8時多，但仍有很多人在排隊買台式小吃。大腸拼小腸在台灣夜市很常見，但在hk的確不多地方有。難得遇到，當然要吃，感覺像到了台灣掃街。香脆的台灣腸甜甜的，外面糯米添了層脆脆的，加上少辣的醬料和酸菜，是台灣的味道～為了更有掃街的感覺，朋友和我還點了2款小食，招牌豬腩刈包的豬腩肥瘦剛好，配上惹味調味和鬆軟的麵包皮，很滋味。花枝丸向來是我最愛，而且很彈口，還有惹味胡椒粉，很想再吃多碟台灣焢肉便當味道也很好，肥瘦剛好的肉送飯最滋味不過。真的如他們所說，把滋味便當帶給每個辛苦工作的我們，怪不得晚上9時還人來人往很可愛的設計。台式飲料無論你點什麼都會好喝，而且這裡的不會太甜、剛剛好。奶蓋綠茶上面鋪滿厚厚的芝士層，大滿足真的是很有心思的小店，有時辛苦工作過後打開一盒滿滿的便當，會很滿足

Hysan food court有好多選擇，今次簡左食呢間台式火車便當。百芳豬扒便當 $59便當盒用左類似係台灣火車上食既木盒裝起。豬扒好淋，唔會炸到好乾，仲好入味，配菜有粟米、椰菜、粉絲同鹵蛋炸花枝丸 $20花枝丸偏細粒，炸得幾香脆，好有台灣風味滷鷄扒肉燥乾拌麵 $66滷鷄扒超大塊，滷得好入味，雞肉嫩滑。肉燥半肥瘦入口即溶，乾拌麵彈牙好食點主食可以優惠價加配飲品：珍珠奶茶 (+$14)粒粒紅豆豆乳 加芋圓(+$17)兩杯飲品都好飲但偏甜

好耐都無去台灣行一轉個人已經心癢癢掛住台灣既便當同美食,今日行過希慎既food court 見到有間賣台式便當既食店當然要即刻止左心癢食左先算. 鹽酥雞便當,鹽酥雞可以稱得上係我數一數二最掛住既台灣美食之一.呢到便當係用上竹製既便當盒令人覺得別具特色,便當內容豐富,為平衡返邪惡鹽酥雞既肥膩感內裏仲加上粟米,娃娃菜減膩又感覺健康d.鹽酥雞炸得乾身,咬落微脆唔會一咬就成口油,內裏雞肉都醃得幾香之餘又夠鬆化.配上半隻入味滷蛋令成份便當更加分.皮蛋豆腐看似平平無奇,皮蛋就相當大粒尤其係個皮蛋黃心,又大粒又綿.咁熱既天氣下再加涼拌豆腐個人即刻爽晒.紅燒牛丸牛筋麵湯底帶微微香辣味同牛香味唔會過鹹十分惹味.牛筋骨膠原感超重,咬落夠煙韌彈牙,中間帶點黐口感.牛丸彈牙得黎咬落中間唧出肉汁.麵條爽滑又夠彈牙,闊麵掛起更多既牛肉湯入口更香濃.芝士奶蓋金萱青茶二重奏,芝士奶蓋質感幾濃厚,芝之味突出又夠香,奶蓋中會食到粒粒芝士粒.茶底夠清飲落順口又唔澀.洋金菊金萱烏龍帶洋金菊特有既香味,感覺舒緩解膩.

運動前的午餐，同個fd去左food court食野，原打算食烏冬，突然想起可以試呢間炸雞脾，之前朋友介紹話好食，一直都想試，但未有機會，今日機會喇😆睇落只脾好似炸得幾靚，可是，咬落去，皮係脆卜卜，但冇肉汁唔夠juicy，超淡唔夠入味，屬一般的。反而，配料好好食和份量多，杯烏龍茶都好飲和大杯，只是偏甜，可能未搖勻啩，如走糖水會好些😆

Haven’t been to food court for such a long time hahaAnd this is surprisingly goodOf cause the price is very reasonable as wellTried the salty chicken rice Chicken is crispy when servedThe saltiness is at the right level toofatty pork belly rice is also very well made with just the right amount of fatDont see this as a calorie loaded choice because the rice is actually covered with loads of vegetables !

好耐冇去希慎food court，依家搵位比之前仲難，但個到食咩都有得揀，方便同埋唔太貴，見到呢間都好多人排隊買，有牛肉麵、刈包、花枝丸等多款台灣小吃，重點佢仲有手沖台飲，感覺上幾吸引🤤－－－－－－1. 台灣鹽酥雞便當 $59 4/5便當除左有鹽酥雞之外，仲有菜脯、粟、津白、半隻滷蛋、炒粉絲等，味道較淡，而鹽酥雞係即叫即炸，可能多人叫，肉質唔乾同埋香脆，便當都算豐富，我都食唔哂🙈2. 花枝丸 $20 3.8/5我覺得炸花枝丸偏細粒，不過炸得不錯，外面脆口，口感幾彈牙，同埋唔會太咸3. 紅燒牛丸牛筋麵 $64 3.8/5麵條幾滑，但唔係有煙韌個款，湯底香濃有點辣，蘿蔔好入味👍🏻冇根好好食，反而牛丸較普通，味道正常4. 芝士奶蓋鐵觀音 3.8/5芝士同茶比例好似係4:6，芝士奶蓋好多，飲左頭幾啖都未似到茶，鍾意芝士既朋友一定會好開心🤪茶味濃，但有點比芝士搶左味，但整體不錯

希慎廣場food court一向多選擇，今晚行完誠品一於去food court食晚餐。見到呢間主打台灣菜既百芳池上便當，有牛肉麵、便當、小食、茶飲等選擇，期間仲有好多人買外賣，試下先!百芳牛肉麵 HK$66紅燒湯香濃帶微辣，牛腱爽口，牛腩燜得軟滑，麵條順滑Q彈，仲有滷水蛋同蘿蔔。百芳滷雞扒便當 HK$63勁足料既便當，有齊巨形雞扒、粉絲、栗米、黃芽白、滷水蛋、炸菜，雞扒口感嫩滑，滷得入味，啖啖肉勁滿足!台式鹽酥雞 HK$30外酥脆內裡肉質鮮嫩多汁，鹹脆香口好惹味!黑糖珍珠鮮奶 套餐加配HK$19鮮奶味道純厚，加入口感Q軟黑糖珍珠，口感香醇濃厚，甜度剛好不會過於甜膩。

放工唔知食咩好，上咗嚟希慎睇有咩食，最後揀咗間台式餐廳，款式選擇多，唔知食落又會係點呢！滷肉飯便當，一盒便當就有齊滷肉、粉絲、滷蛋、粟米同酸菜，食落滷肉同台灣味道一模一樣，滷肉係五花腩所以油脂亦會較多！大腸包小腸，簡直係台灣嘅風味！喺香港好少食到正宗嘅大腸包小腸，呢度就可以啦！酸菜配埋少少辣嘅醬，惹味！刈包，係將一塊半肥瘦嘅五花腩放落包到，再加砂糖，食落甜甜地！炸花枝丸，香口小食！飲品有茉香綠茶同玫瑰鐵觀音。

本身疫情大家都work from home，但可惜今日工作緣故唔出屋企唔得。做完野都7點又費時買野番屋企慢慢煮，都係出去快食個晚餐算喇。Hysan 個 food court 係整體實行限桌令，即係由商場中央管理量體溫，同將大部分檯變成面向單面嘅自閉檯。講番野食，便當好台車火車便當嘅感覺，款式都算多。今日揀左個鹽酥雞便當，雞炸得香口。另外大腸包小腸，佢個整法同夜市有少少唔同。夜市嘅可能外賣包裝，無咁多配料。呢個堂食版就有配料有醬汁，又係另一風味。

收工嚟到希慎食飯，揀左food court 嘅台灣菜—百芳池上便當.有飯、麵同特色便當 🍱 今日就揀左乾拌麵套餐🍜係跟左雞扒同肉燥嘅，撈左嘅肉燥味道偏甜甜嘅，肉燥肥瘦適中🐽🐽 雞排好大件！滷得幾入味🐥 .另一個係雞排便當 🍱入面飯、粉絲、粟米同泡菜等配料💪🏻 一齊食口感豐富，大滿足呀！.小食要左花支丸🥳外皮香脆，入面軟熟，又唔會太重口味😍.跟餐要左杯黑糖珍珠鮮奶🧏🏻‍♀️珍珠好煙韌，咬落有淡淡黑糖香🧚🏻.另一個叫左凍頂烏龍茶~ 清香消膩，口感圓潤🍵