百芳池上便當 (希慎廣場)

营业中

休息中

🔎 銅鑼灣軒尼詩道500號希慎廣場11樓「隱身於food court內的正宗台式料理」- 百芳池上便當百芳豬扒便當 ($59)台式餐廳其中一種最受歡迎嘅就係便當，百芳池嘅便當真材實料，份量好大，而且每個便當都有精選配菜三款，再加上半隻滷水蛋，既豐富又飽肚！豬扒一啲都唔肥膩，而且仲有好豐富嘅肉汁，調味做得非常好，唔會死咸。正宗台灣牛肉麵 ($69)牛肉份量都幾多，而且咬落去好軟熟，又入味，好有驚喜。台灣麵好滑身，食嘅時候好掛湯，但係湯底又唔會好鹹，所以撈埋啲麵食好有台灣風味。配菜同樣唔手軟，幾舊大大嚿嘅紅蘿蔔，滷水蛋，蔬菜全部都有。台灣古早味香腸 ($25)相信每個人去台灣都一定會食過台灣最出名嘅香腸，質地有少少似臘腸但係就好香，同埋冇咁鹹。呢間餐廳連小食嘅份量都絕不欺場，絕對夠兩個人分享。台灣香腸除咗好友口感之外，另一個賣點就係好Juicy! 咬落去好香口，啲肉汁bit晒出嚟😍我諗大家都估到一餐台式晚餐如果冇台式飲品絕對唔會收貨😂玫瑰鐵觀音拿鐵 ($24)年紀大身體開始覺得虛弱，所以揀咗熱飲😂聞落好香玫瑰味，而且我叫咗無糖，所以飲落茶味同埋玫瑰味都會好突出。成個味好夾，推薦大家可以試吓

今日到希慎廣場食晚餐，見這間排長龍的台式美食好吸引的地道台式便當，好耐無食過台灣嘢，個癮起咗，所以想品嚐一下這個正宗台式小店；這間有台灣麵、飯選擇，可配豬、雞、牛，價錢合理！喜歡這個美食廣場，明亮的環境，又寬躺又乾淨又多座位，有姐姐幫忙變收碟清楚枱面，有效率！點餐的服務員們態度不錯，有禮有耐性又友善，快速整飲品！即點即煮食物好香噴噴！是叫號碼取餐，有外賣或堂食選擇，見客人外賣都包得好靚又衛生！1. 新出的台灣牛肉麵見有牛似牛筋選擇，選了正宗台灣牛肉麵，牛肉份量唔少又濃郁又軟滑又易咬，好入味喔！台灣麵好軟好滑，連湯底同食更香口又唔會太咸，再加上配料好豐富，有：半隻入味滷水蛋、粒粒黃金粟米粒、青綠小唐菜、香辣薺菜、軟腍紅蘿蔔，真的好健康又好好味！2. 黑糖冬瓜檸檬台式飲品好多選擇，有珍珠、冬瓜、黑糖不同配搭等，點了熱黑糖冬瓜檸檬，既清新開胃又酸酸甜甜，好滋潤又暖胃！好滿足！

Stopped by the Hysan food court few days ago but didn't have anything specific in mind; wanted to try something new and decided to give this Taiwanese bento place a shot; there's a wide selection of noodles and rice plus a long list of drinks on the menuthe bento comes with corn, vermicelli, veggie and egg as standard plus a meat of your choice. It tastes pretty good and surely is bang for the buck.

抵食台灣便當，係food court都有好野食！百芳滷雞髀便當$63//非常豐富🤩大大隻雞髀好入味！配上滷蛋，粟米，肉操同其他配菜，好滋味呀😍紅豆豆乳$12(跟餐價)//即係紅豆加豆漿，味道正正常常，唔會太甜！配埋個便當好滿足又好飽🤣

希慎廣場裡的FOOD COURT會令你有心大心細，中日韓港式但價錢大約$50~$80不等，座位多係個聚會好地方。每次我都食丸x彈彈日式烏冬店，貪佢多選擇炸物，今次就試台式便當價錢大約由$59-63套餐1至8款，另一餐牌係牛肉麵及撈麵類別，便當均附飲品一杯(3選1)︰阿薩紅茶、茉香綠茶、碳焙烏龍可轉熱飲啲是次食百芳豬扒便當。共7款台式小食︰滷水雞翼、皮蛋豆腐、炸花枝丸、古早味香腸、滷蛋、鹽酥雞百芳豬扒便當由飯至餸份量充足，半隻滷蛋、粉絲、粟米、酸甜開胃的酸菜便當味道少許鹹合哂食濃味的朋友，嘆埋杯熱紅菜同朋友傾吓計，yeach美味的晚餐

今晚同朋友去咗銅鑼灣希慎， 咁見到有啲肚餓, 於是試下佢樓上間台灣便當。皮蛋豆腐： 其實佢呢個皮蛋豆腐， 我幾鍾意佢個豆腐，因為佢個豆腐黃豆味十足 ，同埋個texture都做得好好， 所以呢個餐前小食我覺得係幾好嘅。香酥炸雞腿便當: 其實我第一次試呢一間嘢嘅便當， 個伴菜其實我覺得都幾好食同埋佢亦都落咗一啲粉絲同粟米， 每道伴菜都幾平均，飯量適中不是太多，啱女孩子份量， 講番個主角雞腿其實佢呢個雞脾，雞皮脆口同埋個雞肉亦都好嫩滑。鹽酥雞便當： 其實呢個便當，個配料同上高嘅炸雞腿便當啲配料係差唔多全部一樣，但佢呢一個唔同就係佢個主角鹽酥雞，佢個鹽酥雞 其實同台灣嗰啲都差唔多，都有台灣特色同埋佢炸上嚟冇落咁多粉， 因為有D飯堂真係粉仲多過肉但呢一度嘅便當鹽酥雞反而所以都恰到好處。讚!所以如果有朋友經開銅鑼灣 ，可以不妨試下呢一度嘅便當， 佢個便當set 連飲品的價錢大衆化，同埋最緊要就係好食。

位於希慎廣場11樓food court。行街行都唔知食乜好，走到11樓，food court 勝在多選擇，可以慢慢揀。百芳滷雞翼便當：雞翼滷得好入味，有濃濃的五香味。漬菜同粉絲帶微辣，少少刺激，幾開胃。滷蛋好香，不會過硬。海量嘅粟米同菜，可以豐富便當之餘，仲可以增添纖維營養。香酥炸雞腿便當：雞腿外皮炸得有點老，卜卜脆得黎有點似柴片。但係雞腿肉都尚算嫩滑，而且佢大大隻，配飯很好味。另外，佢選用嘅池上米好Q彈，口感好像珍珠米。台灣腸：份量幾多，香香甜甜，味道軟糯。黑糖珍珠鮮奶：黑糖味濃，所以有點偏甜，珍珠都好彈牙有口感，可以當甜品食。南投桂花烏龍：開蓋有陣陣桂花清香，烏龍茶可以解掉雞髀的油膩，不錯，仲要冷熱同價，正。

這一間是我在網上瀏覽別人的美食介紹時知道的，有朋友也吃過，她說味道不錯，於是趁剛好來到銅鑼灣這邊時就試一試。點餐前看見很多人都點了香酥雞腿，但我對雞翼情有獨中，於是點了香酥雞翼便當😛。便當有跟餐飲，可選指定的三款或是其他飲料正價減8元。本來想喝芝士奶蓋系列，但發現原來這間是沒有的，於是點了洋甘菊金萱烏龍+$5 要了芋圓。香酥雞翼真的很好吃😍其實我想應該是沾了炸粉的生炸雞翼，外皮脆脆的很香。便當的飯量比我想像中的多，配料也很滿。而飲料方面，我沒有選擇甜度，但不會很甜，有淡淡的洋甘菊味道。芋圓的數量也滿多，小小的一顆，但不是喝每一口都能吸到，結果烏龍喝完杯裡很剩了很多芋圓😂 口感亦煙韌，不過好像沒甚麼味道。不過雞翼的美味道絕對會回頭~😀

We came here after work to grab a quick dinner at the food court. Luckily, we found this little Taiwanese bento gem that offer a variety of options of Taiwanese flavors. We picked the marinated chicken leg 🦵 and the minced pork meat at the end. the chicken leg was big and they included a lot of sides like corn egg and veggie too which made it more well balanced. we also added a small snack which is the fried squid balls! the squid balls tasted good but the prefect flavor. It was delicious and de

銅鑼灣希慎廣場的Food Court是當不知道想吃什麼時候的好去處，基本上怎樣都選到一種可以吃的餐廳。今次試試台式便當，價錢又挺划算，份量超多。百芳豬扒便當:豬扒挺大塊，有點油膩，但是味道不俗，肉質也不軟不實，容易咬口很多配菜，感覺挺有驚喜，飯面上鋪面了粉絲、粟米肉碎，椰菜及一些味菜，混合飯吃挺下飯的飯量很多，對男生來說剛剛好，女生有點多茉香綠茶:隨餐附送，味道一般，一入口有點難喝，但喝多兩口就易喝很多

今日放工 到銅鑼灣希慎廣場睇書， 想感受下文青生活， 要做文青就要做得徹底， 之後就去咗food court搵咗間台灣餐廳繼續文青生活。見到店員都係講台式普通話， 淨係呢個小細節以令人感到佢嘅食物應該係會非常正宗。我點咗個鹽酥雞便當， 呢個鹽酥雞同平時喺台灣餐廳食到嘅 都有幾大分別， 我覺得 都算各有千秋。 佢嘅鹽酥雞 冇咁多炸粉， 但一樣非常香脆。便當裏面仲有粟米肉粒同埋粉絲， 之前從來未食過呢種配搭嘅便當， 但原來呢種mix-and-match嘅方式 又算係幾特別， 食落都幾開胃。另外 點咗個台式 豬肉腸， 香腸嘅味道係偏甜， 咬落啖啖油香， 作為小食嚟講我對佢 都幾滿意。

適逢雙十節中華民國國慶日，一於應下節去食台灣野。希慎廣場有唔少不同類型嘅餐廳，例如快餐漢堡店、日式拉麵、韓國料理、港式燒味飯等任均選擇。今晚就試左百芳池上便當。台灣焢肉便當🍱便當嘅配菜種類同份量都好多，有酸菜、椰菜、玉米肉碎、香炒粉絲同埋滷蛋等。紅燒豬腩肉肥瘦適中，煮得幾入味。百芳滷雞腿🍗便當，雖然主角係雞腿，但配料一點都唔馬虎，配埋白飯一齊食相當美味。如果白飯嘅份量再多D就好喇！小食皮蛋豆腐味道一般，豆腐質感比較實唔夠滑，個汁好濃味道偏咸。飲品同便當同樣出色。無糖凍頂烏龍茶茶味清香；豆乳布丁其實係豆漿加入左香滑雞蛋布丁。

今日去咗希慎買書睇睇完書就梗係要食啲嘢啦 去咗樓上food court度睇吓有乜食行完一轉見到呢一間百芳池上便當幾吸引有啱啱地想食台灣野就買黎試吓呢間店舖主要有不同種類嘅便當同埋飲品小食我哋兩個人就叫咗個百芳滷雞翼便當 $54，百芳滷雞腿便當 $63 , 每個便當都免費有飲品 如果要特色飲品就原價減$8 再叫多個小食皮蛋豆腐 $20好快就攞到嘢食返座位 便當造型非常可愛 真係十足十台灣便當咁 每個便當均已經附上三款配菜 有粉絲 粟米同埋榨菜 非常之好送飯 雞翼 雞腿滷得入味 皮蛋豆腐 豆腐滑 皮蛋都有流心 混合食不錯！飲品選擇左特色冷泡茶 真係送上一整支泡茶 茶香入味 清新 飲完之後個樽仲可以拎返屋企 循環再用 另外再叫多個金清茶王加珍珠 珍珠比較甜左少少 好彩金清茶王叫咗微甜 中和完就感覺OK 兩個人埋單都係百幾蚊 性價比不錯啊！

自己平時好少食foodcourt，除非趕時間。今日同朋友約左9點係維園打波，係8點半先到銅鑼灣既情況下，去左希慎廣場foodcourt。由於只有30分鐘，我地揀左呢間比較少人排隊既「百芳池上便當」。餐廳主要賣台式便當同台式飲品。飲品選擇頗多，種類多到好似間台式飲品店咁。每一個便當既配料都有滷水蛋、粉絲、粟米、鹹酸菜同椰菜蘿蔔絲。我叫左百芳豬扒便當，豬扒非常大件，幾乎蓋過紙盒。外皮酥脆內𥚃幾juicy。粟米好甜，每款配菜撈飯都幾夾。唯一挑剔既係滷水蛋唔夠入味。朋友叫左香酥炸雞腿便當。配料同樣包括粟米、椰菜蘿蔔絲等。炸雞腿賣相非常邪惡。外皮脆卜卜，肉質幾嫩，性價比高。炸花枝九食落唔算太油膩，魚肉幾彈牙。飲品方面我叫左珍珠奶茶。茶底奶香濃郁，不過珍珠軟硬度不穩定。朋友叫左黑糖珍珠鮮奶，牛奶味比普通珠珍奶茶更香濃，而且甜而不膩。下次再嚟希慎foodcourt非「百芳池上便當」不揀。

今日行過銅鑼灣時間緊迫於是就走上希慎food court 睇下有咩快餐醫肚諗住求其搵個快餐黎食下點知就俾我見到間台式便當好得意喎於是就叫一個黎試下我點左個豬排便當係台灣既味道呀豬排同汁料都係台灣果種香酥肉質唔錯不過汁料唔夠多另外再加左杯珍珠奶茶不過就偏淡喇