百芳池上便當 (希慎廣場)

营业中

休息中

跟住姐姐去搵食，銅鑼灣商場多多，希慎廣場算是最新最型格，搵食向上走，11樓美食經常換下新店，今日我揀了台式便當，個名叫百芳池上，來自台灣，果然文雅。又抵食又豐富，因為揀咗主角之後，仲包精選配菜三款、滷水蛋半隻、白飯及飲品。有甚麼揀，共八款，豬扒、炸雞腿、炸雞翼、滷雞翼、滷雞扒、滷肉、控肉、鹽酥雞，睇清楚其實係揀雞或者豬、炸或者滷。香酥炸雞腿便當台灣焢肉便當金橘檸檬珍珠奶茶香酥炸雞腿果然出色，要等10幾分鐘絕對是值得，即點即炸，皮脆肉嫩唔假，調味剛剛好，極香煎炸及雞味，入口只覺好正，飯有汁，有粟米，味道極之好。相比之下，同樣是魔鬼的焢肉失色了，看來肥瘦相間，我覺得未夠肥，但滷水味很好，大大片，一定夠飽。疫情關係，剛才跟足規矩，控制出入人人量溫，只可坐半滿，準時八點收枱，我可作證，要堂食，記得早啲到。

疫情一波又一波好似不會停下來一樣，今晚收工後逛了一會書店後打算到food court買份外賣。還不是每一間餐店都有開晚市，最後在有開的店入面選了台式便當。估不到的是人流真的少得恐怖，剛點完的外賣立刻就有！每份都有分開放好，感覺比較安心！回家打開才發現點了的雞腿便當的size有多巨大!!!雞腿大件厚肉之餘也很嫩滑!最欣賞的是醬汁入面得來沒有太濃味，所以巨型便當也沒有吃得人太膩除了主菜，便當還附了粉絲、菜和雞蛋等等，吃得超滿足！！！

午餐時間來到food court 食個快飯，離遠見到呢間熱鬧非常，有不少人排隊，於是就決定係你啦！本來想吃雞腿便當，店員很友善地提醒要等18分鐘，於是轉戰鹽酥雞。鹽酥雞份量挺多，兩個人分享每人也吃到4-5顆。便當有很多配菜，特別喜歡旁邊的粉絲，經過調味後十分香。另外叫了豬排拌面，豬排已切好一塊塊，方便客人進食。而豬排比較薄，調味偏重，很適合伴麵。麵條質地十分特別，是很彈牙很滑的，配上鹵水汁。也加了台式香腸，份量十足。便當餐還有茶附送，提醒各位可以叫小甜，我沒有意識茶會加糖所以忘記了，對我來說有點太甜了哈哈。

由於疫情關係 ，連台灣都沒有辦法去， 一個人更心癢癢掛住台灣的美食， 由於在銅鑼灣工作的關係 ，看到一間專賣台式便當， 便二話不說去嘗試 ，便當有多款食物可以選擇，大致有八款，當中一定有有滷肉飯香酥雞等等，我選擇了鹵水雞扒便當，而當然亦有著名台式奶茶飲品可供選擇 ，先講一講雞扒便當 ，入面有多陪菜有粟米、半隻雞蛋、粉絲， 酸菜。 四款配菜都分別放置了四角位置 ，看上去十分整齊 ，鹵水雞扒份量十足， 尺寸有一隻手掌那麼大， 食落去鹵水味很濃烈， 亦都很香肉質很厚身， 而配菜方面， 粟米比較甜，亦都有蔬菜配合番整個便當 ，感覺健康，而最後想講一講的是珍珠奶茶， 珍珠奶茶偏甜， 如果可以的話小甜應該會比較可口， 另外這間店放上菜速度亦很快，歡迎大家去嘗試。

滷雞扒肉燥乾拌麵，滷雞扒充滿滷水汁，味道濃郁，食落肉嫩多汁，肉質厚身；肉燥肉質肥瘦適中，脂肪部分入口即化；滷水蛋蛋味濃香；生菜好新鮮，食落好爽脆；麵條口感爽彈，好掛汁，配以香蔥食用，味道更佳。百芳滷雞扒便當，份量多，原塊雞扒食落好入味，味道咸香；飯粒口感軟硬適中，粒粒分明；5款配菜包括有滷水蛋、粟米肉粒、黃牙白蘿蔔絲、辣椒醬油炒粉絲、醃蘿蔔乾，粟米肉粒味道香甜，肉粒口感厚肉；黃牙白蘿蔔絲口感清脆，味道清甜；辣椒醬油炒粉絲口感爽滑，味道香辣、惹味；醃蘿蔔乾味道香口。芝士奶蓋紅莓果茶，芝士奶蓋口感綿滑，味道咸帶奶香，紅莓果茶茶味濃香，飲落酸甜、清爽。芋圓奶茶，芋圓、地瓜圓、紫薯圓口感煙韌，奶茶口感細滑，茶味濃厚。

疫症仍未全面受控制,  感覺要小心,  我會繼續買外賣, 早些回家慢慢食, 又可以看電視, 銅鑼灣希慎廣場, 11 樓有 Food Court,  食品選擇多.  看見 百芳池上便當 ~ 台式食品, 今晚食便當也好.抬頭看, 食品有多款選擇.  主打台式便當, 紅燒湯麵, 肉燥乾拌麵, 台式小食和飲品. 便當套餐 有八款, 跟一杯指定飲品 (3選1), 價錢 $54 ~ 63.  合理扺食. 我點個 鹵雞扒便當, 指定飲品三款可供選擇:  有阿薩姆紅茶, 茉香綠茶, 碳焙烏龍.   我要 了阿薩姆紅茶. 便當用了圓形天然色仿木盒裝載,  配透明膠蓋.   整潔衛生.   阿薩姆紅茶也是台式包裝, 蓋面印小熊公仔, 靚 !打開飯盒, 雞扒好大塊,  伴有多種配菜及半隻滷水蛋.   上面滿滿肉燥粉絲, 粟米肉碎, 燙青菜, 椰菜, 紅蘿蔔絲........先飲口阿薩姆紅茶,   好解渴, 那印小熊公仔好 cute.雞扒肉質嫩滑, 滷得好入味, 味道很濃郁,  不油膩.粟米肉碎粒,   椰菜, 味道甜美. 滷蛋半隻, 有蛋香, 好好味. 炒粉絲, 柔軟度適中, 滑口.下面的珍珠米飯, 綿滑飽

Ordered takeaway and went over when the app said my order was ready. The guy, busy listening to music on his airpods kept saying my food wasn’t ready and made me wait THIRTY MINUTES before another employee found my food on the counter behind him!

這個禮拜真的不太敢出街，所以趁去銅鑼灣約朋友見面，順道在希慎廣場食一頓早dinner😋——————————🔹台灣牛肉麵 $66每次食台灣菜，一定會叫台灣牛肉麵食😋這個牛肉麵真的很大碗，肉和麵一樣很多👍🏼當中有牛腩和牛𦟌，煮得好入味和軟腍；麵是我喜歡的質地，可以索湯汁的精華，濃郁美味😍🔸香酥炸雞腿便當 $63這裏的便當都有不少款式，今次朋友就叫了最貴的香酥炸雞腿便當🍗賣相非常吸引，有隻大大炸雞腿、粉絲、粟米、半隻滷蛋和菜，超豐富😍😍這隻香酥炸雞腿，味道一啲都唔馬虎，炸到外層很酥脆，但不算很油膩👍🏼粉絲和粟米都簡單炒過，不是簡單煮熟就算，所以每啖飯都很豐富，不會只有肉跟飯🥳好食！🔹台灣夜市香腸 $25一直以來都不是很喜歡食台灣香腸，因為太肥太膩，但食完這個就改觀了🥰因為這裏的台灣夜市香腸外皮烤得很脆，味道很甜，裏面的肥肉食起來不會很油很膩👍🏼食完想再食~~🔸芝士奶蓋金萱青茶二重奏 這裏的飲料都不算太貴，金萱青茶二重奏，茶味很香，搭配厚重的芝士奶蓋，味道剛好😚🔹黑糖珍珠仙草鮮奶朋友是黑糖珍奶控，所以他叫了黑糖珍珠仙草鮮奶，味道偏甜，奶味被黑糖搶去了，但滑滑的仙草和煙韌的珍珠，令人超有飽足感🤪

百芳池上便當,  來自台灣台東池上鄉, 以鐵路便當出名.  我家附近希慎廣場 有一間.  今次不可堂食, 唯有買外賣回家. 看看餐牌: 有湯麵, 伴麵, 便當....   比較之下,  感覺招牌便當 ~ 百芳豬扒, 好岩我. 便當配台式飲品, 只係 $59- ,  好經濟.我的 百芳豬扒便當  配 茉香綠茶 (熱)  包裝整潔企理, 賣相一流. 打開盒蓋, 食物滿 滿的, 立即傳出香噴 噴的豬扒味.   炸得金黃色的豬扒, 好大塊, 已切開成五小塊.   薄薄的脆漿, 咬落口感好鬆軟.豬扒調味好, 送飯至正.伴著豬扒, 還有豐富配菜:  清甜的玉米粒, 椰菜, 粉絲, 肉碎, 鹵蛋等. 我好喜歡食那爽滑粉絲, 不油膩. 鹵水蛋半隻, 鹵水味濃有蛋香,  米飯粒粒飽滿又綿滑.  附送台式茶, 熱茉香綠茶 , 口感香滑, 綠茶健康有營養.這個外賣便當,令我感受台式料理的風味.  真不錯. 

今日去銅鑼灣希慎廣場行街街，見有d肚餓就走咗上去food court 睇下有d咩好嘢食，行咗個圈見到有間百芳池上便當，就走埋去睇下order d咩好嘢食。 點咗一個紅燒湯麵系列-紅燒牛丸牛筋麵，便當就點咗香酥炸雞腿便當，另外飲品就叫咗黑糖珍珠鮮奶同埋黑糖冬瓜檸檬。先講紅燒麵，湯底味道濃郁有微辣，拉麵就煙煙靭靭有嚼口，好有台式風味，入面嘅牛筋超多而且每一塊都超入味，牛丸就非常彈牙而且爽口。香酥炸雞腿便當個雞腿係用台式煮法，唔會話有太多炸粉，隻雞腿超大隻而且入面超多肉汁，便當有粉絲、粟米、少少肉碎、醃菜、蔬菜，非常豐富特別係要講個粉絲超好味。黑糖珍珠鮮奶入面d珍珠好qq，撞埋珍珠一齊飲非常解渴。黑糖冬瓜檸檬甜甜酸酸夏天飲超開胃，而且冬瓜亦都可以解暑。如果下次有機會去銅鑼灣或其他區嘅百芳池上便當，我一定會再試其他便當同埋紅燒麵嘅口味。

疫情底下，四出搵食主要都係搵快靚正嘅外賣美食。好彩希慎嘅美食廣場仲有開！今次買台灣便當返屋企做晚餐～差唔多成年冇飛台灣實在好掛住滷肉飯同焢肉飯🔥🔥百芳池上便當包裝都幾靚整齊一袋～拎返屋企享用☺️☺️唔好睇佢個盒好似好矮/好扁平，就以為好少！分量係一啲都唔惹少！食晒成個便當之後，好飽！好滿足！有兩大塊焢肉，分量真係好多，好正！皮層充滿骨膠原，口感彈牙，仲會漿住個口🤤🤤味道亦都唔錯台灣既味道❤️❤️唔會太咸，食完亦都冇好口渴嘅感覺👍🏼便當入面仲有啲粟米🌽、粉絲、醃製蘿蔔，同埋西蘭花，令到白飯口感更加多唔同層次，營養都均衡啲～成個賣相都幾精緻，令人食得幾開心🥳另外，仲叫咗杯黑糖布丁鮮奶因為而家喺街飲唔係太方便～所以不如買埋返屋企慢慢嘆～由於係有黑糖所以成日杯嘢都比較甜，布丁非常之柔軟滑溜❤️❤️❤️而且唔會好甜，可以中和下鮮奶嘅甜味，我飲/食晒！成杯吉左😎😎

今日收工又要去銅鑼灣，之後去左希慎睇下有乜食，點知禁堂食第一曰嘅希慎，靜得可憐！😔😔有啲餐廳直頭唔開，所以燈光都好暗！我喺十一樓行左一個圈，發現哩間台灣野都算係多人，於是行去睇睇。好快我決定食滷水雞扒便當，本身個餐有指定飲品，不過可以加錢轉第二樣，所以我叫左個芝士奶蓋鐵觀音。因為有好多人落左外賣速遞，所以等左大約十分鐘先有。先講主角雞扒，雞肉唔鞋兼冇骨，而且好入味；半隻滷水蛋都係好入味；有啲高麗菜同粟米粒，感覺營養豐富，仲有粉絲加左少少微辣嘅榨菜，好野味，每一啖都有爽脆嘅口感，加上少少滷水汁，絕對好送飯!芝士奶蓋鐵觀音，奶蓋creamy，茶香，但係我最鍾意係飲飲下會啜到少少杰杰地嘅芝士，果然係芝士奶蓋呀！

前幾日去咗希慎廣場個 food court 買外賣🥡見到百芳池上便當 排長龍的台式餐廳🇹🇼 .鹽酥雞便當🍱鹽酥雞外皮炸到酥脆，入面嘅雞肉唔柴😆便當仲有多款配菜😍粉絲、菜脯、滷蛋🥚粟米🌽同青菜🥬菜脯辣辣地幾惹味🌶滷蛋顏色雖然唔深，但非常入味😋真係同台灣便當一樣咁豐富.台灣牛肉麵🍜有牛𦟌同牛腩🐂切得細嚿但多，食起上尼會易夾啲🥰質感軟腍易咬，牛味濃😉麵條粗扁，有咬口😜紅燒湯底正宗香濃🤤配料有芫荽🌿酸菜、滷蛋、小唐菜、紅蘿蔔、白蘿蔔🥕蘿蔔甜得尼又索曬湯.芝士奶蓋夏日荔枝紅茶🍹芝士奶蓋好有厚度，芝士鹹香味道突出，口感香滑🧀荔枝紅茶唔太甜，茶味濃👍🏻.黑糖珍珠仙草鮮奶🥤珍珠 Q 彈😙加埋仙草，啖啖都好多料😌不過個人覺得黑糖多咗啲🤔略為有少少過甜

同靚女去誠品睇完書要醫肚仔，最方便就係上11樓food court搵嘢食😌。見到呢間台灣餐廳都幾多人等緊😯，咁受歡迎就試下啦。🇹🇼 香酥豬扒肉燥乾拌麵 ($64)🇹🇼 鹽酥雞便當 ($59)🇹🇼 皮蛋豆腐 ($20)🇹🇼 芝士奶蓋金萱青茶二重奏 (跟餐 $26)🇹🇼 芋頭豆乳小芋圓 (跟餐 $24)👉豬扒和鹽酥雞都同樣好香又啖啖肉，肉燥好惹味，乾拌麵好彈牙口感好，便當的飯連拌菜食唔錯。豆腐質感都幾實淨，夾起來不會散。👉飲品方面，二重奏有金萱青茶的茶香同時可與濃厚的芝士一起喝；另一杯喝上口有很多芋頭小粒，香芋味濃。吃過後我對food court另眼相看，想不到能找到令人相當滿意的台灣美食💯，而且價廉物美，絕對是行希慎後醫肚的一個好選擇👍，bookmark下次再光顧，就算排隊下單和等食物前後要需時半小時也是值得。

今日去開銅鑼灣工作，來到希慎廣場11樓，平日中午也好多人買外賣。因疫情關係沒有外遊，就食台式餐廳補番數！叫了個「百芳滷水雞扒便當」$63，中午是配3款茶飲，但我想飲其他飲品，加咗錢轉左鐵觀音拿鐵，大家可以選擇無糖少甜！太肚餓選了小食炸花枝丸$20！等咗大約10分鐘 就可以取食物，中午繁忙時間來說也是快！滷水雞扒好厚一大塊，滷水好入味 雞扒吸晒味道，咬下去好juicy, 不會太柴！旁邊配上每日三款小菜，仲有半隻蛋，有粟米，雜菜等！感覺好健康，$63有多款配菜 CP值好高！飲品也是好飲，叫了少甜 岩岩好！茶味十足，大推，好有台式風味！炸花枝丸是脆卜卜，剛炸好，加分不少！下次也選選其他選擇先！