百芳池上便當 (Mikiki)

营业中

休息中

又係出街食飯嘅時候啦！今日就嚟咗呢間食台灣野，其實之前都食過㗎喇不過太耐冇食，我本身就好鍾意飲佢個黑糖珍珠鮮奶嘅，就算唔食飯都會買一杯嚟飲。今日食堂食，叫咗豬手飯同埋牛丸牛筋面，嘢飲就梗係叫咗黑糖珍珠鮮奶同埋奶蓋玫瑰鐵觀音。豬手飯就好足料，有勁多細細舊嘅豬手用嚟送飯，佢嘅豬手係有種好似薑醋咁嘅味道酸酸地，所以好容易入口，加上肥膏唔多，食完都已經好飽，另外朋友碗牛丸牛筋面就話我湯底好正，牛丸好彈牙，牛筋就好冧，嘢飲方面，黑糖珍珠鮮奶依然係我最鍾意嘅飲品，朋友嘅奶蓋玫瑰鐵觀音，佢就話茶味好濃，奶蓋就飲得出有芝士味同埋鹹鹹地嘅鹽味。叫咗一碟腸仔，就似係台灣夜市食嘅烤腸仔。總括嚟講依間都可以係幾個月就食一次嘅台灣野，最推介就梗係黑糖珍珠鮮奶啦

呢排成日叫外賣，想搵啲健康少少、營養均衡啲嘅飯盒。之前喺太古百芳池上便當買過外賣便當覺得唔錯，有肉、有菜、有蛋、有配菜。今日去開mikiki 附近，發現原來都有呢間餐廳，所以去買番個外賣便當。滷雞翼滷肉飯便當 ($59) 滷雞翼便當 ($54) 兩個餐都包一杯紅茶，價錢還可以，味道正正常常，無太古城店咁好食。本身叫左滷雞扒便當，山長水遠攞到番屋企先發現比錯左滷雞翼便當，因為本身唔想食雞翼，都幾失望！用Openrice 落order, 張單都係印雞扒，收左雞扒錢比左雞翼飯。我打番去同店員要求退番差額，佢哋都願意退錢，可以用支付寶或微信退番比我😓下次如果想食都係去番太古城食。

今次放工之後去左新蒲崗的百芳池上便當到食飯我地叫左一款鹽酥雞便當同瀂水雞扒肉燥拌麵首先先講下鹽酥雞便當先，作為鹽酥雞愛好者，我覺得佢份量足夠又大粒，食落都脆既，但就似係就咁炸，無落粉漿炸，唔太似平常食既果啲，但整體都好味既！另外，便當既配菜有菜同栗米，撈埋飯食都唔錯。而有啲驚喜既係佢有炒粉絲，令個味道唔會太單調，欣賞！至於瀂水雞扒撈麵，雞肉都幾嫩滑，味道唔錯。但撈麵就有啲失望，因為味道唔太足夠之餘，咬落都好淋。其實跟餐都會送野飲，如果你好似我咁飲茶唔鐘意甜既話，就要記得叫走甜啦！不過你地都可以加少少錢轉特飲既。

為左試下台灣野，行左去新蒲崗，買左一個滷肉飯便當（$54）加珍珠奶茶（$12）......滷肉便當：滷肉不是很多，半隻蛋，粉絲粟米偏多，滷肉便當味道一般般，滷肉太小變咗粉絲粟米撈飯，可能應該要叫配料多一點的便當....珍珠奶茶：奶茶味道不是太好味，但珍珠幾好有少少甜味，但幾有口感......總體來看，比起真正嘅台灣便當，味道差少少，唔會有想再一食再食既衝動價錢方面：便當包飲品，一個套餐價錢也算可以

📌食物總評 (5⭐️最高，💫為半星，由高分起排)1. 肉燥炸雞腿乾拌麵包飲品 $62⭐️⭐️⭐️⭐️⭐️2. 鹽酥雞便當包飲品 $59⭐️⭐️⭐️⭐️⭐️3. 半筋半肉牛肉麵 $68⭐️⭐️⭐️⭐️💫4. 紅燒牛丸牛筋面 $59 ⭐️⭐️⭐️⭐️.♨️♨️♨️.📌餐牌.👇有傳統台灣紅燒湯麵.👇也有台式便當.👇飲品及下午茶餐牌.👇台式米漢堡.♨️♨️♨️.📌詳細食物評語.🥇🏆 1. 肉燥炸雞腿乾拌麵包飲品 $62⭐️⭐️⭐️⭐️⭐️.我本身好喜鹽酥雞，想不到這隻炸雞腿竟然成為冠軍。我怕熱氣，所以等到吃完成碗拌麵後才吃這雞腿，我朋友告訴我她之前也是等了很久才吃都仍然很脆，我不太相信。竟然！竟然到我吃時還真很香脆！不會太硬！👍😋💖炸雞髀成為全晚冠軍🏆..肉燥拌麵有半隻滷蛋，肉燥也多，足夠撈麵。個麵還包一杯飲品，凍茉莉綠茶走冰微甜不錯。..♨️♨️♨️.2. 鹽酥雞便當包飲品 $59⭐️⭐️⭐️⭐️⭐️鹽酥雞便當🍱也是包一杯飲品，我要了熱烏龍茶走甜，就像一般熱烏龍茶，我覺得我上面提的凍茉莉綠茶走冰微甜好味多了。鹽酥雞香口，便當有滷蛋、粉絲、粟米、菜圃等。.♨️♨️♨️.3. 半筋半肉牛肉麵 $68⭐️⭐️⭐️⭐️💫.麵湯有點辣，想要麻辣可加$5轉麻辣湯底，又或不吃辣的朋友可改轉清湯

星期六下午在「太子」飲完一杯還有「朱古力」甜味，整體味道不算苦澀的「朱古力咖啡」，還有一件沒有固定口味的「神秘蛋糕」甜品之後，我乘坐巴士從「太子」返回「新蒲崗」。今次我沒有購買外賣自取飯盒食品作為晚餐，改為在「新蒲崗」大型屋苑「譽港灣」，「譽港灣」裡面的商場「Mikiki」尋找晚餐場所，結果給我發現「Mikiki」裡面有間台式便當主題餐廳，餐廳的名稱叫做「百芳池上便當」。雖然「百芳池上便當」價目表裡面提供的食品，主要以台式「便當」為主。台灣的「便當」食品，主要流行於民間裡面平民的外賣食店，感覺跟台灣鐵路火車站裡面售賣的「便當」十分相似。由於「百芳池上便當」門口沒有設置店門跟牆壁，所以我食客光顧「百芳池上便當」的時候，還是需要跟其他食客一樣，先到收銀櫃檯的面前付款購票，然後才能等候到食店侍應端着食品送過來。另一方面，「百芳池上便當」裡面的台式便當飯盒，食品風格跟台灣菜裡面的食品十分相似，白飯都混合了不少豬肉肉碎，跟甜味滷水汁而成的台式「肉燥」，本來不屬於最適合我的晚餐。偏偏我光顧「百芳池上便當」的時候，時間還是剛剛下午六點正而已，距離「晚餐」仍然有一段距離，反而把「百芳池上便當」食品當作

每次去親台灣都一定會飲好多好多珍珠奶茶！感覺上台灣的珍珠奶茶係特別好味，有獨特嘅風味，而家暫時冇得去台灣住，真係好掛住！同事推介我嚟呢度嘆茶，話呢度啲口味同台灣好相似，應該會啱我！所以放工就黎試吓。#慢滷豬手飲品便當🍱 外型別致擺盤像媽媽親手整的便當一樣，感覺好窩心！豬手從外型睇得出係b b 豬手，所以口感比較嫩滑，有好幾舊，份量都OK，仲有些少配菜和粟米，送飯唔錯👍#牛筋麵配紅燒牛肉丸 牛筋蚊到好淋，入口軟糯，係我最鍾意食嘅口感！牛丸肉質彈力十足，好像內置air一樣咁有回彈力！而且一咬開還有爆汁效果，絕對是非常回味！這款台灣麵質地也很好吃，麵條充分吸收到湯汁，飽滿而富韌度，口感很好👍#夜市花枝丸 炸完再調味嘅花枝丸，香口惹味，絕對同台灣夜市買嘅有得fight!#濃淳奶茶和黑糖珍珠鮮奶 試咗兩款發現呢度啲奶茶真係好好飲！同事無介紹錯！味道濃郁唔會太甜，奶同埋茶嘅比例非常好，甚有台灣風味👍黑糖珍珠鮮奶亦非常到位，奶香十足！珍珠煙韌口感一流！

今日又去左住Mikiki附近既朋友屋企玩晚飯時間落了Mikiki看想吃台灣菜的朋友介紹了這間 — 百芳池上便當皮蛋豆腐豆腐香滑 凍凍的配上蠔汁和鰹魚乾挺特別的配搭 味道也不錯加上了皮蛋更豐富炸雞翼肉燥乾拌麵炸雞翼外皮炸得香 內裡肉質嫩滑滷肉配上香濃的醬汁 帶陣陣蒜香拌上麵條好滋味 伴有滷蛋 正百芳滷雞扒便當雞扒大大件 吃下去啖啖肉雞肉便當還配有粟米肉鬆、炒粉絲、菜、滷蛋和蘿蔔乾 多重味覺享受 芝士奶蓋碳焙鐵觀音先喝一口芝士奶蓋 濃濃芝味 正再混和鐵觀音一起喝 芝士味和茶味混為一體味道十分搭 每一口都好滿足 推薦金橘檸檬酸酸的 開胃又醒神

商場內都可以找到台灣味道。香酥豬扒肉燥乾拌麵。肉燥拌麵，肉粒屬大粒，拌勻後剛剛好令每口麵都充滿肉燥醬。豬扒大塊，啖啖肉。配搭起來更加豐富。鹽酥雞便當。想不到便當份量十分之大，配料很豐富。雞粒香脆，一咬開內裏充滿了肉汁。除了有鹽酥雞外，配料蘿蔔粒粟米粒亦很出色，十分香口，配飯一絕。還有粉絲，便當充滿不同口感。可加配小食，加了炸花枝丸。 套餐配送飲品，亦可加錢轉其他台式飲品。轉配了熱黑糖紅豆鮮奶。味道調配得好，有黑糖甜味，亦有紅豆豆香味。還點了凍芝士奶蓋炭焙鐵觀音。芝士奶蓋很厚，鹹鹹地。鐵觀音茶底很純。

餐廳是先購票再入座，在門口量了體溫，買了餐就可以坐好，等餐送來。餐廳好光猛，地方感覺乾淨。台灣便檔，有滷水或酥炸選擇，要了滷水雞扒便檔。便檔好足料，飯好多，件雞扒又大大塊，還有粟米肉碎，菜和粉絲。配菜的味道好好，以雞扒亦滷得好入味。飲品跟了我最愛的黑糖珍珠鮮奶，好味。紅燒台灣牛肉麵，湯底夠哂味，還有小小辣，加了酸菜，味道真係好。麵質煙靭，好彈牙。小食要了台灣夜市香腸，香腸皮好脆口，腸肉味道又好，這個整得好香口，台灣香腸真係特別好味。荔枝紅茶，真係好大杯，低飲。

無得去台灣～唯有食啲台灣嘢止吓引！呢間餐廳嘅台式便當真係好似台灣咁大大份又多料🤩超級滿足啊！香酥雞翼便當雞翼大大隻啖啖肉之餘，仲炸得啱啱好！好鐘意下面有粟米同粉絲 可以撈飯食叫咗個皮蛋豆腐上面醬汁非常惹味，20蚊都真係幾抵食👍🏻香酥豬扒肉燥乾拌麵 不得不讚個豬扒真係好有水準，無骨厚肉得嚟又夠鬆軟，同埋又夠入味！乾拌麵麵質OK，加上肉燥唔會太油膩！推薦大家叫呢個～呢間餐廳嘅飲品俾咗我一個大大大驚喜！因為通常餐廳嘅飲品會無出面手搖店果啲咁好飲！但呢度無論係飲品嘅種類定質素都同手搖店一樣高👍🏻👍🏻👍🏻芋頭豆乳小芋圓強力推薦啊🤪🤪🤪超多料啊！芋頭同豆乳味平衡得啱啱好！鐘意豆乳嘅朋友一定鐘意啊！小芋圓份量都幾多吓！飲完都真係飽飽地😂不過呢杯都幾甜吓！推薦大家叫微糖😃

午餐時，在Mikiki 打算買外賣，見到每間食肆都要排長龍啊。百芳門口條龍較為短，於是買了炸雞髀肉操拌麵。連埋冬瓜茶一共$71一蚊。炸雞髀非常好食，十分有驚喜。雞髀唔會太過油膩，有少許位置炸得乾，但味道非常好吃，可以抵觸。拌麵亦都好好食，面裏面嘅肉操有肉質，份量足夠。冬瓜茶又唔係太過甜，啱啱好。整體來說一試難忘。這間食肆，算係在新蒲崗裏較為質素好嘅外賣選擇，至少喺呢個商場裏面，已經係top 3 必然選擇。

經過一輪 #工廈活化，加上 #啟德 重建，今時今日嘅 #新蒲崗 已經變得不一樣💙 好多新型嘅食店、教室... 都陸續搬到呢區，可謂 #臥虎藏龍。呢日我就跟埋朋友仔過嚟試堂，順便食埋飯先返屋企。我哋相約喺「Mikiki」集合，再喺商場搵嘢食。有人突然 #珍珠奶茶 癮起，順理成章我哋呢晚就搵 #台式小食 做晚餐，醒起「百芳池上便當」就喺超市隔離... perfect！原來呢度嘅晚餐都幾多選擇，因為時間關係，#小秘書 好快就決定咗，#鹹雞扒便當 配 #芝士奶蓋碳焙鐵觀音，另外加咗個 #炸花枝丸 做 #小食🤩 一般我會要求餐廳安排飲品少甜同少冰，不過通常都係爭咁啲，估唔到 #百芳 又調得幾啱我口味🤤 #鐵觀音 茶香、唔會太甜，#芝士奶蓋 鹹鹹地味道好得意🤤 #花枝丸 #肉質彈牙、面頭加咗啲 #花椒鹽 #好惹味🤤 講到個 #便當，材料非常豐富，除咗大大件 #鹹雞扒 之外，飯裡面仲加入 #滷水蛋、#娃娃菜、#粉絲、#粟米粒... 非常健康💙... 哎呀 明明大家話想減肥先出嚟做運動，食咗咁多嘢落肚，一陣睇嚟要跳多兩粒鐘先得喇🤪

疫情冇得去旅行好掛住台灣，今日放工之後同朋友一齊黎到呢間食返個台式便當止下癮。呢度除了便當外，還有紅燒湯麵和乾拌麵系列，仲有唔同的台式小食同埋台式飲品，選擇都唔少。滷雞扒便當個便當來了之後都幾驚喜，雞排大大塊，肉嫩多汁，完全唔乾柴。配菜方面有粉絲、粟米粒、菜、鹵水蛋、同埋好滋味的菜脯，撈飯一流。食完真係超飽。紅燒牛丸牛筋麵呢個麵個湯底有少少辣，麵質都係便有咬口同掛到湯。最鍾意佢個牛丸，成粒丸完全係啖啖肉，而且入面食到一粒粒牛筋，感覺好真材實料。 小食方面就叫左個炸花枝丸一齊share，唔會太乾，入面仲保持到濕潤。飲品方面就加錢叫左芝士奶蓋金萱青茶二重奏和芝士奶蓋夏日荔枝紅茶，個芝士奶蓋好綿密，青茶解膩，荔枝紅茶係飲得出好濃荔枝味。而且朋友那杯擺到食完飯先飲個奶蓋都冇溶到 落去，感覺落足料打。

其實新蒲崗真係好多嘢食㗎，有平有貴，商場出邊都好多美食。不過今日呢就想坐得舒服啲所以入咗Mikiki呢食呢間百芳池上便當。台灣嘢食通常都冇死嘅，我相信今次都冇，就等我話比大家知我食咗啲咩啦。百芳滷雞扒便當：呢個便當睇相好似唔係好多，但係實物真係大大份，好足料好多飯。雞扒滷完之後，唔會太硬又唔會太林，口感幾好。味道當然都唔錯啦。加埋其他配料，其實都真係幾抵食㗎。百芳牛肉麵：湯底好濃好香，食落去唔係話好特別，但係同平時台灣食嗰啲牛肉麵差唔多啦。其實台灣野黎黎去去都係嗰啲嘢，基本上都係好食。芝士奶蓋碳培鐵觀音、芝士奶蓋玫瑰鐵觀：講開飲品，呢兩杯飲品都真係好好飲。同平時我哋飲開街邊買嗰啲嘅分別唔大。佢俾咗好多芝士奶蓋，飲落去好濃郁嘅奶香味，茶底都唔錯。所以兩款我都會推介，其實係因為見到老闆推介我先叫黎試吓，果然無令我失望！