百芳池上便當 (Mikiki)

营业中

休息中

第一次食呢間，試咗啲台灣嘅嘢食，包括手作布丁豆乳、香酥雞翼便當、臺式三杯雞便當以及黑糖珍珠鮮奶。便當真係好正🥰，有菜有肉，營養均衡。首先係手作布丁豆乳，豆乳入面加咗手工製作的布丁，獨特的口感和香甜的味道都好正。布丁的柔軟結合豆乳的滑順，每一口都讓人感到幸福和滿足。跟住係香酥雞翼便當。雞翼炸至金黃酥脆，外層酥脆內裡多汁，啖啖都係滿滿的香味。臺式三杯雞便當係新品，第一次試。以三杯醬汁為特色，將雞肉燉煮至入味，口感鮮嫩多汁。醬汁的甜、鹹、香完美融合，加上雞肉的鮮，好夾🤤。搭配上白飯和一些蔬菜，這道臺式三杯雞便當給人帶來了濃郁的臺灣風味和滿足感。最後是黑糖珍珠鮮奶。黑糖的濃郁香甜與鮮奶的滑順口感完美結合，珍珠偏軟但有嚼勁，每一口都充滿了濃濃的奶茶風味。

今次Mikiki一田附近嘅餐廳-百芳池上便當餐廳裝修燈光光猛，位子不少。座位空間也不算大但是也可以坐得舒服。百芳台灣牛肉面 $69味道不錯，給的牛肉份量算多。但係有d牛肉偏厚比較有點咬勁。～～～～～～～～～～～～～～～～～～～～香腸滷肉飯便當 $60 （附送飲料）台式飯新選擇簡簡單單一個餐 味道都尚可以仲要跟餐有埋野飲 便當有菜有粟米，蛋，粉絲同菜圃。跟餐有熱/凍飲🥤，加錢可叫特飲，叫咗杯熱紅茶 大大一杯好滿足 無糖但味道都幾好。

百芳涵雞扒便當好好食!除左幾款配菜仲有半隻滷水蛋~滷水蛋同雞扒都好入味,雞扒仲好多汁!好好食!豐盛三品牛肉麵都唔錯 牛肉好嫩 牛丸好彈牙 紅燒牛肉湯底微辣 飲完唔會好頸渴 粗麵更加香👍🏻好食!

今次嚟到Mikiki食飯, 我哋就揀咗百芳池上便當.我哋叫咗 8.台灣鹽酥雞便當 跟碳焙烏龍烏龍茶 同埋 C3.炸雞翼肉燥乾拌麵 (3隻雞翼) 跟阿薩姆紅茶.每個餐嘅份量都好大, 跟餐飲品都好大杯, 差啲食唔晒.味道都好好, 整體嚟講性價比真係好高!!

本身無諗住寫食評，食之前無好好影相😅系新蒲崗呢頭想搵間平平地，又坐得舒服嘅餐廳，不妨試吓呢間百芳池上便當。叫咗個香酥雞翼便當🍱，雞翼炸得好香好脆，雞皮都忍唔住食哂！雖然只得三隻雞翼，但便當有菜有粟米有蛋有粉絲有菜圃，全部正常發揮，夠哂送飯。跟餐有熱/凍飲🥤，加錢可叫特飲，一個人就求其叫咗杯碳焙烏龍，唔記得走甜甜咗少少，但味道都幾好。總結：$58免加一，有菜有肉有野飲，算係好高質👍🏻一個人嘅晚餐，嚟呢間啱啱好😌

台式飯新選擇👍其實要揀間可以岩埋小朋友食既餐廳，係Mikki來講，呢間都好適合❤️簡簡單單一個餐，有蛋有肉有菜有粉絲，仲要好多款小食揀，真係幾岩一家大細食今日中午買左兩個餐外賣番屋企食，鹽酥雞雖然凍左無咁脆，但味道都尚可以仲要跟餐有埋野飲，大大杯 好抵食

🤑價錢約每人 $50-100🪑呢間係唔同地方都有分店 但唔係所有分店都可以堂食 Mikiki 呢間就幾大 坐得幾舒服 星期六下晝去都唔洗等位🤪Ⓙ 滷肉飯便當 $55幾抵食 仲包杯野飲 滷肉肥瘦適中 仲有蛋 粉絲 粟米🌽 椰菜等伴碟 幾豐富👍🏻免費餐飲有紅茶/綠茶/烏龍 都幾大杯 而且唔甜Ⓙ 炸雞腿肉燥乾拌麵 $66麵底可轉米粉等 雞脾大大隻 幾滿足😋想自己加d辣椒油 但佢係中式果隻🤣呢個加錢配飲布丁奶茶🥤有個聖誕feel幾期間限定紙杯 幾cute🤪 好足料 啖啖都飲到布丁🍮 跟餐配特飲仲可以正價減$8

今日難得同朋友一齊去食飯，我地食咗鹽酥雞、魯肉飯便當，鹽酥雞唔太厚粉，好少見🤭魯肉飯夠肥美、汁香，加埋粟米，一口氣食曬，仲有雞蛋、粉絲，成個便當都好多澱粉，杯仙草豆乳都幾好飲，食完好開心地打羽毛球，有氣有力表現令朋友喜出望外

最近特別想食台灣菜，經朋友介紹便嘗試左依間店，店鋪面積不大，但食物味道不錯，鹽酥雞炸得好酥脆，雞肉入味，豬趴肉燥乾拌麵既豬趴好大塊，味道亦都好好，但若果拌面有多少少汁會更好，因為有機會可能係外賣關係，麵底已將汁吸乾，已無汁可以比我再拌麵，建議可以額外分開少少汁讓客人可以因應個人需要加入D麵。

Mikiki 地底一層嘅一餐台式便當餐廳，環境都唔錯，不過有啲位就有啲逼，同隔離枱都痴得埋，如果想傾密偈就未必適合。食咗佢嘅雞髀便當，佢本身跟一杯普通台式飲品(紅茶烏龍茶嗰啲），想飲其他就再加錢。我就飲咗佢嘅珍珠奶茶，正正常常咁，啲珍珠都有咬口，唔錯。而佢嘅炸雞髀好好味，炸得好酥脆，肉質都嫩滑。便當仲有其他配菜，幾豐富，同埋好夠飽。除咗飯，仲有麵揀，同埋好多小食款，都幾多選擇。之後可以再試佢其他便當。

八芳池上主打台式便當，有好多款式選擇，配飯或麵食，午飯時段經常大排長龍，無論堂食，定外賣都一樣咁多人。.🍚香酥炸雞腿便當手掌咁大嘅炸雞腿，即叫即炸，熱辣辣，金黃色嘅外皮，咬落奇趣無比，雞肉嫩滑多汁，炸得非常有水準。便當入面仲有粉絲，粟米，雞蛋，同埋蔬菜，配菜都非常豐富，呢個紙盒嘅便當非常有台灣嘅味道。如果唔想食飯，可以揀肉燥乾拌麵，一樣咁出色。.總括然而，香酥炸雞腿非常出色，雞皮外脆，雞肉軟熟多汁。

呢間係在mikiki 一田supermarket 果層，今次我就試左佢個滷水雞翅配肉燥撈面，但肉燥份量比較少，有部分面冇汁撈食落比較干，如果多d汁會更好佢lunch time 有set 可以選擇，而且配野飲加錢可轉奶茶or 其他野飲

最近真係好為食，成日都想飲台式飲品!😆所以呢一日決定去食台灣野!😎今晚去左百芳池上便當📍在新蒲崗的Mikki📍剛好在附近這到這家，一直有唔同分店🔎所以都決定要試下先!!-我點了台灣監穌雞肉燥乾拌麵🍝最驚喜係監穌雞熱辣辣，香脆又香口!🍖而且食落肉質好嫩滑呀!✔️不過乾拌麵的確口感乾身d，都視爭個人口感🤭我本身好鍾意食麵就好鍾意!🥳-另一款選了台灣焢肉便當🍱原來焢肉係豬肉的意思，大大滿滿的肉🥩🥩肉香加少少的油香，好惹味!🍚仲有唔同配料，食落口感更加豐富!😙終對係滿滿的台灣風味!‼️-小食我點了最愛的地瓜丸，一共有5粒!🍠絕對係煙韌愛好者我選擇😍而且熱辣辣又香口，我鍾意呢個小食!🧡🧡-最後一定要講飲品呀!期待以久!🧋我點了芝士奶蓋碳焙鐵觀音，第一次試呢個組合!😍原來出奇地夾! 好有驚喜!😋芝士的咸香加埋奶蓋，又咸又甜加上鐵觀音🫖清新又濃郁的配合! 好飲!💯-另一杯點了凍黑糖冬瓜檸檬🍋絕對係開胃清新之選!🍐🍏岩晒喜歡酸味的朋友!而且杯身有一隻熊熊，好可愛呀!🧸-滿足的台式晚餐，滿有台灣風味而且價錢相宜，值得一試呢!🎊🎉

身在香港既台灣朋友同我講過，佢覺得百芳係最有台灣味既便當，今日經過foodcourt，買兩份外賣番家試下。百芳除左飯盒便當，仲有湯麵拌麵小食。點左一份鹽酥雞便當，鹽酥雞係分開上，佢比平時一般台灣食店嘅雞又唔同，少咗炸粉嘅外皮，不過鹽酥嘅味道就更出。便當有粉絲粟米滷蛋椰菜，好飽足夠大份。紅燒牛丸牛筋麵，麵底分開上，湯底係香濃既，不過可能外賣返到屋企時間過咗一陣，覺得啲面好似硬左，可能滾翻熱個湯先放落去會好啲，但牛丸就超彈牙，食完想繼續再食。叫多左份地瓜球，呢個我又擺返落焗爐仔度焗熱咗幾分鐘，就咁食好似喺台灣夜市買到咁，好煙靭好脆口。隨餐仲附送阿薩姆紅茶或者係抹香綠茶或者係炭焙烏龍，叫咗後邊嗰兩個，同阿姐講少冰，唔知係咪因為咁，說動起上嚟嘅時候，好甜好甜😌

放工食晚飯，簡簡單單滿足脾胃已經足夠。有時都會食下呢間百芳台式便當，因為好大份同抵食。 台灣牛肉麵嗰湯底同麵底比想像中出色，湯底味道算濃厚，帶點微辣，但飲落去好開胃，好想一啖接一啖咁飲嘅，麵底有點韌度，唔會太爛，幾爽口，而且真係好實在，令人好飽肚。牛肉帶點牛筋，而且煮得夠淋，份量都算多。 滷雞扒便當塊雞扒好大塊好厚，滷水汁好入味，成塊雞扒味道特濃。配菜還有半隻糖心蛋及粉絲，粉絲也有用醬汁煮過，甜甜的很開胃。 花枝丸酥脆外層灑上椒鹽，非常惹味可口。 芋頭豆乳小芋圓豐富的芋泥及Q彈的小芋圓，配上清甜的豆乳，簡直係绝佳的甜品，甜而不膩又解渴。