百樂潮州酒樓

营业中

休息中

我是芋頭控又是月餅怪🥮自從知道潮州月餅會有芋泥餡料就每年都要吃一盒😜潮州月餅其中一個吸引力就是餡料沒有傳統蓮蓉那麼甜💕也不會有脹胃感🥰今年買的百樂潮州酥皮月餅也不例外百樂的酥皮做得鬆脆可口👍🏻蛋黃油份充足😍禮盒內還附小刀和小叉🍴非常貼心💖每盒有🌟蛋黃綠豆及🌟蛋黃芋泥 各2個有原隻蛋黃 
每盒$288 ，買🔟盒送1️⃣盒直接在moko店有得賣我覺得味道和價錢都合理之上食得過呀👍🏻

今天去了旺角百樂潮州酒樓嘆下午茶，由於是平日，容易找到座位。酒樓的座位寛闊，枱與枱之間有透明膠板隔開。這裡的蝦腸皮簿，而且熱騰騰上碟，很是好味，沙薑雞腳很入味，雞腳切成細件，方便人客咀嚼，可惜雞腳份量較少，鹹水角皮脆，裡面的料有汁，也很好味，最吸引的是燒賣，每隻燒賣有兩隻蝦，咬下去帶有肉汁，很美味，其他的點心也有一定水準，如牛肉，牛柏葉等。這一餐要不是有85折，就不算便宜，但酒樓的環境和招呼，事實上使人吃得舒服。

好耐冇出街食飯😊 突然間想飲茶 之前試過銅鑼灣分店晚市覺得幾好就嚟咗呢度試下 🥰 下午茶時間有85折正呀！ 🥰🥰🥰🥰🥰 沙薑雞腳淋硬適中 原本 味道已經調到啱啱好 再加埋沙薑汁更加惹味 😋😋😋😋 蝦餃皮薄滑溜 蝦肉大大粒 好爽彈 😋😋😋😋😋 牛柏葉夠入味😋😋😋😋牛肉球呢度牛肉比豬肉多少少食落牛味重得嚟又唔會太硬😋😋😋😋😋 如果豬肉多過牛肉嘅話咁就冇乜牛肉味變咗唔係叫牛肉球叫豬肉球架啦🤣🤣🤣🤣🤣 牛肉球即叫即蒸出嚟係粉紅色或者紅紅哋啡色 證明咗就係新鮮蒸出嚟係最好嘅狀態😍😍😍😍😍 並唔代表佢未熟除非嗰件嘢係凍嘅😅😅😅 如果見到灰色嗰啲其實已經係蒸咗好耐就唔係即叫即蒸呀😊😊😊 燒賣蝦肉豬肉彈牙😋😋😋😋😋鮮蝦腐皮捲皮脆餡料多蝦又彈😋😋😋😋 鹹水角熱辣辣皮脆加煙韌口感好豐富😋😋😋😋整體食物都好味道 環境大 服務好 價錢八五折之後係抵食嘅🤗🤗🤗

星期六想喺旺角商場搵一間似樣嘅酒樓食晚飯！諗到就係Moko嘅北京樓或者百樂潮州。原來兩者都係只可以食90分鐘，最後揀咗百樂，因為可以打電話去訂位！前者堅持只可以Walk in😞百樂，本來由入門口一刻到坐低感覺都好好…..因為訂咗6:30四位，而我哋三人就6:10到，門口個女仔好好話俾我哋依家入去但係計時就有6:30開始。跟住想點菜嘅時候，決定食豪D，食凍蟹或者翅點知那只一斤左右的凍蟹$1460，我哋覺得吾值，又太細只就決定放棄！最後決定叫咗一個$408套餐有滷水鵝，一中燉湯兩個小菜！然後加咗一個英倉$328+鵝腸$148…後又另加生菜煲$1xx, 蠔仔粥！但食食下已經7:45。D侍應好緊張催加菜或埋單⋯⋯我地想食埋糖水，佢又話冇問題….但糖水8點至到與此同時巳經要埋單⋯⋯ok, 因為夠鐘，不過一邊埋一邊食埋都應該可以掛😔但其間二三個waitress keep 望住我地！我地唯有好快食完起身走啦，我仲同D friend 講算啦。。⋯點知門口根本冇人等枱，有幾急啊⋯⋯老實講，我地都食左$14xx 啦唉…..下次吾去啦、咁趕

呢度每位茶芥$17，前菜鹹酸菜每碟$17，酸酸甜甜，都幾開胃千島明蝦角🦐 （$46）會有四件，夠哂share，蝦角炸到金黃香脆，脹卜卜，入面個餡料有蝦膠，蝦粒🦐都有蝦味而且蝦膠彈牙，加埋啲蝦粒可以增加口感，有啲咬口。係一個唔錯嘅小食牛展拼豬肉卷 🐮🐷🫔 （$50）個鹵水牛展奄得好入味👍🏻，鹹鹹甜甜，兩者得嘅平衡都唔錯，肉質又唔會過硬又有牛展應有嘅Q彈感覺，豬肉卷應該同埋其他配料一齊釀製，口感煙煙韌韌都幾得意，係略嫌個豬味濃咗少少XO醬鮮蝦炒腸粉 🦐 （$58）雖然價錢係貴咗少少，但係質素都唔錯係誠意之作👍🏻，腸粉個份量都幾多，而表面煎到焦香，而入面軟糯，有外脆內軟嘅效果😋，而且配料10分充足，鮮蝦爽口彈牙，仲有埋啲芽菜同蘿蔔絲，令到口感更加豐富煎糯米大腸卷🐷 （$46）同樣你呢間酒樓嘅煎炸要做得好出色，外層係好香脆，入面就釀左啲糯米、花生🥜，全個點心係比較煙韌有咬口，但係就會比較飽制，記得要有朋友一齊食先好嗌🙈芋茸珍珠露🧋 （$36）甜品都要足夠嘅芋頭香味，而且有大量嘅西米，作為餐後甜品都係一個唔錯嘅選擇👍🏻📍百樂潮州酒樓 (旺角)旺角太子道西193號MOKO新世紀廣場5樓523號舖

很久沒有去新世紀廣場 今天趕在11點前到達 因為百樂潮州酒家只有在剛開門時進入才會有位呢百樂潮州始於1967年 以提供正宗潮州菜為宗旨 現在只剩餘四間分店 旺角店內裝修幽雅 保養得宜 雖然開了很久仍不見殘舊我們四大一小 點了12款點心 各有優劣 其中最好味是糖醋煎麵 表面香脆 底層軟滑 充分表現出這款潮州食物的特出之處反沙芋條 芋頭味香濃又軟 外層糖衣脆 超好味哩蘿蔔煮春菜 豬肉卷紹菜 帶出濃濃的潮州味 較為有點失色的是水晶包其中一隻破了皮 豆沙流了出來最失敗的是椒鹽白飯魚 漿粉很厚 白飯魚很細條 其餘的很一般 還有 比較難找到服務員 總括來說是滿意的

一家人吃飯, 吃的是心情. 食物都好吃就完美了. 欖菜肉碎四季豆，略爲太軟身，味道普通。鹵水鵝翼，我吃到有件特別重酒香味，應該酒是後灒的，未夠均勻。鹵水味鹹度不重，多吃也不漏，潮州店鹵水就是靈魂，這個鹵水膽果然名不虛傳。最後一碗蠔仔粥，一位。分2碗，分量剛好。很足料，味道不錯。不是推介，吃潮州菜一定會點蠔仔粥。

百樂潮州係一間比較耐歷史既傳統酒樓，但內裡裝修整潔，味道正常好，價錢唔算貴。一去到酒樓，見到2點後有85折，仲有10分鐘，所以排隊等下午茶。準時安排入座，開茶快，服務好。是次點了酥炸魚片頭，咖哩魷魚，牛栢葉，鮮蝦腐皮卷，肉蘭炒飯，同最重點既鹵水鵝片。點心幾好，唯獨牛栢葉份量較少及口感差啲。魚片頭炸得好好食，唔知點解自己炸唔到呢個水準。鵝片好好食，肉質彈牙有口感，而又淋滑，配以白醋汁，開胃醒神。因有85折，價錢唔貴，而且服務，環境，及味道都在正常以上，值得一試。

早上難得有時間跟家人渡過，就去咗飲茶🫖過下family day🤗可以一齊傾下計每次黎飲茶都會附送潮州功夫茶，一套四杯，細細杯🍵🍵🍵🍵食物方面一定要嗌蝦餃燒賣啦！唔少得叉燒包，全部都好足料😃唔夠飽佢地都有套餐：蟹籽飯+炒雜菇👍🏼雖然入面冷氣好大，好快吹到凍，但食落去都有香味😽

在新世紀廣場等不了自己冇預約但想試餐廳，有些灰心！唯有找其他食店！老公提議去百樂潮州，收到意外惊喜！首先蠔餅好正，份量不細，夠吃！服務尚算 ok.只是太快餐感覺，上菜好快，有小小趕客之感！建議想坐耐些，分開2次點菜！

去咗新世紀廣場行街，唔知食乜好，見到百樂潮州酒樓，我哋未食過呢間，咁就入咗去試吓啦，餐廳裝修偏舊，懷舊風格，座位適中舒適，服務員態度普通啦有待改進。我地兩個人叫左滷水拼盤，滑蛋蝦仁河粉，潮州蠔仔粥。滷水拼盤無セ味道，滑蛋蝦仁河粉賣相好一般見到已經沒有食慾，加上味道普通，潮州蠔仔粥三個之中算係最好（不過都係普通），其實潮州嘢來講價錢唔算貴嘅，不過味道真係麻麻哋，如果要再去真係要考慮吓，因為可以有更好嘅選擇。

四月中的星期六中午 到上址飲茶, 午市$16/茶, 前菜(菜甫)$16, 小$29, 中$34, 大$38, 特$40, 鹵水頂/廚項$50蜜汁义燒腸3條(大)$38 腸粉皮薄帶少許煙靱質地, 饀料多到跌出嚟。無野可以挑剔。潮州煎笋果3件(特)$40 外形有點似鍋貼。如果未食過可以試一次睇下自己鍾唔鍾意?百花蝦球浸魚肚(頂)$50 蝦球夠大粒魚肚爽口但價錢又偏高, 都係可以一試嘅。鮮露筍蝦餃皇4粒(頂)$50 係頂點但材料同粒數交足功課。潮州靚粉果4粒(中)$34 造型好靚見摺痕餡料豐富。椒鹽白飯魚(廚頂)$50 份量偏少但兩個人就夠食囉！油溫火喉拿捏得恰到好處。牛展併豬肉卷(鹵頂) $50 牛展出色下次會再叫淨牛展。安蝦咸水角三件(小)$29 雖然是小點但功架十足。金珠皮出色。潮州煎笋果三件(特) $40 一般吧！想吃可以吃。但亦可以叫其他點心取代。臨尾來一個沙嗲芥蘭牛肉炒河, 十足料及沙嗲醬汁好70's outlook 服務方面: 一般吧！普通酒樓嗰隻, 只見一點午市前開始, 員工好緊張地執枱。不過其實吉枱係有嘅，可以感覺到他們那份緊張嘅氣場。似乎壓力不少呢！

呢間酒樓我都食過好多次，食物質素時好時壞，但係服務態度就非常惡劣，尤其是門口嘅知客，初初我幫襯嗰時有90分鐘食飯時間，有一次我哋未食完就話要我地走，我話唔係90分鐘咩，條知客話75分鐘咋，你哋好快啲走，我想打電話去寫字樓投訴，但係搵唔到電話，不會再去幫襯

如果想食潮州菜，可以不來，應熱嘅餸菜又凍，炸牛丸如普通牛丸炸起咁，豪無特別！仲有果個爛鬼西米露，無味，似溝咗十碗水咁，唉！最大鑊係服務態度勁差！叫十次都無睬你唉如大家無要求都可以一試嘅！或者生意差，肉類都臭臭地，老實講呢啲級數及價位唔係畀呢啲嘢我食啊😔

從來無試過遇到咁忿怒嘅事！嬲到我要註冊會員入黎寫返今日發生乜事！今日禮拜日帶埋一家大細黎飲茶，11:00入座，佢話坐到12:15。一開始叫點心食，到11:45佢話last order，咁我就叫個麵同埋甜品。甜品黎先，我知道時間就到都同您食住先，邊食邊等個麵。12:15，有個類似門口知客嘅阿姐入來話夠鐘喇，我話仲有個麵未黎請佢跟一跟，轉個頭佢走入來答我「個麵無落單呀，您哋好走喇」，我愕一愕然，態度咁差都有！？但都無計，唯有埋單食埋未食哂嘅點心，跟住個阿姐拎張單過黎已非常誨氣。BB女細，食得慢，再過一陣個阿姐又入來又催，我哋唯有走一部份人，留返老婆同阿女執埋啲BB餐具，就係呢個時候，有個執枱阿嬸已率先來執枱，期間將枱面嘅豉油一潑，潑到我老婆同B女成身都係，我老婆大叫，我折返一望，深感極度屈辱，飲餐茶啫，都要俾人咁玩？於是大發雷霆，出面啲經理都入來問我咩事，唯獨個知客阿姐無出現，只係喺門口徘徊，係心虛定係咩事，怕且只有佢自己先知道。肯定嘅係我永遠唔會再幫襯！！！