百味閣餐廳

营业中

休息中

被餐廳名字耽誤的西式餐廳。在浸大收工，同同事相約附近餐廳。她介紹一個環境安靜，食物高質的地方。我到步見到餐廳名初以為係普通餐廳。點知一推門而入。懷舊，優雅，講究而熱情的法餐餐廳情懷撲面而來。服务：服务生講究所有的步驟，有禮，優雅令我好耐未黎果咁講究餐廳唔好意思。因為我穿波鞋t恤😂|羅宋湯^羅宋湯不是太辣，料就好足。|牛油果蘑菇汤^餐廳推薦左是日推薦，有298的龍脷，還有牛油果蘑菇湯，由於之前叫左一個套餐，所以額外我都想加蘑菇湯。蘑菇湯同牛油果的搭配，這種白湯味道係我摯愛。不會太黏稠，當係前菜餐廳一流。價錢也相對親民。|香芒煙三文魚沙律^除左套餐，我地單點了一份沙律，眼見成大盤擺在檯面。擺相吸引，相機食先。煙三文魚柔滑，質感不會冰鮮無味道。芒果就熟度適中。沙律以及其他雜果都新鮮。兩個人分享的前菜真係剛剛好。|青胡椒鵝肝焗肉眼牛扒^同事推薦最貴的套餐係青胡椒鵝肝焗肉眼牛扒，食過之前的沙律可想而知牛扒是幾大份。因為碟上所以選擇七成，188元的價錢鵝肝會有幾多份呢。胡椒粒酸甜剛剛帶走口腔的味蕾。肉眼牛扒嫩口，肉質夠嫩，七成足夠，醬料配搭水準剛剛好。鵝肝焗的味道融入牛扒中，切些少一起擺入口。鵝肝

諗住生日去食下西餐,見到電視介紹好似幾好, 又有二百幾個like, 特登由沙田搭車落去九龍塘, 点知好失望, 仲差過哥登堡😓先嚟一個羅宋湯普通味道, 跟住叫咗個鵝肝紐西蘭肉眼扒, 佢將鵝肝切開3片變得好So, 個扒話要七成變咗五成, 啲薯條好似過氣左係下午茶賣淨, 未試過食過咁難嘅歺😭

每次一有慶祝活動，我一定會諗起百味閣呢間餐廳，因為佢嘅性價比相當高，無論食物、服務態度定係價錢真係冇得輸，唯一一個缺點就係地點嚟地鐵站稍為遠咗少少，而疫情期間，餐廳都做少咗做生意，今日星期五有開門，好多食客都特登過嚟捧場，所以都要等咗大概15分鐘先可以入座今日個是日餐湯係中湯嚟嘅，一啲都冇味精，非常足料好少何喺餐廳食到嘅多士係可以咁脆蝦肉彈牙，魚柳真材實料，配埋非常香濃嘅龍蝦汁，成個餐非常有鮮味，最後我連啲汁都食晒朋友就叫咗個羊架呢個價錢竟然有三件羊架，真係非常抵食，朋友叫咗七成熟，而師傅控制羊架烹調嘅時間啱啱好，羊架可以做到外脆肉嫩嘅效果，配埋個綠色嘅薄荷醬就真係食唔停口，三件其實真係唔係好夠食最後仲有埋甜品送添，送嘅甜品一啲都唔馬虎，呢個係一個蘋果酥盒，外層係酥皮，中間有蘋果蓉同埋呢個雪糕一齊食味道非常匹配最後我仲忍唔住買多個手信返屋企添一盒有五件，成盒都係自家製，賣相相當吸引，送俾朋友做禮物就一流啦

百味閣餐廳被一股濃厚的八十年代懷舊氛圍，穹頂的彩色玻璃、牆上微微泛黃的香江黑白照、茜紅色條子桌布下的藤織座椅、餐牌上紅藍相間的繚草字體，彷彿回到去兒時相片中看過的情景。疫情的關係，座位之間都掛上了沙簾作隨，感覺更具私隱度，反而感覺更好。雖然有餐牌，但很多菜式都是要有職員口中得知，他們會主動向食客說出/介紹當日的non-menu菜式。例如是日鮮魚每天都不同，種類都放到近入口處的雪櫃，又會有龍蝦推介。職員推介三刀魚，於是點了一條即焗的。《錫紙焗三刀魚（時令) $128》-職員會替食客剪開錫紙，熱烘烘很吸引，但汁就較少比較乾身，職員亦另外補上牛油檸汁。魚的邊位比較嫩滑，但魚身位置有點魚腥，可能另一款魚比較好。同時點了一客《Special Set Menu》，即是dinner set。是日餐湯 - 跟餐《火腿忌廉湯》香滑而且帶點薯蓉的味道，火腿又夠多。另加《羅宋湯 $38》- 料多而且味道不會過甜或過過酸，帶些少微辣，香濃好味。《青胡椒鵝肝焗肉眼牛扒 $188》配烤松茸炸薯圈及燒汁。肉眼牛扒上鋪滿鵝肝，這樣的配搭灑上胡椒及鹽猛火煎香鎖汁，後慢火焗透。五成熟，肉嫩不韌，有肉汁，口感很有懷舊港式扒

星期六零晨５點，陪家人到浸信會通宵門診，當值醫生做了初步診斷，轉介骨科專科，辦好入院手續，已經近９點！回家休息了一會，下午又跑回醫院！先到附近找吃的，walk in 百味閣，剛好是下午茶時段，點了：#太陽蛋肉醬意粉，味道一般，不難吃！量很足！吃飽沒問題！#熱咖啡，夠濃！是我喜歡的味道！零晨４點多就起床的我，很需要杯咖啡！媽媽在醫院做了２節物理治療，餓了！叫我買飯盒到醫院，選了菜遠肉片飯，份量很足！挺大一盒！但媽媽說汁太鹹，不好吃！

本來要去醫院接出院，誰不知計劃趕不上變化，要等差不多3小時，唯有暫時離開。喺附近商場嘅餐廳tea ，下午茶餐牌選擇都唔少。芝士焗蘑菇菠菜厚多士，多士輕輕烘過，鋪滿厚厚的菠菜及蘑菇，加上半溶的芝士，健康中帶點邪惡，我喜歡

1️⃣羅宋湯下午茶 - 配煎蛋、雞扒及牛油多士 （$32）好少下午茶可以有湯飲，但呢度竟然有，因為超鐘意飲湯既關係，見到超級開心🥰🙈羅宋湯飲落有淡淡既牛油香，正！不過要留意返呢個餐冇包到飲品，想飲野就要另加錢2️⃣扒芝士菠菜治餐配薯條（$38）雖然話係薯條，但小編覺得佢外表更似薯角🤪，食落好夠脆菠菜治本身見到有個扒字以為有啲肉，但原來只係小編一廂情願😂不過啲半溶既芝士加埋菠菜，又幾夾幾新鮮，係健康既！係好味既🙈

#支持良心餐廳法式紅酒燴牛尾 配菠菜麵 $85（跟餐湯同餐包）我覺得呢度幾正係懷舊西式餐廳 好多選擇 同埋偏清淡少少嘅叫左佢個湯 嗰日係綠豆海帶冬瓜老鴨湯夠哂清熱 帶少少清甜但飲得出無落咩味精嗰啲👍🏻牛尾都三大舊 幾多肉位 食得夠滿足服務態度都好好之後一定會再嚟幫襯 試其他款🥰

這間餐廳由小到大已經一直光顧，是晚再次來臨，水準依然保持不變。餐廳裝潢懷舊，天花板的彩繪玻璃設計非常特別。點了一個精選晚餐套餐，首先上枱的蒜蓉包皮脆且熱烘烘，帶着濃濃的蒜蓉香味！餐湯是西洋菜冬瓜雞粒忌廉湯，味道亦中亦西，口感十分特別。主菜是黑松露忌廉豬扒伴意大利飯，豬扒煎至剛剛七成熟，肉質鮮嫩。最後的跟餐甜品是蘋果酥，蘋果酥皮脆口，蘋果餡豐富，絕不馬虎。高質素的西餐卻是親民的價錢，這是在九龍塘必定光顧的西餐廳。🍴

去開浸會醫院探病，順便食埋個晚餐先回家，上網見到佢嘅裝修幾懷舊，又過條馬路仔就到，今晚仲唔係你？🤭 點燈~~~~ 🏮✨脆香雞中翼薯條 $60>熱辣辣，香噴噴>炸得出色，完全不油>雞翼皮勁脆，肉滑多汁>明明係薯圈唔係薯條，不過都係好正==================推介指數 🌕🌕🌕🌖🌑燒雞肉凱撒沙律 $75>幾大碟，賣相都靚仔>麵包幾脆，不會太硬>芝士都幾多，好味>蔬菜新鮮甜爽脆>沙律汁份量剛好==================推介指數 🌕🌕🌕🌗🌑巴黎汁焗肉眼牛扒伴炸薯圈及蔬菜 $170>羅宋湯足料味濃>蒜蓉包新鮮香脆>薯角熱辣辣，不油，脆，點埋茄汁食好正>雜菜好似係無汁嘅羅漢齋咁，配西餐都幾得意>牛扒勁香牛油味，不過略嫌比較油，牛味偏淡，質感不俗，不韌多汁>甜品南瓜布甸好正，不太甜，好啱我心水==================推介指數 🌕🌕🌕🌖🌑我地入座後，侍應會介紹今晚有咩廚師推介，又介紹下啲食物有乜特別，門口仲有啲包住保鮮紙嘅菜比你揀😂😂 而食牛扒個時個侍

好耐無返過嚟母校啦！除咗大學拍拖嘅回憶，最懷念就係厄立不到的 百味閣餐廳，裝修經過翻新，乾淨企理，還有天花板漂亮的燈飾，最重要的仍然是那一種認真的西餐情懷。雖然位置處於九龍塘，但係價錢十分親民，晚餐價錢簡直超值！首先是經理推薦的 off-menu 菜式，虎蝦芒果沙律，大大隻虎蝦，肉質鮮美，彈牙又結實。羅宋湯簡直係呢度嘅招牌湯，用料十足，味道濃郁而且做法傳統，要讚！扒嫩雞。伴蜜糖烤菠蘿 $110扒嫩雞果然做得好好食，皮脆肉滑又多汁，咬落口淡淡鮮嫩，伴蜜糖烤菠蘿 味道甜美，兩者配合得很搭配。巴黎汁焗肉眼牛扒 $170巴黎汁對我來說很新奇，牛扒質素很高，肉眼冇得輸，脂肪分布平均，入口即溶。香草牛油混合了不同香草的香味，還帶有一點酒香，跟肉眼扒的油脂起了化學作用，香濃的肉味加上巴黎汁，美味的一餐。最後是日甜品一啲都唔馬虎，薑汁南瓜燉蛋，鮮甜又美味，感覺滋味又幸福。下一年的紀念日我會再來回味的。

今日黎左呢間餐廳食，應該係懷舊餐廳。相信好多都係熟客入去食。我同呀爸叫左個巴黎汁焗肉眼牛扒，芝士焗蘑菇餡極黑豬扒同埋叫多碗牛油果蘑菇湯。前菜有一碗湯和蒜蓉包。蒜蓉包香脆，羅宋湯酸味足夠👍。不過湯都令我有驚喜是牛油果蘑菇湯，食落有牛油果味和牛油果肉，飲落好特別，牛油控一定鍾意。主菜：個豬扒很軟熟，仲有很多肉汁，豬味都出哂黎，配上芝士汁，另有一番風味。個飯都好特別，質地似黐飯，但都有少少味。牛扒都有肉味同不會硬👍。個甜品係薑汁南瓜燉蛋，食落都好特別，唔會太甜，但我第一次食。間餐廳菜式都有很多款，可能要去幾次先食哂你想食既食物。

係浸會醫院探朋友順便食埋個晚飯先搭車回家，除咗醫院有餐廳外，其實係附近都有嘢食選擇，可以唔駛係醫院餐廳開飯而且款式唔多又貴，真係冇得選擇先食佢，所以我就去了出面呢間懷舊西餐廳開飯係餐單上有多款前菜、小食、主菜同精選套餐之餘，仲有是日推介菜式真係唔錯提供，先點番個芝士焗蟹肉盅伴多士，再散叫一份推介主菜牛肩肉同牛油果蘑菇湯，開始品嚐是日美食，先來係有蟹肉盅伴多士賣相十足香味俱全，先食一啖鮮甜蟹肉加上芝士特別香濃惹味，再搽滿係脆多士上一邊食口感飽滿確係一個唔錯餐前美食，再來有牛油果蘑菇湯飲落同平時蘑菇湯真係有D唔同，或者加了牛油果入口更香滑濃郁，仲食到粒粒嘅牛油果輪到主菜牛肩肉配薯角雖然唔係肉眼牛扒，但係用左新鮮牛肩肉煮，切開已見肉質鮮嫩帶點油脂落少少海鹽提升肉味，入口啖啖鮮甜肉汁肉味濃厚夠晒滋味，仲以為食緊西冷牛扒夠晒驚喜繼續品嚐一餐超值美食。

去九龍塘聽講座離開時，經過見到這間傳統懷舊餐廳，就同朋友一齊食埋晚飯先回家呀！這裡裝修仍保留著懷舊味道，給人很舒服的感覺。店員服務好細心態度親切有禮。我們點了套餐有餐湯、蒜蓉多士、主菜、甜品同餐飲，好豐富呀！咖哩羅宋湯～好像已失傳，因為已經很少地方可以喝到，濃濃咖哩芬香撲鼻，酸酸辣辣很醒胃。羅宋湯～味道濃郁材料很足料有水準。咖哩羅宋湯芝士焗蘑菇餡極黑豬扒面層芝士焗到金黃色配上蘑菇味道好夾，豬扒肉質嫩滑。燒汁肉眼扒大大塊肉眼扒煎得剛好，外脆內軟有牛味。甜品薑汁南瓜燉蛋，熱辣辣香噴噴南瓜燉蛋好特別，香濃幼滑加上薑汁令燉蛋鮮味更出。

友人之前帶我去過太子一間懷舊的餐廳，原來她一向都這種懷舊餐廳情有獨鍾。幸兒，我也有一間心水的懷舊餐廳，今晚就帶她去懷舊一夜，但估不到……什麼? 一陣就知!餐廳裝潢一點也沒有改變，門面以白色的牆身配紅磚泥，撐上兩個小蓬簾，加埋一道深啡色的大木門，好有feel。友人對彩繪的玻璃窗、傳統的酒吧枱、牆上昔日的黑白照片，每張枱也舖上棗紅色直紋枱布及放上舊式的假花瓶，還有服務員穿上整齊的傳統侍應生制服等等…她都很熟識。翻開厚厚的餐簿，每頁均附有精美的菜式相片，設計清晰簡約。選擇相當多，有湯類、沙律、頭盆小品主菜、海鮮、素食、伴碟、小食、甜品、熱飲、凍飲、啤酒及梳打、餐酒等等......還有數款晚巿套餐和是日新鮮海鮮，厲害!******************************晚巿套餐有湯、餐湯、主菜和甜品。餐湯仲有中西兩種選擇，中湯為清補涼，而西湯則是羅宋湯，我倆揀了前者共享。落足料，煲得夠火喉，不油不膩，有家的感覺，好喝！******************************另外再單點一客西湯，湯款也有不少選擇，仲幾有特色。店員就推介牛油果蘑菇湯（$38），的確近期有不少菜式都用牛油