百味閣餐廳

营业中

休息中

一路都好鍾意呢間餐廳嘅裝修，環境好有情調，最鍾意啲彩色玻璃。唔知關唔關疫情是，人流少咗好多，食物都平咗好多。不過質素依然喺度。叫咗我一向最鍾意食嘅日式雞柳炒烏冬，份量好多，又炒得香！仲同朋友share左碟菜心，最後平均每個人都係$70。咁嘅環境，咁嘅食物質素，咁嘅價錢，簡直抵到爛。仲有啲服務仲幾好，明明叫碟辣椒醬，都要特登搵勁靚嘅碗碟裝住，侍應嘅態度又好好，幾熱心。下次一定會再嚟，不過唔知疫情過後仲會唔會咁平呢。

百味閣屹立在九龍塘二十幾年裝修仍然保留90 年代港英🇬🇧時期的味道彩色天花、掛牆黑白老香港照片、桌巾入到嚟就彷彿時光倒流回到過去一樣這裡懷舊但保養得宜 無論牆身、枱面、地板都好乾淨入座後 優雅的Athena☺️為我哋介紹餐牌以外嘅是日精選點餐後 會先為女士上餐具用餐後亦會從客人後方收走餐具這種禮儀在時下一般嘅餐廳已經好少有十分喜歡哩度嘅環境、氛圍食物亦係有驚喜！ 衷心希望哩度可以一直保留落去❤️.🔸鮮蠔蘑菇湯（$68）以新鮮蘑菇打成忌廉湯，口感creamy、但唔膩，湯內還有大量鮮蘑菇片。鮮蠔好大隻，飽滿鮮甜，非常好味！👍🏻👍🏻.🔸炸魚柳薯條（$65）吉列魚柳好香脆、面中間魚肉好滑，粗身扭扭薯條好好味，炸得好脆，香薯仔味。👍🏻.🔸澳洲肉眼（$108）叫左五成熟，肉質好軟、多汁，份量都幾足，好抵食。伴碟仲有好香嘅連皮焗薯呢！👍🏻.🔸晚餐：龍蝦汁會蝦球青衣魚塊（$158）蝦球好大隻又彈牙，蝦味好濃，用料靚！魚塊肉質比較實淨爽口。龍蝦汁香濃。伴碟嘅薯蓉超好食！香滑之餘亦帶點薯仔粒👍🏻。炒蔬菜都煮得好入味。由主菜到伴碟都唔hea。.🔸羅宋湯（餐）濃郁足料，蔬菜清甜，味道溫和唔辣。.🔸香橙芝士蛋糕（餐

呢一種懷舊50、60年代港式西餐餐廳實在買少見少，仍然可以生存下來一定有佢過人之處。這種懷舊西式餐廳都有一個共通處就係用黃色白色間條或者格仔枱布😆 今天晚上叫咗兩個full set 晚餐餐湯係羅宋湯，非常足料，經典港式口味。配搭熱辣辣脆卜卜蒜蓉包主菜1: 芝士豬鞍 配 Parma ham 飯 用Parma ham 粒嚟撈飯其實都幾創新主菜二：芝士白汁焗海鮮飯芝士非常之多，可以拉絲。 海鮮配料亦都爽口新鮮，🦐、魚、魷魚、蜆、青口都有非常豐富。 豬鞍 面的芝士非常厚身，切開是深粉紅色，未算入口即溶，但係一啲都唔鞋。甜品係懷舊蘋果酥，酥皮很薄，內涵非常多，不甜，幾好食。

還有不足兩天就到復活節，唔知大家諗好咗節目未呢？今晚就有個好朋友約咗我去九龍塘建新中心地下一間懷舊西餐廳「百味閣」吃晚飯，提早慶祝。間餐廳雖然唔算得話係歷史好悠久，但都開咗成廿幾年，而客源就以附近嘅上班族、大學生同假日嘅街客為主。餐廳嘅布置好有特色，由門面以至店內設計都帶著濃厚的懷舊氣息。牆身上掛滿了一張張黑白照片，配以天花上的七彩玻璃、胡桃木色藤織座椅、紅色間條檯布等，裝潢充滿老香港情懷，在此品嚐美食，真係別有一番風味。餐廳主打豉油西餐，不過餐牌上亦有不少中西合壁的小菜，頗為 fusion。我哋點咗兩客精選晚餐，套餐包是日餐湯或羅宋湯、主菜、甜品及飲品。是日餐湯為蓮藕排骨湯，湯料十足，味道濃郁鮮甜、清熱生津。羅宋湯味道亦唔錯，酸甜香濃，內有不少雜菜，加上熱度又夠，用來配跟餐的蒜蓉多士吃，甚是美味！主菜點咗芝士焗松露醬美國豬柳 ($148) 同 龍蝦汁燴蝦球青衣魚塊。豬柳有兩大塊，每件都好厚身，肉質非常嫩滑，夠軟腍又多汁，肉味香濃，加上面頭嘅半溶芝士同幽香嘅松露醬，各種材料完美混合，口感好豐富，真係食多幾次都唔會悶。伴吃的意大利飯亦做得頗有水準，每粒飯都煮至僅熟，外微軟內硬身，食落有米

比想像中驚喜高質的平民西餐廳之選🤩 上星期Happy friday去左位於九龍塘浸會醫院旁商場既百味閣餐廳，真係唔錯💕性價比高！餐廳行舊式西餐廳路線，Staff都著住懷舊既制服，感覺好正！是晚叫左兩個set dinner..🥩青胡椒鵝肝焗牛柳Foie Gras gratin tenderloin with pepper, served with fried potato, grilled boletus & demi glace完全估本身個餐係肉眼牛扒，不過當晚無哂所以轉左牛柳～賣相很ok哦～試一試，鵝肝好香，牛柳軟滑，比想像中高質呢..👅蒜蓉胡椒煎厚切牛脷伴巴馬臣芝士意粉Spaghetti Carbonara with thick-cut Ox-tongue牛脷好大件煮得好腍，卡邦尼意粉煮得好惹味好好食😋 加埋芝士勁香呢!!..🥧酥皮蘋果批伴黑椒雲呢拿汁Apple Pithiviers served with Dulce de LecheSet dinner本身包埋既甜品，蘋果批我覺得好好食！勁足料！而且係有心思之作！..🍲餐湯 - 粟米湯或羅宋湯Mushroom soup or R

平時媽咪都好鍾意去懷舊嘅餐廳，所以今日趁媽咪放假就同佢去咗九龍塘嘅百味閣食西餐，呢度嘅裝修好有懷舊嘅氣氛～店員好有禮貌服務好好！我哋叫咗兩個晚餐，百幾蚊一個都唔貴～有蒜蓉包、餐湯、主菜、甜品同飲品～蒜蓉包好香脆～羅宋湯材料好豐富～酸酸甜甜好開胃🥰芝士焗松露醬美國豬柳豬柳肉嫩多汁，加埋芝士同松露將一齊食超正呀！仲有個意大利飯，好好味！龍蝦汁燴蝦球青衣魚塊蝦好大隻，魚柳夠滑，龍蝦汁超香濃！蘋果批唔會太甜，皮脆！整體來講依間好食又高質，雖然份量唔係太多，不過夠精緻，而且價錢唔貴！

小時候在附近讀書，最近沒有得外遊，喜歡上舊地重遊這玩意，途經這個寧靜的商場，這間百味閣仍然屹立不倒，決定走進去試一試晚餐彩色玻璃造成的天花板，分外有一點點古典的味道還有舊香港的照片，令這裏加添一點古典的氣息坐在這裏，有如坐在七八十年代的香港的高級餐廳餐廳懷舊，但晚餐價錢不貴，一個三道菜嘅晚餐都只是百餘元每個晚餐都配上羅宋湯，材料足，味道濃郁配上兩片香脆的蒜蓉包，一啖麵包一啖湯滋味難以形容點了一個芝士焗松露醬美國豬柳，雖然加添了芝士，但入口沒有很肥膩的感覺，松露散發出陣陣菌香美國豬柳很厚身，分量十足，豬味很濃郁，肉質算是滑溜在點了一個五成熟的羊扒，賣相都見到很粉紅鮮嫩，羊扒共有三件，每件都很有肉汁配上薄荷醬，將羊扒加添一份很清新的感覺這個三道菜的晚餐，最後還有甜品，這個甜品很有特色，是暖暖的一個酥皮蘋果批配上雲呢拿醬，在這間懷舊的餐廳吃上這個甜品，真的很有異國風情兩個人，這餐買單$350 ，只係比茶餐廳貴少少嘅價錢，就食到這一頓豐盛嘅特色大餐

帶女朋友去九龍仔公園散步，散步前先吃過西式晚餐。餐廳內部裝飾擺設古典，店員有禮貌，主動介紹多款特色食物。西式晚餐有8款，價格介乎於108元至188元之間。蒜蓉麵包香脆，牛油份量不會太多，蒜蓉味恰到好處。羅宋湯材料豐富，有牛肉和雜菜，味道微酸帶甜，值得推介。粟米忌廉湯質感濃稠，味道香甜。芝士焗海鮮飯，青口爽口，蝦肉彈牙，青衣柳肉嫩，帶子鮮甜，魷魚不韌，芝士香濃帶咸味，好味道。芝士焗松露醬美國豬柳伴巴麻腿意大利飯，豬柳肉嫩多汁，熔化了的芝士、松露醬和燒汁有助提升味道層次，意大利飯粒軟硬適中，混入了火腿和雜菌，濕濕地，十分滋味。酥皮蘋果批伴黑糖呍喱拿汁，賣相美觀，酥皮香脆，蘋果甜。總結：餐廳古典，食物美味。

帶媽媽去屋企附近嘅一間歷史悠久嘅餐廳，雖然住咗喺附近都有廿幾年，但都係第一次去，入到餐廳見到牆上面嘅相片，都可以見到香港嘅歷史。同媽媽安頓好後睇吓餐牌，除咗set dinner之後，餐牌上好多嘢都好想試好想食，於是就點咗一個焗三文魚嘅套餐比媽媽，而我就再另外散點其他嘢食。分別有鮮蝦香芒沙律杯、鮑魚蘑菇忌廉湯、芝士焗炸蘑菇、藍青口菜絲煮天使麵。媽媽個套餐包咗一個餐湯，餐湯係一個南瓜蓉湯，南瓜味道清甜。而我嗰個鮑魚蘑菇忌廉湯，估唔到着鮑魚有兩隻湯匙咁大，而且蘑菇味好濃。鮮蝦芒果沙律杯，隻隻蝦都好大隻，而芒果又好香甜，超正！芝士焗炸蘑菇就第一次咁樣食，用咗麵包糠炸粒蘑菇，都幾特別。藍青口菜絲天使麵估唔到個份量咁多，而且麵煮到啱啱好唔會太淋。而媽媽嘅焗蔬菜三文魚，淨係個賣相都已經好吸引。最後餐係跟埋個甜品，係蘋果酥，唔會太甜食到攬住個肚走都係$414P. S. 呢到個個職員嘅服務態度都好好，仲好有耐心咁介紹佢哋嘅食物

今晚去到九龍塘百味閣餐廳，餐廳位置就係喺浸會大學同埋浸信會醫院中間，嚟用膳嘅都係附近嘅學生同埋職員，可能已經成為熟客，所以餐廳職員對客人感覺份外親切殷勤。今晚我叫咗個青胡椒鵝肝配牛柳晚餐，餐湯係清雞湯，餐包係蒜蓉包。店員介紹我試吓餐牌上面冇嘅大蝦芒果沙律，沙律感覺清新，大蝦啖啖肉，好有份量，係一個唔錯嘅前菜。然後，係今晚嘅主角牛柳七成熟，鋪上鵝肝，混合牛柳嘅肉汁，每一口牛柳都有鵝肝溶化喺上面。當你以為全晚最好嘅已經食過，先發現原來仲有一個令人驚喜嘅甜品。今晚嘅甜品係酥皮蘋果批配黑糖雲呢拿汁，唔知係咪餐廳嘅裝修有一種懷舊異國風味，呢一個蘋果批好似將我帶到另一個時空一樣，令我諗起好多年前喺歐洲過聖誕嘅日子。今晚真係好開心好滿足，雖然餐廳嘅地理位置附近沒有最方便嘅交通配備，但係環境氣氛，食物質素，都值得我再去。

相信大家如果唔係去醫院或者大學都應該唔會走黎呢頭覓食餐廳就位於醫院對面一個寂靜嘅小商場因為探完病 打算附近求其食啲野就打道回府 就咁睇佢個名以為係普通茶餐廳 唔太吸引吸引到我去試係因為喺呢個咁僻嘅地方 呢間外貌平平無奇嘅餐廳竟然有二百幾個 好奇心之下決定試一試原來係老式西餐廳 晚餐選擇都好多 叫左兩份扒餐 餐湯選擇估佢唔到竟然係羅宋同中式湯 食扒配中湯好似怪怪的 所以點左羅宋湯好足料 好多蔬菜 唔太辣 偏溫和蒜蓉包有驚喜 因為通常係配普通圓形餐包羊扒好香 煎得幾好 牛扒係連埋鵝肝一齊焗 所以牛扒有陣陣淡淡鵝肝嘅油香 都唔錯 配菜比較特別 有茄子菜心玉米芯 第一次見到西餐用菜心莖伴碟 有啲搞笑 奶油薯片同炸薯角出色嘅甜品有呢個蘋果批 好香肉桂味 sauce係拖肥 好食 伴碟嘅生果都有驚喜 當我諗緊呢舊橙色係南瓜定芒果定杏脯 原來佢用左木瓜黎伴碟 估都估唔到 好似唔太match總括黎講味道正常 但就係有好多奇怪嘅小驚喜

是日到九龍塘浸會醫院探望朋友，便順道先吃個早餐，我選擇了離診所較近的百味閣餐廳。餐廳環境色彩繽紛，天花用上彩色圖案，擺設裝潢懷舊，猶如回到六七十年代的西式餐廳。百味閣早餐 C 餐早餐 C 我選擇了炒滑蛋、雞扒、煙三文魚，額外還配搭有牛油方包，炒滑蛋鮮嫩滑溜，蛋味香濃，雞扒柔嫩多汁，香滑鮮美，煙三文魚甘香煙韌，嫩滑中帶點煙薰香氣，牛油方包鬆軟綿密。所有食材均沒有使用味精，因此更能帶出食物原本的鮮味，而且清淡健康。凍檸茶飲用時茶味香濃突出，再帶有清香帶酸的檸檬味，互相配合恰到好處，味道酸酸甜甜，清新開胃，冰涼的口感解渴順喉。整體而言，餐廳裝潢富有懷舊氣息，環境整潔衛生，食材清淡健康，價格非常合理，是與朋友或家人吃飯的好地方。

難得可以兩人飯聚, 仲係食生日飯! 一於去九龍塘呢一間朋友介紹嘅有情調嘅西餐廳! 餐廳佈置舒服, 可以傾密偈, 感覺良好! 心情也特別正! 餐牌如下: 選擇蘑菇野菌濃湯, 料十足, 香濃鮮甜熱辣辣, 配上外脆內軟嘅蒜蓉包Honey選咗佢最愛嘅西冷牛扒, 我當然也吃了一大半, 肉質軟腍, 秘製醬汁鮮甜, 味調較得恰到好處, 甫咬一口可見肉汁豐盈, 嫩滑口感！ 很久沒有吃過這麼好味的西冷牛扒秘製醬汁燒大紅𩵼對魚很有要求的我 從沒想過在這間西餐廳可以品嚐 如此高質素的大紅𩵼食魚一定要懂得色香味, 還有最重要的滑! 秘製醬汁是師傅的功勞, 選魚的新鮮味美也很重要! 基本上餐廳提供給我們選擇的魚, 一看魚的眼睛部位便知他們是非常新鮮! 火候及時間 便是控制整條魚的命脈 我們叫了碗白飯一起分享, 結果吃到連魚滑魚汁都幾乎融化 掉餐廳的甜品, 都非常特別好味! 必定要試很快二家姐便生日, 一於約佢來吃吃😍😍😍

兩口子在happy Friday走到位於九龍塘的百味閣餐廳，來一餐美味的晚膳。餐廳是有點歷史的，多年經驗累積，餐飲設計千錘百鍊，每道食物均是精心和信心之選。除了餐牌所示，每晚會有一些餐牌沒有列明的精選，是大廚按當日食材來貨設計，這會由侍應親自推介。這便是由侍應推介的冷盤冰鮑魚。先把鮑魚煮熟，冷卻後加上伴菜和調味，再上碟。煮的時間剛剛好，肉質彈牙，切開後的橫切面竟然像隻磨菇，好有趣。第二個侍應推介的菜式是牛油果磨菇湯。這個好討我喜歡，皆因用料十足，每啖湯也有牛油果和磨菇，就是有種「吃湯」的感覺，大概是這樣，中文的「喝湯」在英文是叫「eat soup」吧。還有第三個侍應推介佳餚，是主菜紐西蘭肉眼扒。我們揀了五成熟，是恰到好處，所以肉質細嫩；燒汁令牛扒更為可口。配菜是薯菜，薯角夠香脆，三色蔬菜夠營養。此外，還點了一客晚餐。餐湯可揀羅宋湯或是日餐湯；當晚的是日餐湯是佛手瓜湯，難得能飲到中湯，所以選了這款，味道特別清甜，香味也吸引；和西湯一樣，用料十足。自選主菜是A餐，焗蔬菜布甸伴煙三文魚伴鮮茄蓉。這個要即叫即焗，所以等候時間稍長，要有點心理準備。看起來薄薄的一片，但各式瓜菜加上蛋餅，是非常飽肚

九龍塘除了有「又一城」這個人所共知的超大型地標商場外，其實還有一個小商場「建新中心」。想當年，還是在附近讀書的時候，除了學校 Canteen，較常光顧的，便是「建新中心」內的食店，到今天，歷史最悠久，吃中式粥粉麵飯的「六合小館」仍然屹立不倒，這間食西餐的「百味閣餐廳」也依然存在。實在很久沒來過了，這一晚，與太太兩人一起到這餐廳吃了一頓晚餐，順便也懷懷舊。餐廳雖已經翻新，仍然保存著不少懷舊的特色，天花板上的一大塊長形彩色玻璃和牆上的一些香港老照片，都不禁讓人懷念起昔日香港七彩繽紛的美麗日子。這餐廳雖已開業多年，但餐牌上的菜式卻新舊兼備，傳統的西餐固然有，創新的菜式也有不少，好像「芝士焗蟹肉盅」、「芒果醬椰絲焗嫩雞」、「蟹肉焗釀龍利魚柳」、「焗杏仁蜜糖多士」等，都蠻特別的，足見這餐廳並非墨守成規，固步自封，而是推陳出新，與時並進。正所謂「窮則變，變則通」，這餐廳正如所有愛惜香港的香港人一樣，即使面對天災、人禍，瘟疫，也一定會咬緊牙關，泰然面對，莊敬自強一樣。在晚市的多款精選套餐中，兩夫妻分別點來「龍蝦汁燴蝦球青衣魚塊」（$158）和「青胡椒鵝肝焗肉眼牛扒」（$188）做主菜，並在「是日餐湯