白布烏冬 (荔枝角道) (已結業)

我想試呢間白布烏冬好耐因為太多人排隊令我卻步！開左一段時間，人潮都減退左好多！今日星期日，去到餐廳門口大約13:30 ，無乜人排隊，狗衝去試首先我係有心理準備，因為網民都話唔多好食，所以我無帶任期望食！因為無期望下，我覺得唔差喎🙂夠飽肚，湯夠熱，係唔掛湯，但烏冬都夠彈牙，我覺得合格。最緊要唔洗再等位總結，我覺可以一試🧏🏻‍♀️

ℂ𝕝𝕠𝕥𝕙 𝕝𝕚𝕜𝕖 𝕌𝕕𝕠𝕟 ?🍲一直都想試呢個白布烏冬好耐😋但成日都覺得好多人排隊 ,所以就一直冇去試😕今次去到竟然唔使點等就入咗去🥰仲諗住可能得幾塊烏冬會唔夠飽,點知仲飽過平時食一大碗烏冬🤭幾有驚喜🥢啲坐位有仲去左日本既感覺🏯幾舒服😆下次都仲想去食多次😚..................⁣⁣📍白布烏冬🇭🇰深水埗Sham Shui Po荔枝角Lai Chi Kok🌍Hong Kong....................⁣⁣👅鴨肉入熱湯白布烏冬🍲💰 $75💬 因為我就勁鐘意食啲好煙韌嘅嘢, 所以一食到呢個白布烏冬既第一啖就心心眼左😍我本身以為佢成塊布咁實唔會掛到汁🥢點知佢比我想像中更加掛汁🍜點落個熱辣辣既鴨肉湯到真係好正😌雖然食到尾尾啲湯就會凍左❄️但我個人覺得冇點影響到個味道同口感 ,個鴨肉其實係幾塊大大既鴨胸🦆食哂成個都真係幾飽🤭❗️🌕🌕🌕🌕🌗...................⁣⁣⁣👅冷汁天婦羅白布烏冬🍤💰 $115💬 個人覺得熱既白布烏冬好食過凍食既🤣 凍烏冬🧊就有2款汁點 ,分別係冷麵汁同胡麻醬 , 同平時食冷麵既味道差唔多😂天婦羅有5~6 件 🍤🍆🥕🎃個皮唔厚,亦都唔

熱愛烏冬嘅朋友一定要嚟試下雖然長期都要排隊但勝在夠特別- 鴨肉熱湯白布烏冬 - $86我都係第一次食咁大塊嘅烏冬同埋對於揸筷子唔叻嘅我夾起都係有少少難道🤣烏冬總共有8片食落好柔軟同好彈牙就好似食梗讚岐烏冬咁不得不提下佢個鴨胸一碗入面有3嚿仲要好厚身本身鴨胸係有一陣煙熏味再配上熱辣辣嘅鰹魚湯令到個湯有不一樣嘅味道配菜仲有茄子🍆、大葱和紫蘇葉另外想講下嘅就係烏冬嘅食法總共有3種配熱湯、沾烏冬同埋冷烏冬熱湯同沾烏冬都係可以揀餸去配襯冷烏冬就會係配冷麵汁想提提大家如果食沾烏冬係可以食到另一種感覺就係烏冬食落會更加煙靭👍🏻👍🏻👍🏻但絕對不是未煮熟吖各位烏冬迷都一定要去朝聖一下去唔到日本就嚟咧到食住先止住渴

之前睇過呢間話要排隊個日甘岩經過，見到冇人就入去試下一入去，就有個玻璃房見到佢哋點樣整麵，煮麵，店中嘅格局乾淨企理，安靜，一d都唔覺得逼，坐得好舒服等餐過程大約10至15分鐘，外表相當精緻湯係偏甜，塊布😂厚身，彈牙雖然我唔係坐冷氣位，但佢碗湯同塊布好快就凍左我自問食野唔係慢，但我食既速度係跟唔上佢凍既速度🙈🙈🙈以呢一區嘅水準來講，價格就係貴左少少🤏呢區暫時未有相類似的店舖，的確特別加上，久唔久過下口癮又的確幾得意既

深水埗 · 白布烏冬之前都好多人排隊，但上網睇咗評語，好壞參半，最終決定一試見到d人對天婦羅評價好差所以點左 溫系 雞肉入沾白布烏冬入沾先係沾麵，麵同湯分開熱入係本身烏冬係入面，睇清楚嗌白布烏冬，係凍既，好煙韌，當然係完全冇味！至於個湯，本身係熱，但係浸左一兩塊烏冬之後，好快就變凍左！雞肉有四件，燒過幾香，有兩舊茄子，湯底似係鏗魚湯因為個湯太稀，完全掛唔到汁感覺好似食緊七塊餃子皮咁樣諗😰真係灰到極點正面啲，話哂都日本群馬縣名物環境裝修，都有種去咗日本嘅感覺😌 無飛 · 仿有飛 咁啦

經過深水埗，見到呢間白布烏冬就諗住試下，排左15-20分鐘，食物選擇唔算多，有湯烏冬同沾烏冬，我地一行兩個人叫左個雞肉沾烏冬同天婦羅沾烏冬，一上枱個賣相的確好吸引。開始諗住沾烏冬個汁應該會濃郁d,點知一試個質地同湯無咩分別，兩款個沾烏冬汁都係一樣味嘅，雞肉都幾嫩，但無驚喜，天婦羅都係普通，而塊烏冬的確幾有彈性，但除此之外都係無驚喜，整體黎講就係普普通通，無咩特別，無咩值得再試，可以試一次，但應該唔會再食，

整體上覺得沾烏冬比較麻麻哋因為好快會凍咗啲湯，雞肉就比較入味好味道，妹妹叫咗湯麵就比較好因為湯夠熱！另外個妹妹就叫咗咖喱烏冬食，個咖喱都算好味道！湯亦都夠熱，我同先生就叫咗沾烏冬，因為烏冬係凍放入湯來湯亦都唔係太熱好快成碗就變咗凍食咁...本人同先生都唔係太鍾意食凍野...但係佢個烏冬有另一種食法就係可以點Wasabi凍食，咁樣食嘅時候又有另一番風味都唔錯嘅不過如果再有機會食我一定唔會再揀沾烏冬...仲有個天婦羅都算一般，唔係話至於勁好食...整體上可以接受，未食過嘅都可以去一試！

啱啱開張嘅時候，呢間舖頭成日都排長龍而家見唔使排隊就同啲同事立即去試下 我叫咗個雞肉白布烏冬， 個白布烏冬好好食 不過食得有少少 倫盡 因為好大塊 😂😂😂😂湯底都唔錯 但雞肉完全唔掂 好鞋口 😢 同事就試左 另外一款 不過無影相 📸️ 同事話好好味 同埋份量對於男仔黎講 應該唔夠 😂😂 個人認為唔使排隊都可以食的一間鋪頭 至於服務，個人認為都口錯 不過可能熱潮過左 定因為我係閒日去食 🤔🤔 所以就唔使排隊了 😂😂😂😂😂

今日同男朋友特登黎呢間食 驚排長龍特登早去食lunch 好彩得兩個人排 我地等左大概5mins就入左喇 menu 好簡單有湯 沾麵同冷汁烏冬 款式差不多 雞肉入沾白布烏冬 $86烏冬大大片 凍的 鰹魚湯 溫的沾完之後烏冬變暖 雖然好食 但食到最後湯就唔夠熱 烏冬超滑身 有咬口 大概有7片😂😂 雞肉都好入味 滑身大概有三到四塊 好食😋 仲有茄子配料冷汁白布烏冬（二味）$66呢個冇肉的 有鰹魚汁同芝麻醬汁鰹魚汁比鰹魚湯淡味 芝麻醬汁感覺同平時食果款唔同 應該加左芝麻碎落去 好有口感 男朋友比較喜歡芝麻醬汁多一點兩個人總共152 不需要服務費的 👍🏻👍🏻👍🏻

平時一條條嘅烏冬就食得多，一塊塊嘅就真係好少見😆 果日一點去到唔算太多人，唔洗等位。入到去餐廳裝潢雅緻，環境衛生寧靜 空間感十足😇就算唔洗加一店員服務都好主動帶位斟茶👍🏻食物方面，個烏冬本身係凍凍地嘅❄️口感順口煙韌值得一試，不過反覆浸落啲湯到會搞到個湯好快凍曬😂有著有唔著啦~ 雞肉同天婦羅沾都係甜豉油湯底😋加茄子大蔥等配料🍆但味道上面就有少少唔同，雞肉果碗醬油味濃啲帶雞肉煎香嘅味，天婦羅果碗就比較清啖。天婦羅本身無咩調味(懷疑連鹽都無落🧂)，主要食食材本身嘅味 可惜野菜唔得鮮甜。蝦好細隻但係係原隻拎去炸 實實在在🦐儘管如此，個人都係唔太推介大家食😥 致命傷係炸粉雖然好薄 但係唔脆而且好油淋淋😩 本來以為得七塊 但係最後食完比想像中飽。因為個碗同匙羹細 所以食起上黎都要少少技巧🤣不過都未算好狼狽，睇黎小編筷子功力都唔錯😎整體而言，我覺得食呢間體驗>味道，烏冬係幾唔錯但係配料有待改進，如果要試個人推薦雞肉！🌟 雞肉入沾白布烏冬 ($86)🌟 天婦羅沾白布烏冬 ($115)味道：🌕🌕🌕🌖🌑環境：🌕🌕🌕🌕🌑價錢：🌕🌕🌕🌗🌑

深水埗一帶都多小店，之前見咁多人試，就嚟左呢間食下先！餐廳裝潢都以深色木為主，感覺都幾似返到日本。職員一坐低就比左口罩套同熱茶，服務唔錯。叫左天婦羅熱湯白布烏冬（$115），烏冬一片片食都係第一次，食落都幾煙韌。大概一碗都有7、8塊，食到最後幾塊其實都幾飽。湯底係鴨湯，味道都幾濃，送住無咩味嘅白布烏冬就最好。天婦羅有蝦同蔬菜，但炸粉有啲厚身，略為普通左少少。整體湯底係幾特別，因為唔多餐廳用鴨湯湯底，覺得一試無妨。

最近戲院開返 諗住同女朋友去長沙灣 睇戲（狂舞派）撐下香港電影！順便食壽司廊 ，點知唔記得訂位🤦🏾 為人死死地氣去 walk-in 啦！仆佢個X 等成粒鐘！為有放棄啦！四圍行下睇下有咩食啦 本身諗住去d2 place 搵野食但怕唔夠時間，點知發現之前好多人排隊既白布烏冬 開左分店！（點解openrice搵唔到）就去試下啦 人不算多 ，等一張枱 就到我地啦！門口 妹妹仔 好有禮貌 幫我地量體溫同登記資料！餐廳內還播放好古式的日本音樂我們叫左個雞肉湯烏冬 和 二味天婦羅雞烏冬 ：不錯呀 白肉幾嫩 表面 好像 有一陣燒香的味道但只有3舊太少配菜也少左d 只有幾條茄子同蔥花，湯比較偏甜了一點天婦羅烏冬 ：天婦羅炸得不錯 外皮炸得幾脆份量都算多 有2隻蝦 1茄子 1南瓜 1冬菇 1蘿蔔沾麵汁同烏麻將 都幾特別（但又講唔出口 可能我唔係食家）整體來說環境服務不錯👍🏽 店員會主動幫你加茶唔使自己動開口烏冬分量比較少 好似只有 6，7塊可以一試 （店員話遲下有推出更多小食）

一向都喜歡食冷麵冷烏冬，今次第一次試成塊布嘅烏冬。環境舒服，地方寬敞，價錢合理唔加一，不過量少左dd, 一般女士足夠，男士應該會唔飽。店內食物選擇不多，我倆點了兩個烏冬1. 天婦羅冷烏冬，個天婦羅完全唔掂，食到成口都係油，而且唔新鮮，相反個烏冬就好得，彈牙又滑，可惜得7片唔夠喉。2.鴨肉湯烏冬，湯底ok, 鴨肉普普通通，烏冬最初食個兩三片好彈牙，到浸湯浸耐左，好似食緊粉皮咁，唔太好食，即係如食熱烏冬就要速戰速決，快快咁食。

深水埗人氣食店「白布烏冬」經常大排長龍，其自家製烏冬形狀十分特別，是一大塊猶如棉被的長方形烏冬，進食時十分考驗筷子功力。店鋪位於深水埗荔枝角道313號，今次分別點了「雞肉入沾白布烏冬」及「茄子入熱湯白布烏冬」。前者承惠HK$86，後者則HK$76，以特色烏冬來說價錢可以接受。「雞肉入沾白布烏冬」附四件雞肉及兩件茄子，由於是沾面關係，面和湯是分開上，湯底比一般的會較濃，但仍是易入口。「茄子入熱湯白布烏冬」則是素食之選，湯底濃郁入味，配上其烏冬十分滋味。每份均有七大塊烏冬，每塊都十分厚實足料。整體來說，由於鳥冬較為滑溜的關係，進食時就難講究儀態，但十分有特色且口感煙韌，值得一試。

本身食開佢其他支線餐廳，以為會有品質保證，點知食物同服務水平都令人失望...鴨肉入熱湯白布烏冬鴨胸有煎過的焦香味，令偏甜的鰹魚湯底亦可吃出鴨肉香味。湯的溫度夠熱，白布烏冬雖然大塊，但會在熱湯中散掉成粗條狀，吃起上來才不至太狼狽。鴨肉入沾白布烏冬 7塊白布烏冬會分開另上，比起熱湯烏冬，沾烏冬的湯底比較油。但亦有煎鴨胸的香味，加入山葵、蒜蓉和葱，後湯底變得更有層次。但因為白布烏冬本身是凍的，沾湯變得很快涼掉😐一大塊的烏冬吃起來較不方便。雜錦天婦羅 天婦羅種類算多，即叫即炸等的時間較久。但卻可能因為油溫較低，天婦羅十分油膩而且上不了脆粉🤢不知不覺就見炸物下的吸油紙吸滿了油😟