白布烏冬 (荔枝角道) (已結業)

主要有三大類款式：熱湯、冷汁、入沾。鴨肉入沾白布烏冬（$86），即是以沾麵形式，用烏冬自己掛湯進食。烏冬有7大片，表面十分滑溜，比較難夾起，口感同樣滑嘟嘟，不算太有𡁻頭但亦唔㗅口，味道偏淡。鴨肉湯底清甜，以湯嚟講其實唔錯，可惜唔夠杰身好難沾嚟食。另有三件烤過嘅厚切煙鴨胸肉，肉質嫩口唔嚡且有鴨肉味，不錯。

60幾蚊無餸，得兩個汁。一個天婦羅汁一個日式芝麻，完全無特別。白布烏冬亦都無咩特別，60幾蚊食個齋烏冬？從昧試過留食評，但呢個我自己真係頂唔順。我自己唔會再黎，完～

之前聽過呢間烏冬面好有特色，慕名而黎。今次叫左個鴨肉冷烏冬面，見到個餐既時候都感覺唔錯，但食落發現烏冬一大片好難夾，夾到都爛哂，而且冇咩口感，鴨肉就只係好純粹外面凍肉店賣的煙鴨胸既味道，有啲失望同唔係好夾。我諗試過就算啦未必會返轉頭幫襯lu。

成日聽到白布烏冬，終於黎試咗啦!😆甘啱呢幾日天氣轉冷，所以試咗沾烏冬和熱湯。佢既外形係片狀烏冬，好煙韌有咬口，有驚喜！本身諗住得幾片會食唔飽，點知啱啱好。不過因為佢比較大塊，所以食既時候唔太方便😣我覺得沾烏冬同熱湯的湯底無太大分別，都係偏濃味既日式鰹魚湯，如果中意食清淡既朋友可能未必太中意個湯底。🤔天婦羅沾白布烏冬天婦羅有蝦,茄子同南瓜,正常水準，沒有特別驚喜。鴨肉入熱湯白布烏冬鴨肉有燒過都幾香，同個湯底都幾夾，如果第一次食可以試下呢個。如果從來未試過白布烏冬，絕對可以一試！

今日試咗一個我未曾嘗試過的食物，平日我對烏冬沒有特別的喜好，之前聽朋友講白布烏冬好特別，是日本群馬縣名物一定要試下，今日經過深水埗又不妨試一試。叫了一個「鴨肉入沾白布烏冬」跟平時我哋吃的烏冬形狀不一樣，是一片片的。烏冬本身的質感非常好，滑滑的煙韌的有嚼口，個湯有着濃郁的醬油味道，加上有茄子，大蔥等配料，當然還有甘香的鴨肉片，真的又好玩又好食。餐廳環境好舒適，充滿日本風情，服務員態度殷勤，不停為顧客添茶。

平時食開既烏冬都係一條條既而依道既烏冬就造到好似一一張手工紙咁一塊塊平面既烏冬 我今次叫左沾面 夾起塊面已經感覺到佢既彈性感覺係幾特別不過就唔係好夠飽我覺得打卡係唔錯既選擇

接男朋友收工食dinner見到哩間啲烏冬造型咁特別就諗住試下等左一陣就有位餐廳座位都幾闊落最後兩個人嗌左兩款烏冬————————————————鴨肉入熱湯白布烏冬（$86）鴨肉其實只係燒過既鴨胸肉 頗為軟熟另有少許大葱茄子作配料湯底比較普通烏冬煙韌滑溜茄子入沾白布烏冬（$76）以沾麵既湯黎計略嫌熱度不足但因為沾湯相對熱湯濃稠烏冬比較掛汁有味茄子就只是茄子食落有啲寡如果知道其他口味都會跟配茄子其實唔會揀哩款黎試—————————————-第一次食片狀造型既烏冬感覺的確係幾新鮮尤其係當對方夾到好狼狽既時候可以恥笑下佢但講到湯底味道個人就覺得唔算好突出所以試一次都足夠喇

上網見到e個咁特別既烏冬 所以特登想去試食一下🤣入到舖個環境好日式 裝修令人好舒服座位都闊落 坐得舒服😚平日6點幾去到食🤣無咩人 直入野食方面就不過不失 去相!!天婦羅沾白布烏冬 $115白布烏冬口感煙韌😳好特別 烏冬既湯底濃 點完再食味道口感係唔錯既😚但係澱粉感就比正常既烏冬重而且食沾面要夾住成塊烏冬食都有少少麻煩🤣😖所以食左好耐天婦羅反而有驚喜!入面既材料好新鮮😳我最鍾意係個蝦!!! 超大隻仲要有蝦味😳好好食其他就不過不失～雞肉入熱湯白布烏冬 $86熱湯個湯比沾面無咁濃 比較淡 但對比其他烏冬點 已經算濃味🤔雞肉方面就好普通 無咩特別🙈餐廳整體係值得一試 價錢都唔算貴當有特色去試食下都不錯😳

之前看很多social media都介紹一片片的烏冬，令我一直都很想試，終於找到一個平日下午和朋友一起來～中午1點多人流還好，不過因為店內位置不多，所以大家還是要預留等待時間～座位間的間隔頗闊，和朋友聊天都很舒適，加上燈光柔和，很有在日本的感覺。🔹冷汁天婦羅白布烏冬 $115餐單選擇不算多，基本上就是兩三款食材配合不同製作方法得白布烏冬，因為天氣熱，所以我們選擇了一個冷一個熱感受一下白布烏冬的特色。一片片的白布烏冬放在一個藤籃上，要吃的時候就夾起一片沾一下芝麻醬，或者沾少少幼鹽也可以～烏冬變成一片後口感比較實在，而且放入口的面積大了滿足度都提升了，上面雖然有少少油份，但不會覺得突兀，後來我還用了天婦羅的醬汁沾烏冬吃，味道都不錯😍　至於天婦羅分量都很大，而天婦羅蝦彈牙度和鮮味都很到位，南瓜甜甜的綿綿的，好吃！🔹雞肉入熱湯白布烏冬 $86熱湯味道很濃郁，感受到高湯的味道，雞肉煮得很腍，有點關東煮的感覺，不過這裡要提醒大家熱的白布烏冬很容易夾碎，所以要儘快吃，而且會相對軟身，有點闊麵的感覺，我自己喜歡吃彈性高點的烏冬，所以喜歡冷的🤣

之前無趕上熱潮，呢日終於第一次食到白布烏冬~ 週末晚上都唔洗等位~座位都好寬敞，唔會太迫~<鴨肉入沾白布烏冬>白布烏冬真係好滑好滑，滑到夾唔住，有好幾次都夾唔住，跣左落湯到🤣 食落都幾彈牙，火候控制得幾好。鴨肉湯味道唔算好驚艷，以沾烏冬黎講，湯汁有啲淡。下次試鴨肉湯烏冬可能會比較適合。另外估唔到鴨肉係鴨胸肉🤣 <南蠻Curry沾白布烏冬>咖喱湯汁係典型既日式咖喱，唔會太辣，辣中帶甜。咖喱湯汁就比較杰身，烏冬可以掛到多啲湯汁。不過食完一碗就有啲漏🤣

開咗咁耐一直冇機會經過 今日終於經過 醒起佢 就去咗 入到去發現其實人已經冇以前排晒隊咁 但係我哋都淨係坐咗三台 環境有格調 幾舒服 我哋叫咗個雞肉同鴨肉沾烏冬 冇幾耐就送到 賣相幾好首先講吓個湯底 個人覺得係有一種甘甜味喺度 但係同時湯底偏鹹 食完係要飲水中和返嘅 咁跟住講吓雞肉同鴨肉 鴨肉就係普通鴨胸肉 雞肉呢我覺得幾彈 口感唔差 但係得三舊嘅話我就覺得偏少最後我哋講吓個烏冬 烏冬味道我覺得正正常常 口感來講我覺得似食緊麵團多過食烏冬 佢冇咗烏冬嗰種質感 但係係獨特嘅總括而言 如果係為咗打卡嘅我覺得可以去 如果有興趣試新野嘅都可以試吓 但係你話我會唔會返去 就真係未必啦 分數嘅話我比5分啦 打卡指數嘅我覺得7分嘅

自問係烏冬打手，尤其係冷烏冬。同fd喺附近買菲林相機，見到呢間白布烏冬，個fd話好似都幾出名，咁啱又只係食咗早餐，所以就入咗去食個early din，1730入去，可能因為啱啱落完場，所以冇咩人。其實原本諗住係普通烏冬形狀，一條條咁，望落個menu都唔覺有咩咁特別，冇留意到張圖。最鍾意食冷烏冬嘅我就嗌咗個冷汁白布（二味），因為覺得嗌一味好似好寡。點知一嚟到，真係突破我世界觀，原來係成塊咁上，對我嚟講好新奇！有麻醬同冷麵汁兩款可以點嚟食，好鍾意佢夠煙韌！如果係暖烏冬就普遍冇辦法煮到咁煙韌，that's why我甚少會喺出面嗌熱湯烏冬。呢個二味冷汁烏冬雖然冇餸，但我食落好享受，完全唔寡，惟獨點得多麻醬嗰邊會有啲滯，所以我到中後期都係點返冷麵汁嗰邊多啲。但總括嚟講又成為咗我一個一定會翻兜嘅餐廳，期待下次再食返呢款冷烏冬🌸

其實已經係食第二次，今次再嚟到深水埗，見佢嘅熱潮已經減退，已經冇人排隊，唔知時間舖頭一半都係空位，一入到去如常點一個白布烏冬，其實佢將烏冬整成一片係搞笑，但係食過就會知道好難去用筷子夾，會食到好狼狽，而且你會發現佢煮嘅步驟好簡單，甚至機器連切成烏冬條都唔使，但係佢喺深水埗嘅地區定價太貴，第一次食會覺得好新鮮，第二次食佢嘅味道已經吸引吾到我，不過如果你鍾意打卡，可以一試，我仲試咗佢嘅天婦羅，炸粉幾薄，但係就唔熱，可能係預先炸定的

八十幾蚊一個嘅鴨肉沾烏冬，鴨胸肉只得三片，仲要係平時包裝嗰啲。個湯甜到hihi，一塊塊嘅白布烏冬淨係可以用來打卡，口感唔好，亦好難夾起。整體來講，虛有其表，一啲都唔好食

有日跟朋友行完山，太熱只想吃清涼的麵食，一下子想到的就是日本菜，因為冷麵壽司刺身甚麼的都是冷菜系，不單味覺上，連視覺上也讓人感清涼。對烏冬沒有特別的研究，search 過白布烏冬是群馬縣的名物，口感是煙韌有咬口，而且因為大大一片，可以掛上更多湯汁，在香港較少有，所以跟朋友就決定吃這個。店舖不知是因為疫情關係還是原本就如此，坐位分得很疏落，對於食客來說自然是好的，可以坐得舒服。今次點了鴨肉沾湯烏冬，鴨肉較厚切，是煙鴨胸來的，廚師再輕微燒過，味道更香，即使平時不太愛鴨肉的我也覺得好好味，特別一讚是它的沾湯汁，味道恰到好處，沒有過鹹，可能因為烏冬味道偏淡，所以湯汁不用特別濃，因為以往吃過沾拉麵的湯汁都偏鹹，不是太喜歡，但這個湯汁卻剛剛好，有意外驚喜。可以點的食物很簡單，來來去去就是白布烏冬，搭配烏冬的肉食選擇也有限，食午餐是可以的，但晚餐我就會覺得簡單了一點，喜歡簡單清淡的朋友是好選擇。