白宮咖啡室 (已結業)

其實呢間野我食過好多次，點知最近2次食完覺得完全5同晒，好大可能已經轉左手。上次叫左個意粉似工廠碟頭已經feel到伏伏地，今次諗住叫佢個招牌all day breakfast實冇死，點知all day breakfast加左價，由$65變做$108，仲要飲品要另外單點。等左好耐終於有野食，點知好難食，等我逐樣講。成個餐最好食系個薯餅，因為系現成;茄汁焗豆系罐頭所以冇影響;粟米好似浸過落水撈返上黎咁;德國腸好硬;沙律茶完全冇調味，起碼都落少少醋呀;蕃茄系生架冇烘/燒過;個窩夫最正，一入口就融左，散到好似粉咁咖啡我叫左薄荷咖啡，完全冇薄荷，淨系飲到超級甜，我咁鍾意甜野都接受5到!大家5好俾佢啲正評呃左，佢攞獎都系因為上一手做得好咋!

今日早左收工，接埋女朋友去荃灣行下街拍下拖，經過見到呢間小舖見到六點幾仲有9折優惠，就諗住入去試下啦。同女朋友一人叫左一個Set， 分別係紐西蘭肉眼扒同炸魚薯條。 值得一讚嘅係 快紐西蘭肉眼扒 真係都幾句形成塊面咁大塊，賣相吸引， 肉質上幾juicy，肉汁飽滿既， 一啲都唔UN。最怕食到個d好似香口膠既扒女朋友個炸魚薯條都幾好，粉唔會厚，適中既，好怕個d成尺厚粉既炸魚，呢個都幾好。飲品方便女朋友叫左latte，呢個幾特別，個咖啡雪左成冰，代替普通冰粒，奶係自己倒，糖水係自己加，可以控制個人喜好，女仔見到一定好開心，又有得飲又有得玩。其實都睇得出呢種小店都幾有heart，所以都會支持下本土小店美中不足既係個侍應口齒不清，落單既時候較難聽到，但我諗佢本身係殘障人士？都冇謂難為佢。

之前經過好多次，細細一間舖仔外面企滿人等位，所以一直都冇食到。今日經開見唔口冇人等就行過去試下啦，點知中左伏。我唔知原來樓上有位，眼見樓下大多位都有人坐左所以係門口等，個侍應企左係舖頭最入廚房隔離，望住我做口型，睇落佢完全冇諗住得多步出黎，我又唔知佢講咩，我就入去，原來佢口型係話"樓上"，哦原來樓上有位，好啦，唔洗得有得食，唔深究啦。叫左兩杯mocha,一份炸魚薯條，一份窩夫炒蛋加德國腸。mocha先到，半杯泡半杯啡，似 cappuccino多過mocha。個炒蛋咸都不特止，唔係creamy係水汪汪。窩夫係硬同凍，個沙律菜係淋既，唔新鮮都算，搵少少醬遮下都冇。呢個炸魚薯條。淋既，唔洗用力壓已經有水滲出黎。總之以後唔食。以上照片係離開時拍、真係食唔到。埋單一問之下原來轉左手。唔怪得啦

我食左一啖個炸魚薯條，就冇食，成口係油，炸皮等於冇，女友叫了窩夫餐，個窩夫硬到離譜，我問waitress先知原來轉左手，點解可以做得咁冇誠意，以前排晒隊，等位都有排等，而家完全唔使等位就知咩事啦

今日個好朋友生日睇到呢間cafe個IG新推出左個生日漢堡，就預先訂左位黎呢到慶祝，見賣相都幾得意。掛住幫我朋友影相，吹完蠟燭都忘記左幫佢影張獨照又幾得意喎三層pancake夾住啲蛋同煙肉咁，打卡都幾正，呢個好睇又好食，幾有創意我地2個女仔叫左呢個同一個忌廉魚柳飯，個飯就冇咩特別所以冇影到相。但其實個生日漢堡食哂都真係好飽。。。呢啲咁既小店真係幾有人情味，知道我朋友生日仲送左個甜品，法式炸香蕉比我地，咁岩我同朋友都係蕉迷，呢個真心好食，佢個皮唔會好厚，個cream又好滑真係好正啊，好可惜呢個唔係menu入叫到的，希望佢會整落menu到整體黎講會有下次，出菜時間尚可接受，見到個日佢都爆爆地，好彩有訂位喳

今次回頭再食都係因為上次用餐experience好好，食物好服務好。但今次同同事lunch time黎完全跌破眼鏡。好失望，原本好希望呢間cafe可以繼續做落去，今次之後就不會再去了。-好記得上次係因為類似雜誌的page介紹而認識。上次食過fish and chips好滿足，印象深刻。今次Lunch time experience......一入到門口，有枱埋緊單，同記得樓上都有位的，所以問店員有冇位。店員一句得埋黎「冇位啦」。我呆一呆，連生意都唔做嗎？我再問埋緊單呢枱可以等嗎？佢先話係門口等。-入座後，快手揀野食野飲。三個A餐-日式肥牛飯+1杯熱桃茶，2杯凍。店員話今日冇飯，得意粉，大家都ok冇問題。等左大半個鐘開始望下有冇野食出。一直聽到廚房定測吧同事係咁呼喝樓面唯一一位同事。野飲終於到。第一杯熱既冇事，但之後2杯都係熱。同枱同事等到好躁底，不過我地叫佢算數。-之後突然上左客蕃茄蝦天使面嘅東西。成枱冇人敢郁呢碟野。到底係我地get錯「今日冇飯得意粉」定點？追問店員......我地👯‍♀️：我地要A餐渦店員👩🏻‍🍳：係呀A餐我地👯‍♀️：意粉就係轉左做呢個呀？店員👩🏻‍🍳：係呀冇錯...

今日放假約埋同個frd黎嘆個lunch，嗌左一個All Day Breakfast同一個香蒜白酒珍珠帶子炒意粉。 All Day Breakfast 香蒜白酒珍珠帶子意粉 整體黎講都幾好既，賣相一流，真係相機食先份量都好大，我既朋友個All Day Breakfast食到最後真係食到爆肚，又有多士又有Waffle。至於我個珍珠帶子意粉，都幾惹味既，份量黎講都頗多，我都唔係好食得哂。至於飲品我地淨係叫左2杯荔枝紅茶，不過不失，冇咩特別啦。我同我朋友係影相區到瘋狂影相，不知不覺間已經影左成個幾鐘，呢到係好在無限時，亦無人會趕你走 黎Hea個下午都係一個幾好既選擇既

荃灣都有唔少野食，周圍行又會見到一間餐廳，去到呢間白宮試一次，感覺上不過不失普普通通吧，未必會再吸引到第2次再黎。點了黑椒煙鴨胸炒意粉，凍荔枝紅茶。黑椒煙鴨胸意粉，普通。因為都落左唔少黑椒黑椒味係有的，煙鴨胸口感還可以，普普通通吧，唔林的而且都算有唔少鴨胸，意粉口感都唔林，所以還算好的，而且都算足料，有兩色椒，缺一色而已。荔枝紅茶味道唔淡，還可以的，沒有果肉係杯野內邊。食物方面就留下唔到特別印象或者再吸引幫襯既原因了。環境方面，雖然細細間不過就唔係好迫夾的。總結不過不失但試一次就夠了。

上次同男朋友經過，本身諗住去食但見到已經坐爆哂，今次醒目地一早訂定位,同男朋友去撐枱腳原來呢到仲有一層，上面有個影相區又幾特別喎，少女風既感覺，環境都唔錯。我同男朋友叫左個 龍利柳配薯菜同卡邦尼意粉，同加左個窩夫甜品。 卡邦尼夠creamy 同埋都幾足料，都幾底食既。個 龍利柳就真係值得一讚，我好怕食有泥味既魚，但呢個係一啲都冇，配埋檸檬係好fresh!最後個 窩夫甜品最有驚喜可以自選公仔，我揀左我至愛既布甸狗，窩夫仲有得揀咩味道，我就揀左朱古力味，佢個朱古力味都幾夠濃，我同我男朋友都好中意食整體上係會有下次，下次想試下佢個肉眼扒，見到隔離枱塊扒又厚又大份，不過美中不足既係當日既侍應同我地溝通上有d問題，好難聽得清楚佢講咩，感覺應該係殘障人士…咁我都應該體諒佢嘅…

好耐好耐之前食過一次，一直都覺得佢既All Day Breakfast幾好食，同埋好記得佢呢度有好靚既公仔圖案咖啡☕️之前同朋友講起，又好想再去食😳於是我地三個就決定放左工黎食下😊點知去到見到餐牌冇All Day Breakfast，真係有少少失望😞因為都算係特登為左佢而黎！我諗宜家可能得返中午或下午茶先有掛~最終我就叫左個卡邦尼意粉，貌似都幾吸引咁🤔-🎈卡邦尼意粉第一啖食覺得幾好食，好creamy！但越食就越覺得有啲膩！不過入面啲料好多，有煙肉、蘑菇同洋蔥😋至於我朋友叫既個個忌廉明太子意粉就等得有啲耐，接近食完都未黎😭黎到既時候我試左佢個個一兩啖，覺得明太子味唔算好重，偏淡！整體黎講，今次食就覺得一般般！但呢度環境確實幾好，除左樓下有位之外，佢樓上都有座位，仲有一個比小朋友玩既區域。餐廳又唔算話好多人，都靜靜地咁，好岩閨蜜係度談心💕但如果我下一次再黎，一定會揀lunchtime/Tea time，咁就可以食到一直超想食既All Day Breakfast 啦😚

這家White House Cafe以可愛的圖案咖啡而來，朋友和我這次也是衝這而來，就想拍拍照，在假日吃個悠閒的早午餐，對食物也沒有太大的期待XDAll Day Breakfast可能正因為對食物沒有太高期望，最後吃起來反而意外的滿足XDDD炒蛋、德國腸、焗豆和牛角包都很合我胃口！！老實說，這裡的All Day Breakfast比外面一些同等或更高價錢的還要好吃和豐盛……我感覺可以再來！熱鮮奶咖啡重點來了！！來這裡就是衝著可愛的咖啡好嗎！！！這裡的圖案選擇真的好多，基本上你能想到的都有！！我要了美少女戰士，朋友則要了比卡超，結果兩人都是拍照拍到手軟啊XD總體來說，我覺得很滿意，雖然坐在二樓，樓底較低，有點侷促的感覺，但因為食物和咖啡都很好的關係，我覺得可以接受～～

It cost around $100 per head for dinner.I was attracted by the cute cartoon. There was a list of characters to choose and you can either order hot chocolate or coffee!!The spaghetti was al dente, with enough salt and olive oil. But it was not hot enough when plated. Probably it has been stayed in kitchen for awhile  Fries were freshly fried and the ribs are tender enough. One thing can be improved is the barbeque sauce. It is not rich enoughGenerally speaking it is a good place for friends to co

自從上一次試完呢度既LUNCH之後，對呢間回頭率高既餐廳印象深刻，一直都想搵機會再黎試。終於相隔8個月後既今日，搵到時間黎再回味。由於今次客人比較多，所以被安排到2樓就座。不過，2樓樓底比較低，厭迫感較強，加上無窗，感覺更唔開揚，整體無地下果層咁舒服😣。睇餐牌先發現之前好推介既三文魚籽櫻花蝦明太子意粉已經無再供應😮….有點失望😔，唯有揀是日menu中既白汁煙肉西蘭花意粉，同埋上次食過覺得唔錯既炸魚薯條炸魚薯條 $65上枱果陣真係嚇一跳，舊炸魚咁黑咁燶既?! 炸魚層皮一睇就知好硬，根本唔可以用酥脆黎形容，食落亦好”界”口，感覺好厚粉。魚嫩滑唔腥，炸魚內軟滑，外厚硬，形成強烈對比。但本人比較中意粉薄d，酥脆d，所以今次呢個炸魚令我失望。全場最好食係個帶皮粗薯條!! 新鮮炸起，熱辣辣，外脆內軟熟。白汁煙肉西蘭花意粉 $60意粉煮得岩岩好，好有Al dente，不過調味過重，鹹左D，而且白汁煮得唔夠杰。整體意粉味道正常，不過不失；炸魚就有D失手，雖然未到難食，但係有期望既情況下，食到呢個質素就令人略為失望。另外，係比錢果陣亦有一段小插曲，我地按張單既價錢比左$137.5職員，但職員話「我地唔收

之前黎過幾次機本上小妹都係為佢地既全日早餐而來今次一坐低唔洗10秒就決定好食咩！當然👉🏻👉🏻👉🏻All Day Breakfast之前坐過樓下 係廚房隔離 座位一般 不會長坐今次上左樓上 環境不錯 只是樓底和枱有點窄 但若只有兩三枱客人的話就會聽到互相的談話內容 有點兒尷尬建議播放一點音樂 那就更自在了當然人多熱鬧時候就冇所謂啦食物方面我覺得保持水準薯餅和牛角包很脆很香 正由於凍飲冇拉花 所以就叫咗熱飲同Staff 落order嗰陣揀埋自己心水嘅公仔就得啦今次揀左斜視和龍貓咖啡質素一般啦 但包可愛嘅拉花60幾蚊算係咁啦出面呢個價唔包嘢飲都未必可以叫到一份全日午餐 所以我係會再返嚟嘅！

假日大商場實在太多人決定避入內街呢間店喺網上好評好多一到店門，都見到滿座以為又要等點知侍應引領到樓上一層原來這裏別有洞天樓上除左有枱櫈外另有cozy corner，可以俾客人入內影相打卡都幾得意餐牌價錢不貴👍叫左兩個lunch setAll day breakfast 配 熱紫薯latte一個叫左慢煮美國牛排配薯條，飲青蘋果綠茶All ay breakfast賣相幾好滿滿嘅一隻碟鋪滿各色各樣嘅美味每樣也好食炒蛋嫩滑，薯餅香脆，連粟米也夠香甜！特地為左呢度馳名嘅圖案咖啡而叫嘅紫薯latte有好多圖案可以揀雖然知道並非如拉花般咁要技術但賣相可愛就夠啦～😍😍揀左一輪，決定左要佢～係咪好可愛呢😂😂味道都唔錯，淡淡的紫薯味，淡淡的紫幾襯毒氣丸😤慢煮牛排後到賣相幾一般薯條好香脆嘅不過牛排確實對唔住慢煮韌到不行👎👎👎忍唔住要侍應換過一款轉左忌廉磨菇烤雞意粉呢個正常好多！忌廉掛麵，每條都夠晒味！烤雞切成小件，不會太硬但就缺了香烤滋味幸好店家都肯換菜知錯能改吧希望下次再來，水準會穩定一點