發記腸粉粥品

营业中

休息中

我成日聽呢間野是元朗最正既粥店, 所以有時入來找朋友打牌時, 一定會食佢.佢日頭同晚上既腸粉手勢唔同, 我覺得晚上個啊姐拉得薄d. 同埋食炸倆要睇你時運, 我平時食鮮蝦肉片腸, 蝦又大隻又爽口, 而肉片又嫩.我上次好lucky, 見佢剛炸好油條, 咪講笑, 拿拿林叫番碟先, 嘩好好好好好正!! 又熱又脆, 腸粉皮厚薄適中, 配合埋我最欣賞的"黃豆味濃郁既豉油"!~ 咬果一下,真係足夠回味幾年, 因為好小食到, timing夾到.叫埋豬潤滑牛粥, 真係好足料, 我從未食過甘爽既豬潤! 我去過好多區食, 咩"海皇", 又去過西灣河, 深水bo.....全部全部都係又硬又鞋口, 就算唔鞋口都唔爽. 最爽係呢間. 唔好比佢的普通門面呃左, 我發現其實想食真正好野, 貴既餐廳是比唔到你.

因為五一勞動節，多了一日假期，卻少了見朋友仔一面既機會。於是我地就自己製造見面機會，決定入tsw做運動同探貝貝，仲有去元朗搵野食。我勁鍾意食粥，之前見到有人介紹呢度就好想入黎試。呢次當然唔會放過佢啦~同朋友仔share左一煲雞雜粥同炸兩。老實講，我係見到食評既相知道成個煲上而對呢度留下深刻印象。不過一坐低，發現原來個煲都唔係好大，因為見到個個人都係一人一煲。雞雜粥新鮮滾熱辣，唔夠一陣就整熟D蔥粒。粥底很綿，而且無落味精，雞雜仲一大堆。不過炸兩非常之麻麻，腸粉皮雖然滑但係幾厚，最重要既係條油炸鬼稔petpet。大概都放左一段時間，因為食落都唔暖。下次黎都係試蝦米腸同粥算。

一想食腸粉就會諗起呢間,佢既粥底好綿又大煲,而且腸粉即叫即整都幾快手!一到宵夜仲爆多人呀~每次幫襯必叫豬腸!因為又大塊又爽口,好少食到d豬係唔0鞋口架!

同朋友仔漫無目的入元朗找食的，誤打誤撞之下見到呢間粥鋪，突然有鋪食粥癮，又見門口排晒長龍，心想隔離有幾間打冷都唔夠你做，就一於試下你！就係咁，揀左呢間門面很糟的粥鋪，卻可以品嚐一流的粥。我們兩個人點了一窩碎牛粥、蘿蔔糕、叉燒腸和油條。先上蘿蔔糕，本人覺得味道一般，可能師傅煎的時候比較重手，太多油，口感麻麻地。然後有碎牛粥，少見的用瓦窩上，上到枱仲見到d粥滾緊，感覺很好，牛肉沒有被梳打粉勁醃的味道，粥好棉，極力推介。再有叉燒腸，腸粉的皮都不錯，雖不及著名酒樓的腸粉皮薄，但勝在足料，不俗！最後是油條，水準平平，平穩過關！

昨日發燒喉嚨痛於是叫太座買粥同腸粉送藥！碎牛粥‧鮮腸。粥底很綿，粉牛很鮮甜‧又多料‧不油膩！肉很爽腸粉很滑！平時食會更加開胃！今次雖然食剩半碗！但已很滿足‧病也好轉了！病好一定去試其招牌雞粥！

叫左皮蛋粥同碎牛粥份量好多,味道都唔錯!鮮蝦腸同炒面腸粉幾滑,炒面好普通.服務麻麻,有個阿姐態度好差!!!因為間鋪好細,去到等位個阿姐好似成日都嫌我地阻住佢\咁!!!好無禮貌囉,埋單好似求佢\收錢咁.如果唔係病,我諗唔會特登去食!

老婆牙痛, 所以中午帶佢來食粥老實講, 我都係第一次來呢度食粥, 但之前就聽人讚得多叫了一個碎牛豬潤粥, 一個及第粥, 一碟牛腸, 一碟蝦米腸碎牛粥, 真係碎牛無加粉仔的, 仲有五六塊豬潤及第粥, 內有粉腸, 豬肉同豬潤蝦米腸, 蔥花多過蝦米牛腸, 好多牛肉粥無我想像中甘好, 份量係多, 但粥底比較稀, 而且有味精腸粉就非常好, 好滑同好有米香淨係腸粉, 已經值得再來幫襯

星期日同honey,兩個寶貝去食粥,我honey話D蘿蔔糕好正,外面煎到脆卜卜。大寶貝話D油炸鬼雖然凍左都係脆。我話最好味係腸粉，叫左豬潤腸同叉燒腸，D豬潤好爽口腸粉皮好滑,叉腸雖然好味，不過D叉燒切到好碎好難夾。反而D粥一般。

身邊太多人生病吧，自己又休息不足，一不小心就病了。　生病只得吃粥，實在很悶的，龍很好的陪我來全元朗最好吃的發記粥品，已經是苦悶中的一大安慰了!　要了皮蛋瘦肉粥與及第粥各一($16@)，龍第一次試這裡用瓦煲上的粥，驚艷了；我也覺得這裡即滾的粥新鮮味美，沒下味精仍十分滋味，大大的一煲慢慢吃也清掉了!　當然不忘向龍介紹這裡腸粉，今次試的鮮蝦肉片腸($14)有點喧賓奪主，肉片蓋過了該為主角的鮮蝦，然而龍也十分讚賞滑溜的腸粉。　還有煎蘿蔔糕，新鮮、香口又好吃，才售$8三大件，龍勁讚好抵食!　吃過這一頓，感覺好轉好多，是抵食又健康的一餐!

男友一早入黎搵我食早餐, 我不嬲無食早餐既習慣, 但係prefer一朝早食粥.佢去左買及第粥, 皮蛋瘦肉粥. 兩條油炸鬼同豬潤腸粉, 我都係第一次食發記既野, 佢地d粥底都好綿, d粥好多料, 油炸鬼唔油膩得黎又脆, 豬潤腸粉都好好味!最一讚係價錢平嘛, 食咁多野先至五十幾蚊! 正!

不是第一次在這裡吃，卻是第一次吃這些東西（因為之前都沒看這裡），以前就已經知道這裡的粥好讚，昨晚吃嚕豬碎牛粥，豬好爽又粉粉的，又多片，碎牛是鮮牛，粥好綿，吃到底都是綿的，沒有變水（滿足）腸粉就叫了叉燒腸，料好多，粉皮不厚，我不算大吃的人，不過昨晚吃到停不了口，吃光了粥跟腸粉，而且因為時間尚早(才6點多)，外賣了蘿蔔糕，（埋單才$３５好抵！）８點多時才吃，一樣好吃，料很足，冬菇臘腸都不少，味道很好一定會繼續再去啊（大叫！）

今天突然要來這區,3人來此lunch,可1償心願,叫咗:1)碎牛肉粥-粥底是有米花嗰隻,唔多鹹,味道比較自然,應該無嘜味精。但友人就因為咁而嫌唔夠味-碎牛嫩,不過無嘜個人之處2)切雞粥-1讚是切雞好滑,亦有雞味,因為粥底是有客叫才即滾,所以d熱力可迫溶d雞油-個人比較喜歡雞粥多d3)蘿蔔糕-1碟3件-質感比較軟身-味道唔太鹹,食其食物的真味道-唔差4)油條-唔熱,但都小脆,當然唔喺卜卜脆嗰隻啦5)炸兩-普通6)炒米粉-仲普通,不過勝在唔多油,可以不試7)凍檸樂X 3-整體可以,但大家覺得唔喺特別好食

這裡的粥很「綿」，而且全是生滾粥。蘿白糕、抄麵、腸粉等也很好味。值得推薦。

下午茶提及過這裡的即拉腸粉,三姨似乎很有興趣,買完燒鵝後又跑來八卦一下;我們站在門前看著密密麻麻的腸粉種類,我們還沒有選定,三姨已經跟阿姐落單,真快手!回家打開盒子,當看到大人的蝦米腸粉時不期然"嘩"了出來!密密麻麻的蔥花和蝦米滿佈在腸粉之上,用料之充足真的少有!自己看到那密麻麻的蝦米真的頭皮發麻,但大人卻吃得相當愜意。腸粉不太厚,只是經過外賣盒焗過之後味道會稍遜,但還是有水準的;叉燒粒份量頗多,切得很幼細,但進食時卻會不斷跌下,有點不便;豬潤厚薄剛好,口感爽爽的,配合軟滑腸粉的確好吃,推介!!蘿蔔糕煎得金黃,蘿蔔絲份量不少的糕身頗軟滑,所以也很重蘿蔔香味,吃起來不會覺得粉雷雷,內裡也有不少臘腸片、冬菇絲,配料絕不欺場,這款自製蘿蔔糕是另一個推介!!醬油不用要求也用小膠袋另上,每碟一包不會吝嗇;店內冷氣不太足夠,還是等天氣再涼快一點,再來堂食好一點,畢竟新鮮出爐的才最好吃。

8月18日補完習病病地，所以去左發記食碎牛粥。第一次去食，粥好綿，材料比我想像中多好多=] 8月21日同男友買完電話，就決定再去發記食粥。我叫左碎牛粥同炸兩，男友叫左肉片粥同肉片腸粉。2個大食既人都食唔哂，哈…真係平靚正！