發記腸粉粥品

营业中

休息中

食完彪記,意猶未盡,諗住食粥唔會好飽.同彪記好唔同,雖然係街口,但係小貓三四隻,真係兩碼子事.掃一掃玻璃窗,見到有雞雜粥,自己一向都有食廟街明記雞雜粥,睇下有乜特別先.有d野真係估唔到,諗住雞雜點都會有雞心,腸,腎,膶之類,但自少都唔食雞心,諗住同伙記講聲,點知佢話無雞心,好啦,預左佢有雞腸(好鐘意食),點知煲粥上檯,又係另一回事........咚!雞雜粥($17) : 以為用砂鍋上,其實係煮完倒落砂鍋比人,粥底無明記咁綿,亦都無我鐘意既'開花',其實真係有d失望,先呷一啖粥,無生記或者妹記用魚熬湯的做法,睇睇d料,食得出新鮮,但係話明雞雜粥,只得大量雞腎同幾舊膶,咁又點叫雞雜呀?

今日過咗午飯時間去, 都座無虛設!叫咗豬潤粉腸粥 + 蝦腸.粥底好綿, 豬潤粉腸都算新鮮, ok.蝦腸d 蝦就非常爽脆 , 一d 蝦味都冇! 識煮野食都知, 爽脆不等如新鮮, 只是特別加功咗!!!!!!!!!!

今個暑假成日陪papa去食宵夜發記是去了最多次的,佢地的蝦腸真係好正,入面的蝦好大隻又幾新鮮,每次去都一定會叫蝦腸食佢地d粥都好好食!第一次去食時係叫豬潤魚片粥食,豬潤好好食,冇苦味,之後都試過食雞粥,好鮮甜,好多雞,搞到冇咩粥食,哈哈粥底都好好食,雞件混合埋粥一齊食,口水都會流落黎,佢地的皮蛋瘦肉粥都好好食,不過建議食雞粥,真係好鮮好甜,好正下。不過雞粥就比其他粥類貴少許聽papa說,發記十幾年黎都係個一班姨姨煮粥經營所以味道都同以前差唔多,值得一試啊十幾蚊一煲咁大的粥真係幾抵

同男朋友去小樽食完甜品後就過對面街既發記食腸粉!!!!!!!!!!我要蝦腸($14),佢要叉燒腸($12)佢總共有兩條,一條有三隻蝦,但係佢比少左隻我呀d蝦都好大隻好鮮味,連埋d豉油就真係好正,佢d豉油又比得多係岩岩好既,當你食完碟腸粉係岩岩好冇淨d叉燒係一粒粒碎既,所以食既時候好容易跌哂出來d味道okay啦,呢度既腸粉真係好滑地方呀環境呀係人都知道個到好細,唔算太DIRTY但有時會見到有烏蠅飛過但係總括來講............係OKAY!!!所以多好評就係咁解喇PS: 佢呢度叫外賣係每樣野+$1,即係如果你叫兩個腸粉同一個粥,佢會收多你$3

愛死這間粥店, 因其索價便宜, 用料十足. 一大煲單/雙併多為十七大元, 滿滿的一煲, 有時還滿得漏出來, 胃口小的大可二人分享呢~ 客人要求說"可以唔好咁多料." 你聽過未?特別推介其豬潤粉腸, 近期最愛! 廿多歲女未吃過那麼爽脆厚切的豬潤, 粉腸淋香, 太滋味了! 順帶一提, 落單時可要求加生菜絲, 免費的. 吃得健康時也可減低膩滯感, good~ 炸物是來貨, 但一天交貨多次, 如這樣也可吃到又淋又靭的, "算你好彩"了吧~ 炒麵炒米即製, 單用椰菜芽菜入饌. 清清的不錯, 但水準不穩, 時而靚仔, 時而太油.愛死這間粥店, 因其親切的服務態度. 可能我是常客, 每位亞姐都對我好好. "今日食咩呀?" "走薑係唔係?" "要唔要水?" "走嗱亞妹?". 小店來說, 夠了~繼續推推, 繼續推推, 繼續推推.....................誠意小店, 值得一推再推! ^^

不管中午或晚飯時間，經過「發記」總見到人頭湧湧，還不時會有人在外等外賣。心想應該有點看頭，自己也在中午試過一次（食評嘛．．．．．．哈哈！）果真不賴，粥品用沙鍋上，腸粉即叫即拉，價錢不算便宜，但食味真的不錯。剛巧有天女朋友說想吃粥品，想起「發記」，於是就帶女朋友去試一下。時近八點，店內坐滿了食客，店外亦放了數張枱，當然亦坐滿了客人。環顧四週，附近的食肆亦一樣，在店外於滿了枱（元朗這一帶不時會出現這情境，特別是假期前夕尤甚）我們等了位不久，在店的枱有位了，女朋友說不介意坐在店外（坦白說，我是有一點點介意的，原因不在於坐在店外的衛生問題，而是那些在外的枱是臨時的，有「走鬼」的危險，不過可能我也有點習以為常，於是也放下介心坐下了，怎料．．．．．．）「發記」的餐牌早在食客的心中，想吃的粥品說得出的都應該會有，若真的沒有頭緒，店中的玻璃位置也貼滿了食品及價錢（雙面貼的，店內店外的客人同樣可以看得清楚）我和女朋友也不多想，就叫了一個牛肉粥，女朋友則要粉腸瘦肉粥，另外叫了一碟炒麵。女朋友說今天胃口正佳，又叫了一碟炸兩及蝦腸。炒麵炒麵先來，沒什麼配料，看上去只有銀芽，不過還好銀芽份量不少，麵質爽口，吃起

尋晚同女友黎左食 , 我就其實第一次黎食粥既 , 曾經聽女友提過呢間粥好出名.加上女友胃唔太舒服 , 咁緊係食粥la.叫左 豬潤粥 (我) , 瘦肉粥 (女友) , 炸兩 , 菜 , 炒麵我一向都鍾意食豬潤粥 , wa.... 呢度 d 粥又大碗 , 而d潤仲好多 , 潤好爽好味 ,粥又綿 !! 好滿足而炸兩....唔知係咪d油炸鬼整時已擺耐左 ,淋淋地咁......口感麻麻炒麵就.....係咪用左油麵?? 成碟好多油感覺好膩麵身好泣....食唔起癮,食唔哂 總括:我會再黎 食粥 !!ps. 我食到成身汗 =_="

今日同老公去左元朗,,見呢度d食評都幾好,,就試下LA!但係元朗站行過去都幾遠,,行到身水身汗LA 黎到又5係太餓就叫左個艇仔粥同叉燒腸,,艇仔粥好多料牙,,幾綿牙,,我覺得幾好食,,但老公話D味淡,,仲狂落胡椒粉,,個叉燒腸個樣都幾好睇牙,,我覺得仲好好食,,HAHA,,呢間GE叉燒腸係我食過最好食GE叉腸LO,, 仲有,,佢入面真係包左好鬼多叉燒粒,,不過就得2條,,5夠喉牙 其實原本係黎食炸兩GE,,不過油炸鬼賣晒,,好LA,,如果下次有機會再黎就食LA,,始終呢度真係太遠LA,,

食完晚飯過左陣..想去食宵夜...就去左發記lu!艇仔粥 $17 真係好大碗丫 見住佢成個煲到晒落去.. 如果一個女仔係食唔晒..同人Share就最岩 味道好好..唔洗落是油果d都好夠味 d料都落得好足!又平又抵食 炸兩 $12 d腸粉好滑 加埋d辣醬一齊食 正!價錢好抵! 衛生睇落去錯唔算差..佢幫你洗埋隻碗..拎上手仲係熱既服務一般..因為佢地太忙啦

一直以黎都係發記支持者既我, 呢日又黎幫襯 已經有好一段時間無食過, 當然滿心期待...呢日我同男友仔一收工就準時走, 所以時間仲算早, 等左無幾耐就有位 肚仔餓, 一坐低就即刻 order 先... 雞雜粥 (我) 炸兩 (我) 肉片粥 (男友仔) 牛腸 (男友仔)讚 粥粥仍然好好味 彈 炸兩 - 油炸鬼一 D 都唔新鮮, 咬落淋淋既, 而且腸粉皮好厚 (記得以前食落, 條油炸鬼算新鮮, 仲會少少脆添架...)牛腸 - 腸粉皮都係太厚, 不過感覺上比炸兩既薄少少, 牛肉太碎又少 (以前食, 腸粉皮無咁厚, 料無咁少同無咁碎...)粥 - 雖然仍然好味, 不過粥底明顯稀左好多 睇黎, 下次黎呢度只會食個粥就算, 腸粉實在.....差左好多

元 朗 逛 逛 後 ,,2 人 便 到 發 記 醫 肚..撞 正 食 環 處 掃 街 ..門 外 不 能 放 TABLE 哦"幸 好 早 到 一 小 步,, 等 了 一 會 便 有 位 .. 2 個 人 ,, 叫 了 ::艇 仔 粥 :: 瓦 煲 上 的 .. 很 可 愛 >V<..綿 綿 的,, 不 錯 吃 唷"鮮 蝦 腸 :: 蝦 的 SIZE 也 算 剛 好 .. 好 味 =]!!叉 燒 腸 :: 足 料 了 .. 平 時 不 太 好 的 也 覺 得 好 味 =]炸 兩 :: 也 不 錯 唷 ,,自 己 落 了 很 多 甜 醬 XDD".. 不 過 炸 兩 凍 得 好 快 "可 樂 :: 可 樂 就 是 可 樂 唷 .. 嘻"炒 麵 :: 炒 麵 這 個 ..很 很 很 油... 味 道 也 不 太 討 好-V-..很 努 力 下 結 果 也 淨 了 不 少。用 餐 後 .. 超 飽 超 滿 足 XD也 許 是 我 們 叫 了 太 多 東 東 吧 ..TABLE也 不 太 夠 位 放"看 見 格 離 黎 的 成 年 人 們 ..2-3 個 人 最 多 也 只 是

今日同個friend黎呢度食粥..佢成日黎食既,我就第一次!!我地兩個叫左豬潤蠔仔粥($31) ... 好正呀...好足料呀!!!D粥好大鍋..又多豬潤..同埋D蠔仔都唔算好細隻呀.....總知煲粥好好味啦!!! 31蚊絕對抵食!!!!我地仲叫左炒米粉($7)...幾多菜+芽菜..呢個都OK丫..唔差呀!仲叫左條油炸鬼($5)..普通油炸鬼..但連埋粥食就好好味..果度既蠔仔粥好味呀..我見到好似$21 ..下次叫腸粉同蘿蔔糕先

身為粥迷 見發記口碑咁好真係日日都想嚟試試~~今日得閒又行過雞地當然要支持吓 即使得一枝公~~~要碎牛粥等成個字先到本打算影相, 點知部相機整極都zoom吾到近嘢, 激死=..=食既時候仲係好辣嘴個瓦煲好大功勞~~~粥底鹹味啱啱好 綿綿哋~而且都幾鮮~~~good！碎牛偏鹹少少 但勝在多同鮮味@@加上點綴既蔥, 好對辦~~~ 不過 食完會有啲口渴！睇嚟落味精係難免的。抵讚~抵撐~應抬~x)

其實我都經常幫襯呢間舖, 食過多次, 每次都會叫及第粥, 因為佢d材料好新鮮, 豬肝又香又滑, 瘦肉亦非常好味, 如果唔喜愛食內臟, 都有好多選擇, 例如咸雞粥, 魚片粥等等, 由於粥底夠棉, 仲要係一大窩上, 通常我都會同朋友一齊分享一窩粥, 另加一碟即煎蘿蔔糕, 一碟蝦米腸粉, 一碟炒米或者炒麵, 若果再唔夠就再加多碟油菜添.... 食4-5樣野都係約$60左右, 實在非常平宜.

週六，4pm 還沒吃午飯到元朗，原本想吃的還未開走到某街某轉角位，有間平常沒看見的小店，細看才知道是發記店面不大，就是平常粥店格局坐下，點了叉燒鮮蝦腸和蠔仔碎牛粥腸粉先到，料太多所以有點散，但看上去還是很吸引吃了一口，嘩，很久沒吃到這樣的腸粉了!第一，腸粉薄而滑，看得出的即叫即蒸第二，愛吃腸粉的都知道豉油是重點這裡的豉油甜味咸味都恰到好處，正第三，鮮蝦雖不多，size 正常，但隻隻彈牙鮮甜腸粉通常是下價食物，有幾多小店大酒樓會用到此等鮮蝦?之後蠔仔碎牛粥上枱，用砂煲上老實說，很少在街外吃粥，從小只愛潮州粥，對廣東粥的糊口完全沒興趣而且也有太多不快經驗，吃了街外粥要口喝整個下午，我是吃粥不是吃味精吧?說回桌上的砂煲粥，超滿，蒸氣悠悠上升，視覺一百分忍不住用筷子點了一下，偷嘗一小口粥水當場就嘩了一聲，只是在筷子上的粥水，居然已經鮮甜到要嘩一聲的程度真正吃一口，當下決定這是街外粥no. 1，以後如無必要不吃別店的用料待多，差不多每口都有蠔仔，碎牛也不少粥絕不糊口，不至於潮州粥的吃得出一粒粒米，也不是煲到爛就是恰到好處的，放入口感覺到米粒，卻輕輕一壓就消失粥水吸收了蠔仔碎牛的精華，每口都是飽滿