發記腸粉粥品

营业中

休息中

12.27是夜很想吃粥, 1點幾, 男友提議來這裡吃粥。在及第粥 與 艇仔粥之間作出選擇, 終於選了艇仔粥($17)。再加一個炸兩($10)。艇仔粥是即整的, 所以要等一會兒才有得食。好大的一煲, 2個人食, 作為宵夜, 完全是卓卓有餘。新鮮熱辣上桌, 有很多材料: 魷魚﹑生菜﹑瘦肉﹑豬皮等, 十分豐富。沒有吝嗇, 材料很多, 每次也可以吃到不同的材料, 果然足料, 抵食。炸兩稍為遜色, 因為油條已經不是熱烘烘的了, 所以並不是香脆上碟的。幸好, 也不會有油益味。按自己喜好加醬料, 所以我加了很多麻醬及豉油, 滿足。 宵夜的好選擇!!

近日天氣轉冷, 入到元朗, 想先找點熱食暖暖胃, 好友推介到此. 好友到那邊打點, 說炸両分分鐘沽清, 要先行落單. 所以我逕自盲摸摸由大馬路走進來, 幸好, 只要由kfc 路口進來, 一路往前走, 便能搵到. 對於外地人的我, 要算容易. 坐下不久, 炸両便到, 先來一個, 油炸鬼粗粗的, 都算幾脆, 但腸粉過淋身了一點, 有少少笠口. 不算很合我口味, 有點可惜, 但差不多下午二時, 仍有這水平, 已算不錯, 卻沒有傳聞中的驚喜.粥品方面, 要了艇仔牛肉粥, 原來用砂煲上. 砂煲咁大既拳頭就聽得多, 但砂煲咁大既粥, 仲一人獨享, 就真係第一次啦! 既來之, 則安之! 先來一口粥底, 好綿喎! 不會太稀. 再試試艇仔材料, 魷魚好鮮味, 一點也不un. 豬皮爽口, 碎牛加上炸米粉, 好惹味, 口感也不俗. 嚟到呢度, 雖然唔係太好豬潤, 也要淺嚐好友的一點點, oh! 呢度的豬潤, 切得較厚, 用粥微微的灼熟, 一點也不un, 嫩滑, 沒有平時豬潤那up 味添. 怪不得好友說, 這是她例點的項目! 不知不覺, 我竟清了煲, 生平也是頭一次, 厲害!亞姐招呼不錯, 好友先來取

今天早上醒來, 發覺凍了很多, 所以很想吃熱的食物來暖暖胃和身體。這麼冷的一個早上, 光顧發記腸粉粥品是最好不過的選擇。我點了碎牛豬潤粥和鮮蝦雞絲腸粉, 因為是即叫即做的關係, 所以需要耐心等待。但等待的過程並不會納悶, 因為小小的粥店裡有電視播放着, 邊看邊等, 也不會覺得無聊。鮮蝦雞絲腸粉先來, 賣相很討好, 新鮮即做還能看得見蒸氣冒煙。急不及待要嚐一口, 果然十分燙口, 豉油不會太鹹, 雞絲鮮蝦蠻好吃。但鮮蝦份量略嫌過少, 而即拉腸粉皮亦過厚, 也沒有傳聞中的滑。雖然腸粉皮厚了點, 但整體味道不俗, 也值得下次來再點。接著碎牛豬潤粥亦送來, 是用瓦煲盛載的。 從未見過粥品如此出場, 很特別, 真的可以稱它為煲仔粥。稱得上它為煲仔粥, 可想而知它的份量是何等之巨, 這樣的一個煲仔粥, 份量足夠兩個人之用, 然而它的索價只是十七大元, 真的十分超值。此外店方落料絕不吝嗇, 豬潤切得很厚身而且很大塊, 新鮮得很。牛肉碎不會切得過碎而保留一些質感, 米粉亦下得少, 真材實料。粥底本身煲致米開花, 加上給豬潤和牛肉碎煮過後, 粥底變得很鮮甜, 即使與鮮蝦雞絲腸粉同吃, 也不會蓋過它的鮮味,

個日去到本身諗住叫及弟粥，因為佢地d豬潤正!不過佢話豬潤未有，所以叫左滑牛粥，荔灣艇仔粥，肉丸豬肚粥，炸兩，牛利蘇，蝦米腸(原來都叫左幾多野)食物質素很好，而且價格十分超值，一煲砂窩粥只係$17起但環境麻麻，因為如果店內冇位就只係可以響路邊

話說今日放假~~~就同左女友來食 (因為上來睇到依間多人推介)11 20 到左~~~女友想食油炸鬼 不過佢地話大約 12點先會有新鮮既。食左個炸兩~~~(唔得,林晒既 )炒米~~~(清啖ok 多牙菜同生菜.....接近3:2,仲係既炒)牛肉粥同及第粥~~~(好抵食 同同食)遲下都會再去食埋其他野

一個人食唔晒呀,最後打包唔好晒蘿蔔糕好足料,煎到脆脆地,又有我至愛既菇係裡面,蘿蔔多麵粉少,加少少甜醬食仲正,而且仲好大件添,我最後食剩一件,唯有打包.豬紅牛肉粥即叫即煮,用個兜裝住好大碗,又好足料,牛肉好多好好食唔韌,豬紅都有7-8粒,又抵又好食,粥底好綿,剩底半兜又打包.我見到人地d腸粉都好好食,皮薄又大件,不過我真係食唔落喇,下次再食過啦~~~

天氣涼了一點，便和男友到發記食粥。一直以來都鍾意吃發記的粥，夠味但味精不重，而且粥即叫即煮，好正。但叉燒腸就很一般，記得有個素菇 x x 腸好好味的。這裡的炸兩同樣好味，油炸鬼夠脆。而且價錢平，又好味，真好。

發記 ,, 已經幫襯左好耐架啦 ...!!Ｄ粥好好味 ... 即叫即煮腸粉即叫即拉 ...真系好好味...><"平均每星期都去食一次. ..及第粥 好正 豬潤粥 超正

發記既煲仔粥, 係元朗都好出名的了今次我食了一個花生柴魚排骨粥 $17, 好多料, 但我不喜歡他的粥底, 感覺好怪, 唔似其他粥檔的口感蠔仔粥 $21都好多蠔仔, 蠔仔亦新鮮, 但粥底超淡, 唔知點解蝦米架量, $14表層個蝦米腸好食, 但油炸鬼唔得啦, 可能都放左一段時間, 完全唔脆口的所以來發覺做架量, 應該要中午來先岩

兩樣至愛：粥：超新鮮，唔會有太重味精，料足和大碗，價錢超值，冬天和生病時我便成了這裡的常客。腸粉：很滑，即叫即整。不要對這裡的服務有期望了，經常會漏單或遲來，但食物的確很出色。

Tried 腸粉 and 粥, taste well, seems no MSG were used, size is good, friendly serviceBUTthe 腸粉 cannot be picked up by chopsticks, too soft, maybe due to under-steamed, it failed the basic criteria, please improve

由佢開鋪幫襯到而家岩岩開時好平, 而家就貴左, 不過都係好抵食2個人40蚊已經好飽最愛皮蛋滑牛粥 + 蝦腸, 好多蝦, 雖然被梳打粉醃過, 都算OK~仲有炒米粉, 係齋黎架, 無肉最岩素食一族~

睇完食評一心去試吓d"腸粉", 昨天下午大約5點去到冇開門(今日問番d員工原來有落場時間6點會再開番)今晚收工大約7點20分又走多一躺, 去到坐低叫左"切雞粥 & 叉燒腸", 大約10分鐘後有得食1) 切雞粥 ($36)~ 粥底幾綿, 不過食到半碗已剩粥水~ 好多雞, 都幾滑可惜醃得過咸~ 食完碗粥之後要即刻去7仔買水飲 2) 叉燒腸 ($12)~ 腸粉皮都幾厚又唔夠滑~ 叉燒粒幾多, 可惜冇叉燒味

天氣好翳熱，一個人係新元朗中心買完嘢，本來諗住去食燒鵝飯，但諗到未去過發記食粥，一支公可以當先頭部隊試吓，再介紹俾朋友。七點去到已經好多人，有冷氣嘅室內位已經滿晒，無所謂啦，反正食完都即刻返天水圍，就算天口好熱，都坐咗係馬路邊。叫咗皮旦滑牛粥及蝦米腸。皮旦滑牛粥用煲仔上，好大兜。粥底唔錯，好滑，夠味；牛肉份量好足，似乎有醃過，亦好入味，且好滑；皮旦唔腥，亦好足料。整體印象幾好。蝦米腸亦好大碟，耐過Ｄ粥上，相信係即蒸。腸粉滑，蝦米碎及葱花好足，啖啖都有口感，好多豉油，但相當甜，鍾唔鍾意則見仁見智。真係好多街坊幫襯，亦真係好抵食，我一個大肥漢食唔晒兩樣嘢。不過出面街邊真係超熱，下次帶定毛巾仔抹汗，皆因更多紙巾都冇用，Ｄ汗係咁滴入煲粥處，好尷尬。

1) 柴魚花生粥好大煲，$17，抵食！啲粥好綿，正！2) 炒麵係粗麵嚟架，炒得唔太油，o.k.喎！3) 炸兩嘛嘛哋！啲油炸鬼唔夠脆。間舖雖然細細間，但都算坐得舒適。