發哥粥底海鮮火鍋 (已結業)

跟朋友到九龍灣傾嘢，接近晚飯時間，想搵飯食但德福商場比較多人，一search之下，搵到距離德福戲院腳程5分鐘的地方就動身出發。發哥粥底海鮮火鍋隱身在工廈裏面，但裝修、環境都很乾淨，侍應們亦很有禮貌，坐得非常舒服。剛坐下就每位送一款燉湯，今日飲嘅係花膠蟲草雞~落足料燉，滋陰補氣~ 另外仲有前菜、冰鎮鮑魚同焗青口， 有heart之作，海鮮新鮮好味道。 他們主打粥底火鍋，我哋點咗海鮮火鍋，另外按人頭計點8款食物，每位每款食物有三件左右，點菜時以為會唔夠飽，但錯啦，我哋食到8成時已經飽到飛起。呢度嘅粥底火鍋同平時食嘅唔一樣，先用粥水打邊爐最後先加米落去煮。 食物分批上，好新鮮，海鮮份量亦比想像中多， 仲有我好想食嘅卜卜蜆。 先落海鮮，讓粥水更鮮甜。 奄仔蟹、蝦、卜卜蜆、魚、 蟶子、貴妃蚌分批落，每款都好鮮甜新鮮，唔會因為係工廈食堂就hea你。 喺散叫嘅食物當中，我哋一致贊同肥牛非常好味， 肉質嫩滑，真係牛有牛味，唔會係平時嗰啲雪到硬繃繃、勁多肥膏嘅肥牛。 食到大約八成，我哋已經好飽啦， 慢慢食伙計們亦冇催我哋。到最後加粥底嘅時候，仲主動提出落少啲米，以免我哋過飽。 我哋最後係

鐘意打邊爐既我，今日媽咪推介話呢間發哥粥底邊爐好正，因為佢同啲雀友係到食過，一家幾口決定選定呢間試一試，雖然係工業區，但並不難搵，一坐底望下，有幾個餐選擇，有龍蝦邊爐，蟹邊爐，雞煲。我地個個都like蟹，更係食蟹啦！個餐仲包左有小食，有焗青口，花膠雞湯，仲有鮑魚添，鮑魚可以揀熟食同邊爐2款。我地原汁原味揀十下十下😂呢個湯真係無得彈，原盅上，仲有2條花膠仔，超鮮又濃郁。講真仲想飲多盅！焗青口係即刻整既，厚肉又惹味主腳泥嗱！嘩！超勁！海鮮鮮甜多肉又大隻，有時係外面食un支支。估佢不到會咁正！淨係食海鮮都已經有半肚，加埋配料大滿足，佢地配料都不差，亦有水準，推介黑松露帶子餃。又香又大粒！腩肉都幾滑半肥瘦啦！粥底軟綿綿，加埋原來海鮮既精華，碗粥真係一流！一人食左2碗。飽到上心口，價錢又不貴，絕對地合理！飲品任飲！

朋友係九龍灣放工又唔放得早，就開左個app 搵直接附近有咩食，比我地見到呢間。一路以為係間地鋪，我地圍住棟大廈兜左個圈都搵唔到個入口，點知原來要入去工廠大廈入面。入到去有三個餐揀，我地決定食豪啲，一人一個龍蝦餐。個餐裏面包好多海鮮，多寶魚，龍蝦，鮑魚，聖子皇，黃金蜆同貴妃蚌。另外仲有8款配料。每張台有個牌係教埋每樣海鮮要滾幾耐，好貼心。總括黎講，海鮮都幾新鮮，加埋跟住個牌滾啱時間，唔會曬左啲海鮮。最重要嘅係，食咁多海鮮都只係二百幾，價錢唔算貴。

想食粥底火鍋好耐，好多年前食過一次回味無窮，今次就搵到一間係九龍灣的粥底火鍋店，離地鐵站唔遠。餐牌上有兩款套餐可以揀，大家都揀左龍蝦餐$278，價錢好合理。海鮮拼盤都算新鮮，龍蝦size唔細，蟶子都好大隻。餐廳好細心，有張卡教客人每種海鮮要煮幾分鐘。龍蝦煮左6分鐘，肉質非常嫩滑鮮甜，唔知是否粥底令海鮮更加滑。蟶子和具類都不錯，不會吃到沙。另外要讚的是，餐前會包每人一份燉湯，餐前小食是雞腳同青瓜，酸酸嫩嫩的很開胃。而且飲品任飲，有我們的兒時回憶清涼爽，大家都忍唔住要飲。套餐包8款火鍋配料，大家都食到好飽。最後店員話幫我地煮南瓜粥，已經飽到食唔落。

朋友介紹我黎食呢間餐廳，佢話份量好多，海鮮保證新鮮，一定會滿足到我個胃口，所以就黎左呢間食啦！結果真係無令人失望，完全符合朋友的描述，新鮮大份加好味good！海鮮的主食有：生猛龍蝦(每位半隻)、多寶魚、貴妃蚌、生猛海蝦、黃金蜆、紐西蘭聖子皇。全部都好新鮮同大隻，龍蝦好味到食唔停口。黃金蜆好鮮甜，比起聖子皇仲好食，哈哈。多寶魚幾厚肉，juicy juicy！除左海鮮之外，仲有頂級肥牛、開胃涼菜兩小碟、蒜蓉泰醬焗青口兩隻同花膠雞燉湯一盅，包羅萬有。配料可選8款，叫了：日本黑豚肉(3件)、高原娃娃菜、脆鯇骨腩片、黑松露皇帶子餃(2件)等。特別要讚既係脆鯇骨腩片、黑松露皇帶子餃，我會用出色黎形容，大家一定要點黎食。最後食埋個粥底，真係滿載而歸，太滿足了。服務態度100分yayayaya！

聽聞九龍灣有間粥底海鮮火鍋，最近我迷上左，所以一於去試下。餐廳好大，座位都幾闊。我同朋友叫左粥底，每位$278起。一開始有兩樣開胃涼菜兩小碟，我幾中意個青瓜，的確幾開胃，哈哈。之後有花膠雞燉湯一盅，d料都幾足，應該係用心煲，好濃味，like it主食好豐富呀，有十一樣野食。等我介紹d特別好食既野先。生猛龍蝦(每位半隻)佢用波音龍蝦，即係即切，非常常新鮮，d 蝦膏勁正又多，好想食多半隻呀哈哈 鮑魚有兩種，有冰鎮同跳舞鮑魚，跳舞鮑魚係代表新鮮切，如果可以再大隻d就好啦，不過都係好味的。仲有魚、貴妃蚌、蝦、蜆、聖子皇等的海鮮，同樣新鮮。頂級肥牛係手切架，呢個牛味好重，我好中意食。之後仲可以點8款配料，我叫左黑豚肉、鳥冬、墨魚丸、娃娃菜、炸響鈴、萵荀、脆鯇骨腩片、黑松露皇帶子餃(2件)。講真佢d配料真係幾唔錯，有d喜出望外的感覺。最後就食米粥鍋，仲有南瓜，香芋，栗米，芫茜，香蔥係粥度。絕對推介呢間餐廳比大家食。

今日約咗人喺九龍灣交收， 順便問下喺附近做嘢嘅老友一齊飯聚， 行下行下見到呢間粥底海鮮火鍋， 兩條友咪走去試下囉。嘢都未叫阿姐就放低一支竹蔗茅根， 之後送咗一碟手拍青瓜同凍嘅雞腳， 仲要送多一碟焗嘅蒜蓉青口。 我真係冇諗到有咁多前菜， 之後仲要送上一盅燉湯， 十分足料係雞腳燉花膠，正。我叫咗一個龍蝦餐，裏面已經有不同嘅海鮮， 蟶子， 鮑魚 ，蚌貴妃 ，蚌蜆， 海蝦， 魚， 重送咗一碟肥牛同埋可以揀八款 火鍋料， 分量相當之多。海鮮盤嘅海鮮樣樣都好高質， 真係冇得彈，樣樣都係好新鮮彈牙， 只要係新鮮嘅唔駛特別多調味已經好好食。 呢個餐我反而想介紹呢嚿魚， 叫做多寶魚， 喺街市都好難買到， 佢係扁身好似一隻碟咁嘅， 食落去相當嫩滑 而且冇乜骨。手打丸我就推介墨魚丸， 隱約食到細細粒嘅墨魚，非常彈牙。食到尾個粥底會加入返南瓜，芋頭，同埋蔥 菜譜，有曬海鮮嘅精華， 十分正。

今日路過九龍灣工業區證回鄉證， 見到呢區竟然有粥底火鍋食， 為食嘅我當然要試下啦， 呢間餐廳好得意，日頭就做茶餐廳， 夜晚就做粥底火鍋，感覺好新鮮。舖頭嘅面積都好大， 有卡位、有圓枱仲有房。牆壁嘅設計都用香港嘅街道招牌設計，新潮唔老土。冇諗過入到嚟仲會有頭盤小食同燉湯送， 我比較欣賞係個蒜蓉青口同燉湯， 青口新鮮同超多蒜茸，燉湯都好足料仲有嚿花膠喺度。我叫咗個279嘅龍蝦餐, 陣容絕不失禮， 新鮮龍蝦非常彈牙， 仲有海蝦、鮑魚、多寶魚、 貴妃蚌、花蚌、 蜆、沙白………… 樣樣海鮮都真係好新鮮彈牙，而且清潔得十分乾淨， 唔使自己洗餐懵， 又可以試到多款海鮮 ，價錢非常合理 。睇下我隻龍蝦仲要有膏除咗呢啲海鮮之外，仲可以任叫八款火鍋料， 分量相當多， 我諗未食粥底已經飽曬。專人幫你量米水同煲粥:店員會因應你人數嘅多少而調節水嘅份量， 煲出嚟嘅粥軟綿綿有水準，一定唔會黐底。可以因應自己嘅喜好而家入葱、菜谱。

九龍灣發哥地點雖然唔算太方便，但係勝在抵食！一齊食打邊爐又想食粥底火鍋，好耐冇食過。首先會有三文魚刺身，有幾片，都尚算新鮮！味道唔錯。之後就到海鮮有蟹，蟹肉新鮮，而且都幾鮮甜。另外仲有大貝類，貝類都好甜，海鮮其實質素都算唔錯！重點仲有我最鍾意食嘅鮑魚，鮑魚都幾大隻，而且新鮮爽口，確實係好食！仲有海蝦四隻，海蝦就相對地普通，唔算好大隻，但係味道都還ok。起碼係爽嘅。海鮮仲有蜆，蜆好食！都係比較鮮甜！而且冇沙仲。有魚類魚就普普通通，因為個人就唔太喜歡食魚，而且仲有牛肉等配菜食到好飽，最後食埋個粥就已經飽到飛起。

九龍灣冇咩打邊爐餐廳，見呢間幾多人食就同朋友試吓，而且係冇限時!呢度有海鮮粥底鍋（非任食）同雞煲（任食）。今次先試雞煲。店員會喺你面前爆香d配料，好夠味，特別嘅係會加牛栢葉落去! 但加湯時要提姐姐加水而唔係加粥底我哋第1次嚟唔知，姐姐加粥底，令我哋食麻辣粥底火鍋火鍋料都多款同新鮮，絕對冇冰痴住食物尤其係蝦，可以叫多幾轉。仲有魷魚鬚都真係成碟鬚!可能呢度海鮮真係正，其他枱都多食海鮮粥底火鍋，下次再嚟要試吓先得。

今日約左爸媽去食父親節飯，由於他們是住係九龍灣，所以我同老婆都搵返附近食店去食，最後就選擇左呢間發哥粥底海鮮火鍋入到去坐底後，立即就選擇3選1食法先招牌麻辣雞煲、奄仔蟹、龍蝦我地就選擇左食奄仔蟹海鮮黎之前，首先有2碟前菜食同花膠雞燉湯飲，燉湯非常足料，好好飲蒜蓉泰醬焗青口，食落冇青口個個蘇味，蒜味十足，好味之後就到今日既主菜海鮮了，奄仔蟹、海蝦、番薯貝、黃金蜆、貴妃蚌、聖子皇、鮑魚、多寶魚。海鮮非常新鮮，特別係奄仔蟹，蟹肉鮮甜，貝殼類全部都冇沙，全部都非常鮮味食完海鮮後，就自選選擇八款火鍋配料：特別之處就係呢度可以半分咁叫，換句話講，即係最多可以叫16款響鈴：午餐肉：黑松露菌皇帶子餃，雲吞：個人覺得雲吞好好味自家制墨魚滑：日本黑豚肉：自家製蝦丸：本人十分推介這個蝦丸，爽口彈牙好好味頂級肥牛：牛味十足，雪花均勻，好快食哂烏冬：最後食完海鮮同火鍋料，就食埋個粥底，服務員細心地幫我地落左d南瓜粒，芋頭粒等等⋯粥吸收左d海鮮味後，食落鮮甜好味總結：呢度嘅海鮮非常新鮮，份量十足，我同家人都十分滿意，下次一定會再嚟食過

一行12人(9大3細)慶生 ，之前有book 位，入座就有小食送上：酸辣雞腳，拍青瓜，同埋講解套餐，海鮮套餐：龍蝦餐$278, 蟹餐$238, 雞煲套餐$238, (星期五，六，日，假期前夕 加$10) , 3歲以下小童(1.2米高) $108 。order: 蟹餐$238 送 花膠雞湯 味濃送 冰鎮鮑魚 爽口送 蒜蓉菁口 野味另外可選擇9款火鍋配料(新鮮) 砂鍋粥底米香味配搭海鮮鮮味 一絕，海鮮盤海鮮食落都好新鮮，十分鮮味任飲汽水 不是可口可樂 差d無酒牌，不過可自攜(可提供冰桶)

早幾日放工同朋友去左九龍灣食「發哥粥底火鍋」, 揀左個龍蝦餐😈-龍蝦餐包龍蝦海蝦、多寶魚、貴妃蚌、黃金蜆、蟶子皇, 所有都係生猛海鮮, 即叫即撈🤩-除左海鮮之外，每位亦奉送開胃涼菜✌🏻小碟、燉湯一盅同鮑魚, 比你滋補下先開始打邊爐😌-另外仲可以自選8款火鍋配料, 都幾多選擇下!我地就揀左花膠、響鈴、午餐肉、鮮滑雞、豚肉片、順德釀冬菰、蟹籽丸同娃娃菜勁多野食, 夠哂飽🐷最後仲可以加入粟米🌽、芋頭同南瓜粒，去煮海鮮粥, 真係驚死你唔飽 😂-連竹蔗水同氣水都係任飲, 抵👍🏻

朋友系九龍灣工廈度果邊返工，日日放工都見到發哥粥底海鮮火鍋的招牌，朋友話好似好正就一於去試下，日頭是茶餐廳夜晚是火鍋。蟹籽花膠扣鮑魚炆到好入味又美味可口海鮮拼盆：龍蝦多寶魚，海蝦，貴妃蚌，黃金蜆，聖子皇和時令貝。海鮮好新鮮龍蝦上枱都有少少郁蜆仔肉肥美又冇沙龍蝦又啖啖肉鮮甜安格斯牛肩肉超正，牛味十足，切得夠薄自家製蝦滑好爽彈，蜂巢豆腐和娃娃菜索晒湯的精華食完打邊爐最後用湯底來煲粥好好食粥又好鮮呢度有三種套餐選擇：招牌麻辣雞煲，龍蝦餐和海蟹餐，今次我選擇了龍蝦餐。配2碟小食，有燉湯和蟹籽花膠扣鮑魚，6種款海鮮，又有安格斯牛肩肉同8款火鍋配料自選及汽水任飲

星期五晚搵地方吃飯真煩，商場食店多人排隊，所以交通方便嘅工廈食肆，一向是我喜愛光顧的地方，今晚我就來到鄰近九龍灣德福花園發記粥底火鍋餐廳位於宏開道德福大樓對面，位於工廈地鋪餐廳主打多款任飲任食粥底海鮮鍋，價錢不用三百元我們點選了豪華龍蝦海鮮拼盤，多款一次性美食，包括藥膳鳳爪，馳名燉湯，花膠扣鮑魚 任飲任食當然包括多款飲品任君選擇，有各款汽水，紙包飲品及自家製竹蔗茅根水藥膳鳳爪鳳爪醃得很入味，鳳爪有淡淡的藥材味秘製燉湯燉湯很足料 ，用小盅清燉，味道濃郁，而且完全沒有味精 花膠扣鮑魚花膠是上等貨色，很大件質地軟滑，骨膠原爆燈，鮑魚炆得很腍，而且很入味，鮑魚味夠濃海鮮拼盤有多寶魚，海蝦，黃金蜆，蟶子皇，貴妃蚌等等即劏龍蝦每人半隻，龍蝦肉厚多羔，肉質超鮮甜又爽口，龍蝦味很濃，即劏果然十分新鮮貝殼類蟶子，貴妃蚌及黃金蜆全部都很新鮮很鮮甜， 而且全部都很大隻多寶魚 大大件，肉質很很嫩滑海蝦很新鮮，蝦頭有膏，蝦肉夠鮮甜安格斯牛肩肉新鮮手切牛肩肉，一捲捲的 ，每一件都很長很大片，牛味香濃，肉質鮮嫩吃罷一次性美食之後，還可以自選八款火鍋生料 魚片頭及魚皮餃魚皮餃是高級貨色 ，魚片頭肉質彈牙魚味夠蝦丸及手