癡膠雞 (軒尼詩道)

营业中

休息中

秋冬要進補 食碗藥膳黃酒花膠雞冇煩惱午市長期排長龍嘅痴膠雞🐥 已經唔再用鑊仔上 基於安全問題 話好多食客會唔小心倒瀉。依家轉左仿石鍋咁上 份量再多d ! 除咗出名花膠雞湯之外 貼地價四十幾蚊起就已經有一碗米線 選擇相當多 夜晚仲有一人邊爐 你想食咩雞 就有咩雞! 今次要藥膳黃酒花膠雞🐥 $68 湯頭超級濃郁 份量多到我堪稱吸湯大笨象都飲唔曬! 額外加咗竹笙 同轉咗雞髀 要食就要食最好 當歸味道都相當濃～ 順帶一提 佢哋仲請緊廚房斬雞備貨 人工兩萬起㗎！快d踴躍申請啦!

成日都好多人排隊食嘅一間出名食花膠雞嘅雞湯米線今次一於排隊試下佢！入去見到好多一人一煲火爐上嘅雞湯好吸引我都忍唔到叫左個招牌花膠雞煲翅用爐上同椰子雞湯米線爐上～最1001分係姐姐們勁好服務！人多地方淺窄都好好服務招牌花膠雞煲翅好香濃雞湯 花膠都算多 濃厚的膠原感 雞都算多 肉質都幾嫩滑 不錯！個湯仲可以加餸食火鍋 冬天食一定暖笠笠好滋味！椰子雞湯米線超濃厚嘅椰奶湯 好香滑清甜 仲落左蟲草花 紅棗 雲耳同椰片 好養生的感覺！配米線食好夾 軟硬度適中 真係要連湯都要飲晒 好味！椒鹽粟米見到賣相太吸引 叫左碟食 果然係超甜粟米 即使係椒鹽炸過上都冇掩蓋佢本身超清甜嘅味道！一定要食！檸檬薏米水食熱辣辣嘅雞湯米真係要配杯凍飲 檸檬薏米水煲得幾好 薏米夠淋 感覺好清爽！

冬天特別想食滋補湯麵，今次食呢間花膠雞米線專門店位於灣仔，街坊小店唔算好多位，佢哋嘅招牌花膠雞米線好好味，好多人叫！仲有好多其他口味米線，又可以打邊爐，去開附近可以試吓～🔸招牌花膠雞米線 $68有得揀跟爐上，一邊食一邊熱住個湯，keep住熱辣辣，天氣凍時真係好正！雞湯濃郁，飲落有啲奶味，好香濃！雞肉係雞脾切件，都幾嫩滑，啖啖肉😋 有3塊花膠左右，口感爽滑，唔錯！米線幼滑，口感偏少少腍好易咬，掛湯食正！🔸人蔘雞米線 $60呢款個湯有少少藥材味，都好好飲！人蔘有五、六條，少少甘甘哋，仲有紅棗、雲耳，好滋補！呢碗雞肉係雞胸肉，肉質唔會好嚡～🔸金磚豆腐 $42好好食！豆腐外脆內嫩，唔厚粉，推介！🔸蜜桃烏龍冷泡茶 $10味道正正常常，幾抵飲！🔸咸檸梳打 $18半個咸檸，加梳打水，味道唔錯～

呢間餐廳出名係花膠雞,我地叫左胡椒豬肚湯底既米粉同埋加10蚊轉左雞脾,雞脾既肉質嫩滑，每一口都充滿了鮮嫩的口感,味道鮮美另外，佢地既花膠質地軟嫩，口感滑順，充滿了豐富的膠質，味道純正軟熟,加配都只需$30。湯底使用火煲熬煮，保持了湯品的營養和濃郁味道，胡椒的香氣與豬肚的鮮甜相互融合，帶來了一種獨特的風味體驗。當然，他們還有羅漢果菊花茶,羅漢果菊花茶清新怡人，帶有淡淡的花香，是一個消暑解渴的好選擇。而清湯沙薑雞,雞肉同沙薑好夾,加埋肥牛,肥牛肉質鮮嫩多汁，口感豐富，每一片都帶有濃郁的牛肉香氣,份量好多好抵食。

呢間餐廳係專食用爐一路煮住嘅雞湯米線🔥淨係見到個餐單嘅名稱已經覺得啲米線好養生好滋潤👋🏼啱晒呢啲突然間又轉天氣嘅季節🥶🐣招牌花膠雞米線，係跟個爐一齊上奶白色嘅湯底令人垂涎欲滴🤍飲落口就係雞湯嘅清甜💛飲完一啖又想飲另一啖因為個鍋一直用火燒住 所以啲米線湯同埋雞都keep住溫度，飲得好舒服🥳雞嘅份量都唔少，而且好肥美 亦都好嫩滑😄米線有彈性，軟硬度適中我加咗生菜，令到呢個晚餐更加balance加多杯嘢飲 
凍檸檬薏米水👋🏼

天氣轉涼又想食熱辣辣嘅米線，又想貪心d要補補身，選擇呢間米線店就冇錯啦👍🏻平日見到佢要排長隊，夜晚泥食就可以避過午市嘅人龍。黃酒藥膳花膠雞湯米粉($68)最正係佢可以連煲上。滾著碗米線熱辣辣噴曬煙咁端上來十分滿足😌 藥膳味好濃香味撲鼻，入邊用上藥材同紅棗煲起，藥膳湯都唔會好鹹，真係忍唔住想煲湯飲晒😌今次自己揀咗米粉可以將啲湯到索埋，呢個決定真係冇錯😛加上雞肉十分嫩滑有雞味。大滿足！花膠雞煲翅火鍋($98)貪心啲嘅話就可以試下打邊爐方法享受花膠雞湯底，本身就已經配上分量大嘅雞，雞肉同樣嫩滑同有雞味，再配有花膠，真材實料冇得談。之後就好似打邊爐咁，有其他配料可以選擇今次就加上集材拼盤同埋蟹柳，想食牛肉的話都有牛肩隻。舖頭店員都好好幫忙，態度良好，內在環境都算係坐得舒服，好適合同三兩知己打個小邊爐又可以補下身咁🤗

單睇店名已經知道呢間店最出名嘅一定係雞，沒錯，全部都係雞，仲要係花膠再加雞痴埋一齊食，絕對夠養生。店舖面積比較細，人多時候都要等多陣，店員好忙做唔停，自行用APP落單就快捷方便點。因為唔算太餓，無點米線或酸辣粉類，直接就叫了半隻痴膠雞。整鍋雞連埋小火爐上，湯底味道濃，帶有雞油香味，花膠都有6至8大片，咬落爽滑，雞件份量足半隻，肉質軟嫩，食到一半已經覺得身體暖笠笠，最後連湯都飲晒見鍋底，感覺很滋補。小食方面，本來都想試下期間限定的涼拌海珊瑚，不過可能太晚去已售罄。於是另外點了明太子釀雞翼及金磚豆腐，兩樣都係即叫即炸，即之熱辣辣所以小心燙口。雞翼釀得幾飽滿，好多肉，入口微辣；而豆腐就有成20粒咁多，沾滿香口的七味粉，極之惹味。PS.老闆似乎係SLAM DUNK迷，門口處貼有幾張手繪漫畫，唔知係咪佢自己畫的呢?痴膠雞(半隻) $148明太子釀雞翼 $20/隻金磚豆腐 $42

嗰日天氣幾凍，鋪頭外面到都有成串人排隊，就係為左碗雞湯米線，依到特色係每碗都有個爐熱住，包你食到尾都仲㷫恰恰🔥—— 招牌花膠雞米線 $78 （轉脾另加$10)見個湯咁金黃都知正野！湯底雞味好出，連埋啲雞油味道更加出色，加左花膠飲落就再濃稠啲唔係水滴滴，用火一路煮越煲越好味😋雞件份量唔少，轉左雞髀肉質好嫩，花膠夠哂淋，都有3-4塊﹐成碗米線勁足料—— 椰子雞米線 $60 依個湯底更清甜﹐一路飲完仲想飲😂當飲湯都覺得好好味！今次冇轉雞髀就俾左啲雞胸肉，不過都唔係好柴，仲留有雞味—— 金磚豆腐 $42同酒樓嗰啲有得揮😋即叫即炸，粒粒上粉好均勻，炸皮夠薄又好脆，豆腐超嫩滑﹐下次再去都一定encore！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 癡膠雞 (灣仔)灣仔軒尼詩道254號地舖

天氣凍成日好想食熱嘢，打邊爐就最好，但係唔係成日有咁多時間慢慢嘆邊爐。呢間嘅米線有火爐㷫住，可以暖笠笠食個快飯。招牌花膠雞米線 $68湯底奶白色幾濃郁，配料豐富，有3-4塊花膠，滿滿骨膠原。雞件雖然唔係髀位，但係都唔會好嚡，幾有雞味。雞，米線有火爐keep住熱辣辣吸湯汁，香濃軟滑有咬口。藥膳黃酒花膠雞薯粉 $68一上枱已經聞到當歸果隻藥材味，飲一啖湯有淡淡酒香，藥材味恰到好處，仲有啲紅棗香味，好滋補嘅感覺。爐一邊㷫熱一邊食薯粉，湯汁越嚟越濃，薯粉入晒味。花膠同樣有4塊左右，雞髀加$10就有，睇個樣好吸引，雞肉好嫩滑，肉質鮮嫩又唔會霉。雲耳豬肚$38豬肚爽口，唔會硬，有咬口得來唔會𡁻橡筋，麻辣醬汁辣度適中，好惹味，配上雲耳好爽口。明太子釀豆腐雞翼 $20/隻雞翼皮炸得好香，一口咬下先係嫩滑嘅雞肉，然後裏面釀咗滿滿嘅明太子，少少惹味嘅辣，沾上少少沙律醬一齊食更加滋味。

第一，詢問餐牌態度差劣，職員同我地講睇都睇得出第二，花膠雞湯份量小及雞不滑而有碎骨，湯味道淡，比起其他鋪花膠湯底較為淡口，第三，我剛剛起身走，還未企直，就叫人入座，當時還有其他枱空置，亦冇人留位，可以等我行左出去收銀機時才叫人進店，簡直係大排檔服務，女職員安排超差，進食時間只係食左半小時，不是坐好耐總結，我睇完好評先去試，但食完之後唔會再有下一次，對比起香港其他食花膠米線的舖頭，不值得浪費金錢，因為這三點，另我下定決心打二百字給負評，唔怪得知咁多人唔留在香港消費

想吃健康但味道不錯的東西?灣仔我有一間好推介！因為最近常在那附近，給我發現了一間超好食的養生雞湯米線，雖然它賣的是傳統養生麵，但改了一個挺潮的店名，叫「痴膠雞」。故名思義，花膠和雞都是它的主打。🔹藥膳黃酒花膠雞米線 🔹大大推薦這個喝一口湯底馬上暖和起來的藥膳黃酒米線，下單的時候可以選擇用鍋上還是碗上，用鍋的話還會有火一直溫著麵，不怕涼，但要吃快點不然湯都會蒸發掉。這間的花膠都是真材實料，有厚度的！雞肉份量不少呢，而且滑嫩有雞味。我配的米線也很爽滑。🔹羊肚菌花膠雞米粉🔹我覺得呀，雞湯還是配米粉最搭，每口都吸附到湯。我額外加點了竹笙跟雞湯也很配。湯頭對比藥膳黃酒的會清淡一點，有媽媽的味道，沒有味精，喝光也沒有感覺口乾。整體非常好，重點它不貴，在灣仔吃這麼足料的麵一碗才＄6X，性價比很高。美中不足是這裡坐位不多，也有點擠，不過為了美食可以接受！

好多人鐘意食嘅痴膠雞，lunch經常排長龍，放工時間食就好啲不用等位

🥥椰子雞米線💰$60比較鐘意椰子雞湯，因為多咗椰子香，湯底襯熱飲十分香濃清甜，奶白色湯好吸引🤩雞好滑好好食，米線質地腍身好啱我，加埋$15竹苼，索晒啲湯汁超正

🐥沙薑雞擔擔麵💰$48先生好鐘意擔擔麵，湯底幾濃郁，沙薑雞好好食！加咗$30要美國牛肉，索咗擔擔汁又係好食
🍋檸檬薏米水💰$18
清甜好飲🚩癡膠雞 (軒尼詩道) (灣仔) 癡膠雞 Crazy Chicken📍灣仔軒尼詩道254號地舖

天寒地凍，經常會幻覺自己飲一口雞湯，然後全身暖暖🤣其實現在喝一碗足料的雞湯也不是這麼困難，今天來到灣仔就找到了這一家專門吃雞湯米線的好店。打開餐牌，最搶眼的首選花膠雞系列。選擇原來也不少，除了經典花膠雞湯底外，還有椰子雞、黃酒雞、胡椒豬肚雞等等，全部養生有保暖🧡不吃花膠雞的話還有海南雞飯、酸辣粉、擔擔麵等選擇，小食包括人氣很高的金磚豆腐等也有提供。既然想吃雞湯，我就一次點了黃酒花膠雞米線和椰子雞米線。黃酒花膠雞米線湯頭濃郁，完全沒有味精造假的味道，鮮甜又滋補。黃酒份量非常足，喝兩口已經全身「暖笠笠」，實在是冬天的恩物😁椰子雞我們選擇了連火鍋上桌，慢慢吃吃，也不怕湯頭變冷變味👍🏻這個免費提供的服務實在貼心。椰子雞湯非常的原味道！樸實的椰子香味混合了鮮味的雞湯實在是一絕，順滑又香甜，裏面還真的吃到鮮椰子肉。隨米線奉上的雞肉很嫩滑，都是選擇骨頭較少的部位，有啖啖肉的口感。

<#🐳肥肥食記🐳>🍚食物🍜口水雞擔擔麵 $66麵充滿麻醬香郁 香濃不膩 問店家才知道製作過程繁複 先再碗內加入辣油 醋 芝麻醬 花生粒等配料 再加上濃湯煮成 最後再加上手打麵口水雞淋上豆瓣醬 咬一口雞嘗到辣味 之後再嘗一口麵 你會發覺口裡食到麻味 一個挺特別的經驗🍹羅漢果菊花配飲料方面 選了一杯特飲 羅漢果止咳化痰 清熱氣 適合啲現時天氣飲 飲品清甜 可能是因為加咗菊花 帶出淡淡的花香味 明太子釀雞翼$20雞翼入面塞了很多的碎蔬菜 包著再去炸

好多人鐘意食嘅痴膠雞，lunch經常排長龍，放工時間食就好啲不用等位除咗米線外，仲有飯類、小食等，不過多數人都會食招牌雞湯米線

主食 椰子雞米線$60比較鐘意椰子雞湯，因為多咗椰子香，湯底襯熱飲十分香濃清甜，奶白色湯好吸引🤩雞好滑好好食，米線質地腍身好啱我，加埋$15竹苼，索晒啲湯汁超正

主食 沙薑雞擔擔麵$48好鐘意擔擔麵，湯底幾濃郁，沙薑雞好好食！加咗$30要美國牛肉，索咗擔擔汁又係好食
飲品 檸檬薏米水$18
清甜好飲